嵐山日本料理

營業中

休息中

今日假期難得走咗過黎尖沙咀行街買下野，順便食埋個午餐，朋友話好想食日本餐，搵到K11前面有間幾好食的日本餐廳，就過黎試下。門口望落簡約裝飾，估唔到中午都已經好多人，差唔多坐满。餐牌主要有好多款不同定食的餐可以揀，仲可以散叫一啲壽司食。我自己就揀咗個嵐山日替便當，原來份量真係好多，個盒已經分開成四大格擺餸。有刺身，三文魚，厚切，鮮甜，甜蝦，入口即溶，油甘魚，肉厚肥美。有拖羅蝦卷，蝦肉鮮甜加上拖羅肉好夾。燒鯖魚，皮脆肉厚，多汁。仲有吉列炸蠔同吉列炸蝦。跟餐仲有一個茶碗蒸蛋，一大碗日本米飯，一個味噌湯。最後食埋個自家製豆腐雪糕，好香甜幼滑，豆腐味濃郁。

店門面以仿磚為主，再配上大木牌招牌，左右各一大塊落地玻璃設計，讓內里裝潢及座位一目了然。星期六也有中午套餐，價錢於尖沙咀來說比較相宜，最後我選擇了D拖羅丼。丼以三片厚切中拖羅及拖羅蓉鋪滿飯表面。厚切中拖羅表面富有彈性，口感油潤嫩滑，入口即溶。拖羅蓉口感綿密，入口油香。蒸蛋嫩滑，香菇融入蛋汁內。暖胃的麵鼓湯三文魚䰵壽司，紫菜鮮脆，三文魚䰵皮脆油香。雪糕有芝麻、豆腐、綠茶，雪糕香滑豆腐味濃郁。配菜還有香脆酸蘿蔔及帶子裙邊。

嵐山日本料理享盡地利, 位於棉登徑, 尖東地鐵站5分鐘內即到。我跟朋友今晚被安排坐近門前的吧枱, 7:00入座時, 餐廳己有多枱人客, 唔好意思入內影環境, 如果跟他們同樣坐枱位置拍, 坐喺度拍環境照比較自然。向無人之枱快拍1張好了, 店內裝修都幾日本化, 燈光舒服, 以木檯及椅為主, 座位闊落。二款2人套餐幾抵食大部份餐牌己改用 IPADORDER 了三人款壽司; 赤貝壽司、喜之次壽司及鮮三文魚壽司。赤貝壽司 ($136/2件)赤貝包住舊壽司飯, 好似煲呔仔咁靚, 赤貝色澤亮麗, 好新鮮, 鮮甜爽脆, 脆到嗦嗦聲個種, 壽司飯粒粒圓潤, 口感煙韌, 師父還放了少許芥末在壽司飯糰內, 只要拈少許壽司豉油便可入口了。喜之次壽司 ($160/2件)通常喜之次都系燒嚟食, 第一次食喜之次壽司.師傅只係用火槍炙幾吓喜之次的表皮, 令喜之次入口帶點油香, 而喜之次的肉, 則較實淨, 偏向爽彈, 個人還是喜歡燒得皮脆肉嫩的喜之次.新鮮三文魚壽司 (($96/2件)師父以新鮮三文魚子炮製, 初時都驚會腥, 驚頂唔順, 先放了2粒入口感受下先, 食落又唔覺腥, 還有清清的酒香, 少許的甜味, 應該是用

之前經過見到lunch 幾吸引 就決定星期日黎試十二點零鐘黎到 可能岩岩開店 客人唔算多，我地係第二台見佢地仲準備緊野食 就有定心理準備要等大概二十分鐘 加既壽司先黎海膽壽司海膽係加拿大膽，份量唔多  不過都算新鮮冇苦味壽司+迷你牛肉烏冬set lunch仲配左 沙律 前菜 漬物 仲有茶碗蒸沙律同螺正常 特別要讚係 蒸蛋好滑  入面有白果同蟹枊  食落一d都唔單調壽司上面既剌身用料雖唔算上盛 但都算新鮮 合格啦迷你牛肉烏冬都有4-5啖左右   烏冬彈牙 上面既牛肉唔會太肥  都幾有牛味 唔錯最後仲有雪糕做甜品   食埋個雪糕真係好滿足好飽甘多野食完全滿足到我呢d貪心既人，個人認為午餐性價比高不過等餐時間比較長 我地等左半個鐘  見隔離枱等左成個鐘都仲爭兩個餐 星期六日先有加一   價錢合理 食物質數亦唔錯   有機會一定會再黎食   

