帝苑餅店

營業中

休息中

在尖東幾間酒店的cake shop，毫無疑問，水準最高是這裡。是日經過，買了幾件餅與家人分享。分別是紅莓Macroon、拿破崙及Tiramisu。紅莓Macroon賣相極佳，macroon夾著6粒新鮮紅莓，很美。雖然是買了好幾個小時後才吃，但macroon吃走來仍然鬆軟微脆，滿有杏仁香，很對辦。帶酸的紅莓，跟內裡香甜的朱古力忌廉吉士很是配合，一人獨吃，異常滿足，高度推介；拿破崙也是高水準，雖然外皮掃上糖漿，而隔了幾小時吃，也是外皮鬆脆。內裡的吉士餡很香甜，加上粒粒的鮮果，感覺清新。比較起Mimosa，覺得是兩個格式，而這裡的，也絕對值得一試；Tiramisu是「Cake of the Month」，還要是Royal Garden的「當店名物」，更沾上莎巴天尼的名氣，當然不能錯過。是日的是創新版，marscphone芝士甜美軟滑，但餅底就沒有咖啡酒的味道，個人而言，還是喜歡傳統的版本﹝當然，我幾時都話，莎巴天尼的Tiramisu是無出其右的﹞，至少味道會平衡一點。配上一塊芝麻糖漿餅，是幾不錯的配搭。幾款餅也是25蚊，雖然是略貴一點，但水準相當，值得推薦。

買左3件:Mango Delight –好味! 芒果味夠, 甜味適中士多啤利+玫瑰+芝士餅–唔好味! 味道怪怪的! 唔match拿破倫–酥皮層數夠, 夠脆, 味道適中$26一件

The best Blueberry Cheesecake I've had so far! Very light & smooth in texture, very cheesy & not too sweet in flavor. Much better than Cova (where many people think serves the best). $36 for this heavenly dessert, definitely worthy to me!

趁情人節買兩件cake同女友一齊分享,tiramisu cake同埋rose and strawberry cake,total$52店員好有禮貌,令我有賓至如歸既感覺~D蛋糕都唔會太甜,口感幼滑唔會膩,tiramisu好香o加啡味~蛋糕size都ok係件tiramisu cake細隻左d~會再光顧~

通常每年會食一次這裡的生日蛋糕. 最基本的鮮果蛋糕十分美味. 外層塗滿了cream, d cream 很滑, 質感厚厚的. 海綿蛋糕很柔軟, 很香, 且夾雜很多鮮果. 裝飾的藍莓鋪上了金薄, 簡單而高貴. Chocolate cake: 朱古力非常濃, 沒有多餘甜味, 只有濃郁朱古力味, 口感非常豊富, 入口啖啖朱古力, 令人很回味.

表姐生日原本打算係Peninsula Boutique訂,但Blueberry 要加$100而且已試過佢D cake所以放棄了,第二次訂帝苑對上一次係兩年前....講番個cake,D芝士又濃又滑,Blueberry 又甜又新鮮,好好食,2Ib cake $360 l8人食,哈哈哈哈!!

見openrice有太多贊其西點的好評，帝苑又離學校如此近，當然要試下。單看價格，尚可接受，可是見到實物，不禁冒冷汗，原來如此細件……很多選擇都想試，但囊中羞澀，揀了據說全港最美味的tiramisu（我想也是最細件吧），個人偏愛的strawberry napoleon, chocolate truffle同ugly chocolate cake.Tiramisu確實美味，咖啡味很濃，芝士滑而味道足，甜度適中，又有淡淡酒香，所有元素都合適，唯獨size太細，吃得不夠盡興啊（下次要買1磅蛋糕~）Strawberry napoleon是最愛，酥皮鬆脆，最正是中間的custard，軟滑又不甜膩，搭配清新草莓十分好味！Chocolate truffle cake是雪過一夜後吃的，怕會變硬，可是第二日食依舊軟滑，令人驚歎。朱古力味有很濃，餅底較脆身，又有很香的牛油味。Ugly chocolate cake與truffle同食，本想分出個高下，然而真的無從比較，各有千秋。Truffle相對軟滑細膩，而ugly則質感實淨，朱古力味更濃鬱，如論個人偏好，我更情傾醜小鴨，不過roommate就鐘意truf

太座趁小弟唔覺，靜雞雞去呢度買咗兩件cakes，surprise ^_^...上次食過嘅chocolate hazelnut cruchy cake，水準依舊出色；新朋友係hazelnut mango tart。甜度剛好，底層嘅朱古力批底做得好實淨，質感一流；美中不足係嚿鮮芒果肉味道好酸....多謝晒^0^...

