川婆婆 (已結業)

晚晚响屋企食飯其實會有啲悶，所以就趁住屋企人都肯，就落咗去樓下個間新開嘅川婆婆試吓~店入面好光，完全唔覺得係夜晚，所以食嘢個陣特別精神，鋪面乾淨整齊，讚!有好多唔同嘅嘢飲任君選擇，而且價錢都經濟實惠。碟牛雖然係小份，但佢嘅份量都唔少㗎，安格斯牛嘅雪花分佈平均，切得薄所以好快熟。粟米係打邊爐一定要食嘅，甜就唔使講㗎啦，半份嘅份量雖然唔多，但係啱啱好。炸魚皮香脆可口，浸落啲湯度一陣再食仲好食，淋淋地唔會食到個口損哂金菇都好爽口，而且又係份量好足，吸埋啲湯汁一齊食仲正貢丸好彈牙，雖然得四粒係少咗啲，但係勝在夠大粒，可以互補不足八爪魚亦好煙韌，切到一口大小咁係食得幾方便嘅，Wasabi我好少點，但係可以點啲調味。響鈴就咁食嘅話就梗係好脆啦，但係佢都好吸湯汁，浸幾秒之後再食都好好味~

長沙灣又多一間川婆婆，咁緊係要試下佢嘅水準係唔同其他分店一樣咁好啦，順便又可去埋附近買電腦野一如其他分店，燈光都係比較光猛，你一定好易搵到，入面都一樣好乾淨，坐得好舒服。都係有好多火鍋配料，咩種類都有，最吸引嘅當然係呢個鴛鴦鍋啦，不過今次都係叫番個簡單啲嘅湯底算啦午餐肉塊塊都好厚，而且份量都幾多吓，真係抵食之選阿妹懶係健康咁叫咗籃娃娃菜嚟食，啲菜幾甜，都好爽口，而且份量好多，打邊爐一定要食紅薯粉非常之滑溜爽口，放落個鍋入面煮耐咗都唔會爛，好飽肚好滿足！黑松露令成粒丸好香，令佢唔單純係鮮蝦雲吞，加上每一粒丸都好大，入面好足料，必食!蟹子丸就粒粒咬落去都爆漿，非常鮮味，因為入面嘅蟹子漿係塞都好滿食到咁飽就梗要飲返杯烏龍茶消滯，阿妹叫既咸檸七唔會太咸，打邊爐時識飲一定係飲佢地喇~~

174任飲任食火鍋，其實呢個價係可以接受，不過呢間店唔可以接受，成間鋪有4個服務生，但係只得一個係做到野，其餘都係唔知在做甚麼的，叫加湯，應完又唔加，交菜單，又無人接，追漏了的食物，又係應完就算，我地2個人，得一個調味碟，追加又唔理，連調味盤要問幾次先俾，仲之所有野都起碼要叫3次以上先會做，另外係有包任飲，最初係叫人自己去飲品櫃自取，但原來當中有些是需要另外收費，又唔講，最終係埋單時見到條數我地先知，總結：服務唔好，食物一盤（要麻辣湯底，又唔麻又唔辣），選擇不多，唔會再去

之前上網買左團購,因為太遲打電話去訂位,唯有要 9 點半了，點知去到已爆場, 心諗咁好食? 坐低即刻叫咗一個麻辣火鍋. 個麻辣湯好出色, 火鍋配料種類都算多. 嘢飲都有好幾款, 不過不失. 我覺得佢哋紅薯寬粉好好味啦。 個飛魚仔腸都好特別出面都未食過。 依家佢哋兩個人就會送一份安格斯牛， 個安格斯牛真係幾好食。食咗一陣發現隔離枱 食緊menu唔同. 原來佢地正價火鍋配料做緊 開張優惠 68折. 個雞煲都好香, 下次會再約朋友試下個雞煲同埋享受配料68折。

