嵐山日本料理

營業中

休息中

放工時間同朋友同事喺K11附近行下街, 去到呢條街棉登徑都幾多野食, 經過門口見到嵐山裝修都幾靚幾日式咁再睇睇門口果D推介美食, 價錢都算合理丫, 就入去食飯喇一入到去就見到門口位置有張吧台, 鍾意望住人地煮野食既可以坐呢度座位都幾寬敞企理電子餐牌比傳統餐牌好佢唔會因為太多選擇單而令到本菜單過厚壽司盛同刺身盛會抵食過散叫, 不過如果有D款式唔鍾意食既話再睇番散叫MENU黎揀都OK既叫左幾款刺身, 有北寄貝, 赤貝, 大拖羅同埋港人至愛既三文魚, 塊拖羅入口即溶架北寄貝新鮮即開, 顏色鮮豔之餘, 肉質極具彈性汁燒鮑魚都燒得好正架, 燒到剛剛好有脆邊口感, 但唔會太乾身, 仍然保留住鮑魚汁既鮮甜味再黎個甜蝦蓉香芒卷, 中間放一小塊芒果, 配上爽口生菜, 卷面先放甜蝦同蟹籽, 個感覺好refreshing, 大家都唔會搶晒浸味, 你會分辨到芒果同蝦味蒜片安格斯薄燒, 一小塊香脆蒜片, 加上少量香蔥, 令安格斯牛既肉味更加濃郁手打海鮮石頭鍋烏冬, 好豐富種類既海鮮, 食到最後連個湯都飲埋, 蘊含住多種海鮮既精華, 實在太鮮味喇最後食埋個一口芝士作ending甜品, d芝士好熱小心燙咀, 拉絲拉

最近小妹忙於不停見工面試, 身心都有點疲勞, 老公見到小妹疲倦於此, 是日放假說要帶小妹出去走走, 品嚐小妹最愛的拖羅丼, 為我打打氣。今次去到尖沙咀的綿登徑, 有間位置較為隱敞的日本料理, 其實小妹早已聽朋友介紹店家其刺身食材鮮味, 剛巧老公帶小妹到來, 確是一種緣份呢。一於放鬆心情, 暢懷品嚐一頓豐富的午餐吧。先看一下餐牌, 午市定食頗為豐富, 除主食外, 更配以漬物, 小食, 湯, 茶蒸碗, 沙律以及雪糕。小妹二話不說選了拖羅丼定食$158店家先送上面豉湯一碗跟熱茶一杯, 讓你暖一暖五藏。主角黎啦!!定食超級豐富, 食材顏色美艷, 令小妹食指大動。首先當然要食拖羅丼啦。丼飯上有3片厚度適中的肥味拖羅, 以小魚乾絲舖滿吞拿魚蓉上, 加上數片薑片, 非常豐富。拖羅入口鮮味非常, 沒有丁點要魚根, 超級美味令小妹一試難忘。另, 魚蓉配以適量醬油混拌而食, 同樣令人驚喜, 實屬高質大師之作!!其中漬物欲一提是黃瓜旁的條狀物, 味道像參一樣, 非常特別。其他食材均新鮮味美, 蒸碗香滑, 店家最後更送上甜品雪糕, 為完美的午餐畫上句號。店家的拖羅丼確是水準之作, 吃過回家後, 小妹仍有餘韻,

平時無乜所謂既生日主角今年竟然自動波搵餐廳，睇黎佢真係好想食呢間日本餐廳，最好啦，我地唔駛諗~餐廳都幾勁甘，menu用平版電腦(但只係睇，不能點單的！)……不過呢，一坐低feel到張檯「立癡癡」的，搞到我好似潔Pig上身甘，要拎濕紙巾出黎抺一次張檯，扣分！望一望個menu，嘩！價錢都唔算平，同埋我呢2位朋友都係眼闊肚窄既人，為免隊長自己要包底，都係叫住少少睇下好唔好食先。我地3個人叫左一個細剌身、甜蝦香芒卷、銀雪魚西京燒、燒魷魚、鐵板蔥牛卷、牛肉烏冬，剌身都唔錯既，起碼望落去都幾新鮮，食落就普通啦，尤其是帶子，雪到無晒味，芒果卷都係普通行貨野，無乜特別；至於熟食既燒物，銀雪魚唔夠魚油香，同埋都幾細份，反而個燒魷魚就幾好，魷魚夠肉厚，唔會燒得太乾；鐵板燒呢，牛肉無味+好un，好似是但夾住D蔥燒兩燒，一夾D蔥就散晒出黎；烏冬亦唔見得好好，又係行貨野。其實最伏係切餅費，訂檯時都有問清楚，由於收得貴，分分鐘仲貴過我個蛋糕，所以決定係餐廳order甜品，叫佢加字……原以為佢會將甜品放得靚靚，然後係隻碟到用朱古力筆寫句Happy Birthday……理想與現實真係有出入，佢竟然「好環保」甘將個美X

