山田海韓國料理

喺觀塘發現咗間超正嘅韓國料理「山田海」🇰🇷 一入門口就見到超多明星合照📸✨ 成間店好似韓式大排檔咁熱鬧，雖然係樓上店但晚晚爆場，氣氛滿分💯我哋今日食咗：🐮 牛肋骨（2人份）｜肉質軟淋淋，醬汁甜鹹適中，兩兄弟搶住食到舔舔脷😋🍲 泡菜豬肉湯 ｜ 酸辣開胃，豬肉吸晒泡菜精華，配白飯一流🍚🦐 海鮮嫩豆腐湯 ｜ 豆腐滑嘟嘟，海鮮鮮甜到震，飲完成個人暖笠笠❤️🔥 韓式烤鰻魚（2人份）｜ 店員用火槍燒到外皮香脆肉質彈牙，醬汁惹味到想encore！🧀 芝士蒸雞蛋 ｜ 芝士拉絲超邪惡，雞蛋滑到似布丁🍮🍗 韓式炸雞 ｜ 脆粉唔厚，咬落肉汁爆發，脆脆的原味兩兄弟最愛重點係🇰🇷韓國老闆超用心：✅ 大部分食材韓國直送✅ 泡菜每日清晨新鮮醃製✅ 前菜任添唔手軟（勁多款前菜必食！）仲有韓籍店員姐姐超nice🤗 不停請兩兄弟食雪糕糯米糍，開心到佢哋跳舞仔🍨💃見到兩個仔由頭食到尾笑咪咪，仲學識用韓文講「好好食」😆 呢度絕對係親子友善之選，等位時仲有電視播K-pop MV睇唔悶親～ 一定會再嚟encore！👨‍👩‍👦‍👦💕…查看更多

一直都知道駱駝漆大廈是臥虎藏龍的美食之地，但好少到東九龍搵食, 所以都要靠朋友介紹, 今次朋友就帶我去食由韓國人主理的韓國餐廳,果然無介紹錯, 好味又性價比高! 餐廳門口已經貼滿韓國老闆與客人的合照, 內埋裝修樸實簡單, 牆上貼滿餐廳的菜式, 四周的電視上一直播放韓國MV,超有韓國local餐廳feel🏠餐廳由韓國人主理, 老闆仲好熱情,一直滿場飛同客人寒暄, 超熱鬧的~餐廳提供多款韓國料理，由醬油蟹、石鍋飯、部隊鍋、烤肉、到炸雞都有, 款式種類多, 啱晒多心的香港人🥳點菜後先上前菜, 8款前菜包括新鮮辣泡菜、魚糕、薯仔沙律、菠菜、荳芽等, 全部可以無限量追加🤩而佢地嘅新鮮辣泡菜仲係每日早上新鮮製作, 唔會太辣, 但保證爽脆鮮甜! 一心想食烤肉的我們就點咗2個套餐, 已包括湯、2碗白飯及2罐飲品🌟S3:鰻魚套餐($498)韓式烤鰻魚|芝士蒸雞蛋|海鮮嫩豆腐湯 鰻魚由韓國引入, 肉質厚實彈牙,店員會幫忙烹調, 以確保鰻魚燒得剛剛好,烤過的鰻魚皮好香脆, 魚肉厚實嫩滑,醀燒烤醬同吃超夾😋🔸石鍋韓式芝士蒸雞蛋, 蒸得漲卜卜, 口感柔嫩軟綿, 有蛋香之餘亦帶微焦氣味, 是傳統韓式蒸蛋的味道, 再加上芝士, 更添美味, 用來拌飯一流!🔸海鮮嫩豆腐湯, 海鮮配料充足, 包括大蝦、青口及蜆等, 再加上嫩豆腐及大醬, 鮮辣惹味, 喝一口超暖胃, 用來拌飯吃超讚!🌟S2: 牛肉套餐($398)牛肋骨（醃）|韓式豆醬湯烤牛肉套餐的牛肉3選1，我們就選了醃了的牛肋骨，大大份的牛肋骨已起骨上枱，店員依然好好的幫我們烤肉，牛肋骨只要簡單的烤熟就已經好好味，牛肉入口甘香，油脂香氣豐盛，肉質軟嫩，入口香濃，不用醮任何醬汁已經好好食😋🔸韓式豆醬湯套餐另一個湯就點了韓式豆醬湯，呢個湯唔辣，啱晒怕辣人士💯，豆腐嫩滑，配上濃郁的豆醬及蜆，也十分美味😋老闆除咗成日過嚟問我地對食物味道外，仲送kimpa比我地食，真係超親切可愛。見到有人生日有生日驚喜, 原來生日訂座仲有蛋糕同禮物, 好有心思~…查看更多

