峰壽司 (已結業)

in general, the sushi is fresh.what makes a good piece of sushi should be fresh material and well-seasoned vinegar riceand this shop offer a stable standard of both.my call:roast goose liver sushibad thing is: always needa wait too long outsideespecially in the hot weather

我好鍾意食峰壽司, 覺得d壽司好新鮮, 價錢又唔貴, 有幾款係必食推介, 次次去都有叫兩客先滿足...1. 芥辣八爪魚壽司- 正, 好多好多八爪魚仔, 加埋washibi, 塊紫菜仲要係脆既....冇得頂!! (但記住要落單, 佢即叫即整, 紫菜先至脆架, 唔好貪快攞bar 帶上面果d呀)2. 葱三文魚腩壽司- 三文魚蓉又香又滑, 入口即溶, 食完個口仲有好香既三文魚味。鮮味得泥又一d都唔會鯹, 百吃不厭!!! (當然呢客sushi都係要食果時先落order, 咁様塊紫菜先至脆架! 3. 帶子壽司- 鍾意食帶子既人士必食!!!! 帶子又大又新鮮, 口感好足, 正!!但係呢... 有一次我叫左個燒鵝肝醬壽司就唔係好掂, 我見佢有金薄放o係面, 好似好得意, 咁咪叫泥試lor。但係塊鵝肝燒到又苦又"鞋", 又好油, 好難食, 仲要成三十五蚊一舊, 一d都唔值。anyway, 總括呢間壽司店一流, 值得一去再去~~ ^o^ 比元氣高一個grade!!!!

成日聽人講話峰好好食,今日經過就去左試啦,六點九去已經要等位,峰的壽司選擇唔多,但係我地兩個人都食左十二碟,質素比元祿元氣好,但始終不及和花亭

大約一年前已想試, 但太多人等位了, 平日都要等100個number;自問無耐性等。終於係近日有機會試啦~個人不愛吃蟹柳,覺得"假"的。但,峰壽司的蟹柳,令我與男友竟一口氣吃4碟,已想食。它的鮮甜蟹味加上像蛋黃醬的沙律醬,yummy! 應該是用真蟹肉做的吧。但,最愛三文魚的我倆,都覺得放得太多蔥了。是不夠新鮮,要放多d蔥辟腥嗎﹖多得埋沒了三文魚似的。其他的壽司也ok,滿意。要扣分的地方:1)侍應態度差,自顧自地傾計;2)整潔度差,地上好像有食物的水/汁,沒有抹掉,被人踩到周圍都係。3)環境有d迫。會再去,但主要為蟹柳

星期六特登早d去食,5點半都已經開始等位,不過好快,3個字就入得去食左我最鍾意食既蟹柳同帶子,都係一樣咁好味.蟹膏好鮮味,又好多.峰蝦好爽,都好甜.蜆湯又好飲,蜆夠多.唯一唔得就係海膽,少左d...我發現坐order table同坐bar都冇分別,因為我想食既野都唔會係bar帶出現...

今天到店吃午餐,我的食物質到了, 我再order 了一蜆湯. 不久, 一穿白衣, 沒有卦名牌, 貌似飛仔的侍應送來蜆湯, 那時我抬起頭, 看見這侍應在陰陰嘴笑, 我初時沒有在意, 向他加order, 他點頭, 說了一句: “你都幾食得WOR!”我那刻覺得好尷尬, 好不滿, 我一直也沒有与他講笑的表現, 但他這句話是有取笑顧客的意思. 我感到很憤怒I will never go to this shopthere are so many good choices nearby

本人至愛食日本野﹐峰的帶子好好味，三文魚加洋蔥再加沙律醬好好好味呀................

峰壽司既食物ok la不過廁所環境惡劣,洗手盆勁多積水,垃圾桶滿了也沒有人理會,員工見到咁既狀況都沒有理會,失敗!!!我坐低後,茶未到,只見到員工互相說笑,落order超過五次也沒有人理會,日本人不是很注重禮貌嗎?

之前睇好多食評都話峰壽司好味,於是就去試試。去到環境ok,坐得幾舒服。至於野食,我同朋友食左好多刺身,無乜鮮味wor~亦無邊一樣食物,食完我係會想下次再黎食過~

由佢一開鋪到而家, 一直都覺得ok, 高峰時期, 1日食兩次tim, 有朋友話覺得唔好食, 話d飯散, 又有朋友話覺得差左, 但唔知點解, 我都係覺得好好味, 尤其是鵝肝壽司, 雖然貴係貴左d, 但佢由特色食品變做regular食品, 我好滿意, 次次去都要食!