一行6人買左yahoo團購，諗住一試，點知book位時，聽電話個人態度已經好差，根本唔願做你生意，話無位，要食就等成個月之後......5月尾打電話，要訂到7月中先有位......當晚，叫左一個麻辣湯底同蕃茄湯底2個爐...食物就真係一般罪項如下：😡😡1. 團購寫明2人送一客安格斯肥牛或海鮮拼盤，由入座已經叫佢上，食到尾都未見，吹左5、6次都唔黎，根本都唔想俾你，侍應又黑面2. 團購寫任飲，我問係咪係雪櫃拎，佢答係，咁我地去拎完，又話雪櫃入面得左手邊係任飲，你地拎個幾罐椰青水係要收錢，我問返侍應，你頭先無講，佢死都唔應😤算😡3. 湯底無水，叫佢加水，叫左幾次都唔加，就黎痴底，佢仲話返我地轉頭，你地應該熄火囉，😤😤無得頂，咁都講得出口4. 座既位置，上面係咁滴水，無人理過，抹過5. 服務態度超差，俾錢食餐飯好似要受氣咁，唔通團購買既客人唔值得尊重？ 如果佢地係咁諗，不如唔好做團購，食完都唔會想再俾錢幫襯多一次

每次同親朋友食飯都好頭痕，唔知食咩好，最簡單就係搵間火鍋店，跟住大家叫啲自己鍾意嘅嘢嚟食啦~出面嘅招牌都show咗好多唔同款式嘅菜，睇見都覺得吸引~佢有好多唔同嘅湯底任君選擇，例如鴛鴦鍋同豬骨湯底，切合番唔同人士嘅需要同口味。呢度既火鍋好得意，唔同平時，係個竹籃上放張紙再係上面加湯打邊爐，很是有趣，真係好想知點解會過到電講返個醉雞湯底先，雞肉好嫩滑，而且有酒香唔會太濃，唔會好攻鼻，我個人就幾鍾意啲藥材味，所以個雞鍋好啱我胃口~打得邊爐一定要食牛！呢碟安格斯牛嘅雪花分佈平均，切得夠薄所以旅响水度一陣就熟，而且食落仲好滑好鮮香酷愛海鮮既我今晚就叫咗花甲，好鮮甜，夠大隻，最正就係入面無沙，可以放心咁食而墨魚滑亦好彈牙，但係如果唔想啲蟹子散哂嘅話，可以試下用啲墨魚滑包住佢，咁就唔會散啦~總評係好食同環境都好舒適可以再嚟過

係yahoo團購左好幾張。0住成大班人去試下。點知一打去。。。。。我想定下個星期一或二食晚飯。要A 時段。佢話冇。我就問佢有邊幾日可以5點半後入座。佢就答我。冇5點半。要9點半後。一日都冇。直到8月9號完都冇尼個時段。比人定晒。只有9點半後。心想：你間鋪頭真係咁好生意。恭喜你。做到8月9號就玩完。請到尼的員工。 恭喜你呀老闆。

次次同阿爸阿媽出街食，佢地都唔想食得太重口味或者太油膩，所以今次突登揀咗間火鍋店，感覺上會食得健康啲，最緊要有菜店入面嘅裝修好光亮，整齊，最緊要係好乾淨，坐得舒服又食得舒服。阿爸阿媽特登揀咗個花雕藥膳醉雞鍋，貪佢有少少酒味可以過下癮，同埋佢有中藥成份，可以補下身。店內提供唔同嘅醬料，我當然又係時候左溝右溝~牛片嘅雪花分佈平均，而且切得幾薄，好易食，連老人家都食到雜丸拼盤有好多唔同種類嘅丸，我個人就最like墨魚丸，口感爽彈又鮮甜，好食！啲響鈴卷可以直接食，亦都可以放落啲湯到幾秒，等佢淋淋地同暖個陣食，我就最like入落湯幾秒，脆口又香腐竹味，正正！為咗可以食得健康，就叫咗半份油麥菜，幾新鮮同爽口。

