川婆婆 (已結業)

位於長沙灣青山道的川婆婆，主打四川麻辣火鍋。之前吃過尖沙咀分店的川婆婆，味道有質素。除了單店火鍋配料，小店還提供任飲任食。我和朋友今次小試牛刀，先單點，試一試這裡的水準。湯底選了一個辣，一個不辣。吃到最後，也可以吃掉當中的蕃茄，蕃茄煮得軟軟的，十分入味。棍打牛丸入口有嚼勁，而且肉味濃郁。肉類切得相對地厚身，牛肉烚大約一分鐘便可食用，脂肪不算多，肉質也頗厚實。鴛鴦鍋 - 麻辣鍋、蕃茄棍打牛丸鍋牛豬拼半份娃娃菜半份唐生菜洛神花茶

朋友説長沙灣新開了川婆婆，其實我也未吃過，因為身邊的朋友也不吃辣，所以每天決定獨自吃火鍋！雖然只是星期一，但八時後人流已很多，之後還全場滿座呢！餐牌有很多選擇～先來調味醬料，蒜蓉控當然要狂加蒜蓉吧～其實我也怕湯底太辣 (確實是又要威又要戴頭盔)，所以點鴛鴦鍋 ($128) 便是明智的選擇。麻辣鍋竟然比我想像之中不辣，放下心頭大石了，湯底辣得來也沒有失去味覺，很惹味。另外的藥膳醉雞鍋很掋食，包括一份醉雞件。湯底清甜得來又有淡淡的藥膳味，還有紅棗和杞子等配料帶岀清香。醉雞件鮮甜新鮮，肉質還非常嫩滑，有點酒味。放在藥膳鍋裡煮熟後非常入味。吃火鍋必點飲料，因啤酒的氣會令我減低戰鬥力，所以我叫了川婆婆招牌水果茶 ($38)。原來很大杯，還有蘋果和橙，很足料和解渴！蟹籽墨魚滑 ($78) 夠爽口彈牙，上面的蟹籽大粒，口感脆卜卜的，很豐富。野生竹笙 ($48) 共有八條，把它們浸在湯底裡吸收所以精華。咬在口裡湯汁湧進口中的感覺超幸福呢～北海道帶子 ($78) 十分新鮮，有鮮甜的味道，而且厚肉有彈性，絕對高質。推介！吃飯和烏冬也吃厭了，所以特别試試川婆婆招牌紅薯粉 ($32)。 原來份量很大，紅薯粉偏

今日嚟到長沙灣，經過呢間門口幾吸引嘅川婆婆，港女我食火鍋係無分季節的，因為有種爽叫夏天開行冷氣打邊爐！入到去覺得幾寬敞，因為我好怕D火鍋店迫迫夾夾，會好鬼焗，好彩呢度每枱客有足夠空間，坐得好舒服！醬料架干淨，仲有自家出嘅香油，即係火鍋麻油，整出嚟嘅香油碟，店員介紹我地食川婆蝦蜆🐔煲半隻，一嚟到就好鬼香，我由麻麻地肚餓，變到食慾大增！我地揀咗小辣，都幾夠，唔會蓋過海鮮同雞肉的鮮味，D汁又惹味，食到我同個 friend 好過癮！食到咁上下就加湯，D菜好靚，打親邊爐都會食🤴🏻菜，菜心苗好甜，一流！手切本地牛頸脊好正，肉味十足，肥而不膩，食唔停口！牛柏葉爽脆，新鮮，唔錯！最緊要係冇用化學品漂白，夠天然！豆制四寶玉子豆腐、豆卜、凍豆漿同腐竹，麻辣火煱必食。四寶丸就見得多，豆制品都有得拼，啱晒我哋人少少，認真貼心！連佢地嘅青檸梳打都好飲，唔會太甜，冰涼清爽！食食下隔離枱嗌🍦火鍋，聽就聽得多，真係未試過，見店員真係成球🍦落鍋，D客都食得津津有味，攪到我下次都想試吓！知佢哋尖沙咀都有分店，一於再返兜！

