山田海韓國料理

營業中

休息中

這間是韓國人主理的，食物都好正宗，雖然是觀塘區，但不會比尖沙咀韓國街的食店差。價錢亦比尖沙咀便宜，但不是平，我只是覺得食物和價錢都合理。味道不會得個辣字，已來過好多次了。

Usually Korean lunch places don't give you side dishes so it's nice here where they give you big servings of different side dishes. Had both the soup and the bimbimbap. Soup was just average but the bimbimbap was great.

逢星期五係一班同事外出食Lunch既日子由於人數不小 所以揀餐廳首要有得book位今早11am打去book時已經話好full 講明左六人要迫埋左四人枱，OK 呢間韓國餐廳食過幾次了以經驗來說，lunch time時間一去到就要盡快落order 尤其係石頭鍋飯，之前試過要等30分鐘 亦見過隔離枱等太耐都無食物要取消單呢樣係呢間餐廳缺點之一落左order之後 店員好快會送上小菜係免費既 我地今次有六個人 送多左碟中間既新鮮泡菜(呢個好好味啊)另外薯仔都好好食 好林好入味*平時兩至四人有都有六碟*今次都係搏一搏 叫左石頭鍋飯因為感覺只有呢個飯先最抵食入面有小量牛肉 有白/紅蘿蔔絲 脆肉瓜絲 冬菇絲 波菜 芽菜同泡菜配料都幾豐富 建議要加辣醬食先好味其實佢個辣醬都不太辣真係好熱 小心辣口！同事叫左呢個豬肉醬飯賣相真係一般 似茶餐廳既碟頭飯不過就承惠七十大元 值吾值就見人見智啦午市套票都會送汽水的同埋午市免加一

觀塘工廈一向出名多驚喜cafe，今日行街行完聞到好大陣燒烤味，原來係韓燒，雖然啱啱去完韓國，但係都仲好懷念韓國嘅鐵板燒，所以同男朋友決定來呢度食返餐好嘢。韓國菜咪叫餸先來6個小前菜，不過冇咩特出。然後我哋揀咗個燒烤拚盤->烤肉雜錦拼盤(豬,牛,雞)睇落呢就唔係好多嘢食，仲以為唔夠，不過唔貪心，食左唔夠再叫。嘩佢啲牛肉燒左都幾嫩囗多汁，雞肉有囗感，豬肉半肥瘦有質感但略嫌油膩，但整體來講材料質素唔算差，肉汁全部都鎖得着。另外辣泡菜豬肉湯幾濃郁微辣，不過卻掩蓋豬肉味道。呢度嘅服務態度都幾好，店員仲送咗我哋一個新鮮醃制泡菜，個味道都幾得意喎同普通傳統泡菜唔一樣，菜味新鮮爽口。

再臨觀塘工廈，上次已經嗅到好 juicy 嘅燒烤味就試呢間山田海未叫野食先黎6個小前菜再送多個新鮮醃制泡菜，呢個新鮮醃制泡菜又幾鮮味爽囗，出面買到的只有鹹同辣味。斜式燒烤盤目的是將食物啲油流出，唔會keep起個盤度，相對細心烤肉雜錦拼盤(豬,牛,雞)雖然只有一個雜錦拼盤睇落唔多野。但慢慢食已經可以好飽，牛肉燒到過左火位仍然嫩囗多汁，雞肉好juicy好有囗感，豬肉半肥瘦有質感但略嫌油膩。辣泡菜豬肉湯足料濃郁，單一辣味掩蓋豬肉味道。服務態度還可以，都有禮貌地收拾及換碟，另外食到一半店員給添加新鮮醃制泡菜

今晚與好朋友一起共進晚餐，想找一處可以促膝長談的地方，所以我們來了這家韓燒店，一邊燒一邊說八卦。我們點了烤海鮮拼盤，新鮮的海鮮用中度的爐溫去燒，鮮味十足。另外，我們點了炸雞，味道方面跟韓國是有點距離，但都幾大大件！韓式蒸雞蛋跟海鮮煎蔥餅卻一般般，蔥比較大條。辣醬烤魷魚味道不錯，我們一致好評是辣醬炒年糕！年糕煙煙韌韌配上刺激香辣的醬汁，超正！燒黃花魚都有點失望，不但多骨而且還有內臟⋯至於甜品則是雪米糍，還算滿足的一餐。

好少會去劣評一間餐廳，但今次真係嬲到唔可以唔打食評。媽媽話想食韓國野，觀塘又無咩選擇，就簡左呢間食午餐。叫左一個生牛肉伴飯，一個鮑魚牛肋骨湯，原本想叫多左年糕加紫菜飯捲，點知話買晒，單買一個年糕要成一百蚊咁我地就再簡多個韓式魚片烏冬。起初嚟左個生牛肉伴飯同鮑魚牛肋骨湯都正常，味道都算唔差。隔左無幾耐嚟左個烏冬，我地眼都突埋完全貨不對辦。 明明menu 係韓國一串串個種魚片，食過韓國野都知道唔係咁嘅樣，個幾粒係龍蝦丸同獅子狗呢碗野價值$70!我地見唔對路就問個店員，點知個店員走左去搵個講唔咸唔淡國語嘅韓國大媽嚟解釋，話魚片無晒所以換左d 貴d 嘅韓國魚丸比我地，又話係咩韓國烏冬...我地都費時嘈所以算數。食食下食到半塊魚片其實味道真係唔差，但咁樣欺騙顧客就好唔得，永久black list

