川婆婆 (已結業)

睇到廣告，有個紙上雪糕火鍋，見佢咁創新，即管一試。（今日星期四佢地做緊新開張優惠58折）之前已經試過旺角川婆婆， 記得有個靚仔經理服務非常一流，對客招呼得好好，好多人都讚佢，點知長沙彎居然都見到佢講番個麻辣創新湯底，一上枱麻辣湯滾左之後，加入雪糕2分鐘，個陣奶香好出好出, 完全冇蓋過本身麻辣香味，比起之前，另有一番風味！今次叫左安格斯牛，是預期之內，牛味好出。 另外試左鬼馬蝦膠，好彈牙。招牌紅薯寬粉，薯粉索哂個湯底，又彈眼。仲有個牛丸，係非一般既好香牛味，值得一試。P.S見佢地新開張優惠未完，會再去食多幾次👍👍👍

今日同食 辣 朋友食飯 ，咁當然二話不說就係食辣嘢啦， 今次我哋就去咗長沙灣嘅川婆婆使佢哋嘅打邊爐 。今次見到一個九宮格麻辣火鍋都幾特別，所以就嗌咗呢個 同埋都係幾抵食 88蚊 ，之後我哋再嗌咗五樣嘢食再加兩個飲品， 每人大約210蚊 坐得都舒服而且食品質素都唔錯。招牌普洱茶九宮格麻辣火鍋， 顧名思義呢度真係有九宮格 但係其實都係一個麻辣火鍋 ，但係這裏的麻辣火鍋比出面的味道還要濃郁又香， 但不是很鹹，味道剛好。牛羊併：100蚊都不用又有牛和羊， 兩款肉質都好好食，落去羊肉好香， 牛肉有口感但吾難咬，份量可接受。萵笋片和皇帝菜 ：新鮮份量半份但都足料，配上麻辣一齊食十分好味。勁新鮮的脆鯇片，大大片又脆口冇骨好味道，當然要叫我最愛的冰豆腐啦，但這裡原來有個叫：豆制四寶...各款的豆腐制品都有，岩晒我地2個人又心大心細的我們，果然冰豆腐吸晒辣汁又香又麻辣！～正！～我地見開始覺得辣就叫左個椰青水和婆婆招牌水果茶..水果茶都好大杯而且都足料，但如果有得叫少甜就更好，飲完飲品勁解渴，但不可不講係這裡的打邊爐吾會越煮越咸，仲保持到個辣度添。下次仲可以試下佢有個雪糕麻辣火鍋，見到人地食都幾特別！

我已經幫襯咗尖沙咀幾年，今次即管試吓呢間喇！食19:00兩位堂食，一坐低已經急不及待咁點嘢食，由於兩人檯唔係好大，而且部電爐連框已經霸佔咗好多空間，加上張檯已經唔係多位，但D碗碟又鬼咁大件，所以打算就住點菜，差唔多食晒先至再點。（我預咗點多兩round。）點咗：鴛鴦鍋，麻辣同醉雞，小辣。牛肉併盤牛丸墨魚丸併蝦丸墨汁墨魚丸萵筍皇帝菜麻辣鍋都算可以，不過比起以前喺尖沙咀食，有少少淡。醉雞預咗冇驚喜，雞一D都唔入味，但湯底還可以接受。牛肉併盤唔錯，幾好味！其他配料都唔差。但我要彈嘅就係食嘅體驗，差到極點！上一手西川嘅抽風系統同空調已經差喇，我懷疑川婆婆係原原本本接手，冇換過就咁用返，我一路食已經大汗搭細汗，問伙記係咪開咗冷氣，佢地話已經開盡咗。我完全唔覺得D風糟有抽到氣走，我地一路食，一路蒸臉，好彩已經點咗小辣，唔係仲出多D汗！至於冷氣，我睇住D分體機已經顯示17度，但我一D都感覺唔到有冷氣出囉…喺嗰個毛文，我已經想爆粗😳😳😳仲諗住點多round，但我真係頂唔順，嗱嗱淋食完走！我覺得，如果川婆婆呢間分店係連裝新嘅抽風同冷氣錢都要慳嘅話，不如唔好累客人喇！我連坐都覺得辛苦過坐大排檔，我邊有興致

