幸屋

營業中

休息中

同朋友去咗灣仔食拉麵，路過一間小店，見到餐牌上有唔同嘅特色沾麵，就決定同朋友一齊入去食晚餐。我哋叫咗個黑松露元貝赤雞胸湯拉麵，黑松露味道好香，元貝鮮甜，雞胸肉切好薄薄一片，幼身拉麵硬度適中，湯底唔太咸，有點清甜，仲有糖心蛋同紫菜加上木耳，好豐富。鹿兒島赤雞沾麵，沾麵嘅湯底好濃郁，熱辣辣嘅湯底，掛滿麵條，沾麵嘅麵條較為粗身，好有咬口，仲有原隻糖心蛋，加上檸檬更加清新，赤雞好滑，無脂肪，食落唔油膩。芝麻手羽，雞翼炸得好香脆，外脆咬落好有肉汁，雞翼夠大隻肉質鮮嫩。和風餃子， 味道十足大阪燒，面層有木魚蔥花，同埋沙律醬，成個外皮煎得好香脆，餡料好多，好足料，十分滋味。

大魚大肉的假期完畢，係時候回復返正常飲食啦！喺灣仔返工的老友介紹呢間位置較隱蔽的拉麵屋、佢話沾麵唔錯，今日搵到機會嚟食吓Scallop Tsukemen in Thick Shrimp Dipping Broth 蝦汁帆立貝沾麵>沾汁用石鍋滾住上，不斷起泡泡冒煙，好人的店員猛叫我小心熱！呢度可以揀粗/幼麵、麵都可以揀凍定熱，我揀熱粗麵，始終冬天都想食熱辣辣嘅麵暖胃。個汁頗杰重蝦味，麵量好多食極都有、粗麵幾煙韌有𡁻口亦掛到汁，我愈食愈起勁停唔到口。主角兩粒大帶子味道鮮香夠肉地，仲有整得入味的豚角煮、肥瘦雙間超級邪惡！個人覺得糖心蛋必點呀，亮晶晶嘅流心好滾動，味道唔錯。其他配料有嘅爽脆木耳絲、竹筍、紫菜、紫洋蔥絲、蔥花，唧埋啲檸檬汁去提下味，食完呢碗沾麵好飽感覺滿足Fried Chicken Wings 芝麻手羽>雞翼炸得幾好！就算我食完碗麵先食佢，雞皮仲keep到酥脆、面頭洒滿芝麻食落更香口、雞肉超juicy又香又嫩、中間唔會有血絲，收貨！

最近天氣好凍，好懷念在日本食拉麵的感覺，咁岩去灣仔搵朋友，我地就搵左性價比高的拉麵店食lunch，雖然係小店，但座位唔算逼，枱與枱之間保持適當距離，感覺幾好！店員很親切，介紹我地隨便食枱上的芽菜，調味不錯幾爽口，朋友說和日本食過的很似，我們先用紙仔寫低自己選擇的湯底、濃度、叉燒、麵的硬度及粗幼度等。赤武士拉麵 ($83)湯底呈橙紅色，不會有一層油浮在湯的表面，先呷一口湯，辣辣的，口感濃稠，比豬骨湯更添上一種鮮味。故麻王拉麵（$78）偏清淡湯底，有淡淡的芝麻香，同樣不太油膩，亦不會過鹹。吃一口麵，喝一啖湯，幾乎完全喝完。我和朋友都選了粗麵，甚有嚼勁，放湯久了也不會變腍，而且相當「掛湯」，麵條夠味，份量也很足夠。叉燒表面應該灸燒過，幾香口，質感軟腍。另有椰菜，木耳絲，紫菜，溏心蛋等配料。一大片紫菜沾湯同吃，很好味。溏心蛋亦有流心效果，用蛋黃拌麵同吃好美味。除了拉麵，小食也相當有誠意，是即叫即製的。和風餃子（$38），賣相吸引，薄脆香口惹味，餡料是椰菜豬肉。炸雞 ( $38)外層炸得香脆可口，雞肉嫩滑多汁。好吃!另外叫了兩款飲品，沒想到白桃梳打（$20）是自家製的，粉紅色很美，又不會過甜！