呢晚同友人過咗嚟食韓國菜，我哋嗌咗兩份signature套餐，有韓燒鰻魚同埋牛肉，真係令人心心眼😍 前菜一坐低店員就俾咗八份前菜我哋，全部都係任食㗎，特別鍾意佢嘅自家製泡菜，保留娃娃菜嘅口感🤣牛肉套餐可以喺三款牛肉入面揀一款，店員同我哋推介呢份牛肋骨，已經用上秘製醬汁醃過，味道略帶點甜味，烤完真係超級香呀😙 肉質又夠晒軟腍🥩鰻魚套餐♦️韓式烤鰻魚成條鰻魚唔使驚處理唔到呀，店員幫手燒，輕鬆食到即燒又肥美嘅鰻魚🐟 烤到啱啱好，夠乾身，入面仲保留有肉汁🥰♦️芝士蒸雞蛋呢個菜式幾特別，用上石鍋，有超強拉絲嘅芝士，配搭人人都鍾意嘅嫩滑雞蛋🍳湯品♦️泡菜豬肉湯入面勁足料，真係有大量泡菜配豬肉，味道帶點微辣，唔會太嗆口，喺入口舒服嗰種辣🌶️♦️海鮮嫩豆腐湯海鮮方面有海蝦、青口、蜆肉、魷魚，仲有好多豆腐😍 都幾足料。飲品可以喺五款汽水入面選擇，飲汽水嘆燒肉嘅配搭唔錯😌呢間韓國菜都有唔少名人嚟過幫襯，質素果然係幾唔錯👍🏻 最令我回味就係烤鰻魚，下次要再嚟食過先得 。…查看更多

冲著YouTuber介紹，於是我同家姐𪊴生去山田海食晚飯。 我們二個人點S 4豬肉套餐(3-4人)$798+1＊2個人比8碟前菜：只有泡菜ok, 其他一般，之後只可以添二碟，不是任添＊醬汁：每人只有二款＊紅酒豬頸肉：烤完食到一陣酒味＊五花腩：份量少，又唔夠厚肉，好一般！＊豬面青：無影到相，份量少，又係所有肉烤完都唔香口，無驚喜！＊海鮮豆腐湯：大多數係嫰豆腐配個勁紅湯底，無鮮味！＊芝士蒸蛋：少少芝士，無蛋味，個底有少少綠色，老咗！？唔滑！＊煎餃子：皮脆的但多油，餡料冇乜特別。＊YouTuber 介紹follow餐廳IG +出post 送蒸蛋+海帶湯。show比店員睇，佢好似扮傻咁，店員話海帶湯係要生日先送！咁啱家姐生日才有得試下。結果味道只有鹹味+很柴的牛肉片，亦都係毫無鮮味！＊所有肉唔配生菜，點一份要$50。由於缺人手，全程要自己烤肉。總結： 這個套餐完全不足3至4人份量！店員不友善，問多句都西面和語氣差🫠味道又唔掂，不值這個價錢！沒有下次！…查看更多

今日同朋友去咗山田海食晚飯，真心覺得幾好。餐廳唔算好大，但坐得舒服，感覺幾乾淨。老闆好nice，好主動同客人傾偈，成日掛住笑容，令人覺得好welcome。我哋叫咗醃牛肉同豬肉，真係好好食。牛肉醃得夠入味，燒完之後肉質好嫩，唔會韌。豬肉都唔錯，肥瘦適中，食落唔油膩。另外仲試咗佢哋嘅泡菜湯，味道濃郁，辣辣哋好開胃。最驚喜係，原來如果慶祝生日，老闆會送份小禮物，仲會拉埋你一齊玩，搞下氣氛，成間餐廳嘅人都會好開心，感覺好溫暖。雖然我今日唔係生日，但見到隔離枱慶祝，都感受到嗰種開心。整體來講，食物質素好，服務態度友善，價錢都合理。如果想同朋友食餐好，或者慶祝吓，呢度真係唔錯嘅選擇。不過嗰日實在太開心，所以都唔記得咗影嘢食相。…查看更多