常悅素食 (已搬遷) 新店位置

食品很粗糙及油,一碟羅漢齋炒麵d獻杰!!!賣相很老土! d waiter同waitress行來行去,我招手多次看不見!唉!

昨天同老婆去試食, 二人地方頗為擠迫, 與鄰桌差不多連在一起, 傾偈時亳無私隱.第一次來, 叫個女仕應介紹點菜, 點知好似考起佢咁, 唯有安全起見, 叫個二人套餐, 有湯, 冷盤, 小點, 菜, 米粉及糖水, $128, 味道不錯, 賣相亦不俗, 只是份量稍為少了一點.不知是否人多, 出菜速度頗慢.下次會同多的人去, 坐張大.

昨晚我第一次食呢間素菜，味道方面真係幾好，但係職員方面就一般啦，而且佢地既素菜又唔濃，而且菜名特別，口感唔錯，所以我昨日同4個朋友一齊食，我地叫左一個湯，7個菜，2個甜品，結果我地全部食曬，毫不浪費，而且價錢又唔貴，簡直可以食完再食，不過如果佢地改善一下服務態度，就會更加好啦~~~~~~~~~~~~~~~~~~~~

第五回——素菜點心各款點心味道差難以入口怎稱霸我最好的一個朋友在美國住了半年﹐回來相約見面﹐她說未去過朗豪坊﹐我便陪她去一趟。之前請KC介紹﹐他竟然介紹隔離雅蘭的常悅素食﹐難道朗豪坊沒有一家像樣的餐廳﹖既然是KC介紹﹐我又即管去試下﹐以為中午只有小菜﹐原來是有點心的﹐看了點心紙後﹐沒有太大興趣﹐但朋友又不想吃小菜﹐唯有叫點心了。叫了﹕菜煨麵、蒸帶子豆腐、沙薑雞、炸雲吞。除了炸雲吞好得之外﹐其他都好難食﹐先講個清菜煨麵﹐來到個樣已經唔係路﹐湯底是普通湯麵的湯﹐水汪汪的﹐煨麵的湯底應該係稠和杰的﹐而麵條應該好腍身的﹐但它卻是普通湯麵的麵條﹐所以是完全唔合格﹐Out !蒸帶子豆腐﹐帶子到底是什麼我也不便考究﹐總之冇味又冇咬口﹐上面鋪滿了好多黑色的碎材料﹐也不知道是甚麼﹐只吃到有薑的味道﹐我本身唔食薑的﹐所以只好將佢地撥開﹐而下面的豆腐竟然一點都不新鮮﹐素菜館應該會用好多豆腐做菜﹐竟然連豆腐都唔新鮮﹐真係可怒也﹗沙薑雞似乎是用麵根整成的﹐不過就同真的沙薑雞的咬口完全唔同﹐問題是你將一種素食物用上葷食品的名稱﹐便應該最少吃起來有點像那個葷食的味道﹐但這個沙薑雞卻完全不像雞肉的味道﹐而且非常硬身﹐

見食評寫得呢度都唔錯就黎試下。由於只係兩個人的關係，叫o既嘢就唔可以好多，唔可試多幾款，食中菜都係人多好！七月一日公眾假期入到去唔駛訂枱都即刻有位，服務都唔錯，個女侍應好細心主動俾張椅我放手袋，兩人枱都算大，幾舒服，但個裝潢唔算出色，只是過得去而已。我地叫左以下幾樣野：粟米粥（某人指明要食）：除左粟米佢仲加左雲耳、紅蘿蔔等，食落有咬感，味道不過不失。咕嚕素球：像真度幾高，可以一試。茄子鮮竹煲：本身係辣的，我地問有冇唔辣，佢話可以，我地在佢入單前再三叮囑唔要辣。但係送到黎竟然係辣架！個部長都仲記得同我地落單係唔要辣，仲好唔係意思咁話，叫我地試下先，唔合口味可以換俾我地。我地冇試到就叫佢換俾我地，佢的態度都ｏｋ。不過呢煲茄子好多油，好肥呀！（素食唔係一定唔肥架）白汁焗鮮雜菌年榚：中菜西煮，幾等別，芝士好香，正合我芝士怪口味。不過佢的鮮菇有沙架，仲係唔只一個添，而其他菌類就ｏｋ。年糕唔夠咬感，黏埋一齊，太淋，只係欣賞佢的汁！最後有糖水送，係紅豆沙，呢個好正，有好多紅豆，足料但頗甜。兩個人叫四樣野食唔哂決定打包。建議多ｄ人食中菜較好。(請delete之那個食評因未俾update每人消費）