一到夏天，辦公室都有各種飲料。冰涼舒爽，出外鍾意吃煱，看到川婆婆店外宣傳所有火煱料 6.8折，今天與家人來吃..... 十款湯底可選，有辣有唔辣，今次帶小朋友一起吃點鴛鴦鍋底︰豬骨及醉雞  鬼馬蝦膠炸鬼抹上蝦膠，本身油炸鬼已經有油份，蝦膠熟快速拿起來吃時也仲彈牙可口，很好吃哦! 辛辣炸魚皮可以直接食，吃起來也特別香，也可以加熱後再吃，魚皮蘸湯，我通常會放到湯數三秒拎起，保持仍然是脆卜卜，愛吃^^吃點菜也是健康有皇帝菜，新鮮淮山吸收湯精華，味道非常棒!===================

買左4張海鮮團購劵同朋友慶祝一下Happy Friday. 有兩個時段可以選擇，我地選擇了9-12，咁就收工唔使咁趕。海鮮食落新鮮，有6款，有聖子，鮑魚，蚌，元貝，蝦蜆，另外仲有一碟安格斯牛，而其他食物，例如丸，菇，菜個d及飲品就任飲任食。2百蚊左右算係抵飲。

炎炎夏日，我都冇唸過要打邊爐， 點知被我朋友極力游說之下，姑且一試呢間川婆婆。星期日，我地7:30pm，去到已經滿座，心唸有冇咁誇張， 等左半個鐘先有位。叫左個藥膳 拼麻辣， 湯底真係要一讚真係好好味安格斯真係好正好正，仲有響鈴，係佢地自己炸所以零捨脆口仲有支竹，蘿蔔，薯粉，呢3樣野一定要食因爲真係索哂成個湯底精華。 服務方面，可能係新開張，用既都係新人，問既問題未必即時答到，不過都唔緊要，好少問題，只係問佢地雪糕麻辣火鍋其實是乜東東，佢地都即刻叫經理解答左我d問題 ，不過我聽到加雪糕後，會奶香d,已經太遲不過會下次試。

之前買了團購, 昨晚去食。 簡直不知所謂,滑牛肉唔新鮮。 雪左唔個幾耐 又紅又黑咁， 所謂送既牛肉 不堪入目, 2個人送過5片 薄過紙 上枱已經一灘血水!寫單叫10樣。 來得個4樣。 最慘一樣野。 食完我同老公都肚痛肚痾, 大家小心d! 服務就唔係講。 個個都話新人。 新唔緊要。 好似咩都唔識, 一個同我地講咩飲品可以雪櫃自取。 又冇講咩邊d飲得。到我地開曬, 又話要加錢 呢樣個樣。 坐位仲衰 好似係行人路上打邊爐咁， 已經訂左枱。仲要比張岩岩開出來既枱, 5分鐘要避一避人! 仲要有下欄野係你隔離過!!!!

去開尖沙咀, 偶然會去川婆婆買碗外賣麻辣燙返屋企同屋企人一齊食.見到而家川婆婆多咗分店, 仲要係可以坐低打邊爐,而最吸引我哋既就係九宮格麻辣火鍋 (雖然幾年前喺上海食過九宮格, 不過每次見到都有食咗佢既諗法.招牌普洱茶九宮格麻辣火鍋 - $88食唔出有普洱茶味(究竟係用來配襯既名 / 真係有加普洱茶呢?!🤔), 辣度 & 香味就比平日食麻辣燙平和, 但相對唔夠刺激.長崎蛋糕 - $18/4粒被佢個名吸引咗其實係貌似長崎蛋糕的魚旦類食材.鬼馬墨魚膠 - $68好鍾意食墨魚滑釀在油炸鬼呢個配搭, 魚滑彈牙, 油炸鬼又可以吸收辣湯.冬瓜 (半份) - $18 / 木耳 (半份) - $19

