居食屋「和民」 (已結業)

環境都幾舒服，但等得太耐…要預早去排隊哦！和民沙律：醬夠多，必食！泡菜石頭飯：太油一口牛、牛油煎帶子：次次都唔夠熱

因為 DBS信用卡 做緊優惠. 相約2個 好朋友 去dinner.2人套餐 - 秋葵牛肉卷 (秋葵口感很好) - 鮭魚刺身 (o.k)- 牛肉火鍋 (湯底很特別) - 焗芝士年糕 (年糕很煙韌)- 盛岡冷麵 (唔錯)- 雪糕 (朱古力味/芒果味)- 活乳酸梳打2杯 (巨峰提子味/芒果味)天婦羅盛合 (o.k.)芝士煙肉丸子 (芝士味重,有點膩)合共 HK$260環境, 服務很好, 不停加茶.

星期4ge晚上10:xx.....服務:門口寫左個牌叫客人請按鈴,會有人出黎serve我地,我地咪按囉,點知按左成分鐘都冇人出黎,仲要有個經過門口見到我地都冇反應扣左分,不過之後ge服務程度好,所以 先拉番上3分.食物:食左4樣野,完全冇粉面飯拉面果d.,除左pizza,都係小食.1.明太子豆腐(6粒)趁熱食,一食,小小辛辣(真係好少),同埋咸咸地,但係我真係唔係好形容到個味道,因為真係特別,平時好少會食到e種味(應該係因為小弟孤陋寡聞.../_\好失敗),幾特別,值得試.2.牛油帶子(6粒)D蒜容整左落去好香口,D帶子肉質比放左向Pizza果d好!仲有d菇伴碟~好香口ge一碟.3.燒魷魚份量十足,味道同一般其他日式食到ge差唔多,中規中舉.4.帶子粟米Pizza帶子細粒左D,特別就特別不過味道都一樣係普通咁啦,衰在切得唔夠好,佢又唔俾刀,好鬼難切.總結:咁樣食下小食又唔錯,雖然話散嗌咁多個小食可能好似唔係好抵,但$73我覺得真係可以接受.有機會會再去食~不過就未必再食pizza lu......

一行五個人, 等左足足一個鐘先有位. 八點多坐低, 立即叫野食, 為免重蹈上次一次過黎晒十幾樣野既覆轍, 所以先叫三樣野當前菜. 星鰻壽司打頭陣, 好明顯係做定既, 因為唔使三分鐘已上桌, 兼且d鰻魚係淋滋滋, 壽司飯又凍又硬. 好一個失敗之作. 好在之後個鱆魚餅同春日推介既海膽正常返d. 海膽yummy. 因為有人有做緊promotion既信用咭, 所以叫左個套餐. 明太子芝士豆腐, 芝士味好香, 豆腐都好滑. 有個有越式粉皮包住青瓜, 鰻魚, 玉子同blue cheese既清新壽司, 都唔錯, 幾岩天熱食. 豬排鍋一如以往咁好食, 記得d蛋一熟就好離火. 自己再加左個海鮮炒飯同海鮮火鍋, 炒飯好好味, 雖則碟頭細細, 不過成晚最好食係佢. 火鍋最後黎, 我已經幾飽, 所以無食. 個套餐仲有兩杯野飲, 一杯要左芒果味, 另一杯要巨峰提子味, 芒果正常, 不過個巨峰提子係超級藥水味, 飲左一啖已經放棄. 雪糕都可以. 服務好一般, 可能friday night多人啦, 唔係幾夠人手, 不過佢地都幾有禮貌.

星期一晚, 為補祝朋友既生日, 收工後約咗佢食飯,我哋先行咗陣街, 行到九點再走過嚟始創呢間「和民」食晚飯, 因為佢有張$100 現金券喎~由於老公都冇約人, 睇完跌打又未食飯, 所以叫埋佢一齊過嚟食飯。今晚竟然都要等近半個鐘位呀! 係等位既時候我哋已經睇定食乜,朋友指明話要試吓呢個春之特撰料理「海膽刺身」一板($89)!可惜, 食落有少少失望, 唔夠新鮮, 唔知係咪我哋太夜去食呢?後來我哋發覺點少少豉油, 反而冇咁難食, 帶出噃啲鮮味。呢個又係朋友指定要食既「明太子芝士玉子燒」($29), 佢話要將啲蘿蔔蓉溝豉油後再點嚟食, 但係我哋都覺得唔點仲好食!跟住係我指定要食既「芥末辣鱆魚」($29), 真係夠晒辣, 正!!朋友仲叫我食埋片葉, 佢話原來啲日本人多數都會食埋啲配菜架~食落有陣唔知咩味, 不過都幾清新, 幾新鮮, 唔錯喎~~「鱆紅魚壽司」($39), 原來呢度冇咩壽司好揀, 我哋決定叫呢款個樣比較特別既, 不過食落唔夠新鮮喎~~ 冇乜味既!!「炸鱆魚餅」($29), 呢個係朋友介紹既, 佢話食既時候記得要加少少薑蓉落去, 又真係幾好味喎~~「牛油焗帶子」($29), 都幾好味,

