峰壽司 (已結業)

尋晚係銅鑼灣做完facial後，係附近搵好野食，行過呢間食肆發覺唔係好多人排隊等位之際，就決定是日晚餐食壽司，我地等o左唔使10分鐘就有位啦，不過旋轉吧位子比較窄，肥仔坐得好辛苦，但都無阻佢既胃口，我地都食o左好多碟呀，當中包括三文魚，價錢為$9，不過略嫌多o左d洋蔥及蔥花，味道都可以，還有吞拿魚腩、海膽、劍魚腩、甜蝦、帶子、墨魚等，本人覺得值得推介的有劍魚腩及帶子，前者入口即溶，一食已知超新鮮，帶子既份量則超大隻，鮮甜可口，值錢為$20，比元氣貴少少，但份量則超晒班啦。我地埋單總值$280，不算太平，但食物質素則算中上。