位於灣仔小巷裡，有一間日式拉麵屋🍜雖然地點唔算顯眼，但食完令人有驚喜🤩.一入去係高高嘅樓底，感覺格外寬敝店內佈滿日本海報、裝飾，就好似去咗日本嘅居酒屋一樣🇯🇵食物選擇都算多，有拉麵、飯、各種小食拉麵亦可以揀粗幼度、軟硬度、湯濃度等選擇夠晒多元化，啱晒每個人口味😛.🍴特濃味增廣島蠔沾麵🦪（熱）（圖一、二）💰$108味噌湯非常濃郁，再將拉麵放進湯沾一下每條麵都掛有湯汁，好滿足🥰加上天氣凍凍地，熱盪濃湯令人更溫暖😚大大粒嘅廣島蠔，睇到都好興奮🤪灑上檸檬汁，食落去鮮味更出🤤.🍴黑松露元貝赤雞胸湯拉麵🐓（圖三）💰$118拉麵好足料🤓有大大粒嘅帶子、四大塊雞胸肉、流心蛋黑松露同雞湯意外地夾，唔會互相搶味😆.🍴和風餃子🥟（圖四）💰$38👨🏻‍🍳煎得好靚，六隻餃子煎成一大塊脆卜卜，加埋和風醬酸酸地好好食👍🏻.🍴炸雞🍗（圖五）💰$38雞塊炸成黃金色咬落去外皮香脆，內裏Juicy😚.呢度嘅份量真係好多，兩個人食到飽一飽而且拉麵富有特色，大家經過灣仔不妨一試😉

接個朋友仔收工，一齊係呢度搵嘢食下啦，係充滿車仔排檔嘅機利臣街，就搵到呢間拉麵，大家都鍾意食拉麵，就呢度啦～好，坐低睇吓有咩好食先。特濃味噌廣島蠔沾麵，個湯底好濃郁，個麵底都好豐富，滿滿嘅配料，仲有三粒厚肉廣島蠔，麵質幾挺實彈牙，唔錯！醬燒牛肉丼，燒牛肉個醬汁燒得好入味，大大塊牛肉鋪滿丼飯，份量都唔少，仲有全隻糖心蛋，飯底都有汁，食到底都唔會Dry冷豆腐，個豆腐滑得黎唔散，可以一匙盛到底，配埋木魚同醬汁，幾好食。唐揚魷魚鬚，炸得好香脆，要趁熱食，裡面魷魚鬚粗身厚肉，有咬勁。

呢間拉麵鋪離公司都有一段距離，急步行都接近十分鐘，本身見到好多人喺出面排隊，仲以為一定好好食，點知食完之後真心覺得好一般，同坊間出名嘅拉麵店有一大截嘅距離。我嗌左豬骨湯做拉麵湯底，湯底味道偏淡，完全無果種日式濃湯拉麵嘅感覺(但問題係我已經點左"濃"嘅選項)，對我嚟講，湯底係日本拉麵嘅靈魂，無左好味嘅湯底，就算麵身同配料做得幾好食都好，始終係達唔到上乘水準。麵條方面，我揀左幼麵正常軟硬度，但係同揀左粗麵嘅同事一對比之下，發現我地兩種麵嘅粗幼度其實差唔多，肉眼根本睇唔出有何分別。至於配菜同肉類，味道正常，只係厚切叉燒口感略有不足，似豬軟骨多啲。價錢方面，豬骨湯叉燒拉麵盛惠$78，免收加一；入座即有茶水供應，枱面已經放左茶包，供客人按個人喜好自行浸泡。服務方面尚算殷勤，環境亦唔錯，勝在夠乾淨企理，就算喺昏暗嘅環境都唔會覺得唔衛生。整體嚟講，呢間日本餐廳只可一試，唔建議食第二次，因為喺日本拉麵店大行其道嘅香港，好食嘅拉麵店俯拾皆是，而呢一間暫時未能錄入。

見到近排好多人都有黎呢到試，所以就走左入黎試下呢間小店～ 沾麵🍜食過唔少，但好多食食下都會覺得好漏，呢到既夠鮮味😋唔會有呢種感覺；不得不提既係呢到既小食真係好出色🤤 雖然類似既菜式有喺出面食過，但呢到既令人食到停唔到口，好香口同埋保留到食材既原汁原味👍 想搵平價又抵食既日本野不妨黎試下😜(5 😍 係滿分，🤩係半分）和風餃子 (6隻) 🥟 - $38 (好味指數：😍😍😍😍😍)第一次食咁正既和風餃子🥟，上枱既方式都比較特別，有一大塊圓形、薄薄既金黃脆皮覆蓋喺餃子🥟上面，上面既汁係大阪燒都會用既燒汁同沙律醬🥗，酸酸甜甜，配埋香口鮮味既木魚絲仲正，而下面既餃子🥟皮薄多汁，肉🐷同菜🥬既比例恰到好處，鮮香四溢～芝麻手羽 - $38 (好味指數：😍😍😍😍😍)個雞翼真係好正，上枱既時候熱辣辣，名符其實既皮脆肉嫩，表皮金黃香脆，有焦香又唔會燶，而唔係靠炸皮，配埋芝麻更加香口惹味，帶有少少甜，唔會油膩，裡面好juicy啖啖肉，肉質鮮嫩唔會有雪味～蝦汁帆立貝沾麵 🦐🍜 - $128 (好味指數：😍😍😍😍)料方面有一塊厚切叉燒🐷、兩隻帆立貝、一隻溏心蛋🥚、櫻花蝦🌸🦐、筍、同埋紫菜，厚切叉燒🐷肥瘦適中，見到好似

