嵐山日本料理

營業中

休息中

裝修簡潔，座位寬敞舒適，有足夠空間感，而且餐桌以傳統日本木藝製成，帶出了日本風格，在這環境下可更投入日本料理風味！刺身盛 A $328左口魚刺身薄切 $108甜蝦、三文魚、 拖羅、左口魚等等，新鮮味美，特別是厚切三文魚，肥紋均勻，甜美多汁。左口魚刺身配以特制酸醬汁，更顯得鮮甜有魚香味！麒麟啤酒 $136啤酒飲得多， 真沒有試過洒面上是沙冰，這是極致的享受🍺。炎燒鹿兒島和牛卷 $208濃郁牛肉味道、嫩滑好味，而且分量十足。燒羊架 $68燒羊架香脆肉嫩，調味恰到好處，加上檸檬汁和秘密醬汁，可大大提升它的獨有的鮮味，的確難以抵擋。煎沖繩餃子🥟 $58香脆美味，配合酸甜醬汁，特別惹未醒胃。黑臀肉石頭鍋飯 $118大大碗黑臀肉石頭鍋飯，石頭鍋邊更有一些細小的飯焦，甘香爽口，黑臀肉也很入味，加上豐富配菜，我個人覺得值得推介👍🏻。又是非常滿足的一餐

要替友人慶祝生日，當然要係openrice做下功課先，眼見好評都算多，又頗近西鐵站，啱哂我個路痴朋友😂餐廳提供的電子餐牌，由於圖片實在太吸引，加上種類多，乾脆散叫，不點套餐好了。鵝肝多士,配以清新沙律吃，去除口腔油膩。三文魚腩/油金魚腩/劍魚腩/玉子，三種魚腩都係厚切既，油脂豐厚，以刀劃開數紋，嘴嚼時更不費力，舌頭更能均勻品嚐魚油的美味。邪惡至極的大吞拿魚腩/鮮紅的牡丹蝦/令人垂涎欲滴既海膽，新鮮味美。燒物一樣出色，魚串燒得嫩滑。雞蛋免治肉串超好食！推薦必嚐！茶碗蒸不過不失～Encore左三文魚腩同玉子就知幾好食😋

最近天氣越來越熱，食日本菜比較開胃，尤其是刺身，特別涼涼地夠清爽。今日安排坐吧檯，我最鐘意坐得高高望住師傅切魚生，感覺樣樣都好新鮮。"刺身" 金目鯛刺身，切得薄薄的，放在貝殼上好靚，魚味濃，入口鮮甜味美；喜知次刺身，大大件厚身有口感，肉質淋淋地，同樣很鮮味。"北海道海膽軍艦" 超多海膽，超級鮮味，口內有回甘的，齒頰留香，加上紫菜很脆。"燒鮑魚" 有口感，鮮味實肉，好新鮮。"黑豚肉石頭鍋飯" 黑豚肉配埋個汁好夾，肉質鮮嫩，加上滑滑的溫泉蛋，好味。"雜錦天婦羅" 雖然自己好熱氣，但又忍唔住口，蝦又彈又甜，蕃薯又粉又甜，真係好好食。

同女朋友去K11行完街，經開綿登俓就比佢個門口吸引到，原條池魚刺身肉質鮮嫩爽脆，夾埋佢既薑泥柚子醋更加帶出佢既魚味更加濃鐘意食卷物既我就叫店員介紹一個比我地芒果牛油果甜蝦反卷，肉質爽脆，搭埋芒果既香，牛油果既滑，每一啖都有幾種層次然後點左我地刺身，有鯖魚，章魚，三文魚腩同埋赤貝！好鮮味熱食都好正，燒銀杏果種香甜味加少少甘味，就好似人生咁有甘有甜最後整返個牛肉丼飯，的確無得頂呢！成完成餐飯好滿足環境又靜靜地，傾計就岩哂

今日落大雨，又實在太肚餓了，睇見lunch menu有鍋烏冬，諗都唔洗諗即刻衝入嚟沙律有菠蘿、粟米及沙律菜，雖然我麻麻菠蘿，不過原來做沙律酸酸哋又幾好味㗎喎！美國安格斯牛肉烏冬定食 ($102)上菜時啲牛肉都唔係全熟，有啲紅，我鍾意熟啲嘅，所以用啲烏冬堆住佢就啱喇！濃濃嘅牛肉味，就算我浸到熟晒但一啲都唔鞋；其他配菜嘅份量非常慷慨，有隻生蛋、魚蛋、大量嘅菜及金菇，湯底唔會一味得個鹹字，鹹甜度適中；烏冬咬落煙韌，就算放耐咗先食都唔會淋晒。$102食個牛肉烏冬鍋，非常滿足綠茶雪糕食完仲有個雪糕，綠茶味道唔會太濃，偏奶，以set lunch包嘅雪糕嚟講絕對合格！聽店員講，原來佢哋新開咗間丼飯店，就喺隔離舖，邀請我食完烏冬之後過去睇吓。睇嚟下次嚟呢條街又有新野試了！

