居食屋「和民」 (已結業)

昨天，與友人到了始創間和民食飯，但ｄ食物真係好難食，而且服務態度奇差！！首先，佢地落單根本無跪下來，算數！我地個位近住收碗碟既地方，ｄwaiters好大力咁將ｄ碗碟放落去個盤喥，嘈到拆天，好似爛咗就入阿公數，唔關我事咁，我覺得呢班人都無well-trained過, 公司係咪因為人工平而請佢地我就唔知, 但肯定大快活班staff好過佢地好多囉!!我地叫咗個三文魚刺身，唉！無眼睇，薄到風都吹得起，佢地仲衰到揾lemon墊起ｄ刺身（即係2片三文魚，就夾一片lemon,根住又係三文魚），仲有，d三文魚黑黑地，好似放咗好耐，好唔新鮮，我都係第一次見到呢ｄ所謂刺身既刺身！！早知去魚一丁食無咁嬲！

星期六同三個朋友一行四人吃午餐，四人中只有其中一個朋友到過「和民」其他分店，我與另外兩位朋友重未光臨「和民」，所以滿心期待，結果只換來一個「差」字。本來星期六中午不是太多人，不用等候太久已可入座，大家都很高興，可惜食物同服務實在太差啦!入座後，揀完食物，看見侍應生L先生正在執拾鄰枱，我們便叫他落單。怎知他的反應好愕然(有點黑面兼態度冷漠)，好似我地唔應該叫他落單，而且我亦唔見他要跪下來落單，寫完單完全沒有再repeat我地所點旣食物便走，我仲要估吓佢究竟有無落錯單。幸好最後都到齊，所order的食物如下:-1) 白汁蜆肉包($28) 只有少許暖，味道普通2) 和風比薩($33) 凍冰冰，僅得比薩邊叫暖D同脆D，其餘部份又涷又淋!3) 廣島燒餅($38) 一樣凍冰冰，唔掂!4) 海鮮火煱($48) 不過不失，最熱，因為是火煱!吃完發覺唔夠，所以再order第二輪食物，都唔知係我地唔好彩定係侍應生L先生唔好彩，落單時又係他。態度照舊咁冷，我講完食咩後，故意不出聲望住佢，看他呢次會唔會repeat，好失望呀!佢依然無repeat，只冷冷吐出三個字「仲有無?」我即時說無不過請他再repeat一

20050104 1pm朋友失驚無神致電約食lunch, 無問題.但係數均太子似樣又好食o既真係無乜, 諗起和民都應該OK.諗住會好爆, 坐落居然又無乜人, 兩個人叫兩個set, 加多個荵吞拿魚腩卷($?). 味道都係一般.* 豬扒定食($48@) - 試o左一舊, 我覺得幾好, 好食過我個鰻魚wor, 又有個爐又剩幾開心呢~* 鰻魚豆腐定食($48@) - average 啦, 不過兩個set 份量都幾夠, 食完好飽.白桃雪芭promo 中只售$5! 即刻叫一個! 味道一般. 當然你唔能夠expect 佢有源吉兆庵咁o既質素, 但係so far 都唔錯.同類旺角開o左唔少, 例如新世紀有和庭, 不過食品quality 就真係......東施效顰o左o的lor. 始終和民水準最穩定.講緊加埋一都係$100 零蚊, 呢個咁o既鐘數, 旺角wor! 齋坐食裝修都抵啦!最緊要係有人請, hee hee hee.

今日去嗌左朱古力軟心蛋糕, 芝士年糕, 冷面, 薄餅, 牛油焗帶子, 全部都好好味~ 但最好味都係朱古力軟心蛋糕, 酒店水準~!!

今日同兩個好朋友去呢度食晚飯。叫左廣島燒餅，一般啦，無乜特別。另外叫左燒雞軟骨，凍凍地既，不過都幾好食。又叫左海鮮火鍋，都係無乜特別。豬扒鍋都幾好食，豬肉入口有口感，全日最滿意係呢味菜。最後叫左個海老海鮮飯，份量好細，不過幾多料。味道就算中上啦不過今晚都係同朋友聚舊，大家吹水都吹得幾開心，食物都變得唔係重點喇. haha~

等位情況已經冇咁嚴重, 但係peak hours(7:30pm~)都要等等...食物方面, 除o左日式燒餅都係鹹o左D, 其它質量都有改善. 上菜E家都好似幾快. 今次叫o左六味, 加兩份抹茶cookies拎走, 埋單$24X.