朋友想約一齊食日本野，當然要介紹佢黎食嵐山日本料理，因為上次食完仲好念念不忘之美味，餘韻猶新。今晚好彩都先訂咗位，到了晚上七八點都满座。今次黎到已經轉咗用Ipad 餐牌，方便易睇，不過落單都係搵同職員講。我地首先先叫咗個四款刺身，原隻北寄貝 $238,三文魚刺身 $38,大拖羅刺身 $198, 赤貝刺身 $68.北寄貝，肉身顏色白黑兩色，估唔到係咁大隻，肉質又爽口清脆，咬落仲有啖啖海水味。三文身十分嫩滑，切得又厚身，食落真係好肥美。大拖羅係意料之中咁好食，油脂分佈十分適中，咬落係口到就感受到個種油脂魚香係口中散發出黎的香味。赤貝，呈鮮艷的橙紅色，成隻切開，爽口清甜。之後到燒物熟食。燒鮑魚，肉質厚身嫩滑，表面微微烤過香口惹味，有鮮甜海水味。煙肉廣島蠔，煙肉夠香濃肉味，煙韌，同稔身鮮甜的廣島蠔食，味道好有層次感。燒雞腎，雞腎咬落好爽脆，特別係個皮，好惹味。甜蝦蓉香芒卷，$138,值得一讚係個鮮甜度，甜蝦肉鮮甜美味，個餡的芒果肉都係十分甜，加上軟稔的飯卷，味道好豐富，而爽脆的青菜更係一個點綴，咬落好有清新感。

好耐無食過日本野，朋友介紹左一間好評嘅日本料理餐廳，於是就一齊去試下嵐山有得係OpenRice 上面訂位，好方便職員仲會打電話黎confirm booking ，態度唔錯入到餐廳，已經急不及待叫野食首先係金目鯛薄切刺身，份量好夠，不過略嫌唔夠爽口再黎一人一生蠔，入口好juicy ,大滿足拖羅海膽卷，海膽幾新鮮，完全無臭味壽司盛都抵食，完全無hea野總括黎講，成餐飯所有野都好好味，環境又好好，不過有少少貴

侍應態度一般般，對餐牌食物內容唔熟悉問佢一份蠔串燒有幾多，佢答「有幾粒啦！」，即係幾多同夠一個人食定兩個人食？經佢形容d蠔為「粒」時都已經唔想食。餐廳食物ok, 燒牛舌比較出色，但整體價錢太貴唔配合食物質素、環境及服務，而且相似餐廳太多，未想到會再來的原因。

星期六下午同朋友去左棉登徑小巷入面既日本餐廳食lunch，附近既餐廳睇落都好正但應該好貴，以為呢間都唔例外，點知睇下餐牌又唔係咁貴喎，係接受到既價錢！希望野食質素okay啦，因為已經成兩點幾，等都唔洗等就有位！叫左個吞拿魚拖羅飯，係晚餐既水準同100分足料，大概HK$200左右，呢個價位冇得輸！個拖羅唔瘦唔肥啱啱好。食完埋單，諗住起身走，點知店員叫停我地話有雪糕送，要我地食埋先，結果我揀左芝麻味，係個好好既結尾！好滿足！

Discovered a small japenese restaurant in TST when I was looking for food on a saturday afternoon. The door looks grand and it attracted me to go in. I do not eat raw food so I ordered a slided beef set. With a lunch set, the beef was cooked just right! The amount of food is just right for lunch, it also come with an icecream at the end which is a bonus! I will definitely visit again. The staffs are nice as well