今次第二次o黎食喇.. 上一次都幾個月前.. 唔太深刻..到左今次... 係咪自己睇完newsgp 個個都激讚.. 定係自己叫唔o岩o野呢?! 我覺得呢度d 壽司係好食.. 但係未至於係頂級令人難忘o羅!2個人叫左:1) 三文魚壽司: 都幾新鮮.. 但係佢切得好薄呀.. 好似食唔到三文魚o既口感.. 而且面頭o既蔥太多.. 有少少蓋過三文魚o既味..2) 帶子壽司: 最喜歡呢個... 大大厚厚o既帶子.. 好新鮮.. 口感一流... 呢個好食過三文魚呀!3) 火炙三文魚: 半生熟三文魚.. 唔夠多油.. 我覺得和花亭o個d 好味d4) 鹽八爪魚: 唔駛點豉油都夠味.. 幾好食5) 海膽壽司: 新推介, 叫左o黎試.. d 海膽好新鮮, 入口即溶.. 一d 都唔腥6) 栗米壽司: 普通7) 三文魚子壽司: 都係普遍咋喎.. 出面都食到8) 腐皮壽司: 我冇食到呀9) 軟殼蟿手卷: 唔夠脆10) 可樂叫左咁多都係168 蚊.. 都幾抵o既.. 但係我都係鍾意和花亭多d...

同男朋友黎食........6點左右等8張飛...都係等左4個字...上星期等板前....廿張飛都兩個幾鐘=o=叫左.........3文魚....同預計一樣...幾好~有好多蔥蟹柳.....超級好味!!!...同板前既蟹棒差唔多...長海鰻,,,師傅燒起上黎有陣濃味...但食落岩岩好!軟殼蟹手卷....估唔到超級大隻...好好味...gd!!火灸3文魚.....我嫌佢唔夠鹽.....厚少少會好d男朋友食左特大峰蝦...同峰蝦...佢話ok.......特大峰蝦要一啖食晒去....因為有隻"跟"連住吞拿魚魚腩....個人麻麻好吞拿魚...算係咁上下仲叫左凍甜芋...一流!!夠sweet夠脆...不過如果佢細舊dd....啖啖都食到脆邊就更加好!!!仲有煉奶strawberry.........-3-煉奶配士多啤梨冰....幾好...多d煉奶響上面甜d就好!總括黎講~~~~好好味我自己覺得同板前差唔多....唔同款既sushi各有各好味.......d飯底..就板前既木魚飯底出色d........service就當然峰好好多....隨傳隨到,.,.梗有1個係左梗.......可惜趕時間.

今日出完灣仔整野，5 點度整完收得工，咁難得梗係唔好浪費時間啦。先係掃左轉貨- 收獲係鞋一對，再去Windsor 買飛睇一直未有時間睇既"Ice Age II"。之後直踩入峰壽司(果陣先6:10) 咁早梗係無人同我爭啦，有一半係空既。朋友6:30 到，仲有驚喜俾我，有禮物收^O^！兩個人叫左三文魚、墨魚、熟蝦(各$9-)、蟹柳、北寄貝沙律(各$12-)、鱆紅魚、海螺、鹽海螺、目"金本"魚腩(各$15-)、三文魚腩、花旗夢之卷、火焰墨魚鬚(各$20-)個人認為板前比呢度好。板前既飯比呢度做得好。另外呢度既豉油鹹左d。三文魚腩ok，但普通果隻三文魚鮮味就差d，板前既三文魚好過呢度、亦比呢度既厚身、人、價錢都係$9-。墨魚唔爽、熟蝦一般、無食北寄貝沙律、蟹柳ok、鱆紅魚ok (仲只係$15- 幾抵)、海螺比像想中好食、又爽又有海水味、鹽果隻記得唔好落太多佢跟既鹽，唔係會鹹死、目"金本"魚腩一般...魚味較淡、花旗夢之卷(入面既蝦淋左、唔脆)、火焰墨魚鬚，好香、又有口感。建議大家如果order 天婦羅類/ 炸蝦卷之類都係落單既好，唔係可能會淋左、又或者係火焰既壽司，都係落單好d。

聽人說了好依很久, 第一次去. 食物: 有80分, 很有地道日式口味. 服務: 有85分, 很樂意加茶, 追食物, 人很有善. 會再去!

我其實唔食魚，所以好多壽司我都唔太鍾意。不過呢一間就唔同，佢地既蝦壽司同貝類都好好，完全冇魚味，我細心睇清楚佢地，原來佢地整唔同既壽司都一定會換手套一次，所以就唔會有魚腥味係其他壽司上面。呢一點令我好開心，因為好多就算由日本師傅主理既店都唔會咁做，令我對壽司冇大好感。但係佢地就令我愛上壽司，實在太感動。價錢方面，同元氣貴少少，不過品質都比元氣稍好，都係物有所值。另外佢地既海鹽壽司，唔駛用豉油一齊食，用海鹽加上海鮮既鮮味，夾得好好。佢地既蟹柳壽司既蟹柳都同一般既唔同，好似真係蟹肉，值得一試，難怪成日都要大排長龍啦。不過食好野，等下又有咩所謂呢。