兩個月前第一次去食石頭鍋飯都唔錯！伴菜都0k！直至第二次再去…😖😖D食物就…當晚order左海帶湯和醬油蟹(太咸)😕😕， 叫左牛肋骨燒(咬唔開)👎👎👎,五花腩又厚(難食)👎👎，攪到要逐件逐件(娘)番出嚟!!!!!🙇🙇再叫番石頭鍋飯點知(D飯煮到林哂，仲夠膽拎出嚟比人食)🙅🙅同佢哋反影番食物有問題時，净係識講唔好意思...佢哋冇諗住換其他食物比我和跟進呢件事。😾😾我對呢間韓食太失望喇…以後唔會再光顧。

星期五晚走到觀塘嘅工廠大廈見到呢間韓國嘢坐滿入於是就去一試，本來打算叫石鍋飯同紫菜卷但係老闆娘話石鍋要燒半個鐘所以建議我哋叫海鮮鍋，配菜有六種全部都可以自由任添，呢個海鮮鍋好似部隊鍋，不過全部都係海鮮，有三隻生猛嘅鮑魚一隻大花蟹三隻大蝦一條八爪魚有豆腐有菜有金菇，個鍋份量好足

這裡是我們幾個同事在觀塘少有再去食的地方。今日再到訪，佢地的menu 好像没有以前的多選擇，不過仍然吸引。前菜仍然有很多款！我們之前光顧，已有６個印花(－個午餐一個印)，所以送上－客燒雞肉。味道都幾好，熱辣辣係好開心的。由於店員說紫菜卷新鮮制成，我點了紫菜卷加牛肉粉絲，我覺得紫菜卷跟少時cookery的自製飯糰很像，有點普通！炒粉絲味道不俗。朋友吃海鮮辣麵，有很多海鮮，麵也多而不太淋。另一朋友食的韓式炒飯賣相很好，她也很喜歡。整體而言，仍然很滿意！

這店午餐也非常多人，剛好一時正已爆滿。點餐後，會來前菜，款式多，味道好。我們點了海鮮豆腐湯配飯、炆牛肋骨配飯及泡菜牛肉年糕配紫菜卷。炆牛肋很正，送來已傳出很香的。牛肋份量以一人份量來說算不少，夠淋，入味。連煱裏的蘿蔔都非常香甜入味。另外，泡菜牛肉年糕配紫菜卷真的適合心多的人。至於海鮮豆腐湯，內裏有兩隻蝦、四隻青口及蜆仔，鍾意飲湯的人會喜歡這。因為不會過鹹，也不會太濃，撈飯或是淨飲湯也很好。午餐沒收加一，最少一人一個餐，可配罐裝汽水，或者加錢轉飲品。我們每人$80，豐富、有質素及特色，正呀！

四個女生，未想到吃什麼之下就去了駱駝漆大厦，看到這裡serve 韓國菜，勁多選擇又未食過，點可以唔試下？坐低睇清楚menu, 真係lunch 都好多款，心多多都唔知食乜好！前菜真係好多碟，四人分，都食得好興奮，泡菜、昆布、薯仔、奄列，好好味。有人食人參雞鮑魚，韓式壽司和粉絲，牛肉湯，我就食炆牛骨飯。牛骨飯的份量很夠，味道唔錯，肉質也好。朋友選的人嵾雞鮑魚，真係有小小的－隻鲍！大家都食得很高興，唯一係午餐包的都係韓式冷飲，如想要熱飲，就要再加錢。因為個餐都唔平，最好包埋。

久不久就有人約去廠區的食肆去覓食,但屢屢都中伏,失敗居多,成功者少。這個長假期留港消費,公从假期晚一班人去了官塘的廠區吃飯,心裡已打了輸數,只是湊湊熱鬧而已。 這棟大廈來過好幾次,都是逛街及買東西,吃飯還是第一次。餐廳裝修很樸實,灰色的牆及地,長方形的木桌子,十分industrial 的型格。 坐下來後,友人跟店主韓國大媽打招呼,她很辛勤的招待我們,先拿些「鮮制」的泡菜給我們品嘗,味道超級好,有比一般kimchi更好吃的醬味,質地更為爽脆,老闆娘這招溫馨前菜,明顯湊效。 因為有些朋友還沒到,我們幾個先喝點小酒,吃點配菜,所以在雪櫃裡翻了一翻,找到兩瓶小的果味韓國燒酒,一瓶是柚子味,另一瓶是桃子味。果味清新,很容易入口,但別小看它阿,酒精也有13%;加上韓式小碟涼菜作為餐前starter,非常合適。一會兒,一行七人全到齊了, ajumma跟我們介紹一個6人套餐,她不大會說廣東話但普通話就相當不錯,這個套餐包括了三種肉的韓國燒及一個海鮮鍋;我們另外又點了兩款韓式煎餅,有海鮮及泡菜的各一。先來了煎餅,海鮮的有點粉,不怎麼好吃。 Kimchi那個就很乾身,味道也很討好。 烤肉包括牛仔骨,牛舌及

推介5花腩，燒黃花魚，仲有牛舌都好好味，服務態度覺得非常唔錯，無講到咁差！平均消費每人$260(晚餐)...飽到行唔耶,基本上同去漢和食差唔多，但不限時可以慢慢食

炒粉絲得個甜，難食，餃子湯年糕，餃子全部爛，皮又淋，炸雞超揾笨，圖片似原隻切件炸，但實物只有雞扒，揀醬油味，完全唔覺有味，只有外層少許甜味醬汁，永久black list差差差