彩雲軒 (已結業)

環境是相對較大嘅茶樓，座位之間距離適中，等位方面就要睇時段，中午要等幾個字至半個鐘，下午茶幾個字點都有位。服務不周到，浸茶、收野等等好慢，有時叫左佢都未必應你。少有漏單情況。食物方面，小、中點得好少選擇，幾乎無野好食。粥品唔錯，不稀亦不「傑」。值得一提係呢到嘅炒野真係好抵，炒飯、炒河等都係$55，中價茶樓黎講算好平下。炒飯值得推介一試。小窩米線幾大兜，成班人食都夠，米線唔會碎濕濕，而且索哂上湯啲味，不俗。

鰂魚涌嘅打工仔都會知道，太古坊一帶因為附近新建寫字樓大廈，搞到封完呢條路又封另一度。本來已經好高消費💸💸💸嘅午餐，因為路路不通🚫搞到選擇愈來愈少。小秘書而家約同事飲餐茶☕️，都員只可以去「彩雲軒」。本來近近地就最好不過，既唔使曬太陽，又可以多十分八分鐘吹吓水💦 不過有人就因為獨市生意恃龐生驕，上上下下嘅員工都好唔拈，我哋坐抵十分鐘壺茶都未攞嚟，想追吓啦，個侍應又扮見我哋唔到... 貼錢買難受😤好在「彩雲軒」啲點心都尚算有水準，炸魷魚酥、煎青椒都係我至愛😍 係碟油菜就最失真，乾爭爭咁又細碟，加埋一都唔平㗎，好心就比多少少菜落個碟啦🤨

今早兩人在彩雲軒酒樓飲早茶、這裡裝修企理，燈光明亮，枱與枱之間也算寬闊，早茶有特惠點心供應，我們點了一窩生滾粥，選擇豬肉丸和魚骨腩。粥的份量很多，三人也夠吃，粥底綿滑，熱騰騰送上，加小許楜椒粉調味更可口。魚骨腩和肉丸鮮甜，整大碗粥價錢才$29，認真超值！另點了兩款點心，一個拉布白滑腸，腸粉爽滑，可惜只有鼔油，沒有提供麻醬和甜醬辣椒醬，美中不足。另外一個點心是白玉時蔬扎，這個純蔬菜做的點心，薄薄的冬瓜片把南瓜條、西蘭花，和一件豆付卜捲在一起，味道不錯，平時吃得肉多，吃這個點心就不覺得油膩！埋單兩人連茶錢才百二蚊，抵食！

今天是父親節，我跟一家人的去了在鰂魚涌的彩雲軒喝茶。這裡有一個好處，就是可以打電話過來訂位，但是只是優先入座，不能保證留枱。今天是父親節，來飲午茶的人也很多，但是好彩酒家的桌子是很多的，所以轉枱好快，唔洗10分鐘就入座。我們這次點那個雪鴨肉絲紋米，還有叉燒包，虎皮尖椒，賽螃蟹餃，牛肉腸，等等，味道上我還覺得是很有水準的。最後五個人才吃了＄450，環境不美，在這個商業地區算是很不錯的。如果要相比太古的酒家來說，太古等位的時間耐好多，彩雲軒是一個比較好的選擇。

長輩鍾意飲茶。。同區既潮州茶樓裝修。。所以黎呢間。。但係附近有地盆。。好唔方便10點去到要等位。。10分鐘左右就有位。。早市既紙仔冇哂。。要主動叫先有。。第一個食物等左20分鐘先有。。最遲既就等左2個鐘。。最後有2碗漏左冇黎。。強烈推介米網蘿蔔絲腸(大點) 。。脆脆的。。滑滑的。。又大份。。菜心。。普通。。有菜蟲。。不過好正常。。牛肉球(大點)。。以大點黎講就貴左少少。。腐竹好正煎蘿蔔糕(小點)。。十分正。。4塊。。香口。。叉燒包(小點)。。3隻。。不過不失。。唔係大隻。但材料okay干蒸牛肉燒賣(13.8) 見到早市特價。。一般。。都幾抵。。鮮蝦炸雲吞。。(12.8)。。 好正。。唔係大隻。。但蝦仔幾好味。。生滾粥就等左我地2個鍾。。唔緊要。。飲茶都係想坐低傾計姐。。我地叫左3個配料。。真係好大盆粥。建議唔好叫菇。。因為係乾菇發開既唔好食。。茶位10蚊位。。d茶長期係凍既俾漏左蝦餃燒賣。星期日全場爆滿。。埋單4大1細 240。。覺得幾好全部食物都會配上應有既醬。。值得讚

