彩雲軒 (已結業)

已經進入了倒數階段相信以後都沒有機會再黎呢到飲茶食野一排冇黎~點心紙都轉了款式~試左個鮮蝦百合餃好新穎未見過第二間酒樓有呢隻餃一籠有3隻唔似鮮蝦菜餃百合餃隻隻都白雪雪食落口充滿百合的香味百合爽口~味道清甜適宜夏天食用~不足的地方:首先鮮蝦欠奉一隻餃只有一小隻蝦似食素餃多o的另外呢到o既餃上檯時經常有「緊密接觸」難以分離一分開餃皮就會爛....裡面o既涵跌哂出黎而且餃皮比較厚大點價錢本人認為不太值得不過可以過下想食百合o既口癮~

其實每個星期六, 我也會一家三口到魚涌探母親, 通常都會到彩雲軒飲茶。下午茶時間, 坐滿人, 不過不用等太久就可入坐。食物都幾有水準, 我最喜愛食春卷、飽汁雞腳。另外, 粥也好好味。四人加上小女兒, 埋單一共$160, 都算ok啦

4月6日話說呢日小女子突然乖0左, 要黐住家中二老, 連church都無返 結果就跟隨二老同班世叔伯0黎呢度飲茶~食物還算不俗啦, 我喜歡佢個荷葉飯同炒米粉, 唔太濕身, 幾好~~叉燒包都好食!! 唔會一味甜~~個包身唔差, 餡包份量也balance~~很欣賞那個雜菌粥, 因為很菜!!!! ^^唯獨是茶方面不行...水唔夠熱, 沖唔起d茶葉...>.<

已經有好一陣子冇黎呢到飲茶今日難得時間配合到~就黎呢到飲下茶先啦!冇黎一排~人面全非~有好幾位侍應唔見左~例牌照舊食菜食點心~>白灼唐生菜~油多左d...>懷舊蘿蔔糕~可取~唔粉又夠平~~~>瑤柱珍珠雞~一籠有3小隻~size奇細~但勝在好味! 最鐘意見呢到o既珍珠雞~ 係我目前為止食過最好o既珍珠雞~>鮮蝦菠菜餃 上次黎o既時候仲係「鮮蝦豆苗餃」 今次黎~可能因為天氣轉曖o既關係 豆苗已經入唔到貨~所以要用菠菜~ 味道一般~又係帶有少少辣味! 又俾左薑呀...... 芡汁太濃~蝦欠奉~ 上檯o既時候見到其中有隻餃皮爆左 裡面有d料溜左出黎 賣相差勁.... 呢碟野唔係太好....2個人total食左$7x...算係抵o既~不過問題係呢到成日都要排隊....就以今日為例...等位就已經等左半個鐘....

公司做野果度出左release有新同事join有visitors有好多野黎緊要做所以就去左飲茶, 慶功加慰勞book 左兩張枱, 所以唔洗等位嗌左好多野食, 不過都黎得好快食物質素我覺得一般服務一般o係咁既地區, 都無太多要求喇

今日放學黎呢到飲茶唔知點解今日多左幾位高層坐左o係到d侍應服務態度突然間好左幾倍果然係「識時務者為俊傑」個個變哂臉....~新嘗試蝦餃都幾貴下..差唔多成$30一籠不過隻餃幾飽滿...~d蝦幾彈牙...但係收$30的確係唔抵!另外仲試左鮮蝦豆苗餃勸大家唔好食因為呢到d豆苗餃唔知搞乜...居然有好多薑絲o係裡面所以食落口有好重薑味唔單只仲係辣嫁!!雖叫鮮蝦豆苗餃..但只見豆苗唔見蝦..唔知係咪見我叫左蝦餃食夠哂所以俾豆苗就算數呢!?!??!!??!呢碟點心要$24.5比起美心..本人覺得美心o既豆苗餃好食d...~唯一抵讚o既係呢到o既紅燒乳鴿好細心咁俾埋隻手套你~而且隻鴿炸得夠脆~好好味!!~

食物水準唔係話太高同好彩差唔多之但係呢到o既服務差到爆!!話說黎左呢到飲茶因為要等人o既緣故由9:30坐到差唔多10:50先食得2碟點心近11點...朋友打黎話差唔多黎到於是落單叫野食點知個侍應話:「坐左咁耐而家先叫野?」關你咩事先?我係客人...有權選擇幾時叫點心!!好過份囉...唔知咩服務....真係以後過返西環好彩食好過....不知所謂!!!!如果唔係呢到近朋友office都唔會黎呢到...!

話說飲茶前一晚向父母發了一陣子脾氣, 導火線是我媽媽啦. 媽媽為0左"乙水"返我, 就話第二朝同返我飲茶.是日侍應們都好忙碌, 態度又唔好, 正值新正頭但我又無俾利是, 難道就係呢一切一切加埋等於我接受唔到良好0既服務態度?? @__@" 雖然未算良好, 但又至於好差0既...至少我件褸受到良好的對待, 有褸套蓋一蓋...叫左都好幾籠點心, 都唔平@x@"質素都ok 0既~但印象特別深0既就無乜...事隔一星期, 只係記得佢腸粉皮幾滑唔易散, 蝦都唔係俾d霉0既你~馬拉糕好鬆軟好香!!!其餘的...都唔係好記得係點lu...不過咁貴, 下次惠顧都唔會係短期內0既事.