香港地要搵間日式拉麵店似乎不難🤤但似乎好食嘅拉麵店通常都係隱世的😂灣仔機利臣街就有一間充滿人情味嘅幸屋店面俾人有種回家嘅感覺🥰 店員充滿熱情招呼我地坐低 客氣得我都不停講唔該😂▫️蟹籽沙律 ($42)青瓜絲好爽脆 滿滿蟹籽加上蟹柳作為前菜好清新呀😍▫️和風炸豆腐 ($45)店員介紹呢個炸豆腐 真係好正👍外皮好香帶脆 內裏豆腐超滑溜▫️黑蒜濃厚山藥豚骨拉麵🍜 ($83)山藥豚骨湯底夠杰身 甜味帶山藥味幾特別豚角煮肥瘦相隔 肉味好濃😍麵質揀左幼麵 爽滑彈牙👍▫️魚介豚骨沾麵 ($98)配料夠豐富 筍乾、黑木耳、洋蔥絲仲有溏心蛋🥚 湯底超濃 用石鍋裝住夠哂熱粗麵好煙韌 湯汁掛麵🤤 其間見到有熟客黎食 同店員有講有笑客人食咩都已經一早知道哂 嗰份人情味真係湧哂出黎🥰

-幸屋 🥢今年好似聖誕氣氛都幾濃厚周圍都已經有令令聖誕擺設🎄每次見到都會想影下相仔 而呢晚為左去利東街行下 就先去灣仔醫下肚~🥢蝦味帆立貝沾麵（$128）每次入拉麵店點餐 只要見到係蝦湯/味噌都一定會嗌黎到呢度都唔例外 一放低已經聞到好香蝦味帆立貝有3隻 都幾飽滿 麵質都軟硬剛好另外仲有大大舊叉燒 一定會飽🥢黑蒜濃厚山藥豚骨拉麵（$83）叉燒都整得幾入味 又係一放低已經好香黑蒜味加埋山藥少少黏口 味道層次更多🥢芝麻手羽 （$38）新鮮滾熱辣既炸雞翼！ 炸得非常香脆~因為鋪上芝麻關係 每啖都覺得好香口✨🥢蟹籽沙律（$42）份量都幾多下 呢個沙律主要用左蟹籽 青瓜 蛋黃醬 微微酸 好fresh 同埋都有助開胃~

今日約左朋友去灣仔食拉麵，雖然店鋪不算大，但坐得舒適。加上店員態度親切有禮，值得一讚！天氣凍凍哋，我哋各自叫了一碗拉麵，可以根據自己喜好選擇粗幼麵，胡麻王拉麵的拉麵份量適中，豬骨湯底味濃。叉燒份量大而厚，好抵食。黑武士拉麵多了一份黑蒜味，湯底會更顯濃郁，配上溏心蛋，更加好味。我哋另外再叫了兩個小食，芝麻手羽同冷豆腐，芝麻手羽（雞翼）香脆，肉質嫩。冷豆腐上面鋪了木魚絲及蔥，配上醬油一齊食，更有豆味。

同朋友誤打誤撞下竟然在灣仔發現了間性價比高的拉麵/沾麵店，價錢合理之餘，味道都幾好，唔怪得都幾多人去，仲有好多熟客～🦪特濃味噌廣東蠔沾麵幾高質素，拉麵彈口，配上非常濃香的魚湯沾麵湯底，味道濃郁。拉麵上的三隻廣島蠔更加是非常鮮味！🥟和風餃子同樣都係幾有心思的小食，表面有一層薄薄的脆皮配上和風沙律醬，下面有成6隻餃子，好食得來價錢合理😋日本豚肉丼與其他地方的豚肉丼不一樣，薄片豬肉燒得超香，食落去好香烤香味，用飯撈流心蛋加醬油，味道好好。芝麻手羽炸得好香口之餘，保留了雞翼內的肉汁，水準不錯👍🏼另外，這裡還有芽菜做前菜，酸酸辣辣的好味～果然小店往往有驚喜，下次再來😋

