巧得鍋 (已結業)

約左幾個舊同事小聚，因為佢地番工地方近觀塘，所以就揀左巧得鍋打邊爐，邊食邊打可以坐耐少少。叫左酸菜豬肚湯底，無論酸菜定豬肚都非常足料，簡直可以當多個餸，打到最後仲有得食，特別係啲豬肚煲到冧曬，好好食。呢度啲用料都幾鮮夾抵食，份量都幾夠，三個人分剛剛好。如果同價錢仲可以雙拼，岩曬啲每樣都想試，但又驚食唔曬既人。手切手頸脊牛肉厚切，有牛味，值得推介。花雕醉雞隻雞都幾大隻，肉質嫩滑萵筍拼芋絲萵筍新鮮爽口。紅薯粉拼娃娃菜，紅薯粉好煙韌有咬口。仲嗌左淮山拼烏不過唔記得影相，第一次食淮山，口感好新奇，粉粉地又黏黏地。仲有即炸響鈴拼魚肉春卷，響鈴正，索曬啲湯既精華，打邊爐必嗌之一。

妹妹愛打邊爐,所以選擇食火鍋慶祝妹妹生日,我選擇巧得鍋,位置地點就腳方便就是近官塘港鐵附近。 店於官塘區工廠大廈內。* 店燈光充足,環境舒適,坐位寬敞舒服。* 打邊爐怎少得調味醬,有多款調味醬混下,按下自己喜愛而調配。**選 巧得SET 268/位 X 2位 有前菜,鍋物,主食,配料,菜,甜品飲品。**前菜 有麻辣雲耳及涼拌蓮藕, 十分開胃 。**巧得鍋物選左【巧得招牌雞鍋】 (半隻) 小辣 雞件食起上來少少辣,肉質嫩滑不鞋, 辣來有少甜甜地味道,而辣及甜味富層次,惹味非常,食後十分開胃。** 食完雞件後, 加湯繼續打火鍋。** 【巧得牛肉拼盤】 這牛肉併盤,有四款牛, 分別有牛肉片,牛舌,牛展,牛肉粒, 多款牛能滋味越濃厚,在口腔蔓延,好食哦!**【巧得大拼盤】 這盤有海鮮,丸類及餃類一次過滿足乜都想食,分別有大扇貝,鑽石蜆,日本廣島蠔,日本蟹柳,蜂巢豆腐,手打蝦丸,手打墨丸,菜安格斯牛肉餃,牛肝菌 及羊肉餃。 大扇貝,鑽石蜆,日本廣島蠔好新鮮, 而其他也不錯。**【巧得蔬菜盤】 蔬菜盤全部非常新鮮。**飲品可選特飲【芒果榴槤果汁】+【熱情果沙冰】芒果榴槤果汁略為只飲到芒果味而榴槤味

一行九人，慶祝生日。 因為點餐紙只有鱔和脆肉鯇，老人家想食其他魚，所以問員工有沒有其他選擇，見幾個員工一個問一個都答唔到，最尾叫咗個應該係經理過黎，經理話入廚房問吓，點知問到食完都冇覆過。埋單見到張單有個刺身係$0. 但我地冇食過，於是問吓係咩事，個staff話係送既， 我話我地冇食過，佢一啲唔好意思都冇，亦都冇話好驚訝咁話“可能送咗隔離枱”. 跟住講完就等你比錢，亦都冇話保番比我地。已經光顧幾次，今次感覺真係好差。 服務差，亦不老實。

朋友想喺公司附近近近地搵間打邊爐，介紹咗依間係工廈入邊嘅火鍋。位置都唔難搵，地方幾大，見到又可以燒同打邊爐，所以幾好印象。叫咗個胡椒豬肚湯底，胡椒味好重，個湯好亂位。然後帶咗啲蔬菜，淮山同竹筍都好好食，好爽口。牛肉同埋醉雞都唔錯，本人誠意推介醉雞，份量好足。然後仲有唔同嘅拼盤同牛。成個湯底到中間已經好濃，好入味。仲有唔同嘅特飲，可以試試。最後仲有可以用優惠價叫唔同嘅甜品，例如木糠布甸，朱古力千層蛋糕🍰。will back again