川婆婆蝦蜆雞煲@川婆婆 我很喜歡食辣,尤其是川菜!不時會四處搵新餐廳去食。收工後和同樣食得辣的同事一起食飯,路過川婆婆便入去試試看 晚上7點已經坐滿客人,很多人在食放題火鍋,我原本也很想試,可惜已經沒有再做,店員說食放題的客人都是早前買團購的優惠,現在已經沒有 沒有放題那我們就散點食物,先點湯底,湯底款式頗多 生料也有好多選擇 醬料$10一位 一桌送上自家製芝麻油一支,不過我覺得很夠味所以沒有試 川婆婆蝦蜆雞煲$168/半隻,也可以點上一整只的$238 超多莞茜,令川婆婆蝦蜆雞煲加上了一股特有風味 入面的雞頗嫩滑而入味,不過不食辣的人要留意,這裡的小辣也頗辣,如真的受不了還是點小小辣/走辣 入面的蜆很飽滿,有爆汁的口感 我們另點了一份牛頸脊$168 顏色頗鮮艷,看起來很新鮮 稍為涮一下,這個樣子就好了,牛頸脊牛味不萛濃,不過沒有跟很腍,頗嫩滑 埋單連加一$392

見川婆婆新開分店，有優惠火鍋配料6.8折，所有就約朋友去請一試。好彩有訂位，去到見到大約7點，已經9成坐滿人(星期五)。入座前再問多次係咪有分咩時段或野食才有6.8折，侍應答我地配料全部可以折，包括安格斯牛，海鮮都可以，仲無分時段。正😋😋咁就可以安心咁叫啦。叩左個9格麻辣火鍋，牛牛併盤，蝦，一d丸，菜，烏冬，最後大約每人$200埋單(叫左幾杯生啤，無折)下次試下佢地個雞煲先，見其他枱都幾多人叫。

要吃麻辣火鍋和麻辣雞煲都可以選擇川婆婆，川婆婆就是重慶麻辣火鍋和麻辣雞煲的真味道。壁畫非常有特色，處處是麻辣的風味，裝潢讓店面更時尚。環境也十分乾淨，店內排風系統不錯，不會煙霧瀰漫。這是川婆婆蝦蜆雞煲。先講麻辣醬汁，醬汁非常野味，麻辣味度正宗，麻和辣剛好，麻麻辣辣的，又麻又辣。雞件非常嫩滑，連雞胸都不乾不硬，而且十分入味，每件都沾滿麻辣醬汁，不知不覺就不停不停吃呀，太吸引了。蝦和蜆都十分新鮮，肉質爽口彈牙。其實，只吃雞煲，配上一碗白飯都可以是絕配，應該可以很快吃完一大碗。不過，之後再火鍋也另一番風味。吃完雞煲，就可以請侍應加入白白的豬骨湯，就可以火鍋。白白的豬骨湯底配上濃濃的麻辣醬汁的火鍋湯底太滋味，火鍋配料的味道非常野味。蔬菜點了土豆片、萵筍和皇帝菜，都非常新鮮，萵筍片爽脆，土豆片軟糯，皇帝菜翠綠爽滑。另外，還點了黑松露鮮蝦雲吞，雲吞大大粒，用料十足，黑松露味香濃，配上麻辣湯汁，非常特別。

雖然而家天氣依然好熱 但係無阻我對打邊爐嘅慾望 三十幾度 大熱天時 食四川麻辣鍋 又有咩好怕喎 開住冷氣打邊爐是常識吧要食四川麻辣鍋 我嘅首選係川婆婆唔好講咁多喇快啲叫湯底 點配料 刺激下味蕾刺激下食慾 天氣又悶又熱搞到到個人冇乜胃口招牌九宮格普洱麻辣火鍋湯底紅红嘅湯底 在翻滾沸騰中 不停釋放出 極致嘅香味打邊爐離不開 醬料還節 準備就緒就可以開動啦牛丸非常出色 牛味好重 咬落去有爆汁嘅效果 中間仲有氣孔 所以食落去非常彈牙鮮滑牛 牛肉確實非常滑 肥肉編小豬皮必點 吸收湯底嘅香味辣味 吸湯之選板燒 其實係由魚肉所製成 口感較為結實 非常彈牙時令蔬菜最後來一杯 青檸梳打 降降火 越食越辣 就嚟要噴火啦我正宗嘅四川火鍋 我一定會嚟川婆婆 佢個湯底非常好唔會齋辣 而係有鮮味嘅辣度 未試過千祈唔好錯過