今日放工出去尖咀，同朋友食生日飯，另一半找來這間居酒屋。早到等人叫點飲品（無影）和食物等住先，雞翼上抬十分香，（左）芝士雞翼夠香，（右）明太子就去骨釀入，但唔夠明太子味。一心想食到街邊小食燒茄子，但可惜，無燒香味，而且十分淡的茄子（只有木魚味）。人齊就開始叫菜，海膽味十足的炒飯十分香口，夠乾身，十分出色。炸蝦一般，但底下的炸麵就十分好食。（又一妹仔大過主人婆）又一出色的菜色，燒牛舌厚身香口野味，色香味齊晒。無飲，有趣一影。（上面那篤是碎冰）十分香口的牛油，菇淋可口。普通。新鮮，但味淡。鮮甜湯底，大件海鮮，必試。一樣味淡，無乜魚味。軟殼蟹一樣是去日式店必叫之一，今次軟殼蟹香脆，但紫菜就一般，可惜。最後無影單張。。。算，今次五個人二千零三，因為有最底消費（每人三百），夠數走得，環境舒適，上菜快，價錢中上，服務員有禮貌，整體評分是中上的。

以前棉登徑處處酒吧，現在店舖大部份已變為食肆，最近有這日本餐廳進駐，感覺頗高尚，但其中一家「嵐山日本料理」原來除了為地舖之外，價錢都很貼地。今日走到來被門口嘅餐牌吸引住，星期六都有午市套餐，二話不說即刻入去坐低，揀選最貴嘅拖羅丼都只係$158。套餐還有新鮮沙律菜、日式小食、麵豉湯及杯碗蒸。杯碗蒸蛋香嫩滑拖羅丼中有三片中拖羅刺身，入口甘香，魚油豐富 ; 大量拖羅蓉配日本米，啖啖口感軟滑，清新魚味大熱天時，最後仲有豆腐味雪糕做甜品🍨

約咗去尖沙咀整頭髮，去之前個lunch先，就响整頭髮附近見到呢間，熱熱哋，想食壽司，就來個壽司定食壽司定食 + 迷你牛肉烏冬 $138好豐富嘅定食，有七件壽司、玉子燒、前菜、漬物、茶碗蒸同雪糕壽司有赤身、油金魚、白身魚、三文魚、帆立貝同海膽，新鮮又鮮甜，牛肉烏冬份量剛好，食完好飽，至於個茶碗蒸都好滑，仲有菇、蟹柳同銀杏，雪糕有芝麻、綠茶同豆腐可以選擇，我就選擇咗唔係成日有嘅豆腐，真係好香豆味，食完感覺好滿足

話說早前中左人生第一個六合彩，雖然得4個字，我都要請女朋友食翻餐。依間叫嵐山嘅日本餐廳地點方便，行出K11對面街就係。呢道用Tablet做Menu，食物可以睇得更清楚，每樣都好吸引所以睇左好耐都唔知揀咩好，最後請經理推介左d壽司同埋刺身。刺身好快就上台，係經理主打嘅四款日本魚生，有金目鯛、喜之次、鯖魚同埋沙甸魚。每款魚都非常新鮮，就算女友平時怕腥唔太食魚都讚好味。除左washibi同豉油依個魚生伴侶，冰盤上亦有醋俾我地佐刺身食，令d刺身更鮮甜。 四款入面叫價最高嘅喜之次，嘴嚼幾下d魚油慢慢咁滲出黎，十分甘香，加上嫩滑嘅質感，刺身極品真係當之無愧。壽司就有我最愛既帆立貝、池魚、油甘魚腩同海膽壽司。平時我最怕海膽會有一陣腥”押”味，但呢度真係完全冇，仲好鮮甜，份量仲多到滿瀉。熟食方面我地要左燒羊架、燒蘆筍、燒雞頸肉。師傅調味岩岩好，加小小檸檬汁已經好好食。仲有煎餃子，皮夠薄底又夠脆，精華係酸酸地既餃子醋汁，可以減低油膩感。最愛食菜既女朋友要左一碟和風炒雜菜，好大碟亦有好多唔同材料。男人唔食翻d澱粉質始終覺得唔夠飽，所以要左個黑豚石頭窩飯，甜甜地既汁同半熟蛋汁撈飯好正。雖然今餐唔平，但食物好

