影片
更多
2006-04-02
2 瀏覽
昨晚同亞媽及家姐兩公婆一齊去食dinner. 好在預先訂位, 我本來book左8:15pm, 不過提早左8點就到. 一去到就見佢全場full. 以為可以早d到就可以早d有台la, 點知最終都要等到8:20先有位. 我地約在8:30 落order, 但佢地非常efficient, 8:40到就全部到齊, 我地分別order左以下食物:-1) 2人套餐($128)1a) 竹笙粟米蛋白羹- 味道幾清, 有咬口, 而且有d類似未煮過既蛋白液體, 滑嘟嘟, 幾得意.1b) 乳豬件- 個樣真係幾似燒味, 而且整到皮還皮, 骨還骨,勁!脆卜卜, 仲要加埋d蒸麵包及乳豬醬比你夾住食, 好似食緊北京填鴨敢^_^1c) 鮑片扒小棠菜- 個鮑片應該係鮑魚菇, 好爽滑. 而d小棠菜都好靚, 好爽, 吾油, 好好味1d) 海蜇(橡筋) - 味就同真野差一段距離, 不過d 假海蜇都好爽, 但佢用既辣椒粒就好勁辣...食左之後個口仲麻麻地...怕辣既人就要小心嚕!1e) 茄子炆米- 老實講我就點都睇吾到佢有茄子la, 不過碟炒米係成個餐裡面我最鍾意既, 好入味, 好好味. 不過就油左少少...如果真係用茄子做就正
1) 2人套餐($128)
1a) 竹笙粟米蛋白羹- 味道幾清, 有咬口, 而且有d類似未煮過既蛋白液體, 滑嘟嘟, 幾得意.
1b) 乳豬件- 個樣真係幾似燒味, 而且整到皮還皮, 骨還骨,勁!脆卜卜, 仲要加埋d蒸麵包及乳豬醬比你夾住食, 好似食緊北京填鴨敢^_^
1c) 鮑片扒小棠菜- 個鮑片應該係鮑魚菇, 好爽滑. 而d小棠菜都好靚, 好爽, 吾油, 好好味
1d) 海蜇(橡筋) - 味就同真野差一段距離, 不過d 假海蜇都好爽, 但佢用既辣椒粒就好勁辣...食左之後個口仲麻麻地...怕辣既人就要小心嚕!
1e) 茄子炆米- 老實講我就點都睇吾到佢有茄子la, 不過碟炒米係成個餐裡面我最鍾意既, 好入味, 好好味. 不過就油左少少...如果真係用茄子做就正常, 因茄子吸油勁多ma!
1f) 自製甜品(西米粟米芋頭露) - 我地本來entitle得兩碗糖水, 不過個侍應見我地有4個人, 所以比足4碗比我地, 抵贊...好開心! 味道方面就係普通野, 不過d芋頭都好"林".
2) 東坡肉- 亞媽至愛, 老人家如果想食真野我必定吾比, 不過呢個係齋就無所謂la, 而且佢一d都吾油(應該係個個菜都吾油), 可以隨便食^_^, 味道方面都吾錯, 肉既部分用麵筋做, 好有咬口之餘仲似足瘦肉既質感. 肥肉既部分就好滑, 煙靱得黎又爽, 幾好. 咬落仲有d鹵肉既味添.
3) 五柳汁炸黃魚- 用紫菜包住d豆腐蓉再加炸粉來炸,在上面铺一層炒甜酸菜, 好香口, 不過食味就一段, 全靠d五柳汁先可以帶出d味, 吾係就麻麻lor! (大家想下食緊一塊炸過既豆腐渣會係咩味??)
4) 甜品
4a) 桂花糕- 1層桂花+ 1層椰汁糕拚埋, d桂花那層好多桂花花粒, 好清, 好香, 不太甜, i like it. 不過椰汁糕那層就麻麻la, 無咩口感, 甜左d. 影響左成件糕既食味.
4b) 豆沙窩餅- 方型, 打斜角切成4份. 味不太甜, 豆蓉似order貨. 不過炸得都ok, 係有1角燶左少少je!!
服務方面- 人手似乎吾多足夠. 我要以menu舉高搖幾次先有人理我?! 埋單亦然....有改進既空間. 不過進餐期間佢地都有不停加水...算係敢lor.
ps. 因我地order既食物好大堆頭, 坐在我地兩側既客都投放不少"目光"以作佢地order既reference!! 幾威
張貼