團購買咗飛，一買完就打去Booking , 我話七點半至九點半果場全部full晒，話只可以book宵夜長，擺明焗人食消夜長，黃金時段留俾wall in客😡😡，唔俾人識黃金時段，咁你係團購都唔好寫話有得揀。上星期再打電話去約，女仔聽電話，最後約到食7pm時段，入到去都係得七成滿座咋！食物就不過不失啦，材料都係普通打邊爐野，本身想食麻辣底，但係朋友病左，所以改左叫藥膳雞湯底，團購$120幾蚊，埋單每人再比＄36 ,即係大約＄160一個人，中價。不過就包野飲，有盒裝同埋罐裝汽水。都係川婆婆其他分店既麻辣燙好食D，唔會再黎打邊爐。

因為朋友食過一次！覺得正就帶埋我呢個為食鬼去食...近期愛上既烤魚同不嬲都周圍搵好食雞煲既我去食啦！一試就愛上左！一個星期食最少一次！仲知道佢地新開張配料都有58折！而家都仲做緊希望keep住做就好啦！ 就算我地飲埋啤酒每次每人都係大概250-300左右！次次都一定叫個牛頸脊食！同埋佢個墨魚滑或蝦滑都好好食！有一次食過兩溝！口感係幾特別！但個人不太喜歡講返佢個雞煲！佢有個叫蝦、蜆雞煲我最鐘意食佢個蝦D蝦又新鮮又吸晒d味！個主角雞煲唔洗講啦！但我個人建議之後加水好過加湯！雖然知道雞煲係惹味！但年紀大都唔可以食太濃味！個麻辣烤魚層皮煎到脆卜卜！連平時唔食魚皮既我都爭住食一樣建議之後加水啦！老闆介紹豉油、蔥、蒜碟野要加麻油！仲叫我加多d先好食！平時重口味既我...試左又返唔到轉頭啦！至於服務方面新開張應該大部分都係新人！但見到佢地好有心去盡量滿足客人！始終次次去都爆場！見到都比較忙既！有待改進啦！給力！而家好小好味雞煲！我覺得值得推薦比朋友黎食係怕無位啫

食飯嘅日子前已經打去book枱，晏晝兩點打去，話有團購，就叫我6點後打去，夜晚6點半打去，男人聽，我「我想bk8點」男人「8點有位。有無優惠券」我「有」男人不屑語氣「有呀？！」我「有團購」男人「團購邊有8點呀，得5點半，7點半，9點半」我「咁7點半」男人繼續不屑語氣「7點半呀？！無位喎，5點半同7點半都無喎」我「咁9點半」我地如常8點鐘照去，試下8點會唔會入得，但佢地態度好差，又話我地無bk無聽過電話，(其實我地講尋日打黎，佢就話今日無)另外個男人態度仲衰，為左訂枱問題掙拗，一時又話打左黎就有位，一時又話係後補，開頭我只係疑問，想了解件事點解會咁亂，又無話一定要依家即刻比位我，個男人一黎就起哂鋼個女人想調停，個男人叫個女人收聲指住我同我講「你講吖，你講我錯乜，我錯乜嘢」我費時同佢再嘈落去，我同朋友講「我地9點半返黎」個男人「走啦」嘩，咩態度，就當我係野蠻客，都唔會係同個客講「走啦！」，更何況我地都話走，個男人加一句咁嘅嘢為乜呢，未食已經成肚氣，雖然，之後返黎有另一個著便服嘅女態度好好，落單嘅姐姐都好好，但一個態度惡劣到咁嘅員工，足以令我唔會再黎