川婆婆 (已結業)

今日嚟到長沙灣，經過呢間門口幾吸引嘅川婆婆，港女我食火鍋係無分季節的，因為有種爽叫夏天開行冷氣打邊爐！入到去覺得幾寬敞，因為我好怕D火鍋店迫迫夾夾，會好鬼焗，好彩呢度每枱客有足夠空間，坐得好舒服！醬料架干淨，仲有自家出嘅香油，即係火鍋麻油，整出嚟嘅香油碟，店員介紹我地食川婆蝦蜆🐔煲半隻，一嚟到就好鬼香，我由麻麻地肚餓，變到食慾大增！我地揀咗小辣，都幾夠，唔會蓋過海鮮同雞肉的鮮味，D汁又惹味，食到我同個 friend 好過癮！食到咁上下就加湯，D菜好靚，打親邊爐都會食🤴🏻菜，菜心苗好甜，一流！手切本地牛頸脊好正，肉味十足，肥而不膩，食唔停口！牛柏葉爽脆，新鮮，唔錯！最緊要係冇用化學品漂白，夠天然！豆制四寶玉子豆腐、豆卜、凍豆漿同腐竹，麻辣火煱必食。四寶丸就見得多，豆制品都有得拼，啱晒我哋人少少，認真貼心！連佢地嘅青檸梳打都好飲，唔會太甜，冰涼清爽！食食下隔離枱嗌🍦火鍋，聽就聽得多，真係未試過，見店員真係成球🍦落鍋，D客都食得津津有味，攪到我下次都想試吓！知佢哋尖沙咀都有分店，一於再返兜！