上個月去完日本旅行, 可惜食到既魚生刺身都未令我滿意, 決定返香港要瘋狂食返夠數!!!呢間位於尖沙咀酒吧餐廳集中地既嵐山日本料理餐廳, 經過幾次想試, 今次就揀呢間食~ 餐廳內裏裝修型格中有格調, 餐廳廚房佔地都好大, 有點帶有酒吧吧枱設計既感覺, 但入面就係刺生師傅而唔係酒保, 哈哈~幾有趣。 餐牌用pad幾先進XD 入面既刺身選擇好多, 可以拼盤又得或者逐款單點, 好多魚類都比較少見, 種類齊全。 先來一個沙律, 新鮮沙律菜配上秋葵, 就是簡單又有營養價值, 沙律醬係我愛既胡麻醬, 配搭柚子汁開胃酸甜~ 刺身我地點左大路亦有少見既魚生~喜之次、翁姬、赤身、笠子魚各有千秋, 當中翁姬呢D真係第一次食乍! 全部都好新鮮~~~ 我中意食喜之次, 魚肉白淨鮮亮, 夠厚身所以韌彈有咬口, 連埋魚皮位食正~ 最難忘係赤身, 厚實口感, 魚鮮味係口中慢慢漫延開去, 細心咀嚼想將鮮味留住, 新鮮無容置疑 , 正是比起拖羅我更愛赤身的原因~土佐豆腐 $68味道幾到位既小食! 土佐其實係地方名, 即是日本既高知縣, 唔係味道黎架XD 豆腐沾左蛋漿再炸, 豆腐本身幾嫰滑, 但呢道菜靈魂之一就係佢既汁,

今日喺K11附近，想食日本嘢 ，網上search到呢間食肆唔少好評， 晏晝仲抵食好多 ，即管試試午市有唔少定食供應，樣樣都想食，就叫咗呢款嵐山日替便當，勝在樣樣都有，啱曬心多嘅我先嚟蒸蛋，麵豉湯，沙律，漬物，前菜。 跟住主角便當出場三款刺身包括有三文魚，油甘魚，甜蝦，每款兩件， 夠曬肥美甜蝦吞拿魚腩卷， 甜蝦放喺吞拿魚腩上面 ，口感豐富。雜錦吉烈海鮮炸物，有炸蠔同炸蝦， 熱辣辣， 夠香口。燒物係鹽燒三文魚扒， 燒得夠香。仲有一大碗白飯， 太飽了，食唔曬，真係有少少嘥嘢。最後有芝麻，豆腐，綠茶三款雪糕任揀， 我揀咗我嘅至愛綠茶雪糕，好濃綠茶味，為今日嘅午餐劃上完美嘅句號

昨晚我們一行五人來到此小店，原以為我只是被之前的食評而吸引到來，誰知道我們一試之下，確實沒讓我們失望 😋😋我們所點選的眾多美食當中，我本人實在太愛新鮮而美味的魚生盤了⋯⋯我們朋友的女兒更吃得津津有味，欲罷不能呢 😂😂 最後，這是我第一篇食評，希望這次介紹也不讓你們失望呢 🤗🤗🌈🌈

今日男朋友又帶我去食好西野！近排都超抵讚，搵d餐廳都唔錯！叻仔😂😂 我發現真係冇女仔會唔鐘意食日式野，所以我都唔例外！今次就黎到呢間 嵐山日本料理。睇睇店內環境，都幾日式feel! 而且仲會播下歌!我地到果陣唔算多人，因為都只係6:00幾好早，人流慢慢係7點黎，都幾full 。首先係呢個，拼盤。包括：北海道牡丹蝦刺身（2隻），赤鯥刺身（2片），油甘魚刺身（2片），燒三刀魚（2片）仲有魷魚刺身，同埋4件炙燒鹿兒島和牛卷油甘魚腩，睇到都超厚切正！食落有少少油脂味幾正。啖啖肉呢個和牛卷幾重牛味，食落口感幾豐富。 本身諗住每樣野都有個特寫但太餓所以唔記得影上面拼盤嘅特寫。哇哇哇跟住就到呢個 串燒拼盤 左邊係鮑魚 ，黃色係白果串而最右係串燒日本黑豚肉 。先講一下白果串啦 ，我個人覺得食落去冇哇一聲嘅感覺，可能因為本身都唔好白果，第二就係好似有少少乾燒得，味道都ok 嘅而鮑魚真係要黎一個特寫因為好靚而且好味 幾好嘅係佢幫係剪開咗一半放便我地食，仲要有一格格靚靚仔仔咁而味道都幾夠，係鹽燒嘅味。跟住就係呢個黑豚肉了，肥瘦均勻 ，我特別鐘意食肥肉嘅部份有少少燶燶地嘅咪，唔會有果種油膩嘅味。不過好彩係2個