琴日男朋友話第一次中左六合彩4個字，行運要請我食飯! 我地就揀左喺K11附近既呢間日本餐廳。由於實在有太多食物選擇，我地叫經理推介刺身同壽司。先黎刺身，經理推介左4款，分別係金目鯛、喜之次、鯖魚同埋沙甸魚。4款魚都十分新鮮，完全唔腥。而且除左普通豉油之外，師傅仲安排左D醋比我地配魚食，更加refreshing。 個人最欣賞喜之次，入口時明顯食到豐富既魚油，翅邊仲有半透明的膠質，食落好滑，不愧為當今大賣得最貴既魚。而沙甸魚造法亦好特別，師傅用左芝麻、蔥花同薑撈切成一粒粒既沙甸魚，味道好特別。而壽司方面，都係安排左4款，有池魚、帆立貝、油甘魚腩同我指定要既海膽壽司。同刺身一樣，每樣材料都好新鮮，超滿足! 仲有海膽壽司既海膽份量超級多，而且完全唔腥，應該叫多幾件!之後我地要左D燒物，有燒羊架、燒蘆筍同串燒雞頸肉。羊架好厚肉，唔會過熟好多汁，而且入哂味 ; 蘆筍好爽口好甜 ; 而雞頸肉真係唔常見，比一般雞肉更有雞味而且唔鞋。之後要左份煎餃子，一碟五隻，係普通既青菜豬肉餡，皮好薄，加左個酸酸地既餃子汁一流。男朋友成日唔食菜所以要左一碟和風炒雜菜迫下佢食，估唔到份量咁多，而且仲有好多唔同材料，有棷

在日本便利店看到最多的就是各式各樣的便當，賣相精美選擇多，每款通常有4-5款不同組別，今次跟朋友選擇此店吃午餐的原因是該店的便當每樣都非常合我心意店外有很多餐牌供參考 該店便當有三款刺身，卷物，燒物，炸物，還有基本的前菜/ 味噌湯及甜品等，便當還有一碗白飯，對女生來說，是比較多簡單的日式前菜，每款不會太多，份量剛好便當來了🍱，熟食類都是即點即煮由冷盤開始吃起來，每款刺身都是肥厚新鮮甜蝦吞拿魚腩卷，全部都是我最愛吃的食材，中間包著青瓜絲，令整體不會太溜三文魚扒的魚皮燒得非常香脆，沾上旁邊的酸汁可減低油膩感最後是炸物，吉烈蝦，炸蠔還有炸龍蝦丸，熱辣辣好脆口最後來一客雪糕為炎熱的天氣消消暑

K11 附近都好多野食, 呢間比較清靜可以舒服傾計而且呢到選擇好多, 一定有一款岩你不過今次得我同男朋友 所以點既野都唔多因為早黎所以有位最愛的池魚好新鮮而且份量也多, 柚子醋一齊食最夾!!!甜蝦芒果牛油果反卷2個人食有點多, 但係真係好好食全部都係厚切既刺身, 有三文魚 鯖魚 赤貝個人鐘意油甘魚真係夠曬肥美入口即刻感受到魚油石頭飯仲有飯焦TIM! 香口牛舌!銀杏必點的!!燒得好惹味最多來一客餃子!!微焦更加香口

偶然經過尖沙咀棉登徑，發現一家日本料理店，天氣非常炎熱，又有點肚餓，飢餓感驅使我走進這間食店。正值下午時段，就試試午飯便當。便當主要有刺身、卷物、燒物、炸物，款式繁多，非常適合我這個樣樣都想喜歡嘗試一下的人。刺身有三文魚、油甘魚、甜蝦， 三文魚非常厚身， 三分刺身非常鮮甜，口感不錯。卷物有甜蝦吞拿魚腩卷，鮮甜的生蝦配上煙韌的飯卷，沒有違和感，十分配合。燒物就有鹽燒三文魚扒，外脆內軟，口感一流，配上醬汁，畫龍點睛。炸物則有天婦羅，其中蝦球，最為好味。這間食店隱藏在棉登徑這條窄巷中，如果不是偶然發現，真的會錯過。試過之後，真心覺得水準不錯。

兩個人食，晚市，$16xx餐真心中肯發表以下飯後感前菜、沙律沒有任何特別，正常，無好好食刺身好食，新鮮（但咁既價錢食新鮮既野，應該係正常吧..）蟹腳還可以..燒到有d乾中間唔記得仲有咩...牛肉放喺d菇上面，加埋個汁燒，浪費左d牛淨燒牛肉應該好好多炒飯一d都唔好食（無乜味、d飯又一舊舊）甜品雪糕球（完全無驚喜可言）整體Um...我覺得唔值呢個價，坐得又唔算係好舒服...咁囉...職員幾有禮貌，環境麻麻。

因為請朋友吃生日飯，所以來到這裡~不過朋友都讓我做點菜的那一個，想來這裡的原因是這邊有比較特別一點的魚這邊看到活赤貝想試一下，不過老實說價錢挺貴的，但是白色那種，所以如果新鮮的話還可以，可惜的是不夠新鮮，這個可以不點點了2"壽司盛b"一樣的跟朋友一人一套，材料都很新鮮，不錯，特別要提的是金目鯛，比平常在壽司店吃到的鮮甜，平常在外面吃到的便宜的會沒什麼味道，一千多一個人的壽司店我還沒去過就不知道了，在想要不要去試,我記得好像特丹蝦頭有比較差，不記得是沒糕還是不好吃然後點了個赤鯥魚壽司，由於價錢我覺得可以不點，因為味道跟燒過的左口魚太像了鵝肝壽司很肥美，愛吃鵝肝的可以點因為沒有伊佐木了試不到，就來點個三文魚頭，就沒到我想要的味道，而且是碎上的，下次來也不會點魚頭了