都唔明點解要排隊? 碟o野都幾細碟. 款式少o的. 年糕好滯. 白桃雪皅好甜. 炸蠔唔得. 牛肉鍋加蛋最正. 服務都唔錯.

又一次柩食,約7:00了朋友,她說這裡就就腳ok la~就下她啦一去到得返吸煙區,不想等,照入,朋友來到要求轉枱,都轉左張4人枱俾我們,service 比荃灣好好多1.和民沙律----唔得lei,比荃灣細同少料,估不到不同鋪頭size有不同2.芝士年糕燒餅($38)---都係唔得,唔好食3.芝士海鮮焗飯($28)---不嬲都覺好食,雖然少但好飽肚4.焗帶子($28)---都係比荃灣好食本來仲叫左吞那魚腩卷,不過好飽最後cancel,所以都加分,沒有話cancel不到成日沖水,不用叫,好但真的不知點解一過7點就要排隊....算係一個傾計好地方total:$127

尋晚同同事食飯慶祝生日，地點由幾位年青人負責，在幾經商量後，想不到結果是：「和民大家實滿意啦！」我答：「和民？……實滿意？！……唔係卦？」。不過講還講，最後還是跟大隊來了這裡。自從幾年前在東京吃過後一直無再試過，印象中是以年青人為對象的居酒屋及料理店的混合體。地方多數好坐，但食物質數一般，所以一直都不大喜歡幫襯。價而錢亦便宜，大部份食物都只是二百多Yen至近四百Yen。當然走這個路線是大受日本年青一族歡迎，成為一時風尚。說回香港和民，呢度新開張，亦如其他和民一般是好旺場，我們有先鋒隊早些少來等位，所以一行七人都可以在近八時左右就座。地方好坐，是如魚一丁、火間土的一貫居食屋環境，以深色木為主，氣氛幾好。餐牌同記憶中的日本店幾相似，當然品質不能相提並論。全部都以平價為主，而份量亦相應細碟。叫了不少食物，幾款吃過的簡評如下：一口芝士：在日本也有這個，但這裡的炸粉幾厚，相應芝士就無咩味，叫個香口；牛油焗帶子：這個是本地獨有的，但味道卻不錯，雖是雪藏帶子，但幾香牛油味；吞拿魚沙律：加隻生蛋撈來吃，搣除衛生問題係幾好食的，不過如果在日本會食得放心同多好多；和民沙律：沙律是日本和民一個不錯的食品系列

同朋友逛完街, 因為朋友要睇舖, 結果好早就去了吃晚飯, 不過早有早的好, 起碼唔駛等好耐位。兩個人, 張檯都唔大張得去邊, 不過真係唔多夠同一時間放所有野, 結果係吃得匆匆, 我地早鬆人佢又做多宗生意咁囉。海鮮串無咩特別, 只係隻蝦好細隻, 有點像營養不良咁款。叫了帶子同章魚刺身, 唔多新鮮囉, 好彩唔係多平, 不過唔值呢個價錢。牛肉鍋叫做ok, 不過牛肉唔靚, 廣島燒餅亦只係一般, 食落口感覺好多粉咁。最後一樣係和風海鮮飯, 我覺得我個口實在太大, 一口就能鯨吞成個飯, 如果按比例計番茶樓炒飯的size咪要差不多百多二百元? 值唔值呀?整體覺得呢間野似去試食咁, 份量少少, 吃多幾款, 感覺好似好多野食, 不過唔值囉, 好彩時間早唔駛點等位, 要等個多小時的去吃話, 真係唔會咁笨囉。

兩個人去到始創和民, 因係好多人等位, 反正時間多, 等下都無所謂, 最後等左差不多一個鐘頭先可入坐.等位期間已想好晒要既食品, 一坐好即發板, 可惜上菜速度比較慢左小小, 先來一個炸若露, 其實係炸魚仔, 幾香口但魚味唔重. 而再來的牛油焗帶子, 牛油幾香不過焗帶子就一般, 帶子肉比較實左小小. 第三度鮭魚腩刺身, 似乎比較細碟, 質數同價錢迴轉壽司店差不多. 第四度燒麵豉飯團, 紙菜好大塊, 燒麵豉比想像中香. 最後一度泡菜炒飯, 因為怕辣所以泡菜分開上, 飯底幾多油而且份量唔係好夠, 整體上食物一般, 價錢合理, 服務有禮貌, 但等位真係要好耐.