見到fb 宣傳話呢間新開又有58折，即日打電話book枱夜晚食。因為有折，我地完全冇望過價錢咁叫，牛牛拼盤一邊有晒唔同種類嘅牛仲有黃喉同埋牛柏葉，個人推介先叫左牛牛拼盤先，食下睇下鐘意入面邊一款再encore，我地就追加左大既牛頸脊，真係好好味呀之後就叫左桶蠔，蝦滑呀，手打魚丸，菇呀果d，全部野入面冇野係唔好食或者唔新鮮不過野飲方面，叫左個類似青檸疏打咁既物體，完全冇味下次唔會再叫。

最近見到Facebook有好多人介紹呢一間麻辣火鍋，雖然位於長沙灣，不過平日依然咁多人！可能因為有好多美食blogger介紹，令好多人一窩蜂來呢度食，人客好多，所以都需要排隊因為喉嚨有啲唔係咁舒服，所以都要戒口，叫咗呢個藥膳湯煲之後其實有啲後悔，早知叫鴛鴦鍋啦😭 好後悔！場內飄楚陣陣麻辣香，令到我真係好sad，喉嚨唔舒服真係不合時...呢道有自助醬汁，除左豉油 仲有麻油花雕藥膳醉雞煲 $108呢個鍋幾靚幾有風味，湯底有部分紅棗同杞子而且雞件另上，可以自行分開幾次落，同朋友慢慢食，唔怕煮得過耐，肉質變老。野生竹笙大概有8大條，竹笙容易吸收湯底嘅精華，食落爽口，幾扺食👍🏻 如果係麻辣火鍋底味道一定更正！響鈴，係手工製佢品唔似一般交貨果d響鈴，食落好香豬油香味，另外附上一小碟杰杰地嘅酸汁，幾特別冬瓜半份，中規中矩厚切午餐肉，以前唔識得用午餐肉打邊爐，宜家變左係必食產品。最衰喉嚨唔係好舒服如果唔係食呢度嘅麻辣火鍋再配上午餐肉一定好正😭😭😭薯粉粗身，口應煙煙韌韌，呢個薯粉要煮耐啲，入晒味，味道一流！日本廣島蠔，兩隻起 ，煮落唔會點縮水如果唔係喉嚨有啲唔係咁舒服既一定會試佢地既麻辣火鍋! 唯有下次

我本身好鐘意食麻辣，有朋友介紹一間係長沙灣既麻辣火鍋，放工同朋友去試一試，係宇宙商場隔離，鐘意食既朋友應該知道果度都好多美食。入到裡面，間火鍋店既裝修有D似台灣既火鍋店，牆上既壁畫係一D卡通既塗鴉，幾特別，湯底方面今次揀左招牌既九宮格麻辣火鍋，我好傻咁問個侍應九宮格係咪有九種唔同既味道，實際上係唔係既，只係係個鍋上面間開九格咁解^_^個鍋一黎到，麻辣既香氣撲鼻，一層紅紅既辣油鋪係上面，仲佈滿哂一隻隻乾紅辣椒，剩係睇到同聞到，已經另我呢個嗜辣既人食指大動，因為我有朋友係度，所以剩係叫左個中辣，辣道剛剛好，一般食到小小辣既朋友唔會有咩問題。配料方面，我地點左手切本地肥牛，點解揀本地牛？因為一間火鍋店好唔好食，就係睇佢既本地牛新唔新鮮靚唔靚，結果無令我失望，牛味充足，刀功唔錯，麻辣既香味依附係牛肉上面，唔駛點鼓油都味道十足。而其他既火鍋如水餃丸類同生蠔都十分唔錯，由其是個醉蝦，一定要試一試。食到滿頭大汗之際，忍唔住叫左一個tower既啤酒慢慢嘆，一路食麻辣，一路飲啤酒，真係人生一大樂事，值得一睇既係，當火鍋唔夠湯既時候，佢可以揀加鮮湯或加普洱茶，這個是比較特別的，另外都知道佢地有雞煲叫，見到

