彩雲軒 (已結業)

環境是相對較大嘅茶樓，座位之間距離適中，等位方面就要睇時段，中午要等幾個字至半個鐘，下午茶幾個字點都有位。服務不周到，浸茶、收野等等好慢，有時叫左佢都未必應你。少有漏單情況。食物方面，小、中點得好少選擇，幾乎無野好食。粥品唔錯，不稀亦不「傑」。值得一提係呢到嘅炒野真係好抵，炒飯、炒河等都係$55，中價茶樓黎講算好平下。炒飯值得推介一試。小窩米線幾大兜，成班人食都夠，米線唔會碎濕濕，而且索哂上湯啲味，不俗。