彩雲軒 (已結業)

心血來潮同同事兩個人又想飲菜！禮拜三冇咩人12:15左右到就可以直接入去。平時唔訂位要等勁耐今次竟然大把位！我地兩個叫左5個點心小食！口水雞！唔算太辣，但係就麻！好惹味！招牌燒bb鴿非常好味！熱辣辣上台。皮脆肉嫩！唔會太老太'鞋' 非常香口。建議大家要趁熱食，如果唔係凍左皮就冇咁脆！呢到有個好處蝦餃同燒賣都可以叫兩粒一龍！唔洗3粒4粒食唔曬！兩個人叫呢個岩岩好一人一粒！用料十足！大大粒啖啖肉！椒鹽豆腐不過不失！外脆內嫩蘿蔔膏都算係彩雲軒既招牌。次次黎都會叫返一碟！用料豐富啖啖蘿蔔！值得推薦