山田海韓國料理

營業中

休息中

食物好食 唔會好貴！而且服務態度勁好 老闆員工都好好人 我一個星期都會去一次 有時仲會請我地飲野！小食配菜都豐富 地方寬敞舒適 地方都好整齊清潔 係到食野好舒服！烤肉既份量都幾多下 可以去試下🔥

食物真心講係好食既,有個韓國大媽很nice, 但以後不會再幫襯!!!其他人根本請返黎廢既, 上次打電話book左又話無, 忍佢﹗咁今次whatsapp book,佢都夠膽死話無,要個客拎對話出黎先肯認, 食餐飯好似白撞咁午市得一個人,指定要佢先可以落單同收錢, 其他人無野做都唔幫得手,話得佢可以落,搞到要自己行出去落單,問佢要餐牌,又指我去一邊自己拎落完又漏,前菜又唔比, 都算, 收左印花卡又話無收,又一次屈到我白撞咁,好啦,等到命都短幾年, 終於食完埋單,佢又收錯錢! 又話我無比印花卡, 又話我地3個人一定要叫3個餐,邊條法例要一人一個餐？食左咁多次,3個人食左3百蚊lunch,都比人講到乞衣咁,真係忍唔住要出聲,寫第一次食評呢間餐廳咁好食都無用,就無衰係一班質素低劣既員工

朋友話觀塘工廈多野食最終揀左韓國菜 去到無晒韓燒爐嘅枱 無所謂因為打開menu好多選擇 4個人order太多食唔晒第一個order辣海鮮窩 有內涵 唔計豆腐菜蔬牙菜 其他海鮮都足 蝦蟹蜆帶子扇貝青口仲有大隻八爪魚添不過落單叫小辣咋 另外想試牛肉冷湯面 一般唔夠凍囉 炸雞無厚炸漿 唔錯牛筋骨都唔錯配白飯一流 朋友話試埋個辣炒八爪魚又既醒胃 小碟都係多款式 竟然有即製既泡菜 食得出鮮甜另一翻風味埋單竟然比張discount下次就有9折

自從上次去完果間旺角嘅Gangnam Oppa 之後，有好耐冇掂過韓仔…菜…所以有去夜晚去韓下先～前菜可以refill一次，酸酸辣辣有爽脆，好醒胃，至於沙律做韓式前菜就少見d，正宗韓菜係咪甘架？！燒肉併盤，賣相不錯其中五花腩薄片最好味！叫多碟！沾上醬汁包生菜食，唔錯！豬肉炒粉絲好足料肉肉同雜菜好多，味道唔錯，份量好多！燒燒燒～香煎泡菜餅，泡菜味道唔出，冇乜泡菜味道，如果辣d就好～炒年糕個汁夠杰，可惜唔夠濃，d汁痴上去年糕都唔夠味～一頓普普通通的韓仔菜～食哂d年糕好飽吖～

週末又是一個聯誼聚會的好日子，今日放工與一班同事一起放鬆放鬆，再次揀選吃韓國菜。今次去的地方有點特別，因為餐廳是在工廈內，工廈活化聽就聽得多，但是就第一次去，感覺好新奇，而且比想像舒適。這間韓式餐廳提供的前菜相對較多，不停為顧客添加，而且還有特別的前菜供應~生醃泡菜。服務員為我們推介一個烤涮套餐，先燒烤，後涮肉，起初都有考慮套餐的份量和質量可能會稍差，不過最終都點了一份嘗試。當烤肉併盤送到時，見到它的份量，真的是有點驚喜，牛肉的肥瘦肉分佈均勻，色澤鮮紅，雖然不能與身在韓國肉食巿場的新鮮韓牛相比，但可算相當不錯，而且在燒烤的過程，服務員不時協助，把肉烤得恰到好處，不會過生或過熟，真是太好了！其實吃完烤肉併盤都覺得有七成飽的時間，再送一大煱肉及菜時，真的嚇了一跳，在座的各位都恐怕會浪費食物，慢慢把它解決，真是極之飽足。

今日下午2點39分到，一入去座下負責人已提醒3點last order,唔緊要。我地3位原本想點2個餸，負責人說要1人1order,牆上面單張也有提及，明白既所以點了3個。但吃到3點20分左右已催埋單，合共245蚊。重點是完全無韓式感覺。食物真是麻麻，牛肉好硬，石頭窩飯是好似吃糊仔，最離譜是3點半關燈，關冷氣同關電視，我地3個吃的時候也聽到自己嘴內咀嚼的聲音。跟本是趕客走，廚房師父已放定5張椅子預備小休。絕唔會再幫襯。

雖是單點，但價錢唔算貴，分分鐘同任食一樣價錢，要食質數，量多沒用的。牛肉醃得入味又嫩👍，牛脷都不錯👍。牛肉海帶湯就一般。牛肋骨大醬湯不好，因為牛肋骨好羶。醬蟹個汁好嘢味👍，明明叫了兩隻無膏的肉蟹，上枱卻不止兩隻，可能因為太細隻，所以比多點，但唔見有蟹蓋@@其實太細真係唔賣好過，食唔到幾多肉。

五花腩非常好食，搭配秘制蘿蔔，用生菜包住，味道好食到不能形容... 份量超大，十分抵食，我地仲點左個海鮮麵，結果當然係食唔哂要打包... 海鮮麵嘅湯勁鮮甜，一粒鹽嘅味都無，不過麵身林左少少，爽口啲更好.. 泡菜亦非常好吃，有別於其他舖頭，十分爽口，食完仲refill，讚!可能因為係工廈啦，環境非常寬敞，地方亦十分乾淨。老闆娘係韓國人，見我地兩個女仔食得好開心，又過嚟同我地傾計，教我地點包最好食。

