常悅素食 (已搬遷) 新店位置

約契媽食飯，知佢鍾意食素食，帶佢來試。兩個人食左三樣野︰咕嚕素球- 好好味呀，個猴頭菇好似真肉，個汁又好味，係青椒生，值得推介印度薄餅- 新出品，顏色好靚好吸引，有素雞、椰菜、蘿蔔、青瓜、菜苗、粟米等，加沙律醬夾薄餅，好味，不過兩個人食六塊好飽嘛...艇仔粥- 唔得，好稀，冇味，要加鹽先好味綠豆沙- 送0既，上次紅豆沙已經幾好，今次仲好味，拍得住媽咪煲果個，難得...今餐好飽好滿足，不過係服務真係麻麻，尤其係果個部長，態度麻麻，最後人多仲埋話︰幫你地埋左張單丫，好多人等呀...不過食物係幾好，下次要再埋單我請客，$150，唔貴丫

齋菜好多都係煎炸.....今晚唔想食咁油膩....所以叫個肉方同海參d 肉真係整得好食, d 醬料都唔多味精而個海參同真d 簡直係一模一樣...就連味道都一樣...佩服佩服!仲有就係粟米粥...好"杰"粥, 好似糊仔咁...但本人都幾鐘意...料好足...除粟米仲有d好似係竹笙咁...味道無平時食開粥咁寡...好好味...又夠清又夠飽要提下d辣椒醬...好食...辣度好...我自己一個人點晒一碟呀...哈哈

本來去品味人生, 7點鐘去到已經話8點3要走, 我地要坐低傾野, 所以決定去隔離常悅食去到問呀姐可以坐到幾點, 呀姐笑笑口咁話坐到幾點都得~ good~ 仲俾我地簡枱坐~ ^^坐到8點都未點菜, 都冇俾人吹, 仲不斷同你加茶~ 唔錯~ 睇過呢度推介炸球(應該係叫椒鹽骨), 好味! 而家有新口味南乳味(menu冇既), good!另外, 芋頭焗飯同東坡肉都好味~ d 老火湯好有味, 飲得過~ 唯一係個竹笙頂湖上素普通d~下次呀爸呀媽生日又多個好去處~ ^^

我同男友再黎食齋，諗返起之前雜誌有介紹過，前菜係炒花生．叫左個二人套餐（HK$128）：－Ａ．＜銀湖竹笙海皇羹＞一人一碗，竹笙，蛋白，豆乾絲，OKEY．Ｂ．＜雞絲海哲＞黃，白，橙既海哲加少少辣，好開胃．Ｃ．＜乳豬拼福卷＞乳豬即係炸麵根，搽Ｄ甜醬，用白包包住黎食，有Ｄ似上海醬茶鴨既做法．Ｄ．＜鮑魚菰扖時疏＞菜膽加擬似鮑魚既大菇再加茨汁，上碟，好味．Ｅ．＜雪菜三絲炆米＞係油左Ｄ，勝在炒得有鑊氣．Ｆ．＜紅豆沙＞加連子＆百合煲，再煲”棉”Ｄ會好Ｄ．

母親節帶媽媽食lunch，等一陣就有位。三個人叫︰紅燒竹笙翅($108) - 冇油，好多翅，味道幾好。富貴蝦($68) - 用沙律醬炒，好味，不過如果用真蝦就仲正，嘻~東坡肉($60) - 唔好味，質感&個汁都唔得，唔抵食...麻香手撕雞($32) - 好細碟，味道ok，口感幾得意送紅豆沙，幾好，唔會好似去飲果咁水。果日轉晒母親節菜譜，可能俾平時貴(因為第一次食，所以唔知平時價)，想食0既蘿蔔絲酥餅都冇，下次再食過先得...

星期六11點半左右到，已經坐咗幾檯客。4個人叫咗：滬式炸春卷($12)、咕嚕素球($50)、蒲汁燒鰻魚($55)、芋頭焗飯($55)同一罐德國冇酒精啤酒($12)。食物質素唔錯，尤其係咕嚕素球同焗飯，水準相當高。咕嚕素球同真的咕嚕肉外表上好相似，咬開素球睇睇，仍然非常像真，連酸甜汁味道都好正，又炸得香脆，一定要試。焗飯又係出意料咁正，原本以為佢只會將芋頭切粒嚟焗，估唔到佢將芋頭先整成芋泥，再將芋泥鋪面去焗，所以成碟飯好香好滑。其他食物亦不差，係嫌鰻魚鹹咗啲，罐啤酒亦冇真啤咁好飲。要彈嘅係佢哋服務麻麻，出菜速度甚慢，差唔多食完一樣重要再等至有另一樣食，連啤酒都要追！埋單$231(酸菜錢$6、茶錢@5，加一)，值得推薦。

對於呢間野好唔好食其實我都唔係咁介意佢d食物一般,唔值佢個價.不過呢個唔係重點.帶位果個人認真不醒目！只顧唔知出唔出現的訂位人客和大檯客對十幾pair細檯客就不聞不問！佢叫number亂叫都算喇有乜理由一直空住幾張檯等d 4-5人黎拎飛當我地係乜先三張檯！都要等9個字下次真係搵鬼去！

