巧得鍋

How Awesome
216
22
14
港鐵觀塘站 B2 出口, 步行約2分鐘 繼續閱讀
電話號碼
22345169
22345170
95059131 (只限Whatsapp查詢)
營業時間
今日營業
11:30 - 15:00
17:30 - 00:30
星期一至六
11:30 - 15:00
17:30 - 00:30
星期日
17:30 - 00:30
公眾假期
17:30 - 00:30
付款方式
Visa Master AlipayHK 支付寶 現金 AE 銀聯
座位數目
80
其他資料
網上訂座
Wi-Fi
自帶酒水 詳細介紹
泊車
電話訂座
賞訂座積分
加一服務費
當面支付
有關餐廳
火鍋。刺身。烤物
凡4人或以上入座享用火鍋即送巧得刺身乙客

新派特色火鍋,嚴選世界各地及本地優質食材,不單講究火鍋湯底,火鍋配料大都是自家製。手打鮮蝦丸,混合粗幼鮮蝦肉手打而成,蝦味十足,口感豐富。人氣玉竹意米乳鴿鍋(鯊魚骨湯底),先喝滋補養生湯,後品嚐肉質細膩乳鴿肉,再配埋雪花均勻牛肉,當一口咬落去,牛肉吸足了湯汁,令鮮味更加倍從口中慢慢溢出,令你回味無窮!
最新雙電爐設計,火鍋,刺身,烤肉,可同時一次過滿足所有味蕾!