第一次吃川婆婆，一改我對麻辣店的感觀。我一向喜歡吃麻辣，但很多麻辣店都非常有「風味」，油煙又大，桌面又多油漬，其實只為喜歡其麻辣而勉強接受，川婆婆卻沒有這些「風味」。川婆婆環境既整潔乾淨，牆上的壁畫又可愛有特色。我想川婆婆會是我一想吃麻辣時的首選。川婆婆除了可以吃麻辣雞煲，還有很多其他選擇，不吃的朋友都有不少選擇，就是火鍋湯底都有十款選擇。各款湯底都風格迥異，每次吃不同的湯底，都可以有新鮮感。今次我點了川婆婆蝦蜆雞煲。雞煲好不好吃首在其醬汁，很多雞煲店都標榜其秘製醬汁。川婆婆的雞煲醬汁味絕對可以說是一絕，麻辣、咸、甜的配搭恰到好處，濃濃的醬汁沾在每一塊雞件上，非常均勻，而且雞件相當嫩滑新鮮，更提升了雞的味道。雞煲醬汁碰上蝦和蜆都是第一次試，竟然也配合得很。蝦肉又大又爽彈，加上十分入味的雞煲醬汁，真是與雞的味道不相伯仲。雞煲中的蜆肉也十分突出，我覺得這種吃法比豉椒炒硯更好吃。另外，我們又點了招牌麻辣牛肉做火鍋配料，一般火鍋配料都沒有醃過，所以就想試試這個招牌配料。牛肉十分新鮮，比較有口感，而且醃得十分入味。有很重的麻辣味外，還有很濃的香料味，有點像孜然牛肉，十分美味。

相信很多香港人都和我一樣，一年四季都喜歡吃火鍋，尤其是麻辣火鍋，即使在炎炎的夏季，都會心思思來吃這種火盪的川式麻辣火鍋，麻盪的火煱配合冰涷的飲品，一麻一涷，口感非凡！今天路経長沙灣，看到店外宣傳所有火煱料 6.8折，單看图片已口水直流，麻辣火鍋，就是有這種不能抗拒的魔力！火煱湯㡳有十款選擇。火煱配料種類繁多，還有六八折！川婆婆蝦蜆雞煲（$168/半隻）雞煲內除了有半隻雞外，還有四隻大蝦和四隻大蜆，配合大量的辣椒、大蒜、葱蒜、薑片、花椒和莞茜等，各種獨特的味道混合在一煲內，是一個集合色香味的海陸煲！吃完鍋內的蝦蜆和雞後，請侍應加湯，便開始第二輪的火煱了！手切本地牛頸脊（原價$168， 六八折$114）雪花的牛頸脊是我的至愛，牛肉鮮嫩幼滑，放入鍋內數秒，不用點醬已是一片充滿鮮味的牛肉了。脆鯇片（原價$58，六八折$40）脆鯇片切得很薄，淥熟後的魚片質感很爽脆，與一般的鯇魚片的軟稔質感完全不同，魚片亦很新鮮。招牌紅薯粉（原價$32，六八折$22）紅薯粉與麻辣湯簡直是絶配，將薯粉放入鍋內，不消多久，煙靭軟糯的紅薯粉就呈現眼前，比起一般的烏冬或麵類，這個紅薯粉比較特別，值得推介。油麥菜（原價$3

川菜、雞煲喺香港人心目中都佔一席位，好多火鍋店都加入雞煲呢一環，川婆婆分店不少，尖沙咀、旺角等旺區都有，最近開到長沙灣喇。呢間分店就喺宇宙商場隔離，位置很好找。週四晚收工過黎打邊爐，晚上8點零鐘，客人不少，餐廳裝潢普通，有卡位，唔係卡位都有梳化椅坐，都算舒服。不過我地咁兩個人，最初店員安排搭落人地4人枱旁邊，睇落擺左個煲，都唔係好夠位放其他野。後來店員見偏房有枱，安排我地坐裡面，起碼有位放食物不過留意，坐裡面冷氣唔係好夠大，通風較一般，臨走確係會一陣味。坐低不久，店員就遞上醬料架，椒絲、蒜蓉、蔥等，基本嘅都有齊，醬油 $10/位，設加一服務費。湯底方面一共10款，有麻辣鍋、紙上雪糕火鍋、蝦蜆雞煲、雞煲、豬骨鍋、醉雞鍋、烤魚、鴛鴦鍋、炒雞煲，定價 $88-$288。本來就應該試川婆婆招牌招牌九宮格麻辣鍋或者雞煲，但因為我地呢排食得太多辣野，想唞唞所以點左其他鍋。蕃茄鴛鴦鍋 $128（麻辣鍋/豬骨鍋/藥膳醉雞鍋/蕃茄牛丸鍋）單點醉雞鍋都 $108，所以我地都建議不如加多20蚊，要個鴛鴦鍋，我地揀左藥膳醉雞鍋同蕃茄牛丸鍋。蕃茄鍋色水幾深，味道都幾香濃，但就未至於話會拎黎飲，因為都幾重口味。除

