巧得鍋

How Awesome
272
23
16
港鐵觀塘站 B2 出口, 步行約2分鐘 繼續閱讀
電話號碼
22345169
22345170
95059131 (WhatsApp)
營業時間
今日營業
11:30 - 15:00
17:30 - 00:30
星期一至六
11:30 - 15:00
17:30 - 00:30
星期日
17:30 - 00:30
公眾假期
17:30 - 00:30
付款方式
Visa Master AlipayHK 支付寶 現金 AE 銀聯
座位數目
80
其他資料
網上訂座
Wi-Fi
自帶酒水 詳細介紹
泊車
電話訂座
賞訂座積分
加一服務費
當面支付
有關餐廳
火鍋。烤物
凡4人或以上入座享用火鍋即送巧得小食乙客

新派特色火鍋,嚴選世界各地及本地優質食材,不單講究火鍋湯底,火鍋配料大都是自家製。手打鮮蝦丸,混合粗幼鮮蝦肉手打而成,蝦味十足,口感豐富。人氣玉竹意米乳鴿鍋(鯊魚骨湯底),先喝滋補養生湯,後品嚐肉質細膩乳鴿肉,再配埋雪花均勻牛肉,當一口咬落去,牛肉吸足了湯汁,令鮮味更加倍從口中慢慢溢出,令你回味無窮!
最新雙電爐設計,火鍋,烤肉,可同時一次過滿足所有味蕾!