同豬仔黎食lunch﹐黎到12點幾﹐可能未係lunch hour高峰期﹐所以唔駛等位﹐不過就要坐吸煙區lunch set 由$38 - $48不等﹐要左泡菜炒飯﹐加$5 轉果汁(原價$18﹐星期一至四單叫就$10)﹐果汁有差不多十款選擇﹐我地揀左奇異果汁﹐另外單叫一杯甘荀汁泡菜炒飯用個石窩上﹐份量都幾少﹐女仔可能0岩0岩好﹐男仔一定唔夠飽﹐因為用石窩上﹐非常熱熱到辣口﹐唔錯﹐味道都ok﹐不過油得滯奇異果汁冇咩特別﹐但要一提係杯甘荀汁。我從來未飲過咁難飲0既甘荀汁﹐冇甘荀味不特止﹐仲要係酸﹐好懷疑飲梗果杯唔係甘荀汁食完走時1點鬆d﹐開始多人要排隊﹐我諗平時lunch time呢度都係幾爆場

放工後食dinner﹐冇咩idea﹐豬仔鐘意食日本菜﹐於是提意去附近0既和民居。8點幾去到﹐之前都知道呢間食肆係"排隊王"﹐去到果然發現明不虛傳﹐開業一段日子加上果日係weekday但二人枱都要等三十幾張﹐真係驚驚…不過好彩唔係咁多人好似我地咁有毅力貫徹始終、義無反顧地等﹐結果我地等左7,8個字到就有位(都耐耐地﹐不過比我地預計早)。入到去發現裝修唔錯﹐好暗﹐幾"骨紙﹐好"日本" feel, 不過略嫌迫夾打開餐牌﹐見到選擇都唔算多﹐每樣價錢唔算貴由30蚊到90幾蚊一碟﹐但每樣就好"就珍"。苦惱左一輪後﹐叫左牛油焗帶子、朼x拉麵、豬扒鍋、牛肉烏冬、泡菜炒飯、雜錦火鍋、日本青酒、曲奇雪糕特飲牛油焗帶子第一次食﹐味道覺得幾新鮮幾特別﹐不過un左少少朼x拉麵係成餐dishes最大份0既一份﹐不過可惜味道麻麻﹐d一片片0既薄肉應該係豬肉﹐好肥下牛肉烏冬唔錯﹐烏冬夠彈牙﹐口感唔錯﹐不過好細碗炒飯好好味﹐不過細份到離哂大譜﹐三啖食完﹐過份…豬扒鍋最好味﹐鐘意有隻生蛋比你自己"搞雲"倒落個鍋到﹐炸豬扒浸響豉油上面再倒隻生蛋上去﹐有得玩有得食﹐不過鹹得滯雜錦火鍋冇咩特別﹐有d金菇、菜、雞肉、烏冬﹐味道一

一間普通的酒居，剛巧這幾年興起居酒屋風，又原來一間拓展成現在的連鎖集團；偶一向對這類連鎖店無舍好感，一般來說，去過一次，試過了也就算，唯獨這間，偶是光顧了多次，吸引偶的，不是這裡的食物，而是．．．剛與極惡男覓食完畢，肚餓餓說，也就本著試新點子的心態看看，看看菜單，食物都是大路的日本菜，混入了港式的手法泡製，看到食客們檯上的食物，味道如何，心裡早已有個譜，點菜前一刻，看到一位線條優美的身影擦身而過，於是立即將正要點菜的手收起，待她走過來時再點，緣份這東東真的難捉摸，覓了一整天，認為吃白果之時，卻給偶遇到她。偶千叮萬囑，要極惡男不要把偶的好事扳倒，他這混球也真夠「朋友」，趁著她走過時，大聲的叫停了她，弱質纖纖的她，被這一叫嚇住了，偶也大吃一驚說，偶也不知怎樣打完場說，他這機車的混蛋給偶幹出這種好事，偶定教他吃不會兜著走！當偶「掘」著極惡男時，她已回過神來，並鞠下身問偶們要點舍，與她相距不到兩步，擁有著一把烏黑的長髮，圓蛋形的面頰，針線般的眼睛，眼珠顯得有點蒙蒙的　帶點滄白的面色，有著李家欣的影子，單是那種冷艷的感覺已教人吃不消，看的呆了，這極惡男趁機不斷點、不斷點，看來已點了不少菜了．．．

食物完全唔特別，細細碟，感覺唔太抵．服務一般．又要等位．完全唔明呢間０野有咩咁特別