彩aya

營業中

休息中

星期一收工後, 同男朋友去呢度食沾麵。我係唔同餐廳食過沾麵, 試過有D麵太硬，一係就個湯太鹹，一係湯太稀掛唔到汁， 直到遇上Aya, 終於俾我遇上一間我滿意既沾麵店!我試左蝦味噌湯配小麥麵, 男朋友試左黑蒜油湯配 “今日Special” – 黑芝麻麵蝦味噌湯入口非常鮮, 充滿濃郁蝦味; 小麥麵就咁聞都聞到好香小麥粉味! 未食已經知係真材實料, 用心製作! 黑蒜油湯都好好味，蒜油味濃而不假, 黑芝麻麵好香, 好少機會食到呢隻麵, 幾特別~配料仲有兩塊叉燒同一隻溏心蛋，蛋黃呈半流心，但略嫌棄蛋味唔夠濃（可能俾蝦味蓋過🤔）由於個蝦湯真係好好味，食完個麵後，叫伙記加d木魚湯，加左木魚湯既蝦湯又另一返風味，最後飲哂成碗湯食完之後唔口渴, 麵既份量好足夠, 價錢都只係$78-88 , 絕對性價比高, 值得再回頭。