好差 奇差 未試過食咁差嘅雞煲差到要寫人生第一個食評難食都算 我地成班人食完第二日都又屙又嘔之前食過一次 覺得好好先再encore 點知就中伏雞煲個火都唔夠 我地自己係度煮左成半個鐘d雞都未熟 已經keep住攪下個煲但就已經有燶味 同店員講 佢就話幫我地換煲換完出嚟明明嗌左一隻雞變左半隻雞又再入去換過第三個煲個煲底唔平 又係搞左好耐先食到 同樣又係keep住攪個煲唔想痴底但都係一樣剩係搞個雞煲都搞左成個幾鐘先有得食但打邊爐個d料一開始已經送晒嚟到最後食完雞煲開始打邊爐個陣d生肉都已經縮晒水 d海鮮又黑晒埋單仲要成300蚊一個人 碌卡又要每個人俾多廿蚊以後都唔會再嚟食！

秋風起～火鍋嚟～是夜同老公二人撐邊爐腳，但兩丁友打邊爐，最頭痛係叫唔到多款，任食火鍋食物質素大多一般般，再諗就晚餐變宵夜嘞～～～就嚟咗巧得鍋，食過午餐都唔錯，就試下火鍋！發現有火鍋套餐！套餐兩位起，唔計個鍋底同菜盤，有十三款食物包甜品及飲品，可揀特飲唔洗加錢，而甜品係好神秘嘅前菜：麻辣雲耳、涼拌蓮藕蓮藕清新爽口～雲耳爽辣，醒胃～正！滋補花膠燉竹絲雞鍋真材實料，除咗花膠同烏雞，仲有其他藥材，越煲越濃味～有兩大條花膠，中途有待應幫忙剪開。牛肉併盤有四個不同部位，金錢牛𦟌、牛脷、牛柳粒及牛頸脊，每個部位口感不同，但都係咁牛味濃郁又新鮮～巧得蔬菜盤排名不分先後，有：冬瓜冬菇南瓜娃娃菜秀珍菇金菇白菜油蜜菜生菜，加多粒車厘茄。新鮮～巧得大拼盤拼盤有：大扇貝、鑽石蜆、日本廣島蠔、日本蟹柳、蜂巢豆腐、手打墨丸、韮菜安格斯牛肉餃，牛肝菌羊肉餃。好豐富呀～如果兩個人散叫就好難試到咁多款式嘞樣樣都新鮮好食～～鑽石蜆每人得一粒真係唔夠喉囉⋯⋯仲有呢隻廣島蠔，肥到呢～煮完都仲咁大隻！（前）檸檬青蘋果、（後）鮮果特飲兩杯都好飲，我鐘意檸檬青蘋果，酸酸地，fresh啲；鮮果特飲係奇異果味，溫柔啲。紫心蕃薯丸問：我

雞煲對於我也算是情有獨鍾，可品嚐雞煲既惹味，隨後也可加上湯來一個暖身的火鍋，簡直是一舉兩得。今晚就約了家人來為我慶生，地點就選上了位於官塘巧得鍋，地點非常就腳，地鐵出口走7分鐘就到達。四人就坐後，侍應先端上一碟蝦刺身只炸物，細問之下原來是阿根廷大蝦，蝦身以刺身處理，鮮甜爽口彈牙，頭部以炸來處理，佐酒一流。 未點菜就有食物到肚，這還是第一次。點了套餐，可選牛肉或刺身，但火鍋還是以牛肉為主，點選了牛併盤。前菜有麻辣黑木耳和涼伴蓮藕片，吃起來爽爽的，味道點點麻麻，作為前菜很不錯雞煲來到時十分吸睛，色彩繽紛，原來有大量三色椒跟紫洋蔥，點了小辣但也辣得很過癮，雞煲味道濃郁，再配上新鮮的三色椒帶出的鮮甜，這種味道減低了辣對味蕾的刺激，而雞件肉質嫩滑，而出奇地煲內卻沒有大量的油份，令我十分驚喜。進入火鍋部分，海鮮併盤內有蠔，扇貝，，蜆手打丸，餃類，海鮮類新鮮，且份量剛好牛肉併盤有牛舌，牛展，安格斯牛，牛肉粒，一次過食到各類牛，實在大滿足。飲品可選特飲，點了沙冰跟芒果榴槤特飲，雖芒果味較重，但也是很不錯的飲品，餐廳也很用心在飲料上，還有其他健康之選的蔬果汁，大家也可考慮一下。甜點轉了黑櫻桃酒心芝士千層