早前係groupon見有團購咪黎試下，930後入座任飲任食。都有5-6台客，侍應遞上調味架比我地，當中辣椒同芫荽得番果兩三匙份量,反映比侍應叫佢換過樽，我地叫咗麻辣鍋（見有3隻）同豬骨駌鴦鍋，點知一d都唔辣得一層紅色辣油，諗住加d辣椒粒落個鍋度加大辣度，點知半個鐘前叫人換過樽辣椒都無人理，侍應話入面未得閒切wo,一間以打邊爐為主既店鋪連最基本既辣椒等等調味都咁不足。野食方面算多選擇，味道因爲大部份都係一般出面任飲任食既貨色都咩特別。肥牛顏色勁淺一d牛味都無最開心都係有紅薯粉d侍應得3個，個場一d都唔爆落單可以叫極都無人收紙，最終格離格食客因叫幾次都無人理最後爆seed咁叫先有人黎收紙侍應唔知係咪新請不停上錯野，我地問佢地野叫我地問番經理，問咩都係：「你問番經理」。服務有待改善

食物質素不錯鴛鴦鍋（$128）我今次揀咗（麻辣+豬骨）如果唔食得辣，又想叫雙拼的話，可以選擇藥膳醉雞或者蕃茄牛丸鍋。醬油港式打邊爐醬油當然唔少得啦。最原始的調味：豉油+蒜而我哩碗就加咗豉油，蒜，芫荽，蔥和紅辣椒絲。店鋪有共6種的調味料供選擇。滑牛肉拼麻辣牛肉$88以上哩兩款牛肉，係有單點既。我見價錢單點和雙拼都係一樣價，所以就叫咗雙拼，多種口味嘛。這款滑牛肉質好「淋」，兩款口味我較喜歡食麻辣味。一次過烚幾件滑牛粉絲$15打邊爐我鍾意食粉絲代替麵或者烏冬，因為粉絲比較容易入味（吸晒d精華麻辣汁）加上無咁脹肚，可以留點空間食其他食物。白蘿蔔$18（半份）好鍾意哩度有得叫「半份」既餸，兩口子食打邊爐唔食得多，可以叫半份叫多幾款食物。皇帝菜$18（半份）平時打邊爐最眼闊肚窄就係叫菜，叫得太多菜食唔晒又浪費，而家可以叫半份，唔夠先再加。

食過川婆婆尖沙咀店幾好, 想試下火鍋, 見YAHOO有團購想試下, 就打電話去長沙灣間舖訂位, 因為想在 22/5/2017-26/5/2017 期間食, 就先打電話問下有無位, 結果對話如下:我 : 想問下 22-26號, 邊日有位店 : 如果普通客就日日都有位, 團購就無啦好彩我未買團購, 如果唔係, 分分鐘買左食唔到 , 或者要等好耐 , 大家考慮好先買囉 ! 

服務差 ,食物一般叫左有5次麻辣青瓜同牛佢先肯俾, 食物叫第二輪, 一D都無出過 , 之後再寫,叫左7至8樣, 黎得2樣至3樣 , 當中有2樣佢地出錯.食物 D牛肉好SO 味, 唔新鮮 , 丸類同鄰蔬菜類無咩特別太多無出, 所以好多試唔到食完第一轉, 已經要熄火, 要等左好耐先有野食P.S 團購買

今晚慶祝女朋友生日,所以選左佢最喜歡既麻辣火鍋,我就選左長沙灣既川婆婆啦,貪佢做緊推廣優惠,有5.8折(所有配料),.我地點左個麻辣併豬骨鍋,先講下個湯底先,麻辣湯底夠香夠辣,不過麻味就欠缺,豬骨湯底就幾鮮甜,有豬骨,不太咸,OK 牛牛併盤,折左後只係二百零蚊底食,一次過可以試晒牛肉,黃喉,爽肉,柏葉.桶蠔新鮮夠晒大隻,其他配料仲可以點半份,最合適我地二人份量.可以叫多點唔同款食.總括來說,OK.可以再食.