西菜食過好多次，今日黎到呢度食日本料理，位置唔算易搵，要捐窿捐罅先搵到，如果唔係友人帶我，我都唔會搵到呢間餐廳食飯入去第一感覺係夠光猛，d餐具都好有格調，石頭紋理，零舍有格調先叫咗一套刺身同卷物，有幾款魚，三刀，赤鱸，油甘魚等，仲有牡丹蝦、魷魚，卷物係鹿兒島和牛卷，值得一讚，魷魚超級鮮味件件刺身都厚切，口感一流之後黑豚肉串燒、燒銀杏、燒鮑魚。鮑魚正，彈牙但完全唔會死韌，燒到皮有dd脆口而唔會濃。而我個人最鍾意嘅係黑豚肉串燒，肥瘦適中，既有肥肉嘅彈牙亦有瘦肉嘅結實，好食到幾乎要同友人搶。再來一個汁煮金目鯛，醬汁偏甜，其實冇乜肉食，只係個人鍾意啜魚頭。入面嘅蘿蔔都好入味，索曬d魚頭嘅甜味，唔錯。我地叫多個麵頂頂肚，叫咗個蕎麥冷麵，質素都唔錯，汁醬似味噌湯。最後叫埋大根煮沖繩豬手，豬手豬好好淋好入味，唔需要死扯，用筷子輕輕夾就會自然地散，入口即溶，食完真係好滿足。

有時唔係因為有大事發生或者慶祝🤷‍先至去食一頓豐盛大餐🙆‍♂⋯⋯不時都要獎勵下自己啦！所謂民以食為先⋯⋯食好嘢梗係帶埋老婆啦💑老婆為家付出咁多😘就帶佢去食一餐好嘢啦😊這間餐廳位於尖沙咀棉登徑11號地下🍴🍴👉嵐山日本🗾料理🍴🍴乃屬高質素日本料理😋一絲不苟的日本料理餐廳🍴刺身北海道帶子刺身厚切帶子鮮甜美味，肉質爽滑，口感彈牙！來自北海道零污染！赤座蝦刺身肉質入口有種獨特的爽口感，中間🈶點黏韌！極為鮮甜！赤貝壽司🍣切法是蝶切，造成蝴蝶型的造型！肉質爽脆！鮮甜！而且呢度嘅壽司非一般嘅飯粒！大家一定要試吓！👍👍串燒和牛粒肉質鮮嫩多汁！充滿濃郁嘅牛肉香味！入口即溶！油脂在口裏爆發⋯⋯串燒雞頸肉肉質出奇的甘香！口感鮮嫩滋味！非常香口！來個串燒銀杏🤓清一清口腔嘅味覺😊煎沖繩餃子外皮香脆可口！餡料豐富！充滿肉汁！食時要小心啲😋小心肉汁流出！不要浪費肉汁囉⋯⋯海膽炒飯飯粒軟糯，配上蔥花丶粟米粒丶雞蛋🥚丶甘筍粒⋯⋯非常豐富這間餐無論刺身、燒物、壽司各方面都出眾 值得再去嘅餐廳

千萬不要有期望完全over price$138 sushi set 爭鮮質素魚肉冇魚味，烏冬係「東東」嘅質素。$168 便當set 都好一般 碗白飯煮到爛曬，燒魚唔錯，蒸旦蒸過龍。唉⋯ 但幾好坐服務都唔錯。 《軟件可以，硬件唔得》