估唔到連長沙灣都有川婆婆嘅影子.. 知道已經開左好幾間諗住都唔會差得去邊嘅心態試一試.. 這裡都是逐樣點不是任食的.. 不過我挺喜歡川婆婆logo因爲咀係條辣椒啱晒我呢個辣妹子.. 一坐低侍應就擺上調味料盤自己搭配喇.. 不過我覺得始終差在無炸蒜同辣椒油.. 精萃所在.. 幸好仲有辣椒粒補救.. 自己搭配賣相不錯呢..川婆婆蝦蜆雞煲: 雞肉好嫩好香而且都有幾多蝦蜆物有所值呢.. 原來加左海鮮都可以咁入味.. 別有一番風味.. 但可惜我地只叫左小辣略嫌辣度不夠.. 而且較外面的雞煲都少油點.. 不太多汁.. 雪花肥牛片: 色澤鮮色應該幾好味.. 煮後的確很有肉味而且配合濃郁嘅雞煲香味.. 絕對值得一讚長崎蛋糕: 我地當然係因為對個名好奇而點喇.. 哈哈.. 原來唔係蛋糕可以打邊爐而係魚片扮蛋糕.. 真係整得幾似嘅.. 想見識下都可以叫架.. 鮮冬菇: 賣相靚好鮮味.. 而且份量都多菇類愛好者值得叫.. 煮完軟綿綿又多汁.. 好味道.. 黑柏葉: 一煮完咬落口太過UN.. 咬不到.. 哈哈.. 牙力少一點都食唔到咯.. 雜菜藍: 勝在夠大盆.. 又有幾款菜唔洗怕太單一.. 煮完都係鮮綠色

係網上見到川婆婆既食評都唔錯， 我又唔鍾意排隊， 就選擇去川婆婆長沙灣嘅新店試下檯面有好多配料可以選擇，可以自己整豉油我哋選擇咗花雕藥膳醉雞煲， 雞係分開上。 個湯底有紅棗，杞子，淮山... 好香嘅 藥材味， 再加埋雞好補身脆鯇魚腩好新鮮，食落chok chok聲牛肩肉半肥半瘦， 切到薄片，滾兩滾就熟嚟到當然要試川婆婆嘅紅薯粉啦! 粗生嘅薯粉， 索盡湯底嘅精華，必嗌黑松露鮮蝦雲吞: 咬落去好香嘅黑松露味， 再加上用咗原隻嘅蝦去包雲吞，味道好夾。

有一日孖8附近拍完車之後想去食三記火鍋但係行到半路見到有間野竟然有5.8折本身鍾意食辣野諗住去試吓入到去環境一般叫咗個九宮格火鍋諗住既然5.8折所有野應該會少啲點知本地牛肉出乎意料咁大碟好食個湯底香到不得了其他嘢例如山根通常人哋都係比幾粒你但係佢成袋開俾你食只係收你＄28仲有5.8折簡直平到離譜物超所值。買單四百幾連碟牛肉七碟野。最過癮係有一楂冇加甜嘅青檸梳打＄40同麻辣一齊食爽到YY。唯一要彈嘅就係嗰個九宮格滾來滾去都係中間嗰格

前一日book左位 點知去到話我book左星期日 以為自己講錯 店員要求我們於9:30交台因為之後有booking(我book了7:30) 點知另一個台客都係一樣 最後安排左我地去後面唔通風既位，全晚好少店員行過 又少招呼 加水叫左幾次都無人理點左個花枝丸 黎到一睇係蟹籽丸 問左幾次都話係花枝丸所以照食 咬開都係蟹籽 先換返花枝丸俾我仲有個桶蠔 我地食左3隻覺得有酸味 同老闆娘講 佢話自己試過無問題 係新鮮 堅持唔肯換其他食物正常 火鍋配料有6.8折 不過唔會有下次