峰壽司 (已結業)

可能之前見食評甘好。去之前諗住好好食。食後感覺一般。差不多既價錢同等候時間，我比較喜歡和花亭。

今日等埋男朋友放工,佢帶左我黎呢度食野,6:30黎到,都等左半個鐘有多啊~很累呢~見到勁多人等位,就算唔想等都等下啦~蟹柳壽司-唔知係d蟹柳真係咁好食,還是沙律醬味呢~我覺得好好味啊峰蝦($20)-好正好爽呀~三文魚壽司($9)-好似比較細件, 但味道都唔錯芝士薯仔球($20)-炸得好香好脆...我鍾意~仲有其他壽司,一律都唔差~間野真係好多人,迴轉的壽司都好多~

同友人食飯,佢搵地方,睇黎睇去,都係食sushi好d.是人食峰.怕等,同友人5點9就去到,都要等3張table先有位.好,食0左12碟(total).最好食的urchine好新鮮,係近幾個月最好食的. 至於揚物,炸蠔較炸芝士薯波好.另外,友人吃的蝦也好.茶唔好飲,無味的.

曾經是峰壽司fans每月必去一趟看到其他食評指水準下降也不信可是真令人失望三文魚和帶子沒有鮮味飯也很散而且份量小了

食物價錢等都ok但待應態度非常錯.我坐在bar.看見一名待應不停圍著我轉.起初並冇留意.但過了一會他跟後面的黑衫男士說.對腳好靚.腳趾都好靚.跟著身後的男士用眼光打量了一下.我來是吃東西的.不是給你們評論.千萬不要著短褲或短裙入內進食..女士們請小心

尋晚係銅鑼灣做完facial後，係附近搵好野食，行過呢間食肆發覺唔係好多人排隊等位之際，就決定是日晚餐食壽司，我地等o左唔使10分鐘就有位啦，不過旋轉吧位子比較窄，肥仔坐得好辛苦，但都無阻佢既胃口，我地都食o左好多碟呀，當中包括三文魚，價錢為$9，不過略嫌多o左d洋蔥及蔥花，味道都可以，還有吞拿魚腩、海膽、劍魚腩、甜蝦、帶子、墨魚等，本人覺得值得推介的有劍魚腩及帶子，前者入口即溶，一食已知超新鮮，帶子既份量則超大隻，鮮甜可口，值錢為$20，比元氣貴少少，但份量則超晒班啦。我地埋單總值$280，不算太平，但食物質素則算中上。

我從來不喜歡迴轉壽司﹐從來不會自己選擇去的(朋友們大夥兒去就沒辦法了)﹐不過每次經過峰壽司都見到那長龍﹐心想真的那麼好嗎﹖都開了兩年有多﹐還是天天排長龍﹐一定有它過人之處吧﹖昨天晚上突發奇想﹐就和弟弟兩人去試試咯﹗星期三的晚上8 點半去﹐還是排了40 分鐘才有位(當然不是我排的了﹐真的要謝謝我的弟弟咯﹐呵呵)﹐對這店是有點期望的﹐不其然會拿它和上個月和朋友去吃的一壽司比較一下﹐畢竟我對迴轉壽司的認識不多嘛﹗到我們的號碼時﹐見門口有一張4 人檯走﹐好怕他們要我們搭檯﹐但又不想在等了﹐怎辦呢﹖幸好原來我們被安排作壽司bar 檯﹐好﹗這裡的裝修開始舊了﹐感覺上不太乾淨﹐環境和一壽司相比是給比了下去的﹗從來不喜歡從迴轉belt 上那食物﹐一定會畫紙仔的﹐所以第一時間看看有什麼好吃的了﹗怎知看來看去都沒有飲品的﹐奇怪了﹗一間食肆不是飲品﹐尤其含酒精飲品最賺錢的嗎﹖找個侍應姐姐來問問吧﹐原來只有汽水和波子汽水﹐其餘啤酒清酒全都欠奉。幸好這個侍應姐姐都幾醒目﹐即時告訴我們他們是有酒牌的﹐我們可以出去買含酒精飲品回來。我弟弟立即就去seven 買啤酒﹗食物就真的不值一提了﹐所有壽司上的魚生都沒有鮮味。

睇左好多個評語都話冇以前咁好食... 但之前冇食過呢間... 佢又好似好出名... 又好似門口好多人排隊...終於尋日(2006年8月6日) 親身試一試...六點九去到, 四十分鐘後有位... 入去之前見到佢d相.... 唉... 個海膽軍艦爛身爛世... -50分... 有部份迴轉壽司冇cover... -20分... 蝦天婦羅壽司... 不知所謂... -30分... Order = 迴轉... 頂... -70分... 唉.... 好肚餓........ 我入左去一陣已經明白點解入面d食客個個個樣都咁無奈... 一共叫左八碟野... 兩個人食... 唔想記自己食過d乜... 真係食再食唔落... 132元埋問算數... 讚既只有個侍應會同你講「小心d水熱」

今日放假，特登落去有段時間無幫襯既白沙道峰壽司食lunch，去到時差不多二點半，唔使排隊即刻有位。嘩，唔知係我耐無幫襯(半年左右)，定物價上升，點解d三文魚壽司上面既三文魚今薄嫁，重有點解d三文魚刺身變到得六粒骰今少，點值$35，我記得最初幫襯時三文魚刺身係一片片好厚好肥美嫁。D食物份量縮水縮到今，我去元氣都好過幫襯d到。重有明明鋪頭得一半滿，大把吉位，都要安排客人坐係食物出處位，令到我時時要左閃右避，真係差!