今日係尖沙咀附近做完野後，諗起朋友介紹過附近有間高質日本料理🤤就去慶祝下終於過左繁忙既一星期啦☺門口同一般日式餐廳一樣，簡樸幽靜。餐廳裡面雖然唔太大，但感覺舒服，加上輕音樂，坐底已經覺得好relax🎼店員一黎已經奉上我最愛既玄米茶，比我慢慢睇餐牌餐牌真係花多眼亂，花心既我又想食刺身又想食燒物，所以最後簡左"嵐山日替便當"先黎一碗濃濃既味噌湯前菜有沙律，凍豆腐，漬物，主菜有新鮮既刺身，特色卷物，燒三文魚扒同炸物，仲有白飯同日式蒸蛋，真係非常豐富👍🏻我最鍾意三文魚扒燒得恰到好處，唔會有腥味，而炸物亦非常新鮮！其實未食完已經好飽，點知原來仲有甜品，我就簡左芝麻雪糕！芝麻味非常濃郁，口感軟滑！鍾意芝麻味既朋友一定要揀。唔經唔覺就食左一個鐘，值得一讚係職員非常主動同友善，加埋美食同環境，真係非常超值！下次一於帶埋朋友黎試埋晚餐！

其實嵐山食過幾次，但今日心血來潮想寫下食評。今日FIF係尖東行街，行完肚餓又想食日本野，即刻就諗起嵐山！嵐山既午餐set其實好抵食。我就叫左個安格斯牛肉烏冬火鍋～先講下set既配菜啦～沙律中有菠蘿，玉米仲有沙律菜，酸酸地好開胃！另外仲有蒸蛋，好滑啊～～～另外仲有海蜇青瓜，都好開胃！食食埋埋都有兩成飽啦～係時候開動食主菜！每次食，牛肉都係咁高質～～廚師唔會煮到牛肉全熟，所以上台既時候仲見到牛肉有小小紅。到你食主食既時候，牛肉就岩岩好～牛味非常香，又有咬口！湯方面有少少似壽喜燒，有粒生既蛋，仲有唔少菜，例如金菇～冬菇～都係FIF鐘意食既菜烏冬方面，係有口感既日本烏冬啊～扁身得黎又不失滿足感～不過份量係比較少既～食完配菜主食你就以為完？成個SET仲包一個雪糕嫁～有芝麻味，豆腐味等等我今次就食豆腐味，豆腐好突出好香～另外，店員仲會不斷幫你加玄米茶～服務都唔錯嫁～每次係尖沙咀一帶行，想食日本野都會諗起嵐山！因為佢係穩定既高水準日本餐廳！

早在大半年前經過棉登徑呢間嵐山日本料理，見到玻璃貼滿食物嘅相片，已經想黎試下。無諗到今日朋友約我食lunch，終於有機會來。餐廳雖然唔大，但勝在環境舒適，深木色嘅餐桌配黃燈，牆上掛著壁畫，帶來古代日式風格嘅自然感覺。午市定食真係比晚餐抵好多，百幾蚊就可以品嚐到高級嘅日本料理，享受同朋友談心共膳。朋友揀咗侍應推介嘅日式便當，而我就揀咗至愛嘅西京銀鱈魚定食。我個定食好豐富，有前菜、沙律、凍豆腐、日式蒸蛋、面鼓湯、兩塊厚切銀鱈魚及一碗白飯。食物全部都好新鮮，不得不讚，銀鱈魚嘅外皮煎到非常香脆，魚肉嫩滑，配合蛋黃醬食真係好夾！定食嘅份量真係好大份，食完已經覺得超飽超滿足，點知侍應同我地講原來仲有雪糕，雖然覺得好飽， 但甜品又係另一個胃，最後揀咗豆腐雪糕，味道唔太甜，豆腐味都算重，正！今餐同朋友食野加吹水，吹咗兩個鐘，期間待應仲主動不停幫我地加熱茶，服務真係好貼心。下次食lunch一定會再黎。

