嵐山日本料理

營業中

休息中

見到甘多笑笑，就試下佢啦早一日打左黎book左位，雖然黎到話冇record，不過好彩早黎都有位。壽司盛B12款不同既🍣 每件都厚切，新鮮蝦同中拖羅最為出色辛辣吞拿魚卷賣相好靚，見到都食慾大增 。雖然話辛辣，但我呢個唔係好食得辣既人都接受到，而且冇遮蓋吞拿魚既味👍呢度甘多件差唔多都比我食哂😁明太子燒飯團，比較失色，就好似食梗飯焦甘，痴哂牙清酒煮蜆，有少少辣。但係隻隻都有肉，仲好厚肉同朋友都讚好，因為出面經常食到既都比較細粒。整體食物都不錯，而且坐得舒服

每次經過嵐山都感覺是很高級的日本料理餐廳，今次終於一嘗滋味！今日雖然是星期一但餐廳客似雲來，想吃的朋友們都係預早訂位比較好。我們被安排座在Bar枱位置。Bar枱可以望到師傅們整壽司的樣子，令人食得好安心。餐廳内有很多日本人光顧，我見到隔離枱的日本人在魚的刺生，這裡有很多魚類的刺生，有些連名字我都未聼過。這一次就點了一些平時都比較少吃的魚刺生!分別有金目鯛，油甘魚，池魚和鰣魚刺生刺生全部都十分新鮮！油甘腴盈肥美，魚油滑彈性。池魚味道鮮甜，肉質特別彈及爽口。鰣魚色澤紅彤，入口柔軟肥美甘甜。我最喜歡的就是這個金目鯛！！金目鯛肉質爽甜，淡香又不膩！有點像三文魚的味道但比三文魚的口感更好。 中拖羅壽司油香味重，豐腴細滑配上米飯的醋味道相得益彰。帆立貝鮮爽而且十分清甜加上師傅的手握技術非常好壽司飯不容易散開。燒物賣相吸引味道也非常出色！免治雞肉棒配搭醬汁加蛋王攪拌一齊食，味道好夾，而且免治雞肉棒裏面有雞軟骨口感十足。串燒黑豚肉的調味剛剛好，保留到食材原有的味道。薄切的黑豚肉加上蘆筍是一個頗新鮮的配搭！日本豚肉軟腍蘆筍清甜多汁令人一口接一口，完全停唔到。手打安格斯牛肉石鍋烏冬：首先湯有濃濃的牛肉味好

以前放學成日經過呢間餐廳，見到好似好高級，所以一直都未有試過。而加出黎做野，就試下以前未有機會試的餐廳。嵐山日本料理位於棉登徑內，係K11附近，所以並不難找。我跟同事大概6點半左右到達，冇諗過餐廳咁早已經咁多人，好在我們一早已經訂了位。我們安排了坐bar枱，而正正坐我們隔離就是日本人。證明食物夠正宗！坐低後侍應很快為我們遞上熱茶及餐牌。今天想吃點刺身，於是侍應為我們推介了幾款。金目鯛、油甘魚、池魚及鰤魚刺身，刺身非常新鮮，金目鯛是季節限定，魚的鮮味較突出。油甘魚比出面食的沒有這麼油膩，可以吃多幾片。鰤魚入口即溶，很鮮甜!中拖羅壽司、帆立貝壽司，拖羅入口即溶，壽司飯醋味較多，可中和拖羅的油膩，而且壽司飯不會過於大舊，不會令拖羅成為配角。帆立貝鮮甜厚肉。串燒點選了黑豚蘆筍、免治雞肉棒及日本黑豚肉。黑豚蘆筍，蘆筍清甜多汁，很清新。免治雞肉棒估唔到咁好食，雞肉棒混入了雞軟骨，非常爽口。再配上生雞蛋一齊食更嫩滑，口感超正!煎沖繩餃子，餃子外皮煎得脆卜卜，內裡肉汁很多，很juicy!食左咁多煎野，一於食返D清清地!手打安格斯牛肉石鍋烏冬，烏冬湯底清清甜甜，牛肉味都很出，烏冬爽口彈牙，不會太淋。總括

menu選擇好多，除左刺身壽司之後仲有小食熱食同串燒～入面除左有平板電子落order之外仲有d paper既menu比你睇下有咩當日推介同當季新鮮材料～刺身盛A + 另加鰤魚刺身刺身全部都好厚切！食落好有口感～個刺身盛total有成6款刺身咁多，都好抵食下～全部都好新鮮，個人就最鍾意食個油甘魚、帶子同甜蝦～壽司盛A🍣total 有8件，呢到既壽司飯既醋有d特別，d飯係比較黏，出奇地係有d嚼口～而且飯量同個刺身比例啱啱好，唔錯唔錯～土佐豆腐-表面既蘿蔔蓉食到有dd辣味，豆腐好滑，外面炸內面軟滑，好吃呀～泡菜黑豚肉石頭鍋烏冬入面都幾多配菜下，而黑豚肉薄薄地完全唔會鞋～泡菜湯底又開胃。