琴晚約左個朋友係旺角食飯，因為大家都唔想食d肥膩野，加上睇左關於呢間餐廳既食評，所以決定去試試喇!我地只係點左:-1.萬壽綿綿(唔係好記得個名)--好似我地平時食既片皮鴨咁樣。佢既包包整得好好，就算凍左都唔會硬磞磞。我同朋友都覺得好特別，好好味，真係值得推介!2.上湯唔記左叫咩瓜既菜--一層層咁分隔，裡面有冬菇片、素火腿片，下面係粉絲底，加上一個上湯茨。呢個都好食，好清淡。3.土伏苓煲牛大力湯--去濕老火湯。呢個就無咩特別。整體呢講，我同朋友都覺得好好食，雖然唔係叫左好多野食，但係我地都覺得好飽(仲食剩左少少添)，價錢合理。如果真係想食素食，呢一間係唔錯既選擇!*同場加送有明星陳秀雯兩姊妹係我地隔離枱食飯。呵呵~

母親茹素多年，每次和她吃飯總不離素食。今天她有事要去旺角辦，就順理成章到這裡午膳。大概是紅雨的關係罷，一點左右來到還沒有太多人。甫坐下便叫了一堆點心，一窩粟米粥和炒桂花翅。比較有好印象的點心有:香煎窩貼-皮不厚，內餡菜香濃郁而汁水充足;炸春卷- 鬆脆而不油膩，沒有炸得過火而變成過硬，出色;蘿蔔絲酥餅-不用豬油而做到九成的甘香鬆化，我也好想知道箇中竅門呢!炒桂花翅則略嫌略油膩，覺得師父用油有欠克制。侍應尚算醒目殷勤，這頓午飯食得頗開懷!

今日放工，記得OPENRICE很多好評，就約埋Husband來試下，大概6:45PM去到，仲有好多吉檯，部長安排2人檯，環境舒服。Order了以下的:2位湯-粉葛赤小豆湯(凊甜滋潤)$12位回鍋肉$28-幾多油，只食了一塊，全碟打包。咕嚕肉$50-外表脆，內裡軟，跟真肉一樣口感，厲害。鐵板串串燒$60-仿雞肉串燒，普通，不推介。葡汁焗四蔬-有辣，好細碟但要成$60，唔值!2個白飯服務算有禮，但伙記唔夠醒目!

話說隔左兩個禮拜再來戰鬥之後食飯,O姐話去食齋.坦白說未去過此店我一向對齋菜抱任何期望, 雖不致於唔食, 但以前吃過的都好像麻麻地, 冇乜特別, 又多油+MSG.既然O姐話咁都俾下面啦, 叫菜當然又由佢(手查)fit.八時多人都不少, O姐也已經訂檯+霸位, thx.埋頭討論一頓,要了:錦繡齋鹵味酸齋麻醬鮑魚絲冷麵鐵板黑椒牛扒咕嚕肉白汁焗魚雜菌年榚麵醬油麥菜百鳥香巢錦繡齋鹵味: 唔係好特別, 但作為第一碟菜, 又成九點, 都好快被掃哂.唔夠喉當然要補飛啦,酸齋幾好味, 酸甜味平均.雖然如一般酸齋人工色素什豐,一餐半餐冇所謂啦.麻醬鮑魚絲冷麵: 冷麵偏硬, 醬汁份量剛好, 只是覺和日式冷麵分別不大.鐵板黑椒牛扒: 其中一碟出色的菜, 黑椒汁味濃辣味適中, 配上鐵板和素扒和雜菜像真度十足. 素扒口感頗似牛肉, 有一絲絲像肉的質感.咕嚕肉看上去也和真的咕嚕肉無乜分別, 但下去也像豬肉, 但論相似則不及之前的一碟.麵醬油麥菜: 返屋企滾油麥菜都吃得多, 菜也嫩滑冇渣, 麵醬冇過咸也不錯.百鳥香巢: 西芹, 馬蹄, 素蝦, 腰果不錯, 新鮮好吃, 素蝦像真度也相當高.唯一彈的是個巢唔夠脆.白汁焗