好耐無食呢度d 蛋糕, 印象中食過最掂的係佢d mango mousse cake, 唔知而家水準係咪一樣咁掂?今日阿媽買了個New York cheesecake (圖上) 同一件chocolate truffle 返0黎... 兩款賣相平實, 唔會超級靚/花巧, 味道就好得-- cheesecake 質感實淨, 芝士味濃, 最掂係唔會好甜; chocolate truffle (阿媽話係$34 一件) 就好濃好濃0既黑朱古力味, mousse 部分好軟滑, cake 部分又唔會太乾/濕, 非常好食!Thumbs up!

嚟呢度絕唔係因為個靚佬總厨，而係佢哋嘅tiramisu真係得...可以謂全城其一最佳提拉米蘇...今次特登走去買俾太座試吓。點知太遲，全部清倉...冇辦法，唯有試吓第二樣...淨番拿破崙及朱古力叫做睇得吓...cake嘅包裝並冇依家新開嘅shop嗰D咁elegant，平平實實；cake本身都係好plain，冇乜花巧嘢...但味道卻係一流嘅...hazelnut chocolate crunchy cake，名符其實好脆口，朱古力片與chocolate mousse層層雙疊，再响底層加上有hazelnut嘅蛋糕。底層蛋糕texture 較粗(可能因有nuts嘅關係)，但加上滑滑嘅mousse及朱古力片，味道相當匹配。最盞嘅係size細細，可以用單手攞住嚟食，方便異常...Napoleon就食得較"論盡"，但都唔介意，因雖酥皮層數甚多，但一D都唔覺得死實，實在見功夫；皮夠crispy；custard cream打得smooth之餘且甜度剛好。呢個比天后Mimosa嘅做得更出色.....有水準。睇嚟靚佬總厨真係唔係浪得虛名....

had a tiramisu ($25) and a black forest cake ($32). the tiramisu is very small. i think it tastes better in Sabintini. the tiramisu in Sabintin also double in size in set lunch. the set lunch is really good for money.the black forest cake is quite good. love the cherry inside.

早排朋友生日,專誠黎呢度買蛋糕,咁啱佢有新野,叫做菊花芝士蛋糕,咁就買左個試下,試完之後覺得唔錯,唔太重芝士咪,而入面又有淡淡既菊花味,幾好!!

一位很勁的同事要走了，本打算到cova買farewell cake。行過帝苑的餅店，看到櫥窗內的「士多啤梨朱古力撻」正向途人招手──大大個撻滿佈大大粒士多啤梨，很吸引，便棄cova取帝苑。訂撻時買了拿破崙、chocolate truffle及tiramisu回家試試，媽媽與我最愛拿破崙、爸爸則愛tiramisu，而chocolate truffle就比較甜(我還是喜歡口感似melty kiss的Vanilla chocolate truffle)。說回那個撻，超好味，custard打得很滑，與朱古力慕絲很夾，慕絲一點也不膩，撻底很好味，撻底與custard中間那層薄薄的朱古力很脆，士多啤梨很甜，藍莓也大大粒......同事告訴我那位總廚很靚仔，我當然不會在餅店看到那位靚仔啦......後來，我在書店看到他的兩本食譜(第二集是食譜+相集呢)......依，他的樣子有點像我一位同事?

(Note: 呢篇係過期食評...)佢出品0既mango mousse cake 真係好好味, 賣相靚, 芒果清甜, d mousse 好滑, 唔會太甜而且唔係artificial 芒果味, 入面又有芒果肉, 好得!一定要搵日0黎再買!

我聽講有個好出名的總廚Tony Wong,所以就去試試。由於本人,我的生日關係,所以訂左1磅芒果慕絲蛋糕($170).好正呀!芒果好甜,好好味.由於我都like【Tiramisu】所以都買左兩件黎食,好好味!芝土好好味,好有水準,非常正宗,我食過咁多間嘅,Tiramisu,Fine food 都可以算香港No.1。雖然貴少少,但好值得!服務方面麻麻!笑容缺少