前幾日同朋友去咗呢間灣仔比較隱世嘅拉麵點食嘢，其實佢都唔算好難搵，亦都比到好多驚喜我哋。其中識嘅有櫻花蝦味嘅，同埋一個黑松露雞肉丸背拉麵，呢兩個味道都好濃郁，而我哋黑松露嗰個叫咗淡味嗰個黑松露喺個湯底滲出嚟都好容易令人接受，佢嘅小食真係出色。和風餃子個皮係好香脆，入面嘅味道加埋木魚花等等係好抵食。如果和風炸雞好似摩斯漢堡嘅雞髀咁樣，係好香口嘅。

灣仔食物選擇多，最近聖誕節，在選購聖誕飾物的時候經過一家滿滿日本🇯🇵風的拉麵店，好久沒有吃沾麵、拉麵，好開心找到一家質素實在不俗的拉麵店（又大份抵食）🍜🌸🌸🌸🌸🌸🌸🌸🌸🌸🌸🌸🌸🌸🌸🍀黑松露元貝赤雞胸湯拉麵（$118另加一）初試黑松露拉麵，上枱聞到微香松露味，麵很幼身，正！雞湯同松露一樣濃郁，不會互相搶味，雞胸肉嫩滑，元貝有鮮味！此拉麵第一口不算驚艷，但越吃越好吃！👍🍀蝦汁帆立貝沾麵（$128另加一）本來想叫廣島蠔口味，無奈照片太吸引！不會令人失望！蝦汁超濃郁澀身，帆立貝起碼三大隻，隻隻飽滿，仲有肥瘦均勻大大塊叉燒，好食唔錯！💋🍀炸雞（$38另加一）一客三件，外皮卜卜脆，內裏嫩滑juicy，鹹度適中，dip 沙律醬更好吃，味道更豐富👄🍀豆腐（$32另加一）一定要點！一客四件，件件都好大塊出邊就炸過嘅，但係真係超薄一塊炸皮，但係已經可以為一件單調的豆腐生色不少！仲有木魚花、醬油調味，食完油膩嘢，再點豆腐，真係有種解膩清新既感覺

灣仔機利臣街一間唔起眼嘅日式拉麵店，但一入到去充滿日式溫暖嘅格局😛門口仲有啲日式燈籠添🏮蟹子沙律大量蟹子加上青瓜絲，好清爽開胃😚💗黑松露元貝切雞胸湯拉麵($118)日本拉麵唔係主餐牌入邊，多咗雞胸肉嘅選擇唔係平時嘅叉燒，健康啲呀😋雞胸肉一啲都唔老仲好粉嫩，配上沾滿左黑松露醬嘅元貝，正！鹿兒島赤雞沾麵($108)另一款又係雞，不過係豬骨湯嘅沾麵，有得揀凍或者熱，熱嘅話係熱辣辣嘅石鍋送上嚟🔥麵條多唔同平時嘅拉麵，超彈牙🍜，同埋比較粗身嘅😋溏心蛋都係做得好出色，半流心狀態，豉油都好入味，湯底有啲黑蒜、芝麻、紫洋蔥等層次豐富😚雞翼串燒到焦香同脆身，再落咗少少鹽同檸檬汁調味即刻好正🤩仲免費送一杯煎茶連茶包上，真材實料㗎！

《日式拉麵小屋🎎》———————————————-#幸屋 🏠-灣仔有唔少拉麵店，走入小街巷仔今次就搵咗呢間隱世家庭式拉麵店🍜 拉麵店難得樓底非常高，感覺開揚，門口大大個橙紅色燈籠🏮，別具和風特色！-拉麵選擇多元，主打博多豚骨，性價比都幾高🧡 我哋揀咗蝦武士拉麵，非常足料，味增同蝦味都超濃郁🦐而叉燒脂肪亦肥瘦分明，抵讚～-味增廣島蠔沾麵夠晒特別，湯底十分香濃，可以自選軟硬度同冷熱，麵質彈牙，掛湯能力都唔錯💖 廣島蠔非常大隻，亦非常新鮮，沾滿湯汁咁食零舍出色👍🏻-另外我哋都叫咗兩款小食，和風冰花餃子外皮酥脆金黃，咬落去餃子汁爆發🤤 炸雞夠晒香口，炸得外炸內軟～-⭐ 參考價錢︰味增廣島蠔沾麵： $108蝦武士拉麵： $88和風餃子： $38炸雞： $38🍌 抵deal 指數：8/10💰 人均消費︰$100