本來打算去細佬屋企開大食會慶祝母親節，所以完全無book任何餐廳，但到咗當日，細佬話彩雲軒仲可以有位訂枱，咁好啦，就決定訂枱食呢間。我哋共有9大1小，叫6人餐唔夠食，12人餐又多得滯，竟然發現有個餐係for 8人嘅，正呀！就係呢個餐喇，見到有兩味餸都係8件，就覺得佢係俾8位食嘅。個餐第一碟嚟到嘅竟然係燒雞，平時去飲宴，呢味餸多數都好後先到，每次都會因為飽而唔食，今次第一碟就食佢，仲覺得特別好味添。呢碟係我全晚最like嘅，菜&魚都好味到癲。鵝掌超大隻，正過隻飽魚呀。大煲到嚇死人，份量足有12碗咁多。燒汁整嘅魚原來係咁夾架，我哋全家都覺得，大碟啲就好喇，可想而知係幾咁好味。佢用嚟放响節瓜脯下面嗰啲生菜，竟然係好爽脆，有驚喜。荷葉飯我本來就唔鐘意嘅，但屋企人話good架。屁股包，都係good喎，入面隻咸蛋流心架囉，堅正。2L嘅橙汁。呢個併盤係細佬加嘅，全部都好好味，仲第一次見到有煙鴨胸添。總結係：母親節餐竟然無特別加價，質素仲咁好，以後一家人要慶祝食中菜，呢間一定係首選。

今日又約咗客係太古坊傾嘢，由於係約食lunch傾，所以係附近搵間酒樓一路傾一路食。3個人叫咗10個點心，啲點心唔錯，煎尖椒係最好味，上菜速度算快，但埋單好耐，可能又係唔夠人手！

今天媽媽的朋友請吃飯，我被邀請一同前往😏😏我們一行五人大約7:30到達，酒樓有大量座位我們點了5道菜（第四寶是蟹+燒味拼盤+星斑兩味）🍴🍽😋薑蔥炒鮑魚醬汁味道不差，但是薑蔥上碟時散發出濃濃的燶味，鮑魚有咬感，沒有燒焦😋😋主角登場：清蒸亞拉斯加長腳蟹，足足有5斤幾重，掀開蟹蓋，蟹膏源源不絕流出來，十分惹味，隨蟹附送醬汁，沒有蘸醬也鮮味十足😋我朋友是蟹腳肉點蟹膏食，我是拆肉大口大口的吃🤤🤤🤤不同吃法，同樣美味🤤🤤燒汁星斑頭腩香脆可口，醬汁惹味，星斑肉質鮮嫩，朋友最後也忍不住叫了一碗白飯，然後大快朵頤😋🤤😋碧綠炒星斑球碧綠指的是西蘭花🧐🤔這道星斑球略鹹，吃畢後要瘋狂喝水，相比上一道星斑頭腩，這道略嫌失色，不過同樣地肉質鮮嫩🙃🙃最後在大家差不多吃飽的時候，來了這碟五福燒味拼盤（鴨胸、牛𦟌、燒雞、叉燒及海蜇）😆普通燒味拼盤味道，就不作介紹了😁🤗最後，酒樓送了芋頭椰汁西米露（攝影技術不好，影像較為模糊）及水果拼盤（菠蘿、西瓜🍉、哈蜜瓜）（忘記影相）🤪🤪一行五人，9點多，吃飽飽地離開...😇

本以為彩雲軒好歹是知名連鎖酒樓集團「好彩」旗下的餐廳，服務質量應該ok。誰知道，今日一去，才知道這家分店上至著黑衫嘅所謂高級waiter、下至端菜員，都係咁一致嘅！點樣一致？就係「黑口黑面」，態度其差！筆者同三位老人家一齊，本來打算開開心心可以禮拜六盡下孝心，點知連老人家都覺得呢間餐廳服務不濟，甚至同我講：「乜今時今日咁嘅服務態度都得？」我唔知道係唔係因為我地係生客，但我真係覺得，我同其他熟客一樣俾咁多錢，都係消費者，無理由咁樣。我好少寫食評，但真係不吐不快。呢間餐廳食物正正常常，但服務真係非常差。