從來都沒有食過咁難食的石頭鍋飯，d飯一pat pat,唔知仲以為食緊糊仔，豬肉又鞋，石鍋又唔夠熱，飯又唔焦。我老公點咗鮑魚人參雞湯，加個鮑魚又可以賣貴d，不過只係多舊魚，個鮑魚係冇味的。因為我老公唔食泡菜，問侍應可否換碟前菜，答案是冇得換的。

爹哋鐘意食牛，所以父親節就帶佢黎食韓燒！父母對食嘅環境都有要求，而呢度每枱都好闊落，又唔會好大油煙，值得推介。七點入座，見出面都有人等，好在尋晚有訂枱，晚上十一點WhatsApp book枱都有人覆😂三個人食，叫兩款肉加一個石鍋飯就啱啱好。必食推介係紅酒豬頸肉，調味好好，有好鮮嘅豬頸肉加香噴噴紅酒，大家都好中意食。做得牛魔王就一定要點牛，叫咗最基本嘅A05烤牛肉，百幾蚊大大盤，最緊要爹哋食得開心😊

家庭聚會唔想又係apm活動，所以找到呢間算隱蔽的餐廳，星期日來嘗試，發現人流都ok，好在我地book好位，位置都算寬闊！下了order，就來好多碟前菜，分量都算夠大，又可以添一次機會！泡菜同沙律，魚仔都係美味之選！叫來燒肉拼盤，真係首選豬腩肉，易燒又好食，配上生菜都好清新！可惜生菜逐碟計錢，失望！一邊燒肉，一邊叫了其他熟食！泡菜餅，味道剛剛好，唔辣！炒年糕酸酸甜甜，都可以接受，無特別驚喜！豬肉炒粉絲非常好味，一次就叫了兩碟，好多配菜一齊炒出來好乾身，鹹味適中。非常開胃！牛肋骨大醬湯來到，我們已經飽到不能，所以即使呢個湯好味都無能為力，只能食到一部分。牛肋骨偏硬，可以煲耐d更好，值得改善！

兩個女仔，怕肥、怕熱氣... 又想好坐! 7點幾walk in 走入嚟，人未算多。不過坐坐下個場都爆爆地，好多人都係有book 枱的。叫左蒸蛋、海鮮煎餅、牛肉炒粉絲! (想清清地所以無燒肉~) 不過，之前都嚟食呢度食醬油蟹、炸雞、豬肉... 燒牛肋肉之類! (味道都不錯)前菜款式多，而且不時都會轉下款。涼瓜也是第一次咁食! 另一款泡菜。食辣的主攻泡菜，不好辣的就可以食大豆芽、西蘭花... 牛肉炒粉絲蒸蛋海鮮煎餅

來了幾次，終於有Super Vip 待遇，又送汽水，又送大泡菜，仲可以免費換韓式雪梨汁（平時午餐要加$5㗎。）今天要讚美呢度D大泡菜，係韓國아주머니가 (阿姨，已婚女士)做嘅，韓國人叫新鮮泡菜。每天即做即食，所以稱新鮮泡菜，爽&辣。而傳統泡菜，要經過發酵，酸&"淋"。呢度嘅係韓國入口，二種風味，各有特色。短發姐姐，我來頭一二次已經認得我，頭先泡菜係她介紹，好nice。今天她推薦雜菜牛肉拌麵，少少酸，彈牙，好醒胃。 

星期六夜晚悶悶地，將軍澳啲食肆又食到怕怕，一定排長龍，於是決定出觀塘闖蕩下。下行下行下左去駱駝漆大廈，見到有間好似好地道的韓式餐廳-山田海，決定一試！餐廳喺三樓，可能時間比較早（約六點幾），只有三、四枱，門口侍應見我地喺到徘徊，好熱情咁招呼我哋入去坐。看見餐牌，各式精美韓食展現眼前....由於我地得兩丁友，所以選擇不太多，一位懂韓語的女侍應見我地選擇困難症發作，主動埋枱問我二人喜好，最後點了辣炒豬肉同韓式牛仔骨點完菜後，女待應已端來多款伴餐，雖不是什麼名貴食材，但每款用料新鮮，相信全部自家制，有別其他餐廳用即成製品。其間見女侍應不停巡廻各枱，為食客提供協助，例如剪牛肉，添加伴餐等...(不知她是否老闆之一）主角出場（見圖）， 賣相與餐牌相當接近，絕不會因鋪頭位於工廠大廈而欺場，一陣陣的肉香飄過來，食指大動，牛肉多汁而不靭，完全沒有雪藏味道，用韓式醬料醃製，錦上添花，豬肉完全沒有雪藏味或豬的怪味，配上泡菜的爽辣，口感層次豐富，絕配👍🏻待應知道我地喜歡海帶湯，特意送上兩碗過來，味道清甜，同喺韓國試到的，味道相當接近，每樣食品一絲不苟，製作認真，讚！坐到約七點零鐘，望望四週，原來已經坐滿了😱

望落去餐碑有D貴，不過真係要試過先知，原來份量大，仲有韓式Cider 檸檬，蘋果，提子送呀。二人送六小碟，三人送八小碟，有時候送大泡菜。今天算有食神，共九款小菜。今天食午餐，星期五，人多，上菜等左一陣，炆牛肋骨，我最愛，連飯大口大口，爽。烤豬肉，嘩，鐵板上，香噴噴，小小辣。