之前食過尖沙咀店的九宮格火鍋，黎到新店，食返基本的麻辣火鍋💕💕不過同行友人有不吃辣之人，所以叫個鴛鴦鍋配個蕃茄牛丸湯底😊😊😊麻辣鍋真係無得輸，味蕾刺激👍🏻👍🏻👍🏻唔會辣到無味，係慢慢麻上腦👏🏻牛肩頸一定係必點啦，輕輕煮兩下，唔洗點醬已經好好味。👍🏻支持本地貨不過右上角的牛柏葉真心非常失色，好um,好像食膠禁😒😒個人感覺係雪藏貨蔬菜苗，非常新鮮，好脆口食麻辣一定要點紅薯粉，這是常識吧👍🏻👍🏻里個薯粉煙煙un un ，吸收晒成個湯的精華重有重有，凍豆腐，里個無影到相，因為每次上桌馬上放晒落去煮，超級好吃👍🏻👍🏻重encore 左次添有 promotion 賣單四個人，每人都只是二百出頭，好抵食

今日和朋友往川婆婆打邊爐, 點了一個紙上番茄棍打牛丸鍋, 另外點了蔬菜什錦, 芝士墨魚丸配芝士蝦丸、蟹籽丸、午餐肉、響鈴和可樂。番茄棍打牛丸鍋很有創意, 有紙來打邊爐,有趣及令人特別的鍋底設計, 蕃茄十分鮮甜, 牛丸肉汁香濃彈牙, 好美味的湯底；蔬菜什錦好足料, 有菜心和小白菜等不同種類的蔬菜, 蔬菜好大份好新鮮,配上蕃茄湯底十分惹味；芝士墨魚丸配芝士蝦丸, 口感一流, 芝士味濃, 墨魚丸和蝦丸皆爽口彈牙,食出鮮味；蟹籽丸份量十足, 大小適中, 蟹籽味濃, 好食的配料；午餐肉厚度適中, 厚切餐肉有油花, 食落口感豐富, 味道十足；響鈴炸得香脆, 食落去脆味十足, 不會食到成口油, 配上湯底一起食, 口感更佳。餐廳座位寬敞, 紙上打邊爐很有特色, 芝士墨魚丸配芝士蝦丸, 蟹籽丸和午餐肉十分美味份量十足, 捧著肚走的特色紙上火鍋

好耐無同朋友聚了，同朋友講開去試呢間食火鍋，店距地鐵5-8分鐘路程，都方便搵到，我們早前已訂位，約7:30左右到，我們當然是叫了鴛鴦湯底啦 ，入座後有好幾種醬料提供，我們叫了店內的招牌火鍋料，少不了雪花肥牛、牛丸、嚮鈴、薯粉本人覺得好好味，生果茶是可以一試。

聞名已久既九宮格麻辣火鍋，一路想試，今次終於月機會試到，原本以為係9格都有唔同辣味，原本係一樣的，只係分左9格，先講下麻辣湯底，夠辣，不過無咩麻味，起初食時候比較油，不過加左普洱茶後就好點，材料尚算新算，長沙灣新店做優惠，配料有5.8折底食，牛頸肉新鮮，夠牛味，飛魚子魚蛋腸仔夠特別，咬落口有魚籽，牛雙脆（黃喉，柏葉）爽，八爪魚刺身都好好食。整體來說，可以再食。