嵐山日本料理

營業中

休息中

天口咁熱食下日本野係唔錯嘅選擇，知道棉登徑有好幾間比較正宗嘅日本菜，所以特登黎試吓！我哋揀咗呢間比較多人嘅嵐山！我哋order咗一啲小食、壽司同埋烏冬，諗住樣樣都試下！雞翼最先上枱，佢脹卜卜嘅外型都好吸引！雞翼嘅外層灑上芝麻，未食已經加左分！不過食落口嘅時候發現雞翼嘅外皮炸得唔夠脆，雖然芝麻味好香，中間嘅肉亦都好嫩滑，亦醃得好入味，但個皮唔夠脆扣左一大截分。食雞翼最緊要食皮嘛！眼見枱枱都有order一碗烏冬，我哋都叫咗安格斯牛肉烏冬試一試，安格斯牛肉果然肉未夠而且好淋，脂肪分布亦好均勻！好食！烏冬上邊有一隻生蛋令到個烏冬入口更加滑同香！而且湯底亦都好清甜，旁邊嘅蔬菜亦都灼得好甜！呢個烏冬真的不錯！但我最值得推介嘅係啲一個香蔥三文魚腩壽司，呢個一定係新鮮做起嘅，因為入口時紫菜仍然好脆，呑拿魚腩勁甜而且剁得好細緻所以入口好滑，同飯嘅比例亦都啱啱好！超讚！