居食屋「和民」 (已結業)

兩個人去到始創和民, 因係好多人等位, 反正時間多, 等下都無所謂, 最後等左差不多一個鐘頭先可入坐.等位期間已想好晒要既食品, 一坐好即發板, 可惜上菜速度比較慢左小小, 先來一個炸若露, 其實係炸魚仔, 幾香口但魚味唔重. 而再來的牛油焗帶子, 牛油幾香不過焗帶子就一般, 帶子肉比較實左小小. 第三度鮭魚腩刺身, 似乎比較細碟, 質數同價錢迴轉壽司店差不多. 第四度燒麵豉飯團, 紙菜好大塊, 燒麵豉比想像中香. 最後一度泡菜炒飯, 因為怕辣所以泡菜分開上, 飯底幾多油而且份量唔係好夠, 整體上食物一般, 價錢合理, 服務有禮貌, 但等位真係要好耐.