星期一放工約了女朋友去尖沙咀拍拖, 除了厚福街, 其實K11附近都有好多餐廳選舉, 我們決定去附近搵食!一蘭就食過好幾次, 旁邊有好多日本餐廳一直都想試下, 最後決定去嵐山~白飯魚乾蕃茄豆腐沙律: 放在豆腐上的並不是飯焦, 仔細睇清楚是一條條的魚仔! 難怪食起來有點像香脆的蝦乾片~ 我一向都喜愛嫩滑的豆腐配麻醬今次加上白飯魚乾原來才是絕配點了幾款串燒, 有日本黑豚肉 、雞翼 、帆立貝、燒芝士年糕串燒日本黑豚肉有驚喜, 看起來是接近半肥瘦的程度, 但油脂都燒走了很多, 食落完全唔油膩, 好食~ 雞翼也不錯, 燒得剛剛好, 咬開有肉汁~ 黑豚石頭鍋飯: 我喜歡有飯焦, 所以會等一等才把飯上的雞蛋攪拌, 超級熱, 要小心不要碰到, 蛋汁、黑豚肉加上飯焦, 很有口感燒三文魚頭 : 其實三文魚頭也挺多肉的!! 燒得香, 三文魚的油脂比較多, 燒了也不會太乾, 魚質還是很嫩滑的。特別是魚頭的骨燒脆了也可以直接吃的去日本餐廳除了刺身還有很多選擇, 今天點的燒物都很不錯! 

同好耐冇見面既姊妹見面, 佢出左名識飲識食, 拍得住我胃之妹!今次佢帶我黎TST 棉登徑揾好西食! 等我試下佢口味變好左定變壞左先!嵐山位於棉登徑, 位置方便, 岩晒約朋友食飯入面坐得幾舒服, 富有日本味!D度既芥辣都同出面唔同, 可見誠意!用IPAD睇菜單, 方便快捷!深海池魚-$116金木鯛-$96銀雪魚壽司-$98食壽司可以試到日本餐廳個師傅功架得唔得, D度食得出壽司飯既師父握力, 飯個大細岩岩好, 唔錯, 而上面既魚都好新鮮, 唔會有渣既感覺, 食得夠爽快, 而銀雪魚壽司更係必點, 油脂味香到係個口度久久不散!白飯魚乾蕃茄豆腐沙律-$88D個沙律好有特色, 白飯魚乾夾沙律食, 不但好食, 而且仲豐富左口感, 而豆腐都好滑,個汁都高水平, 唔錯!燒三文魚頭-$78三文魚頭燒得超香, 入面既油脂, 肉, 軟骨三者係我口腔中交溶, 怕生暗倉既我地都爭住食呀黑豚石頭鍋飯-$118D個主食都係香口之選, 入面料多, 黑豚好好味, 但唯一要改善的地方係飯太淋, 我地都鐘意食乾身少少既飯總結黎講, D餐係好令人滿意既一餐, 傾計傾得暢快, 食物好味!服務又好! 就算幾耐冇見面都好, 我地既

尖沙咀日本料理店特別多，而棉登徑亦係一條出名的美食街！今天就應約來到 嵐山 朋友同我一樣鐘意日本野食！嵐山位於地鋪，好易揾，莫名地，一入地氣氛勁好，好像去左日本居酒屋🏮店員非親切，眼見同顧客打成一片😝裝修亦甚有風格，特別喜歡這兩幅畫😍店鋪用電子餐牌，食品選舉眾多，有點眼花撩亂刺身盛能直接試得出餐廳食物的新鮮程度，無令我地失望，肥美新鮮！熟食亦非常到家，而且份量也多！鰻魚炒飯，鰻魚很多，啖啖都吃到，微甜很香口，不會太乾身，這樣的鰻魚炒飯最好吃👍炙三文魚卷很特別，飯卷點上酸酸甜甜的自家制醬汁很開胃🤤其他熟食，煎冲繩餃子，皮薄多汁！芝麻雞翼日式炸雞同樣嫩滑，香口，食唔停口燒茄子好得意呀，綿綿軟軟，之前未試過這種口感！今晚真是很多食物都喜歡，很特別很有氣氛的一個晚上呢！而且價錢都唔貴，有下次!