今晚約左朋友係尖沙咀開餐, 我地係openrice搵日本菜, 搵到呢間開張以來一直keep住高人氣, 評價好好嘅嵐山日本料理。我地係地鐵站跟openrice地圖指示好快就搵到嵐山, 嵐山位於地舖, 店內外都好有日本裝修風格。除左菜單外, 牆上掛的黑板亦有寫上時令嘅空運海鮮, 我地揀左幾款做刺身同壽司, 另外左燒鮑魚等嘅燒物同埋幾款熱食。刺身我地點左葉血引, 油甘魚腩, 金目鯛同左口魚, 空運到港嘅刺身真係特別鮮甜, 尤其係葉血引, 魚肉味特別濃郁, 油甘魚係魚腩部位, 油脂豐富, 入口有溶化嘅感覺。😍壽司三款入面以北海道帶子最鮮甜, 一放入口鮮味立刻充滿整個口腔, 只係一人一件唔多夠喉。🙈燒物入面最好食肯定係燒鮑魚, 既彈牙又軟腍。牛舌口感富有彈性有咬勁, 味道香濃。燒甜薯外層好香, 薯肉香甜, 一口一件, 非常美味。👍黑豚石頭鍋飯豚肉好鮮嫩, 石鍋飯混入蛋汁, 蔥同什菇, 味道層次豐富, 份量好多, 我地兩個食埋呢個飯都已經飽左8成。🙈土佐豆腐外層炸得夠香脆, 豆腐軟滑, 好惹味。食埋最後一份煎沖繩餃子, 呢餐超級滿足。😄

今日放工約左老友到尖沙咀食飯聚一聚, 佢提議去佢公司附近呢間嵐山日本料理, 佢Lunch經常去食, 讚呢度食材夠新鮮。我地收工約左係K11集合之後佢帶我行過去, 餐廳位置距離K11好近, 大概3分鐘就行到。我地收工收得早, 到餐廳時都未到7點, 客人未多。餐廳裝修好有日式風格, 我地坐係bar枱位置, 正對著師傅同食材, 未開餐已經流哂口水。😆我地兩個都好有食力, 今晚我地除左點了刺身, 壽司同燒物之外, 我地仲點左一客豆腐, 一客餃子再加多個鍋飯, 一定夠哂食。😚刺身超新鮮, 油甘魚腩, 左口魚同金目鯛都超鮮甜, 魚肉富有彈性, 另外空運直送嘅ハチビキ葉血引刺身係香港好少見到, 我亦都係第一次食, 魚肉味濃, 勁鮮甜, 魚油香, 超回味。😋壽司三款都係用時令空運食材製的, 師傅會把壽司分好成兩份, 三款時令壽司我最鍾意北海道帶子壽司, 帶子好厚肉, 好彈牙, 味道鮮甜。😍燒物我地點左燒鮑魚, 牛舌同燒甜薯, 鮑魚軟腍, 牛舌爽口富有彈性, 甜薯好甜。👍土佐豆腐係包上柴魚片再用油炸的炸物，裹上柴魚片酥脆香氣十足。配上微辣的蘿蔔蓉，滑軟嫩的土佐炸豆腐，外脆內軟，香濃美味。😋煎沖繩餃子外皮

食材很新鮮, 刺身真的非常可口, 尤其是中拖羅, 入口即溶, 鮮帶子也很好吃, 海膽也非常鮮美。串燒也很好, 推介牛舌和鮑魚, 雖然份量有點少。叫了雜錦天婦羅, 味道就一般, 不算太突出, 不過價錢合理, 可以接受。鰻魚炒飯也不俗, 我很怕鰻魚被塗上厚厚的照燒汁, 完全將鰻魚鮮味蓋過, 這一家弄得不錯, 炒飯中應該加入了香菇, 很不錯的配搭。我們兩個人叫了, 一set刺身, 一set壽司(12件), 一個雜錦天婦羅, 兩隻燒鮑魚, 一串燒牛舌, 和一個鰻魚炒飯, 合共$1400, 以這個質素來說, 算是合理的價錢。

