山田海韓國料理

營業中

休息中

駱駝漆近呢幾年發展得好好，每層都裝修到好似個商場咁。今日又來到食嘢啦，揀咗間韓國料理。未上樓前， 駱駝漆個升降機一如既往都係人多到極點，如果約咗朋友食飯記得預留大約10分鐘排隊。呢間韓國菜最特別嘅地方係佢嘅前菜真係好誇張好多，主菜都仲未上就已經放滿成張枱，加上其實佢嘅味道都唔差，淨係食前菜已經填飽三份一個肚啦。主菜方面，只能用中規中矩落形容，味道沒什麼太特別，但都叫做一個幾好坐又易搵位嘅韓國餐廳，朋友約埋聚會傾計一流。

lunch同其位同事搵地方食，見之前同事食過依間話唔錯，可以訂位即管試下試喇，去到都有人等，地方都夠大，好有食堂既感覺。選擇黎講都算多，但價錢lunch黎講算中高價吧，包一杯罐裝飲料。一叫完野食就會馬上黎前菜，由於太肚餓，好快就清得7788，不過主食都好快黎到今次叫左個清d，韓式粉絲牛肉煲，味道略為清淡，粉絲都算多，飯夠綿，整體黎講一般。見到幾個同事有叫到石鍋飯，感覺都唔錯，下次可以挑戰一下，不過等候時間會耐少少。依間餐廳以lunch黎講，都叫唔錯既選擇

哈哈~過年前食，衣家先得閒寫，隔左禁耐，真係唔係好記得~朋友介紹~所以菜都唔係我點既，記得幾多寫幾多啦老板係韓國人好好客，明顯就雞同鴨講，但係都好好傾前菜~個新鮮醃泡菜，激正，食左3碟係新鮮醃個啲喎，唔係平時普通個啲喎，今次第一次食，到衣家都回味中海鮮鍋同個燒肉係set黎牛舌又係第一次食，好爽好，難怪個fd話必食，其他牛都好有牛味正個海鮮鍋係會等你燒完肉，再上，所以成餐餐食左好耐上次個fd食過話個八爪魚係會郁的，不過今日無郁湯好味炒年糕係我必食，唯一係我要求叫既不過呢個偏甜，僅屬ok,但個啲類似魚腐既物體，好鮮好正呢個唔記得叫名~豆腐定蛋？唔記得朋友話上次食好正，可惜今次落鹽重手左佢話好食，我一大啖食落去，嘩，差啲吐出黎，不過唔可以禁核突既，所以我吞左落去相信都係一時失手即呢間有下次

食物質素ok環境又衛生 食物真係比足料🤤又多種類選擇 一開始食就送左好多前菜同自己醃製嘅泡菜 地理位置都好容易搵 上至大廈按3樓直入就係 鋪頭啲員工親切有禮 最後臨走仲送左2粒雪米糍😘😘

天寒地凍想食韓國野。朋友話去觀塘啲工廈望下。行到駱駝漆大廈就發現到有呢間韓國野，午餐價錢大約由六十蚊起。環境好寬敞，坐得好舒服。去到時候大約十二點半左右，人唔算多，得五六枱度。落完單好快就上前菜分別有薯仔，大荳芽，豆角，不可或缺既泡菜，青瓜同芽菜。前菜份量午餐黎講算多，薯仔相對出色。其他味道比較淡，泡菜唔夠辣。主菜叫左海鮮豆腐湯上到黎熱辣辣，好啱冬天食。見到咁紅以為好辣，但食落又唔係好辣，算幾開胃。海鮮比較少，豆腐比較多，生意難做但午餐無收加一，有汽水送，都算ok 既。