絕對有理由懷疑d好評邊到黎未食過一間打邊爐，咁既價錢，咁樣既質素。生菜38蚊得幾塊，成290幾蚊個刺身併盤，d刺身係唔新鮮，仲要梅梅地……其他野食又唔新鮮，最正常係個辛辣麵中伏……………

天氣稍為轉涼，同事有興緻放工吃火鍋，反正今日是開心星期五，辛苦了一個星期吃餐好都不是太過啫！餐牌選擇有散叫及套餐，見到套餐已包湯底，前菜，主食，配料，蔬菜盤及飲品加甜品，我兩個人就揀套餐覺得超抵喔(HK$268/位)！登登登，有相為証，睇到食材幾豐富，牛肉拼盤，大拼盤以海鮮為主及蔬菜盤，款款新鮮，尤其日本廣島蠔，大大隻，肉質厚非常鮮味，至於飲品選鮮菓汁因可幫助消化！前菜牛肉拼盤大拼盤蔬菜盤菓汁(鳳梨，木瓜，甘筍)加甜品(360牛奶布丁及炸甜紫薯)'

觀塘印象一向都係工廠大廈林立，辦公地區眾多，就算想食好少少既餐廳都係只有ＡＰＭ可以選擇，但係壞處就係連鎖太多，價錢又未免合大家心水。不過今日男朋友帶我去一個隱世又好食既雞煲！地點位於成運工業大廈。非常易去，夜晚去個陣都好多人～車水馬龍！去到見到一幅用少少似毛筆字筆跡，走廊外牆有木板裝飾咁就表示你去岩地方～坐底後已經感受到侍應哥哥既熱情招待，神速咁備好茶水，茶係喬麥茶，茶香味甘。之後介紹雞煲既用料以及辣度，由於本人食帶辣食物頭上會不停出汗，所以為求食個陣唔好太辛苦，點左細辣！稍等片刻後由侍應哥哥呈上一幅放大版九宮格醬料，配料包括：香芹，辣椒，麻醬，蔥粒，炸蒜，沙茶，芫茜，蒜泥，秘制ＸＯ醬，價錢既全免，大家又可以自由配搭屬於自己既秘制醬！整完個秘制醬後，餐前小食已經送上，分別係麻醬木耳，芝麻蓮藕片。木耳爽口，麻醬微辣，帶醒胃之效，微微花生香，令人一食再食～蓮藕片清甜爽口，份量都十分足夠二人食用，個人比較欣賞麻醬木耳，因為麻醬份量拿捏非常精準！木耳又不會滲出多餘水份！主角終於登場，再次一改我對雞煲既印象，因為以往雞煲都會有一層油係面，印象分我會大打折扣，今次呢個雞煲冇呢個問題，加上個麻醬既香

友人生日 就佢返工地點黎到呢間位於觀塘的餐廳。環境舒適大方，光猛的燈光。最鍾意舒服的環境打邊爐。對比酒樓那些又髒又吵，這間舒適多人了。上到黎有九格的漿料以供挑選。首先湯底，叫了竹絲雞花膠湯，一上到黎 原隻雞係到，哇好足料。仲有紅多花膠。湯底滾咗，有服務員係面前剪雞，服務好好，服務員叔叔笑容唔錯，難得一個大男人咁友善。叫咗個蝦滑，新鮮有甜味，叫咗碟貴牛，上到好大碟，即刻碌咗塊，哇重牛味又厚身，同平時的肥牛不同。另外叫咗竹苼，大大份，生蝦，新鮮爽口，娃娃菜，仲有我最鍾意的脆骨鯇，好肥美大件。最後，本身想挑戰刺身做ending，但因為太飽嘅關係，叫咗份泰式生蝦，上菜好靚，擺得好靚，仲用蘿蔔挑咗個玫瑰，presentation 有心意。生蝦比一般係泰國餐廳嘅份量仲大，都新鮮嘅。可惜location 不太就腳，如果係觀塘線返工就可以去多幾次。

5個人食1200蚊208蚊左右一個鳥雞花膠煲牛肉新鮮無咩味精茶係元米茶可一邊打邊爐一邊韓燒可以再黎食過，但應該唔會再叫咁貴既湯底了重有雞煲果d,可以下次去試下哈哈...