本來打算初一來食啦，拿左籌等位，點知等左好耐都無叫桌，原來佢俾晒D訂位既人入去先，我眼見有廿幾人拿左籌無了期咁等，我們向經理投訴，佢無理會，有D人走左，最後等4張桌等左45分鐘先入到去，我相信唔嘈佢會更耐！因經理個時已經好惡咁叫NO.入到去只見到地下好多垃圾..好污糟！心想等左咁耐點都食啦，叫左人等左好耐先有個MENU....點左個二人餐$128..味道OK,不過份好細，一細碟咁..最後計埋茶錢唔知點解要$158先埋到單...我心想$30...茶錢要9蚊...真係取巧我以後一定唔會去呢間野

昨晚同亞媽及家姐兩公婆一齊去食dinner. 好在預先訂位, 我本來book左8:15pm, 不過提早左8點就到. 一去到就見佢全場full. 以為可以早d到就可以早d有台la, 點知最終都要等到8:20先有位. 我地約在8:30 落order, 但佢地非常efficient, 8:40到就全部到齊, 我地分別order左以下食物:-1) 2人套餐($128)1a) 竹笙粟米蛋白羹- 味道幾清, 有咬口, 而且有d類似未煮過既蛋白液體, 滑嘟嘟, 幾得意.1b) 乳豬件- 個樣真係幾似燒味, 而且整到皮還皮, 骨還骨,勁!脆卜卜, 仲要加埋d蒸麵包及乳豬醬比你夾住食, 好似食緊北京填鴨敢^_^1c) 鮑片扒小棠菜- 個鮑片應該係鮑魚菇, 好爽滑. 而d小棠菜都好靚, 好爽, 吾油, 好好味1d) 海蜇(橡筋) - 味就同真野差一段距離, 不過d 假海蜇都好爽, 但佢用既辣椒粒就好勁辣...食左之後個口仲麻麻地...怕辣既人就要小心嚕!1e) 茄子炆米- 老實講我就點都睇吾到佢有茄子la, 不過碟炒米係成個餐裡面我最鍾意既, 好入味, 好好味. 不過就油左少少...如果真係用茄子做就正

2月25日與屋企人係旺角雅蘭中心搵地方食飯,沒有想過要食素,但係間間都滿座,而咁佢地有位,咁我地一行7個大人,2個細路就入去試啦. 除我自已,佢地個個都冇食素的經驗(我指長期素食者). 我地點了一個例湯, 味道清清地,還可以,再點了數個: 小排骨,金孤卷,炸茄子,燒鰻魚,芝士局西蘭花,鮑片豆苗和炒飯. 個個都話很好味,特別是炸茄子和金孤卷,一定要試. 最緊要係我們全部食晒之后,個碟沒有油淋淋. 最后,還送上甜品-紅豆沙,同係糖水舖食的有得揮:起沙,味濃,夠杰. 正!

我好多時會食素, 因為老豆係食素嘅... 呢間嘢之前唔係旺角. 老豆係佢前身已有幫襯, 同伙記幾熟. 我就早半年前先去第一次. 之後就大約每月一次. 都真係幾鐘意. 必點: 涼伴青瓜(個汁另上更佳), 燒鰻魚(超正)!!佢哋嘅湯都好正!! 當然唔係menu上全部試過, 但係大家真係不防一試. 款色都幾多呀!環境算幾乾淨啦! 服務態度都好好!初一,十五, 同埋其他佛教節日比較多人. 但係唔好以為食素一定便過食肉呀!! 哈哈!!

素魚好味~ 香脆~東坡肉最正！和真的沒什麼分別！美中不足是貴了點，碟頭細但差不多$50碟~

The food is quite nice, and the service is not bad, would definatly go again.

合理價錢合理食物! 味道唔錯,係糖水太杰!

早排約埋舊同學旺角吃晚飯，他提議到這裹吃素菜，因近日在一星期内吃了兩次勁量自助餐，所以也想吃得健康清淡一些，始終近年素食不比幾年前大熱，這裹又是樓上鋪，所以人流不多，所以不會太和嘈吵，也很適合朋友聚會談天。本人是一個"食肉獸"，一向對素菜只是一般興趣而已，但這裹的食物也很可口，只是覺得較清淡一點和份量較少。出乎意料之外，侍應問我要不要啤酒，想不到素食店竟然有啤酒供應，他解釋說店內賣的是素啤酒，有普通黃啤和黑啤供應，都是不含灑精的，那我們就每款叫了一罐試試看，這些啤酒外表包裝上跟真的啤酒完全没有分別，一打開罐也有一陣槐花或小麥的香味，入口之後那陣淡淡的啤酒味舜間消失後，就有像喝涼茶的感覺，而那罐黑啤就像喝有汽的麥茶，味非常特別，在齋菜店飲酒有點和尚偷酒飲的感覺，大家一試無妨，每罐約十五元。