有關獎賞計劃
食評 (279)
等級4 2019-09-19
1331 瀏覽
觀塘真的很多美食啊!今日同朋友去觀塘報個團又準備出發旅行啦!報完團梗係去醫肚喇, 聽說觀塘巧得鍋除咗晚間嘅火鍋之外,午間都唔錯嘅!於是就上門拜訪下!去到門口淨係 "巧得鍋"生招牌已經非常之吸引,仲見到啲明星相添!應該口碑都唔錯, 可能是兩點時間,人流不算多,好舒服座位又寬敞冷氣又夠喎,侍應生熱情招待,一坐低就預備咗兩杯野生蕎麥茶和兩碟小巧沙律菜❤清清味蕾。朋友好鍾意食日本餐,竟然都有日本餐食咁就梗係叫日本餐食啦,我哋叫咗極品魚生丼~~有八爪魚 三文魚 劍魚腩 玉子蛋和大大隻牡丹蝦 仲有大大粒嘅魚籽。件件都好厚身啊!而且啲飯加了日本醋入口好香甜,日本飯食落仲有少少微暖。另外再叫多一個壽司盛(12件)~~賣上一流,因為12件都幾澎湃,刺身很新鮮, 哈哈!牡丹蝦也是很大隻,帶子很鮮仲有海膽添,全部都好鮮味啊!連伴碟都唔簡單,有玉子蛋蘿蔔青瓜酸薑。我哋都唔客氣食曬呢!套餐飲品重有午市優惠添,可轉特飲半價。 我哋就叫咗鮮果特飲和熱情果。 兩杯特飲都很特別很清香甜❤新鮮的水果和熱情果香濃。正👍仲有甜品都係半價呢!我哋叫咗紫心番薯丸 有五粒,熱辣辣好黏性少少甜。總結~食完大滿足啊!觀塘工廈果真有隱世高手啊!另一首選食肆!👍😀 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-22
2347 瀏覽
今天下班後同朋友在觀塘聚會,在工業大廈中看到這家巧得鍋火鍋店,參考完餐牌覺得不錯就進去坐下。入面環境乾淨寬敞,冷氣、抽氣足夠,完全冇濃烈既邊爐味。 最貼心的是在坐位中有usb的充電位置供客人使用。拎起菜單,就可以見到這家除了打邊爐,仲有刺身、小食同雞煲。我們點了一個小辣的麻辣雞煲,一隻雞的份量。 雞煲端上來的時候,店員就主動上前幫我們抄勻,雞件好入味,麻而小辣,份量很多。吃完麻辣雞煲,可以叫店員幫忙加湯打邊爐。邊爐醬料係以一個九宮格畀客人自己選擇,醬料款式很多。至於打邊爐的食物選擇很豐富,我們點了鮑魚、珊瑚蚌、蝦滑、牛頸脊同埋黑豚肉。值得推介嘅係鮑魚,本身打算放邊爐湯底煮,但我們下單時,店員會主動問我們要不要果皮蒸,還是放湯打邊爐。最後,我們揀了清蒸鮑魚。用果皮絲配香蔥蒸,食落好爽口彈牙,感覺鮑魚好新鮮鮮甜。珊瑚蚌食落爽口彈牙,肥而不膩。牛頸脊牛味濃郁,入口有種溶化嘅感覺,配上我哋個麻辣雞煲湯底,真係一流。整體嚟講,食物、環境同服務質素都有好高水準,會再番黎食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-11
2995 瀏覽
曾經去過巧得鍋食過LUNCH, 真係好回味。難得今日去左觀塘開會, 一於再去食多次。小提示: Openrice會員可以經網站訂位, 仲有25里數送呀。餐廳係觀塘站B出口, 左手邊直落地面向前行見到馬會, 再左轉直行就到, 大約5-6分鐘。避過午飯人潮,一坐低職員已奉上新鮮沙律及一壺蕎麥茶, 好中意飲野生蕎麥茶, 好香好清潤。睇下餐牌, 選擇也很多, 價錢都唔貴,由$48起, 食物方便有招牌咖喱系列, 養生清雞湯飯, 壽司, 魚生丼, 四川麻辣紅薯粉等等….我和同事選擇左 :角切魚生丼 $68壽司盛(12件) $68餐廳推廣2:00後入座仲可以送飲品, 我地都各加左$8 轉特飲, 分別有 :鮮果梳打特飲檸檬青蘋果梳打時令前菜新鮮沙律菜配上芝麻汁, 開胃極佳。角切魚生丼角切魚生丼內有八爪魚,三文魚,劍魚腩,蝦, 玉子, 北寄貝手卷等等, 角切魚生係大大粒, 新鮮度高, 而且份量好多, 性價好高, $68的確抵食又好味。壽司盛(12件)同事點的壽司盛一上枱, 我地都不禁嘩一聲, 共有12件大大的壽司, 真係好夠飽肚, 不止魚生,連海膽都好新鮮,呢個壽司盛真係2個人都夠。鮮果梳打特飲天時咁熱, 睇到已經好想飲, 入面有火龍果,菠蘿粒粒, 好解暑。檸檬青蘋果梳打同事點的梳打, 因為有蝶豆花, 青蘋果蓉, 所以顏色鮮艷, 入口清涼, 味道帶微酸, 醒胃醒神短短的一小時LUNCH TIME, 可以食到咁豐富的午飯, 真係好正。仲有而家咁熱, 飲多幾杯蕎麥茶真係好消暑呀 ! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-06
3031 瀏覽
食好西的季節又來臨,一定要約朋友出來短聚,分享美食。朋友推介我到巧得鍋,雞煲,火鍋,刺身,一店俱備,我被他的分享吸引了,決定要前往一試究竟。我們點了巧得set,套餐包括了前菜,鍋物,主食等等,非常豐富,事實也有滿滿的驚喜。前菜方面,麻辣雲耳非常惹味和開胃,雲耳爽口,醬汁麻而不太辣。涼拌蓮藕口味較為清淡,但蓮藕的爽脆是其他食物難以取代。至於巧得鍋物,我們點了招牌雞煲(bb辣)。雞肉嫩滑,滲透了花椒味,很惹味,配料十分豐富,三色椒很爽甜,不會被花椒味蓋過。而芫茜的香味為雞煲帶來更多層次的味道。 牛肉拼盤的份量一點也不吝嗇, 包括了安格斯牛頸脊,牛肩胛,牛柳粒和牛脷。第一次打邊爐吃牛舌,牛舌牛味濃郁,也吃到肉的纖維卻仍保持軟淋,我和朋友爭著要吃。其他的牛肉 也是非常新鮮,高質。拼盤亦非常豐富,我們最欣賞的是海鮮。帶子尺寸很大,煮過後也沒有縮水,啖啖鮮味,清爽而有彈性。日本廣島蠔非常肥美,帶有濃郁的蠔味。 飲品方面,熱情果沙冰 非常解膩,酸甜開胃。朋友點了一杯特飲,內含新鮮水果,並用奇異果汁做基底,清新可口。體驗過巧得鍋食物的分量和質素,絕對是性價比高的一餐。下次要再試試其他鍋底和食物。 順帶一提,這裏的服務很貼心。 一方面店員態度很好,經常留意著我們的進食情況,主動幫忙加湯和換碟,另一方面,枱的側旁有usb充電位,很體貼。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-13
5063 瀏覽
這天我了家人在觀塘吃晚餐,經過朋友的介紹,我們決定來到這間日本料理試一試,店內環境寬敞,餐牌上的選擇很多,餐廳會播著柔和的日文歌,聽起上來令人感覺十分舒服,每張枱都有提供免費的手機充電位和無線上網給客人使用巧得招牌烤魚鍋($168)豆卜完全地吸收了湯底的精華,富有水份,魚非常嫩滑细密,非常大條,份量非常多,非常新鮮,十分抵食頂級本地手切鮮肥牛($198)肥牛的油脂分布很平均,十分香稔軟嫩,由此證明肥牛的質素很高,份量延多,食物的賣相很吸引芥末牛柳粒($78)菠蘿粒非常鮮甜,牛柳粒香稔軟嫩十分新鮮,配上芥末醬,十分刺激,這樣的配撘十分有創意,份量非常多百花油炸鬼($58)將油炸鬼內部挖空,加入新鮮手打的蝦肉,再以炸的方式烹調,溫度十分高,配上士多啤梨汁,味道酸酸的,令人十分開胃,口感外脆內軟,十分特別,十分創新麻辣雲耳($38)用麻辣汁來調味,味道辣得嘴巴有點麻痺,雲耳爽彈鮮美,富有水份,是對身體有益處的食物,份量非常多,價錢很合理整體來說,食物的質素非常高,食物的選擇非常多,食物的份量非常多,食物的用料非常新鮮,食物的賣相很不錯,食物的定價相當合理,是可以接受的,而店員亦有積極的服務態度和有禮貌,最後我認為這間餐廳是可以再去惠顧的 繼續閱讀
(以上食評乃用戶個人意見 , 並不代表OpenRice之觀點。)