為慶祝升職加薪，今晚決定食豪ddd其實可以選二人餐，不過我們想點一些我們愛吃的東西裏面裝潢以黑白為主題，充滿著日本風，好像到了日本一樣店裡用了ipad展示店的菜單，非常先進這個拼盤是師傅推薦給我們的，因為平時只懂叫三文魚，這果拼盤有左口魚邊、油甘魚腩、日本帶子、金目鯛、赤木章，第一次吃這些款，它們有很豐富魚油，而且很新鮮，果然沒介紹錯！這個壽司也是師傅特以製作的，分別是三色卷和立魚壽司三色卷有海膽、拖羅、蟹籽這個湯底是用立魚烹調而成，非常鮮甜而海鮮材料有很多，有海蝦、青口、帶子、蜆肉，難怪湯底會那麼鮮甜最後點了些串燒鮑魚是用鹽燒方法烹調，背後燒至金黃色雖然今餐有點over budget，但在這店有很多前所未有的驚喜，偶然吃一下也很不錯！

是日同朋友慶祝生日 一直都想試下好精緻的日本菜 見到嵐山評分是算是中上的 就去試一下位置唔算難搵 K11附近交通都係方便的環境是可以的 不過可能是星期五 人有點多 所以有點嘈 服務都可以 服務員都算細心 見我地熱左d都可以比我地轉位 。因為朋友生日佢又熱愛拖羅 所以我都選左大拖羅兩件 再加拖羅壽司🍣 刺身好肥美 另外仲有叫左壽司盛 壽司盛係幾抵食 因為已經有12件 價錢都係可接受銀雪魚係冇得頂 味道係好夠 唔駛加醬料已經好好食 另外天婦羅都可以 但油利感重左點 再light點會更好 最後要提下係雪巴好出色 要比10個贊 另外芝麻雪糕係真心推介 芝麻味重一試難忘

今晚帶左女朋友食好野，佢係位於棉登徑既一間小店早前已經聽聞佢既刺身一流，於是叫左d試下(左起油甘魚腩、日本帶子、金目鯛、赤木章、左口魚邊），當中部分刺身係季節限定，要試就要親早刺身實在太鮮甜啦另外我同女朋友都有選擇困難症，所以師傳就突意為我地炮製左呢兩款壽司，上面果個係三色卷，有海膽、拖羅、三文魚，而下面果款係立魚壽司，成個壽司擺相吸引，有d唔捨得食添個石頭鍋海鮮烏冬係用左立魚做湯底極度先甜，我最後成碗飲哂燒物都唔錯，個蘆荀同蕃薯好甜，鮑魚用左鹽燒方法烹調，煮得岩岩好

早前相約左幾個中學同學出來約會一下，尖沙咀多野行又多野食。佢地介紹左我去嵐山食日本野，喜歡試新野既我 當然即入！環境比較暗 形造左神秘感，食客數目亦不少丫！前菜：腐皮、青瓜片和魷魚片都是帶酸味，中間的蘿蔔片就甜甜地帶少辣。煎沖繩餃子：皮薄餡靚，底部煎得好香脆。手打泡菜黑豚肉石頭鍋烏冬：加有泡菜的湯底濃郁香甜帶微辣，黑豚肉薄切鮮味，烏冬又滑又彈牙，十分美味！新鮮刺身：赤貝爽口、拖羅魚油分佈均勻，入口即溶。北海道甜蝦鮮甜彈牙，帆立貝夠大粒，十分鮮甜。串燒煙肉廣島蠔：熟度燒得剛剛好，煙肉包住爽口的廣島蠔，美味有口感！燒明太子雞翼：雞翼去骨讓入明太子，雞翼燒至金黃色，鮮味的明太子份量也不少，一口咬下，真系回味無窮！三款壽司：分別系左口魚、太刀魚、銀雪魚，銀雪魚用火輕輕燒過，三種魚各有不同口感，唯一相同的就是鮮味十足，好美味！

日本同事到香港，工作過後就到公司附近一試香港的日本餐廳，因為忙於工作，午飯時已過兩點，所以店內人不多一進店內，環境不錯，桌椅的分佈不會太近，每一桌都有足夠的空間，合適相聚聊天。午餐便當選擇都多，照顧到不同人士需要。我選擇了海鮮飯，是一個魚生蓋飯，角切魚生蓋面，加上煎蛋碎，份量滿滿的，岩曬工作過後的我們。茶碗蒸有多重層次放上不同配料，很滑。再加上一客海膽壽司- 海膽很滑，鮮甜好味，入口即溶，海水味道較淡。份量很足夠，參閱下圖！特別一提：鼓油可不是便宜貨色！總括而言：味道不錯，環境輕鬆!