食評 (340)
等級4 2020-11-28
574 瀏覽
今天來了觀塘的成業街工作,同事帶了我去巧得鍋開餐,說這裡的午市套餐非常超值,就一於試下啦我們叫了兩個套餐,一個是花膠冬菇養生清雞湯飯,及海鮮濃湯烏冬,跟餐還有一個前菜沙律,及高原野生蕎麥茶。我們還叫了兩杯特飲,只需半價便可以飲到。沙律好fresh,味道清新高原野生蕎麥茶茶味濃郁,一飮便愛上了花膠冬茹養生清雞湯飯一定要比個大Like上枱時熱辣辣,雞湯入口很清淡,亦帶著濃濃的雞味,配料非常矜貴,不單有大大隻的花膠,冬菇非常厚肉,圓肉及杞子也是養生的食材,但價錢只需$68,確是超值之選大大隻的花膠,非常滋補,確是女性恩物冬菇亦不遑多讓,厚肉大隻,咬落好有口感海鮮濃湯烏冬也很不錯,湯底好濃及超鮮甜,配料亦豐富,有大大隻蜆、蝦及墨魚,海鮮非常新鮮,配烏冬一起吃,令人回味無窮呢檸檬青蘋果梳打特飲好正,份量很大杯,味道酸咪咪,飲下透心涼士多啤梨沙冰真材實料,口感好rich,士多啤梨迷一定很喜歡價錢非常相宜,不用加一,而且性價比亦高 繼續閱讀
(以上食評乃用戶個人意見 , 並不代表OpenRice之觀點。)
朋友話放工帶我食好嘢 🙆😄北風起,又係烚烚下🥘的好時光😋 好易找,在觀塘成業街投注站直行,亞媽話行路要昅住地下🔽哈嘻,見到地下有牌指引,直上1樓又或轉入去乘電梯啦😄望住個餐牌甘多好嘢,真係好腦塞 🤹所以慳番d腦力,就選"巧得 Set"💁 先有前菜:😝麻辣雲耳,涼拌蓮藕 🧆先涼快一下舌頭👅2樣食材的調味都很到位👍而且咬落爽爽的,就算疫情下,大家都要心情爽爽喔😉滋補花膠燉竹絲雞🐤鍋 (半隻)又係養生🧘時段,2大舊花膠浮在湯面,真係相當吸引, 它的好處真不用我說🧖 總之就係"好" 而且"貴" 😄再伴以半隻大竹絲雞🐥,好落本,真係性價比甚高🍲啖湯好甜好甜👍😘又係落足藥材,黨参、龍眼乾 (又稱圓肉)、杞子等,味道無得嘆, 喝完再喝翻尋味💯😻巧得牛肉拼盤🥓🥩🍖有幾種不同款式,有牛肉片🥓一口牛肉粒、牛脷👅和金錢牛展😄 除咗睇到d牛牛個個外表紅卜卜,像哂了太陽的美女👸,皮膚靚靚,見到就想咬😁哈 🤭吃落又真係款款有濃郁牛味,嫩嫩的肉質🥰加埋我喜歡的XO醬+沙茶醬👇,又有湯香,咬完,再飲啖啤酒🍺,係呀😂又 cheers 🍻🥂😜巧得大拼盤🉐🉐🉐海鮮類: 大扇貝,日本廣島蠔,蟹柳,日本带子🦪🐚🥠海鮮絕對要新鮮, 外表一看便知龍與鳳 🤩加上樣樣咬落肥美,成件事咪變得好完美 perfect 💯😻韮菜安格斯牛肉餃🥟 和 牛肝菌羊肉餃🥟點解要介紹呢2款? 因為前者多韮菜,而且有靚牛牛做餡,我特別鐘意,有d人吾受得呢種味,每人喜好不同🤭😄後者有一種獨有的香味,真好特別,牛肝菌不是普通食材,又加上羊肉的少少羶味,Like like ✌️😝😛蜂巢豆腐💞 質感好特別,我真心喜歡😘索哂d湯汁,咬落好有層次感,不像一般豆腐,你要試試啊😆巧得蔬菜盤🥬🥒🥦🥒有齊多款吾同選擇, 有瓜又有菜 🥒🥬🥦最緊要夠新鮮,又夠份量,呵呵,吃得哂咪做大嘥鬼✌️😄 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-15
370 瀏覽
觀塘lunch time  peak hour 覓食真係有如打仗, 唔少打工仔捐窿捐罅都有啲鐵竇心頭好嘆返個lunch。 今日工作關係過了午飯時間先出去, 嚟到觀塘工廠區樓上餐廳《巧得鍋》。这裏晚上火鍋都好得, 午市也有不少套餐供應。價錢相宜,廚師推介款式甚至比茶餐廳更平,仲有野生蕎麥茶和餐前沙律附送。時間許可,仲可以來個二人雞煲套餐😍这壺蕎麥茶真係飲過最有麥香味道的靚茶, 況且唔收你茶芥,絕對有誠意。麻醬沙律菜, 清新開胃麻辣和牛面肉湯手打烏冬估唔到份量好大, 好像來了一碟餸 ~和牛麻辣牛面肉另上, 還有涼拌蓮藕 ,雲耳!麻辣味道唔算太激可以接受, 而且都幾入味 唔係得個辣字。 牛面肉質地似牛腱, 啖啖肉唔韌 仲好有肉味。手打烏冬又滑又煙韌 ,配帶點麻辣的湯底,有點似食緊火鍋~魚湯海鮮烏冬, 奶白色的魚湯睇見都 流曬口水 顏色配搭都好豐富! 魚湯底濃郁鮮甜唔覺有味精, 配合健康雲耳,蕃茄👍👍還有海蝦, 墨魚仔,蟹柳 ,白蜆~ 非常豐富, 白蜆尤其鮮甜!兩點後午餐轉特飲只係加$8。吃過麻辣餸菜心思思想來一杯沙冰降溫 。熱情果沙冰, 份量唔少,沙冰打得幼滑均勻, 唔會有啲偏甜有啲冇味, 熱情果帶有番石榴味道, 兩者其實好相似, 味道清新帶有濃郁的果香。鮮果雜飲好少特饮會有這款奇異果綠作底色😍 非常魔幻 ,配合很多雜果粒:菠蘿,哈密瓜,密爪,西瓜。。好啱奇異果愛好者, 結合夠氣嘅梳打水, 係我近期饮過幾有創意, 味道有驚喜的特飲。😋👍食物出品美味有誠意, 選擇多樣化服務也很周到 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-14
1552 瀏覽
觀塘工業區呢頭雲集唔少食肆,呢間火鍋店之前同朋友食過覺得唔錯,今晚再度歸來黎個"十下十下"之夜量好體溫就安排入座,打開餐單點選今晚食咩先當然要落左個湯鍋先,晚間天氣涼左少少,突然想起胡椒咸菜豬肚鍋 ($68),滾番起時,未飲已經聞到胡椒香味,入口果然有料到,辣味尤在,飲完一碗真係額頭冒出汗來(唔係講笑); 而湯料豐富,咸菜入口淡口,就咁單食都可以; 豬肚係急凍貨,但入口有口感,配上少少芹菜葉,不禁未開始烚料就食左一碗先!係飲緊湯嘅同時,火鍋材料已陸續上枱,最先出場係呢客手打鮮墨魚滑 ($68)大細粒由我話事,浮起就食得,入口超彈牙,隱約食到墨魚碎粒,再加埋蟹子嘅脆卜卜,好快全落在肚中!多款不同牛肉部位選擇,唯獨呢客頂級本地手切肥牛頸脊 (小/$198)最得我歡心,肉色靚仔,大小厚薄均一,肥瘦分佈恰當由於唔太厚,夾住放入湯烚幾下一轉色就食得,肉味偏香,質感柔軟,又食到少少油脂香味,無令人失望!愛上火鍋時食嫩鴨血 ($58)係源自台式火鍋,可能受歡迎,依加好多火鍋店都有供應,呢度嘅份量超多入口好似食緊果凍咁滑,無腥味,配上芫茜蔥碎增加香味及口感,正呀!海鮮類代表有呢客脆鯇骨腩 ($68),肉色望落有光澤,唔係乾爭爭似擺左好耐嘅貨色腩位多肉但帶細骨,食時要小心; 連帶骨位部份食落有爽脆感,食佢就係想要呢種口感咋嘛.....哈哈...!平時食開用萵荀 ($38)做火鍋多數係片狀,呢度係條狀,需時耐少少,但入口仍然帶爽脆度,仲多一份甜味!綠色食物..........來者不拒,叫多個巧得蔬菜盤 ($68),綠葉蔬菜有幾款: 包括油麥菜,芥蘭,白菜,娃娃菜; 仲有南瓜,冬瓜片及金菇冬菇,烚完全部都更加鮮甜!食到飽晒,呢個時候侍應送上冰凍西瓜,入口爽甜爆汁,食得出係無"浸"過糖水嘅,下火之選! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-31
67 瀏覽
天氣轉涼,又是打俾邊爐的時候,今次光顧,再一次沒有讓我失望。今次叫了一個巧得鍋,當中已包括了牛肉拼盤,蔬菜拼盤和大拼盤(雲吞,丸和貝殼類海鮮),仲有兩道小食,基本上已足夠兩三個人食用。稱讚的是,他的牛肉出奇地新鮮,非常有牛肉味,打邊爐真的一流。這次另加了桶蠔,桶蠔非常地大隻,而且新鮮,入口有爆漿的感覺,令人一吃上癮,非常滿足。黑牛柏葉也非常爽口,非常好吃。豬粉腸有驚喜,非常粉嫩,好吃。鴨血很滑,配上麻辣湯底,真是一流,非常入味。最後想講的是,這間店除了材料新鮮之外,味道好吃,份量也是出奇地多,難怪這麼多人光顧。 繼續閱讀
(以上食評乃用戶個人意見 , 並不代表OpenRice之觀點。)