又farewell.lunch.假期工男孩last.day了, 青春真好。近近地樓下酒樓吧。星期五特別多人。明顯唔夠人手，呀姐超燥。一路唔夠架生(碗筷茶杯）一邊手濕濕咁 徒手續隻攞出嚟(表現五爪金龍插茶杯杯）終於有茶，齊杯碟。(齊齊洗杯）叫左兩個餐加點心。過程好耐，落單，上菜好亂，姐姐們又燥左了。餸菜開始到了：食落疑似咸魚雞粒炒飯的炒飯，好乾身帶點硬。蘿蔔糕好晶瑩，即係得粉冇料到。笑賣😕，“講“係松露笑賣就加幾文了。蝦餃就皮厚，冇乜味。腸粉，好厚粉。包點好彩冇乜驚喜有年青人包底，掃哂。埋單都唔駛一千文，九個人。好似好抵。但唔知食左乜。埋單都要自己去搞單，攞單，簽咭。。。快加人手，改變下啦。雖然附近office多，又冇乜酒樓選擇，但食客係有底線㗎。

我們這四大家庭，2，3月是生日大戶，親人大方，宴請所有人來吃一餐豐富的生日晚飯，也是難得除了新年中秋外的大家庭聚會。姨媽一早便預訂了這長腳蟹十二人套餐，我們想都不用想，一齊人便可叫服務員上菜，菜式真的十分豐富!蔥爆炒蝦炒得入味非常! 蔥的香帶出了蝦的鮮味，蝦大大隻，亦也爽彈，不會過油，不錯!再來是一魚兩食，一是魚片炒西蘭花，這是較普遍的做法。魚片頗滑，油分充足，但稍嫌炒得有點過火，魚的肉質較為韌，西蘭花亦炒得入味!二食是魚片豬腩肉煲。魚肉和豬腩肉在這一鍋中彷彿已融為一體，不論魚片或腩肉的肉質均十分軟腍，油香充滿整個口腔，滋味無窮!片皮鴨是其中一個主菜。片皮鴨有連肉的，面層的只有皮，一籠薄餅皮，旁邊附有必備的配料，甜醬，青瓜，蔥，這裡還有較為少見的酸菜。鴨皮豐有油香，肉質較實，有咬口，餅皮略厚，也因此富有麵粉香，配上青瓜，甜醬，和酸菜，酸中帶甜，增加爽脆口感，另有一番風味。生菜包一大盤上桌。生菜幾乎整個上，以豬肉碎，豆腐，酸菜，蔥花炒成，肉亦挑選了有油份的，增加油香，以生菜包來中和了油膩感，更添加清新爽脆感。再來有兩道肉類，一是椒鹽牛脊骨，椒鹽調味甚濃，有點蓋過了牛肉味，我吃了一口便沒有

心血來潮同同事兩個人又想飲菜！禮拜三冇咩人12:15左右到就可以直接入去。平時唔訂位要等勁耐今次竟然大把位！我地兩個叫左5個點心小食！口水雞！唔算太辣，但係就麻！好惹味！招牌燒bb鴿非常好味！熱辣辣上台。皮脆肉嫩！唔會太老太'鞋' 非常香口。建議大家要趁熱食，如果唔係凍左皮就冇咁脆！呢到有個好處蝦餃同燒賣都可以叫兩粒一龍！唔洗3粒4粒食唔曬！兩個人叫呢個岩岩好一人一粒！用料十足！大大粒啖啖肉！椒鹽豆腐不過不失！外脆內嫩蘿蔔膏都算係彩雲軒既招牌。次次黎都會叫返一碟！用料豐富啖啖蘿蔔！值得推薦

長輩生日，酒樓開生日會是基本動作啦。去彩雲軒，多數是飲茶居多，是次生日派對，試試晚飯小菜！先來燒豬全體，老實講，肥膏太多了，沒有燒豬醬，跟本沒有味道。燒鵝....太'鞋'、太'乾'，很生的一輩也拼力地咬呀咬，也難咬開，何況是老人家？龍蝦伊麵，好好味！啖啖肉，麵也吸收到龍蝦汁的精華！好味！主角出場！蛋白花雕蒸長腳蟹！長腳蟹啖啖肉，吃到海鮮鮮味！花雕蛋白呢，滑，香，配微淡酒香！一絕！極力極力推介！葡汁焗蠔，還可以啦，葡汁味重，一人一隻，已飽到不行了。還有㰖菜骨也不錯（太飽沒有再影），炸子雞，蒸班也不錯！蛋白花雕蒸長腳蟹會是首選推介！

Attend VIP section, service is poor, delay on food presented. Have to push for food, but waiter/waitress just ignored and pretended too busy. Fried rice cold due to long waiting time, other foods ok.

完全就係唔夠人手，叫勁耐都無人過來，上菜時係招呼都唔打，碟餸「飛」到你張檯。所有服務員好似你欠咗佢地幾百萬，黑口黑面，叫極唔應。食物味道係真係好ok，衰在understaff, 令到成個體驗很不愉快