前天卜了位食Lunch 13:00，本人１２：５５分到達取位，結果要等到１３：３０才有位比，返而Walk in 到的其他人士仲快有位給，請問一下這樣就是卜位la?　服務其差，下次請我的話，我都不會去，只好說今時今日這樣的服務態度未夠好，去睇劉德華的廣告吧．

今朝黎呢到飲茶之後去左太古行街行到食dinner時間諗唔到去邊食又唔想去鴻星咁貴就決定黎呢到試下食dinner>瑤柱豆苗($78)very good!!d豆苗又多又嫩~味道好~瑤柱又夠多~>xx海中寶($58)唔係好記得個名唔抵食好少料...主要以四季豆為主完全見唔到海鮮.....下次唔會再叫>東星斑兩味($238)份量太少...3個人食唔夠食...不過條魚o既肉的確唔錯....煮得都幾好..最大問題都係個價錢太貴!!!飯後有水果做甜品~健康呀!埋單$500....算ok吧!

成日都去好彩飲茶今日轉戰好彩o既好兄弟--彩雲軒飲個早茶估唔到咁多人差唔多冇位食物價錢比好彩高服務唔見得有得好不過好欣賞佢地o既金瑤珍珠雞食過尋日鴻星o既珍珠雞後今日o係呢到食o既珍珠雞明顯比鴻星的好首先一籠有3隻珍珠雞的料比鴻星o既豐富有瑤柱...冬菇...蛋黃反觀尋日o既鴻星得一堆豬肉碎....一籠得2隻...而且價錢十分貴...另外今日仲叫左咖哩金錢肚、白灼芥蘭、沙薑雞腳、紅燒乳鴿、上素粉果、炸蝦角、馬拉糕埋單都只係$230真係幾抵食~

2 月某日去食晏, 去到見到啲枱放到密密麻麻, 我哋張枱係一大堆枱中間, 搵咗好耐先搵到條路仔入去.開茶開足15 分鐘, 催極都話等等等, 附近遲嚟都已經飲緊食緊, 就係唔俾茶你.枱與枱之間幾乎冇空間, 侍應人客不斷係背後出出入入, 成日有意無意碰到你張櫈, 全程食唔安, 坐唔樂.叫錯咗個傳菜換隻污糟碟, 其實唔係你做你可以出句聲嗟, 佢就一句聲都唔出當睇你唔到就算.最離譜就係冇人叫過埋單, 就走埋嚟問你係咪埋單, 都話咗唔係啦, 點知隔咗10分鐘佢直頭拎埋張單嚟問你係咪埋單, 痴鬼線, 係咪咁趕客呀.更離譜係有啲點心冇嚟過, 但係就照出係張單到, 唔通真係博你大霧?條氣唔順, 幾好食都假~

(23/9/07)原來酸薑唔一定要夾皮蛋先好食,夾紅雞蛋都唔錯。是晚出席老公朋友的BB滿月酒,環境裝煌都幾靚,同事說這間是好彩集團貴版黎架!乳豬、腰果西蘭花炒帶子、上湯龍蝦、海斑、發財瑤柱甫、燒雞,樣樣都好好食,係翅麻麻,獻羹太多。蛋白瑤柱炒飯、e麵,(不嬲此part開始,才是我的主菜)如果唔係怕肥,會選e麵o羅!有上湯的味道,炆得好出色。美點雙輝,士多啤梨煎堆仔、蓮蓉酥,一般。先前聽到部長問主人家,預留甜品,要綠豆沙?麥米粥?栗子露?邊兩款。聽到要綠豆沙,及部長讚賞的栗子露。我滿心歡喜,等待栗子露,來到的只有綠豆沙....不過都非常非常好味,好有住家feel,起沙好足料!

姐姐生日，一家到了這間好彩集團旗下的彩雲軒晚飯。位置在太古坊，地方看似幾大，都幾新幾靚。點了隻片皮鴨，大大隻的，兩食，肉用來做銀芽炒鴨絲。另外吃了味翡翠炒班球，新鮮的，肉很彈牙。還有一味不記得全名了，有些蝦和豆，都炒得很好吃。五個人，吃了這四味都很飽了。原先點了的冬瓜蛊幸好沒有來，不然便過飽了。這一餐十分豐富。

上星期某日放假,相約一中學同學來這飲茶.她在附近返工.因這兒有不少OFFICE,所以12:30前已到達,這時還不難有位...中午1:00已全場爆滿.我點了燒賣,叉燒腸,流沙奶王包,油菜同雞扎.整體OK,只有腸粉較差,唔熱!