前排朋友生日一於試下呢間高質日本野 未到7點入座率已經有8成 刺身師傅即叫即切 睇落好新鮮件件都好厚身 唔似一般餐廳咁 咬落去肉質鮮甜 帶子,左口魚,拖羅必叫！燒三文魚頭油脂豐腴 火喉控制啱啱好將肉質鎖係入面 三文魚魚頭肉質鮮嫩 好考師傅耐性 清酒煮蜆 職員送上黎時好吸引 一眼望到粒粒蜆都好大粒好肥美 肉質鮮美 而且食落仲有微微清酒香氣 最後送上黎係黑豚石頭鍋飯，流心蛋黃加文黑豚肉飯 睇落好足料 仲有飯焦 mixed埋一齊味道好夾7/

今晚老公又帶我去發揮吃貨本色，係K11 行完街，就到附近棉燈徑食日本居酒屋🏮地方易搵，地鋪來講算蠻大的，門左裝修充滿日本風室內地方充滿氣氛，店員都好Nice 係咁幫食客影相，傾計，感覺更加居酒屋了☺️除了電子餐牌，還有套餐和時令推介老公偏喜歡熱食，我就酷愛刺身😝刺身盛A共有6種不同刺身，赤身，油甘魚，三文魚，帶子、赤貝，金目鯛 件件新鮮肥美😋火灸三文魚飯卷，很有特色，三文魚下面有蟹高，飯卷沾上醬汁很開胃，很讃👍👍👍👍鰻魚炒飯，份量多到一個點，很多鰻魚，每一口都有呢其實熱食也贊不絕口，芝麻雞亦香口嫩滑冲繩餃子皮薄多汁，跟特製醬油很配😌日式炸雞細細件淋上沙律醬，減少油膩感燒茄子🍆係我吃過當中最好味的，又淋又軟，鋪上木魚口感豐富，淸甜🤩🤩今晚之後，嵐山已成為老公的favorite list 😜

今次就去左尖沙咀呢間嵐山日本料理食晚餐，尖沙咀Mtr出去行兩分鐘就到，位置黎講好方便。由於日本料理最著重的就是刺身的新鮮程度，所以我們就一於點了不同的刺身試一試咪道，分別有二切鰤魚刺身，帶子，左口魚，中拖羅。等了大約十分鐘便上枱了，其中中拖羅刺身最出色，油脂比例恰當，不會過份，而且肉質鮮美，食得出絕對是新鮮貨。帶子是原片上，口感彈牙，味道鮮甜。接著是池魚腩壽司及赤鮭壽司，味道鮮甜外，筋亦比較少，味道不錯。緊接著是點了個燒三文魚頭，一上枱已經熱騰騰，一口咬下去，油脂十分豐富，再加上魚肉，很滿足，岩曬我呢啲鐘意魚油嘅人。清酒煮蜆是一道味道較簡單的菜，清清的酒配上海鮮本身的鮮味，可以令味道更上一層。最後則點了個黑豚石頭鍋飯，飯吸收了醬油的味道，而且黑豚肉質有咬口，唔錯。埋單兩人大約$1000，尖沙咀黎講都叫高消，但本人認為以食物質素黎講，值得花。

若干之前已經幫襯過嵐山日本料理 對呢間餐廳嘅印象分非常高 對於食比較講究嘅我 相當滿意 所以再來光顧店舖細細 晚飯時間座無虛席 餐廳位於尖沙咀棉登徑 地鐵站n1出口 方便就腳又易找壽司赤鯥刺身 赤鯥魚的魚身光亮 魚皮滑溜 肉質更是鮮甜無比 被日本人視為刺身中的極品  經過輕微炙烤的赤鯥肉散發著誘人的焦香味 油脂相當豐富壽司飯採用珍珠米 米粒橢圓 顆粒飽滿 廚師已經調配好味道 所以基本上唔使點任何醬汁 已經好夠味燒芝麻雞翼$42/兩隻即叫即燒 上枱嘅時候仲係熱辣辣 雞皮燒到脆卜卜 中間嘅肉汁依然保存得好好 唧啲檸檬汁即刻有提鮮作用 多一份清新感 少一份油膩感燒茄子$48一絲絲嘅木魚碎 在空氣中飄下飄下 盪下盪下 非常吸睛 漂亮極…… 茄子皮已經去掉 放入口林滋滋 好軟熟 無牙嘅都食到 味道較為清淡 是一道健康的美食海膽炒飯$136估唔到呢個炒飯非常有驚喜 炒得非常有鑊氣 雖然肉眼唔係好睇到啲海膽 但係食落有濃濃嘅海膽香味 而且飯粒炒得非常乾身 粒粒分明就係鍾意呢度 食物及食材會因應季節而轉變餐牌嘅菜式 俾到我好多新鮮感 每次嚟到都有驚喜一分錢一分貨 餐廳對食材運用得淋漓盡致 無論生或熟嘅