一夾即散的飯,又薄又不新鮮的三文魚和其他不新鮮的壽司,還有沒什味道的茶.曾經也好愛你,難道板前的威脅真的不夠叫你進步嗎?

好彩我單拖jae, 六點已經要排隊, 即刻有位...叫左軟殼蟹手卷, 天婦羅蝦sushi, 北寄貝沙律sushi, 三樣都唔錯, 軟殼蟹手卷好impressive...但之後問題開始la....三文魚腩手卷同埋tuna 腩手卷呢兩個行貨野竟然唔夠鮮味...令我懷疑個d 魚碎肉係咪魚頭魚尾撈埋一齊lor..埋白講..係太古城uny 果d 一片片gae 三文魚tasty d wor~~~ 服務好好ga..人手都好夠坐位ok...室溫ok (你知la 有d見人多就勁開冷氣) 埋單剛好一百見好多人叫帶子同蝦sushi..係咪好正ga?..下次起隔離食碗過橋米線先過泥食好食gae 野..一百蚊好好搣gae~!

繼日前挑戰個人耐性極限，排隊食板前壽司之後，我同阿K今晚再次測試個人耐性，前往另一間又係長年都咁多人排隊嘅峰壽司試吓佢地嘅壽司。我地六點九開始排隊，等咗差唔多半個鐘頭就有位，响人氣呢方面板前先贏一仗。至於主角壽司方面，我地總共嗌咗十三碟，包括蟹柳、三文魚腩、鵝肝、牛脷、特大帶子、特長鰻魚、峰蝦、墨魚、炸蠔仔、海膽軍艦同手卷等。總括嚟講嘅感覺係啲嘢冇板前咁新鮮，部份海鮮食落都冇乜鮮味，好似墨魚、帶子、峰蝦同海膽(不過阿K持相反意見，佢話海膽手卷幾好食，有海膽鮮味，我冇食過，故不作評論)。三文魚腩理應比較肥，但係睇落頗瘦，食落欠缺應有嘅魚油香味。不過，蟹柳比板前出色，更大條，亦更有蟹味。鵝肝亦一樣，但係食鵝肝又點會嚟呢度，所以加分有限。鰻魚都整得不錯，牛脷亦富有牛味。點解比較滿意嘅菜式都係新派壽司，反而傳統嘅壽司就整得麻麻地呢？埋單用咗三百蚊多少少，唔算貴，但整體嚟講同元氣差唔多，亦冇板前咁多款選擇，各方面嚟睇，板前都係稍勝一籌，難怪板前門口人龍更加墟冚。

人越大,越怕熱鬧,黃金時間的銅鑼灣,途人急促的腳步,面無血色的面孔,污濁的空氣.猶如一個"爆裂都市",有時也要到此一遊,無可奈可.與眾路人一同扮企鵝.無奈地有約在老銅,到達時間未到黃金時間,不想委屈在商場同自由x搏鬥,更加唔想跳跳紮紮遊老銅,你當我係松松姐姐,天真地唱成日紮紮跳,喜歡去街?!橫過白沙道,見到"峰"無人龍,入面尚有位.諗起已有年幾兩年無涉足,姑且入去避一避難.小弟對迴轉壽司,就等同無可奈可地,解決基本需要一樣,但求叫做食下壽司算.食靚野一定唔會到此等地方.一支公坐吧檯,有乜轉過來就食乜,係偏偏唔食三文魚.短短半小時,吃罷差不多十碟,有魚背,海膽手卷(圖),赤貝,Toro碎等等.感覺如何?空虛到極點.火速吃罷埋單,出到門口,已現秩序井然的人龍,人人正襟危立,絕無打尖之意圖.非常紳士淑女.日落老銅,倍感逼人.整個人突然心律快,無冷汗,想大嗌."怕缺氧怕中風　受盡驚恐症作弄 日夜用盡萬二分力都會手痺骨痛"會合友人後,即刻辦妥應做的事情,逃離此鋼筋森林.

之前來過好幾次, 即使要等位, 都無所謂, 因為d sushi幾好食同多花歀, 但噚日去食, weekday依舊好多人, 六點幾去攞"飛", 都差不多等成半個鍾先有位。一直好鐘意食lee度的蠔天婦羅, 但噚日的蠔天婦羅失水準, 太多麵粉, 唔脆>.<其他sushi好似份量細咗....不過, 值得一d讚的係人手好足, waiters不停"浸"水, 迴轉sushi經常都是滿。

今日六點半已經黎到輪籌, 點知都要等到成八點幾先有得食...真係等了又等, 實在太耐喇!!!mm...講真d野食新鮮係幾新鮮ge, 不過冇我想像中果種食完會好回味ge感覺囉...有少少失望, 不過都算係ok啦!!成餐飯覺得最好味ge就係炸蝦手卷同埋燒過ge帶子壽司, 值得一試!!!其他野就普普通通啦!!可惜有一樣野真係好不滿, 就係d飯好易散同埋d豉油真係咸到爆囉!!兩者ge配合, 經常令d飯因為跌左落d豉油度而咸到食唔到...