妹妹推介嚟呢到邊爐，嚟到先發現想推介嘅係第二間🤦🏻‍可以點，都嚟到😂😂我地仲食到最遲走好欣賞而家的食店好著重碗筷，睇見靚都食得開心啲揀咗花膠烏雞湯，湯唔太濃開頭無乜人理我地，原來個雞係未熟同會幫手剪開烚完其他個湯就好好飲但隻雞幾有咬口，食咗半隻都無🙈右下係送的刺身蝦，蝦頭炸咗好味響鈴脆口唔油“益”珊瑚蚌拼桂花蚌好爽口(我仲未熟得曬熟食咗)鯇魚好有魚油香牛牛拼盤最好係牛腱，其他牛味唔太重，唔通俾個湯蓋咗🤔墨魚滑拼腩肉墨魚滑夠黑又彈牙腩片好味總括服務同環境都唔錯食物有進步空間

邊爐癮起，今晚book左去巧得鍋~ 地方都好大，現場大概5成滿，我都早左半個鐘去！張台好闊落，唔逼之餘仲放到好多野！我同朋友都懶得揀食咩，於是叫左個巧得set！淨係揀鍋物同主食就得啦~ 個set仲包左前菜﹑配料﹑甜品同飲品。我地揀左巧得招牌雞鍋，BB辣，主食就揀左巧得牛肉拼盤！點完菜，店員就送左麻辣雲耳及涼拌蓮藕黎啦~兩款小菜都不算太辣和麻，不過幾惹味！雞鍋非常足料，調味惹味，配料幾多，有紅、黃椒、芫茜、紅蔥頭、洋蔥等，雞件都幾入味，同埋幾大件但肉質一點也不老，食落好嫩！配料盤一d都唔馬夫，帶子、蜆、廣島蠔都好大隻！羊肉餃子有d蘇！牛肉餃子好好吃 ~蔬菜都幾大兜！食到咁上下，想要加湯打邊爐，加了湯後，湯底都仲好濃郁！問下先發現原來可以燒烤！店員會幫忙鋪上一張簿紙，食物不會癡底！放左d牛舌、午餐肉同蠔落去燒~ 牛舌幾厚身！廣島蠔燒到外面乾身，微脆，一咬入去，juicy！仲要咁大隻，超滿足！牛肉拼盤，燒既話會有牛味d！分量多！牛肉粒用燒，d牛味好濃！眼闊肚窄既我地仲加左午餐肉、響鈴、辛辣麵響鈴索哂d湯汁，正！辛辣麵同湯底既汁地夾！甜品方面，我地跟set所以可以用半價加左一個榴槤炸彈，外面熱

踏入第5年 ~ 人生有幾多個5年或10年，哈哈哈，因為我老板人好，暫時未會轉工，感恩遇上他！工作甘辛苦，緊係食好d，就是因為要遷就舊同學 OT 完吃飯，所以她介紹來這間近她公司的。。。 話要食網上推介的＂巧得鍋" 天氣轉涼，係時候補補，喝d滋陰保腱； 兼吸收骨膠原的食材: 甘叫 ＂花膠燉竹絲雞 (半隻）“湯底啦， 聽個名都夠名貴， 啱哂我倆 果2舊花膠好大舊，仲好甜好爽! 見到很多藥材，包括黨參、淮山、肉竹和龍眼肉等，超甜又夠中藥味，真係值回票價 除牛肉拼盤外，還有另一拼盤， 內裡有日本廣島蠔， 真係好肥好大只，非常鮮甜，好有咬感! 扇貝好厚身，啖啖肉! 仲有好多配菜，手打蝦和墨魚丸。。。好彈牙! 見到隔鄰的滿滿一碟大蠔，隻隻都肥嘟嘟，我倆都虎視眈眈，話下次也專登叫來吃，實在太番尋味了 牛肉拼盤超鮮嫩，肥牛外，還有牛肉粒和牛舌，最啱我呢d貪不同種類的牛魔王! 2款餃子都好特別: 韮菜安格斯牛肉餃 和 牛肝菌羊肉餃 很均衡的食材安排，一大盆蔬菜和菇菇，好新鮮，好健康 店員態度親切又勤快，真要俾個叻呢！ 加油，繼續保持良好水準，讓每個客人食得開心呀！