話說同母親大人行街, 佢突然話想食日本野，我就記得朋友曾經講話尖沙咀有間好高質嘅日本料理，所以就揀嚟咗呢間嵐山啦。我哋七點半嚟到，間餐廳已經滿座，所以請我地先坐喺出邊等候, 大約等左15分鐘就俾咗張吧枱我哋坐。呢度嘅職員好留意客人嘅需要，見到我同媽媽一袋二袋，就話俾我哋聽枱下面有勾可以勾住袋，另外再俾咗張櫈我哋擺嘢。嘢食方面，食物嘅種類都係刺身、天婦羅、串燒、一品料理嗰類，但選擇方面我覺得比一般餐廳多，真係影Menu都影到手攰。打開個餐牌, 目不暇及, 野食多到都唔知點揀好, 而且圖畫望落去好似樣樣都咁好食, 呼喚我要叫黎食咁!我哋叫咗以下嘅食物，串燒新鮮燒起, 熱辣辣好好食。至於刺身當然就夠哂新鮮, 唔會有浸雪味啦。而我本人最欣賞就係佢個海膽拖羅葱卷啦，海膽鮮甜, 口感豐富, 拖羅亦充滿油脂香味, 一絕呀~！

棉登徑上的日本料理 | 嵐山繁華的尖沙咀，各大道總是燈火通明，人來人往，《棉登徑》卻像是給施展了魔法似的，時間如靜止般，顯得格外寧靜。走進《棉登徑》，你會發現有一間日本料理，擁有落地大玻璃，從外已能清楚看到店內的環境，猶如玩具公仔箱般，這就是《嵐山日本料理》。《嵐》走日本摩登居酒屋的風格，甫進店內的右邊是吧台，左邊約設有40多個座位。先來一碗鮮魚湯 $88 暖一下胃時令刺身拼盤刺身以厚切來呈現，貫徹居酒屋風格，片片色澤光潤。赤貝 $68 爽脆鮮甜、三文魚 $38肥美、深海池魚腩 $108 肉質細緻和鰤魚 $98/2pcs 油滑幼細，筆者尤愛大拖羅 $198 的魚油甘香豐腴。三貫手握壽司捏得鬆而不散，每貫的食材的味道均是一濃一薄、配上醋飯，味道平衡而口感富層次。吞拿魚腩甜蝦壽司 $54/2pcs 、蟹膏帆立貝壽司 $56/2pcs 和海膽金目鯛壽司 $116/2pcs，使人齒頰留香。燒鮑魚 $108/2pcs 燒得香口彈牙，又不失鮮嫩。清酒煮蜆 $108 淡淡酒香，蜆肉飽滿。雜錦天婦羅 $88 三隻大蝦啖啖外面香脆，咬下去，肉質爽嫩。是晚為星期二，想不到七時已滿座，如有興趣嚐嚐，筆者建

對於一個減肥嘅人來講，日本料理就係最好嘅選擇。呢間鋪頭的的骰骰，位置都屬於比較偏，但餐廳高朋滿座，我同朋友都要等左一陣先有位。試完佢嘅嘢食，就明白點解咁多人，因為佢嘅食物真係好高質。我同朋友叫咗刺身、卷物、天婦羅、牛肉烏冬、一啲串燒等等。想特別分享佢嘅海膽拖羅卷物，真係好味得誇張！本身我好鍾意大葱嘅香味，佢飯入面以大葱做主打，然後係個卷物上面鋪左拖羅同海膽，非常Fresh，而且個口感實在太有層次。另一樣想提嘅就係佢嘅餃子，雖然餡料都係普通豬肉餃，但要盛讚佢煎得好香口，而且入面勁juicy，欣賞。下次再嚟試吓佢個季節限定產品先。

兩公婆今日放早, 去咗尖沙咀 shopping一陣, 跟住再黎一round Happy Hour, 然後拍拖去食日本嘢。喺棉登徑找到一間門口大方企理的嵐山日本料理， 餐廳裝修簡單整齊，適合拍拖或三五知己聚一聚。可能好耐都冇同老婆拍拖，所以嗰日胃口特別好。我哋聽店舖經理逐一為我哋介紹和協助點菜， 首先食的是刺身，三文魚、赤貝、 吞拿魚(中拖羅)、 深海池魚、 仲有好特別嘅鰤魚， 味道似油甘魚但更鮮甜肉質更誘惑。鮮甜可口野菜魚湯，d 魚味好濃好鮮甜。 跟住再嚟係燒鮑魚和燒羊架，鮑魚咬落有口感， 燒得啱啱好。 羊架都唔錯不過如果燒耐少少可能更加正。壽司方面，海膽油甘魚，蝦膏帶子，吞拿魚蓉牡丹蝦， 配搭有心思而且不會搶味!雜錦天婦羅大大碟，有蔬菜亦有大蝦， 炸得啱啱好。 最後完成和風大雜菜就簡直係一個完美嘅句號。