打完波去食飯，同皇阿姐講笑話去食全牛宴，佢好醒目地話去食齋牛肉。原來大家都鐘意食酸齋，所以先前叫了一碟錦繡齋鹵味都唔夠喉，再encore一碟酸齋。鐵板黑椒牛扒-大家一致叫好，除了黑椒汁好野味之外，連素牛扒都好入味，口感又真。所以平時唔食牛的阿姐，都忍不住食了兩塊。百鳥香巢-即是普通酒樓的“雀巢”，除了個“雀巢”唔夠脆，還有一陣油“益”味。入面D馬蹄、西芹等好新鮮，連D腰果都好甜好脆。咕嚕肉-學KC話齋“色香味跟真的沒兩樣”，像真度十足，口感亦好像食肉感覺，要用牙來撕開，連甜酸味道亦恰好。白汁焗魚雜菌年榚-亦係大家都讚好，好濃焗芝士香，比一般有水準的西餐廳的焗芝士還要香濃，而且估唔到芝士同年榚好匹配。麻醬鮑魚絲冷麵-似日本拉麵，麵身略為硬，個醬汁味道ok。麵醬油麥菜-麵醬味道調教得剛好，而油麥菜亦新嫩爽脆。食物水準比以前有進步，但係d服務就冇進步過，我本來已訂了，我去到個問口竟然一個人都冇，有個女部長睇到我，仲好似當我透明。而且我o地去到已經8點幾，唔算太多客，但係上菜速度都好慢，希望下次o黎，佢可以改善埋佢D服務就更好。

下晝在旺角行街，太座想食下素，雖然身處旺角，但左右隔離選擇不多。還記得這裡好似不錯，就來試試。雖然是平日的十二時多，縱使其他食肆還冷冷清清的，但這裡人客一點也不少。呢度裝修得幾雅致，室外位置還透進陽光，但因已坐滿，我們就坐入室內的二人檯。餐牌選擇跟一般的素食店沒有兩樣，都是以中式點心及小菜為主。叫了手撕雞、冷豆腐、炸春卷、咕嚕肉及菜煨麵。可能人客多，都等左幾耐至來齊有得吃。菜色普遍賣相精緻，驟眼看不會發現是素食，尤其咕嚕肉，色香味跟真的沒兩樣。手撕雞是都筋，口感同真正雞絲有點距離，加上味道全靠味精，算是比較差的一味；冷豆腐是包裝豆腐，不太新鮮，但佐以炸菜及凍醬酒，幾清新，大熱天時食就至適合；炸春卷即叫即炸，熱辣辣，一碟六件，幾好味；咕嚕肉外觀同真的有九分似，連咬落的口感也一絲絲的，甜酸幾平衡，又炸得脆口，比坊間不少真的咕嚕肉還出色，值得一試；業煨麵看似平常，但湯底幾香西芹及粟米的味道，味精下得少，清清地但又夠味道，亦都吃得過。吃中式素食，味精當場少不免，這裡做得夠味又幾清，亦少油，以中式素食來說，算不錯的了，難怪一時未到已是坐滿。埋單一百三十幾，唔算平，但如果想食餐有水準的素食，可以試

佢o既小菜同一般素菜館分別不大~~反而點心真係有驚喜~~推介佢既xo醬炒蘿蔔糕~~煎釀三寶~~蘿蔔絲酥餅~~青菜麪同上海水餃~~唔係其他素菜館咁易食到~~特別係青菜麪~~好簡單~~但係估唔到清得o黎咁好食~~

星期四夜晚同個fd 兩個人去食，八點二上到去，以為閒日而且兩個人應該唔洗點等啦！點知要到九點先有位！有冇咁旺呀！？兩個人叫左東坡肉、素翅、泰式明盧魚、上海烤夫、唔知咩米線(最後黎左河粉…)最好食係條魚，其次烤夫，其他野都不過不失！

12月14日和朋友喝下午茶, 有三絲炒河, 蒸粉果, 蒸海鮮餃, 素菜飽, 沙薑雞, 大致上味道都ok, 但個沙薑雞就太重味太重味精...茶唔香又太淡

It's quite good. Dishes are not oily. Try veggie "sashimi". It's taste like a real one.