天寒地凍吾想煮飯，4大2小去食韓國菜。一坐下，見到我地有2個💃🕺，姐姐即送上一碟紫菜，🕺💃秒速😛食完。 就小孩子，叫左4個餸，走🌶。除了6小碟，姐姐特別比左碟雜果沙律🕺💃和一大碟 kimchi 給我們大人，姐姐好細心，可能係老闆娘。雜菜炒豬肉粉絲$110，好味，份量多。韓式炸🐔$180，哎喲，全肉，冇骨， 正。跟一個韓式醬油和辣醬， 醬汁一般。 雞肉尚算嫩滑， 沒有厚厚的炸粉 😋。石頭鍋🐮拌飯$100，正常, 👌.最後係海鮮面煱$400，哈😲，好大盤海鮮:  一隻八爪魚, 3隻鮑魚, 3隻元貝，3粒帶子, 3隻青口, 5隻蜆, 6隻蝦, 一堆白魷魚， 豆腐， 金菇， 黃芽白和手打面。 湯底本身有啲瓜，菜和鮮冬菇。食完仲有雪糕糯米糍送，🕺貪吃，問姐姐可否比多1粒佢，姐姐送夠4粒，😉，大滿足!埋單 $790+10%, 姐姐仲比左張VIP咭我們，晚市有9折喎 😉。門口，一個似老闆的韓國男， 鞠躬送別每一個客人

相隔4日我又係觀塘區食韓野~ WKAKAKA因為整傷腳唔方便去太遠, 呢排都係叫朋友黎觀塘探我~因為地點我定左, 咁就由朋友揀地方啦~今日12點就上到黎, D人應該未咁早出動, 所以我地係全鋪第2張台黎~一黎有壺麥茶~店內環境好好, 4個方位都有部大電視~播住我年代既KPOP XDDD 即係過哂時個D. WKAKAKKALUNCH 黎只有LUNCH MENU, 你想試其他野都冇呀SORRY~LUNCH SET 由$68-100 不等~大部分都要80/90平時食開牛肋骨, 然後見到呢個有款鮑魚牛肋骨湯, 就畀個鮑魚吸引左~所以我就叫左呢款, 朋友唔食牛, 就叫左鐵板烤豬餐前6小碟, 要留意只可免費REFILL 2款, 唔係無限添加家~鮑魚牛肋骨湯 $90呢碗野係....無味既....= = 唔好誤會, 佢唔係雪濃湯黎~咁既質素賣$90.... 點解可以羅到出黎賣呢請問?! 朋友夾左注粉絲食, 都係話無味, 照道理, 羅白同埋粉絲都係吸味野, 吸哂D精華家嘛.WELL.. 錯哂咯XDDD然後問阿姐有冇野畀人加味, EG 撈飯醬/ 辣醬之類.... 因為係無味, 唔係淡咁簡單..你估下阿姐O

一行四人 朋友介紹到呢間韓國菜食晚餐 呢間餐廳附近有好多店舖食晚飯之前可以行返一餐懵 及購物 環境一般麻麻地 但坐得都算舒服 老闆娘係韓國人親自處理食物 都有一兩台係韓國嘅客人 隔離嗰台全部男人都係韓國人講韓文 食物方面都尚算可以 但是沒有什麼驚喜 叫咗韓國吼食物一般質素 另外有個韓國海鮮火鍋就一般 如果大家未試過 都不妨一試 依家錢方面就不算太平 價錢屬於中等較高 四個人晚餐一共食咗＄1600左右 每人都要成＄400 抵唔抵食就見仁見智 如果未試過大家 不妨一試

很久沒有食韓國野，想來觀塘可選擇的韓國餐廳也不多，便決定到駱駝漆的山田海韓國料理食聖誕午餐。六小碟前菜，蠻有誠意海鮮烏冬，雖然叫價$80，幸好料很豐富，烏冬也彈牙，而且送罐裝可口可樂，加上前菜豐富等因素，價錢尚可接受。

已經是第二次幫襯，食物水準仍舊是超水準，份量夠。最窩心是服務人員記得我們第一次點邊啲菜，坐邊張枱。上次食燒肉，好味。今日食海鮮火鍋，海鮮好新鮮，湯就略鹹，但也不失海鮮嘅鮮味。極力推介招待嘅自家製泡菜，原來新鮮整嘅泡菜比傳統泡菜更好味。當然，少不了是前菜，但主菜太好味，雖沒有認真品賞前菜，但都覺得好味。

