常悅素食

今日中午同朋友去油麻地間常去嘅素食餐廳，點知全程體驗差到想即走，以後真係冇下次！我哋兩個人坐低之後，成日都冇職員理會。終於有位阿姐行過嚟問飲咩茶，我哋話要「補你」（普洱），點知等咗好耐都冇上。之後阿姐又再過嚟問飲品，突然話今日假期人多，叫我哋轉去二人枱，話而家坐緊嘅四人枱要留畀更多客人，但明明隔離枱都係兩個人坐四人枱！我哋都算合作，乖乖轉去二人枱，先發現張枱根本冇人肯坐：位置近廚房，背後成日有阿姐推車出出入入，嘈到冇得傾偈。全程最無奈嘅係，我哋兩個人食咗九碟嘢，張細枱根本擺唔晒，碗碟堆到滿，食得超狼狈。食完同阿姐直講「真係冇下次」，從未諗過常去嘅餐廳會變成咁，好感完全清零！…查看更多

呢間素食已經第二次嚟，原來佢有𨋢搭，不過我兩次都係行樓梯行到隻漬咁因為今日正值係十齋日，所以同埋老友嚟呢度食齋呢個係我每次去素食店都必點嘅豉汁素黃魚但係坦白講，呢間素食店嘅素黃魚一般般🤨🤨因為佢裏便啲腐皮比較散🫢我哋再點咗個紅草莓香味骨😆😆呢個食落去酸酸甜甜都還可以，只係份量細咗少少😂😂另外叫多一個乾燒伊麵，不過應該叫濕炒伊麵味道還可以吧當然乾身啲比較我同老友叫咗三個餸一共$338….呢度勝在唔限時間，我同老友可以吹水吹足個半鐘總括嚟講不過不失吧…查看更多

因為朋友對素食認知只限宗教，所以想帶朋友開一開素食既眼界～當日約左係油麻地，又睇到YouTube有介紹，所以近近地就揀呢間。一行三人叫左3個餸2款甜品～碟碟都色香味俱全，打破朋友對素菜既固有印象😆第一眼真係唔覺得係素，睇落同聞落都同普通葷菜分别不大。生炒牛崧飯尤其出色～米飯粒粒分明又有嚼勁，值得推薦👍臨尾仲送甜品～紅豆沙。睇食評好多都話服務麻麻，所以都有心理準備，當晚侍應都係一貫港式唔憂做既服務態度啦😅都可接受既🤭…查看更多

訂了位9位食2pm , 去到勁多人企响度等 ， 唔知d人有訂位定walk in , 搵部長講話訂左 ，完全無視你，應都唔應行左去， 搵第二個講 ， 又唔應唔理你行左去， 企响度好耐， 結果自己搵位等位！ 要8x歲老人家企咁耐， 結果搵到位我老豆坐低左 ， 有家人少人數 ， 又坐大枱 ，坐落嚟 ，唔肯起身 ！初一流流遇無賴 費是嘈！ 其實如果係咁 ，book嗰時就一早可以話無得訂啦！ 話只接受walk in 自己搵位 ，咁我接受，自行選擇去唔去等， 唔係去到立立亂， 仲要咁既服務態度👎🏻👎🏻👎🏻唔會再去！ …查看更多

訂咗位，有預邀按金，都同walk in 冇分別，安排亂。餸菜完全不達標準，有點失望😞粉果皮，好似槳粉咁。態度方面，希望收返啲分，結果重失望，攞位十問九唔應，結果要自己企在客人面前先得……..…查看更多