山田海韓國料理

營業中

休息中

家庭聚會唔想又係apm活動，所以找到呢間算隱蔽的餐廳，星期日來嘗試，發現人流都ok，好在我地book好位，位置都算寬闊！下了order，就來好多碟前菜，分量都算夠大，又可以添一次機會！泡菜同沙律，魚仔都係美味之選！叫來燒肉拼盤，真係首選豬腩肉，易燒又好食，配上生菜都好清新！可惜生菜逐碟計錢，失望！一邊燒肉，一邊叫了其他熟食！泡菜餅，味道剛剛好，唔辣！炒年糕酸酸甜甜，都可以接受，無特別驚喜！豬肉炒粉絲非常好味，一次就叫了兩碟，好多配菜一齊炒出來好乾身，鹹味適中。非常開胃！牛肋骨大醬湯來到，我們已經飽到不能，所以即使呢個湯好味都無能為力，只能食到一部分。牛肋骨偏硬，可以煲耐d更好，值得改善！

兩個女仔，怕肥、怕熱氣... 又想好坐! 7點幾walk in 走入嚟，人未算多。不過坐坐下個場都爆爆地，好多人都係有book 枱的。叫左蒸蛋、海鮮煎餅、牛肉炒粉絲! (想清清地所以無燒肉~) 不過，之前都嚟食呢度食醬油蟹、炸雞、豬肉... 燒牛肋肉之類! (味道都不錯)前菜款式多，而且不時都會轉下款。涼瓜也是第一次咁食! 另一款泡菜。食辣的主攻泡菜，不好辣的就可以食大豆芽、西蘭花... 牛肉炒粉絲蒸蛋海鮮煎餅

來了幾次，終於有Super Vip 待遇，又送汽水，又送大泡菜，仲可以免費換韓式雪梨汁（平時午餐要加$5㗎。）今天要讚美呢度D大泡菜，係韓國아주머니가 (阿姨，已婚女士)做嘅，韓國人叫新鮮泡菜。每天即做即食，所以稱新鮮泡菜，爽&辣。而傳統泡菜，要經過發酵，酸&"淋"。呢度嘅係韓國入口，二種風味，各有特色。短發姐姐，我來頭一二次已經認得我，頭先泡菜係她介紹，好nice。今天她推薦雜菜牛肉拌麵，少少酸，彈牙，好醒胃。 

星期六夜晚悶悶地，將軍澳啲食肆又食到怕怕，一定排長龍，於是決定出觀塘闖蕩下。下行下行下左去駱駝漆大廈，見到有間好似好地道的韓式餐廳-山田海，決定一試！餐廳喺三樓，可能時間比較早（約六點幾），只有三、四枱，門口侍應見我地喺到徘徊，好熱情咁招呼我哋入去坐。看見餐牌，各式精美韓食展現眼前....由於我地得兩丁友，所以選擇不太多，一位懂韓語的女侍應見我地選擇困難症發作，主動埋枱問我二人喜好，最後點了辣炒豬肉同韓式牛仔骨點完菜後，女待應已端來多款伴餐，雖不是什麼名貴食材，但每款用料新鮮，相信全部自家制，有別其他餐廳用即成製品。其間見女侍應不停巡廻各枱，為食客提供協助，例如剪牛肉，添加伴餐等...(不知她是否老闆之一）主角出場（見圖）， 賣相與餐牌相當接近，絕不會因鋪頭位於工廠大廈而欺場，一陣陣的肉香飄過來，食指大動，牛肉多汁而不靭，完全沒有雪藏味道，用韓式醬料醃製，錦上添花，豬肉完全沒有雪藏味或豬的怪味，配上泡菜的爽辣，口感層次豐富，絕配👍🏻待應知道我地喜歡海帶湯，特意送上兩碗過來，味道清甜，同喺韓國試到的，味道相當接近，每樣食品一絲不苟，製作認真，讚！坐到約七點零鐘，望望四週，原來已經坐滿了😱