-04/11/2017提早一日同媽咪食生日飯呢日咁岩去左觀當塘行街就順便係到食埋晚飯啦咁佢又中意食韓國野咁就來左呢間啦一叫左野食就送左勁多前菜比我地超級nice 呀真係泡菜比較咸唔辣 有2碟薯仔好食薯仔下面啲魚仔就好咸 但佢啲黑豆甜甜地超好食！超中意呢個仲有啲沙律呀西蘭花呀芽菜呀南瓜等等真係好正食完呢啲都飽左啲我就叫左個水冷面其實都幾大份 店員幫我剪開左3份但其實我都係一個人食啲蘿蔔好開胃再加埋啲青瓜好清新啲面好彈牙好好食整個既感覺就係好清爽好好食👍🏻仲有隻蛋係上面好足料🔥🔥屋企人仲叫左呢啲食最後埋單個陣仲送左一人一粒雪米糍啲員工好好人

之前一次過食左6個餐，俾完錢，叫先肯俾一張印花卡。今次兩日人去，諗住叫一個餐，另一個送燒雞肉。落單個個人話要每人一定要order一份餐，先送燒雞肉！！仲話做生意一定係咁做，話間間餐廳都係咁，仲問我明唔明！做生意做到咁寒酸就唔好送啦！好差law!!

一坐低已經有服務員送上好多唔同種類的韓式頭盤小食，以為平平無奇啦! 點知每一款都好好味，我同兩個女真是食到唔停口，連粒黑豆都精制過，唔到您唔服，d泡菜我媽媽食到要打包!呆左!而我最喜歡吃的，就是醬油拼盤入面的醬油蟹，香滑的蟹膏配送麻油紫菜飯，確實好好味哦！返到屋企都仲唸緊!老公同兩個女就最喜歡肉肉肉!所以燒肉就最岩佢地啦!最後果個海鮮煱真係無得彈，鮮味!鮮味!同鮮味!連隻蟹都唔係出面的cheap cheap海鮮煱用水蟹，而是用新鮮肉蟹，我老公一邊申飽，一邊食 ，最後清哂底囉!總括來講，呢間野真係值得再來，下次我想試下生牛肉同人參雞湯補一補先!記緊訂位，我好彩有訂同早去，未到19:00，就已經好多人，唔訂位walk in就睇您好唔好彩啦。

韓風係香港有段時間真係好勁，成條韓國街美食，港人紛紛去韓國入貨等等。依家韓食確實係有待改善，質素亦每況愈下。今次同同事上咗嚟間食韓食，諗住都係事旦食，又意外地ok。睇餐牌都睇咗我一陣，都幾多嘢食嘅。前菜上個陣我地都嘩然，每款都ok，蘿蔔泡菜都唔錯，我地有encore到。紫菜包飯都真係ok，啲料都多，夠味。辣年糕味道ok，好係韓國食到嘅味，煮得入味算係難得，好多時年榚都未係好入味。呢個係軟豆腐海鮮湯，都ok唔錯喎！微辣，仲用傳統煲上，夠哂風味。重點係細睇原來都幾多係韓媽坐陣，環境都好韓feel。係有啲唔小心啦。飲品方面我揀咗蘋果檸七，味道正常。價錢大概七十至九十元一份套餐，偶然黎一次都可以嘅。

今日返學又想食韓國野，上開飯啦搵下邊間好食，就搵到尼間好似唔錯喎，就去試下先。尼間係工廈入面，都唔算難搵。因為太早，所以全間店得我1個人。打開餐牌，價錢都幾貴下，同網上d相價錢有d出入，但可能晚餐貴d。最後仲要加一。我叫金菇牛肉粉絲煲 $100。叫左之後，佢有茶同前菜小食。茶。。。應該係麥茶掛，幾好飲，同埋好別緻，自己斟茶，而且都相當熱，幾有趣。3款前菜小食，泡菜（左上）同芽菜（下）好食，甜番薯（右上）最好食，菜（下）比較硬左d，口感麻麻。都唔算等得耐，之後就黎左。配埋飯，覺得飯比較少。煲裡好多肉，但多數都係“un”，口感麻麻地。另外好多配菜，粉絲多，味道還算ok，整體味道清清地，不過不失；配料都算多，唔似得有d食評話咩都冇，我食落好多份量。Ps.餐牌太整數，100元的食物，建議用98元，雖然爭2元，但感覺抵食d。即我見有d食物係150元，建議寫148元，感覺148元讓人不會覺得貴。