望落去餐碑有D貴，不過真係要試過先知，原來份量大，仲有韓式Cider 檸檬，蘋果，提子送呀。二人送六小碟，三人送八小碟，有時候送大泡菜。今天算有食神，共九款小菜。今天食午餐，星期五，人多，上菜等左一陣，炆牛肋骨，我最愛，連飯大口大口，爽。烤豬肉，嘩，鐵板上，香噴噴，小小辣。

午餐，天天快餐，好悶呀。今天又來到呢度，山。田。海。我講過一定再來。原來午餐送汽水，仲可以儲印花，真係生意難做，套餐$68起，尚算抵食。韓國老闆娘今天在店內，有嘢送，大大碟新鲜泡菜，津津有味，本來六小碟，送多左二小碟，正。石頭飯，配泡菜，味道正match 。不過天氣熱，石頭又熱要慢慢食呀。

服務超差！服務超差，要水時不裝水，要換燒爐時不換給你，還說為什麼要換？！簡直什麼都差，勸各位不要來光臨！完全不懂做韓國料理，未試過食一間韓國料理是這般的十分差。

今日order 左一個set lunch，因為冇得選擇淨人蔘雞湯飯，迫住叫鮑魚人蔘雞湯飯。個湯碗非常熱，第一啖飲帶去，個湯有濃濃的蔥味，質感好「厚」,略帶微微雞味同好輕微的甘味，但食不出人蔘味！在湯裡面有半隻雞，雖然不是新鮮雞，但肉質很滑口，冇雪味，煮到連骨頭都軟。飯的份量適中，軟硬都可以，但最失敗係隻鮑魚，因為連埋個殼放落去，好似冇洗過咁😑，好嚇人！

如果……生菜、小菜係無限添食，d肉類能改善一下，我認為會更好。我地揀呢間最主要既原因係因為離我們住既地方近，因為通常食韓燒都要去到旺角個d地方等，而且亦都想試下工廠區既水準如何，點知………都係唔好貪近啦，唉……我地得2個人，但佢都比左成9碟小菜，其中2碟係泡菜，一碟辣，一碟完全唔辣，其他個d小菜同出面平時食到個d差唔多，冇咩值得講，但小菜數量比出面店鋪多，這點值得，但不能添加，想吃多點也不行，d店員見我地食完就收走lu~~~我地一坐下，個店員就推介我地食個2人餐，但由於我朋友對海鮮麻麻地，所以就冇食個2人餐。最後就逐樣點，點左雞、牛、五花腩各一碟，加上牛舌、2罐飲品，呢餐食左差不多500內，平均每人$250，飽係飽，但超級感覺美中不足囉！！！生菜、醬一份要$50，如果係，我希望佢會係一個價錢無限添食囉，出面個d韓燒店，生菜、醬，仲有d小菜好多都係無限添食，我認為如果店鋪開起工廠區，又想吸引更多人黎，除左服務外，其他各種質素也很重要。D肉類質素跟出面個d假韓燒 (一個價錢任食個d) 一樣，期待以下……個梨汁有d梨肉碎，不錯但偏甜。員工、老闆都好有禮貌，臨走個陣都會用韓文講再見、點頭個d。

駱駝漆大廈有好多食肆，上次食完好難食既Shy Dance Cafe之後，行下行下，見到呢間山田海，門口個宣傳牌話午市套餐由$58起，於是就決定下次黎試。黎食午市套餐，只係叫左三個餐，但竟然黎左成枱前菜，夠晒大堆頭，老闆真夠闊綽呀！我覺得最好味係薯仔，炆到腍晒，甜甜地好入味，簡直可以叫碗白飯黎送！泡菜炒豬肉飯，呢碟炒到好油，搞到成個碟底都係橙色油，而且味道普通，食左一碗，我無動力再添食。炆牛肋骨，餐牌寫明呢個係招牌菜。平時我去韓國餐廳食牛肋骨，都會食燒既，貪香口；但今次既然佢話炆既先係招牌，我就即管試下。一食，不得了，好腍好入味，牛肋骨加埋紅蘿蔔同紅棗去炆，個汁帶甜味，勁正兼好送飯，一級棒，無負signature dish既美譽。最後黎既係炸醬麵，都能夠發揮到水準，唔錯既，但唔算有驚喜。所以大家下次黎，唔駛諗，叫晒炆牛肋骨就啱！

隨便叫左烤大蝦，烤帶子，有醃牛肋骨，無醃牛肋骨，（魷魚送的)。招牌菜-有醃牛肋骨，果然好味，好入味，口感一流。無醃牛肋骨，牛味好濃，點麻油鹽，絕配。大蝦，烤時要分開頭&肉，肉爽，帶子大大粒，有驚喜，要一分為二。抵食。本人小食豬肉，呢次俾面試下，烤完，無曬脂肪，一點都唔肥，夾生菜&秘製豆醬，回味 

由於我們在中午時已經book了5位的枱 最後來了7位 不過有一個獨立的房間還不錯 房裡有一個獨立電視 但當電視正在播放k-pop時 我們在房裡沒有任何聲音 更沒有一個喇叭能夠聽到k-pop 我們首先叫了兩碟肉類燒 但個侍應不停問夠了嗎? 因為我們還點了炸醬麵和海鮮雜菜面鍋 加上價錢又有點貴 而且優惠券只能左星期一至四才能用

有人建議食食試下 不過佢係以為樓上店等於私房菜所以過來 佢來搞笑 不過依間算ok  不過侍應真係好少 兩個再加一個執枱  老闆感覺好閒 這店有燒烤有鍋 不過大圍燒烤 跟上就係韓國前菜真係好多 還好是送的 都算係咁依味泡菜最正  海鮮加牛肉  喜歡吃海鮮的不容錯過侍應有幫忙伴  感覺熟手伴出來比較好吃韓式炸雞 感覺普通 有點粉 比較喜歡台灣的鹽酥雞不過同行有小妹妺不吃辣還是努力在吃炸雞  會心微笑XD海鮮就沒有人服務了 果然還是不太會燒海鮮店裏還有醬油蟹  感覺不錯不過沒吃 XD總體來説  店還ok  只係服務人員很少 不過雙對料的品質還ok

阿哥阿嫂吹雞約出黎食飯聚聚，問有冇心水，咁就不如再黎山田海食韓國野啦，橫掂人多可以叫多啲野食，之前一日訂定位可以有九折（一定要比現金），一行六個大人一個BB開飯，位置都算寛闊！職員服務勤快，今餐食得好滿足！唔講太多，有圖有真相，睇相！

我班為食團友又開飯局今次試新食店 ... 其實有朋友已經試過，好食至帶埋我們來試朋友話這間店是韓國人主理的，廚師是韓國人至夠正宗韓式風味喎一坐下，就放下一個好有韓國風味的茶壺至鍾意韓國料理的前菜，但有點食店只比兩三碟 ... 但這處好豪氣喎我們一行八人，四個人一個燒烤爐，每四個人有八款前菜 + 一大碟辣泡菜有我們至愛的魚仔、黑豆、甜薯 ... 之前大熱的炸雞，我怕熱氣一次都無食過但友人大力推薦要試，有辣味和醬油味兩款因為有小朋友點了份 醬油蔥味炸雞，嚟到的賣相及碟頭大份到嚇了一跳炸雞炸得好好，炸漿不太厚又不油膩，但好脆裡面的雞肉仲好嫰滑又 juicy，夾少少蒽一起食好好味真是會食完一件再一件 ... 終於知道點解韓式炸雞咁大熱囉 !!! 大熱的 醬油蟹，又是第一次食 ... 不過，這兒不只有醬油蟹，還有醬油蝦、醬油鮑魚 一份有兩隻，但只有三個人有興趣食 ... 所以央求要半份 ... 即是一隻很多蟹膏，很多醬油，蟹肉又鮮甜放點白飯在滿佈蟹膏和醬油的蟹蓋裡面至食 ... 真是好好味的 !!!大大盆的 韓式豬手 ... 去了月骨啖啖肉，加點辣醬用生菜包著食，一點都不油膩牛舌是每次燒烤必食的