呢一間和民,係我平生第一次去既和民,所以最有印象,而且和民俾我既感覺並唔係一般日本料理,因為我入去第一次食,係冇嗌過任何刺身...首先,佢地鋪頭既裝修,大多都係比較昏暗,而且用木去佈置整個室內環境,其實感覺的確唔錯,感覺好有私人空間,當然,無奈有時人客比較多,檯同檯之間既距離其實並唔係真係好闊,但係因為環境較暗,自自然會忽略左周遭既人同事...至於服務,我真係好耐未見過侍應會上前跪下寫單,自從細個去尖沙嘴既之後,就冇再見過了...就係呢份誠意,我已經覺得足夠...至於食物方面,我個人首選既係蒜蓉焗帶子,一陣陣強烈既蒜蓉味,簡直係我至愛!!仲附上一片檸檬俾大家調味...但個人認為,千祈唔好落太多,因為檸檬既酸,同蒜蓉既鹹,撞得太過份的話,會變成好鹹好酸...其次就係芝士年榚,其實個人黎講,本身並唔鐘意食年榚,因為有時廚師整得唔好,就會變成好痴牙,好似香口膠咁...但和民將芝士拼落年榚度,佢地都煮得好好,芝士味雖然唔濃,但加埋年榚時,有陣甜甜鹹鹹既味,都不失為一個好選擇....個時,仲有一個係超長鰻魚壽司,我本人都非常喜愛鰻魚,其後每次去都必嗌項目,不過依家好耐冇去,唔知仲有冇呢??但係,

08.02.12　和民@太子月初才吃了一次和民今天又來了因為我太想念和民沙律了雖然我們好像有幾次聚會都是來和民不過他們不怪我的啦，呵呵點了兩客和民沙律起司煙肉丸子鮭魚海鮮壽司卷５色刺身鱆紅魚壽司青蔥牛肉卷甜品–芒果豆腐及充滿紅豆顆的紅豆雪糕詳細的網誌請看這:http://www.wretch.cc/blog/foodiebarbie&article_id=9811998

近來接觸了很多日本文化，又突然想試試喝osake，於是在和民食飯時就點了一小樽來試。sake:因我倆都不懂sake，柴娃娃般地鬧著玩，就點了最便宜的一種。而份量都有四小杯，喝下我覺得不好喝，哈哈，預料中事了。難得男友喝了三小杯，我就沒這勇氣了。煙三文魚pizza:這個很香口，煙三文魚配上沙拉醬很夾，脆脆的pizza底不會像麵包。麻醬海鮮冷麵:麵條煙韌，冷冷的可消暑。而麻醬味道一向香濃，令原本沒味的麵條更可口。草莓芭菲:最最期待的甜品竟然覺得味道不外如是。賣相真的夠吸引的了，可惜味道不佳。一球雪糕一球似是yogurt的東東，但yogurt不凍，口感也不好。總之是有點失望了。整間餐廳都很吵雜，很難聊天。

因為有coupon,所以才去夏日料理中有花魚燒,不用想即刻點因為自從在日本的甘太郎食過,深深愛上這道菜和民煮得無咁乾和較淡口和民沙律和以前的差不多牛肉火鍋-牛肉非常肥,只見脂肪,不見肉,要求換過,立刻受理據熱愛這道菜的友人表示,湯底比以前稀了很多蒜心豬肉卷-一般明太子芝士豆腐-一般,唔係好食到明太子炸鱆魚餅-伴食的薑蓉太少,味道一般甜品本人點了夏日料理中的宇治金時,味道普通,因有很多冰,食完覺得牙骹僵硬

去和民食飯,愈來愈不妙!其實都未至於好難食,但真係退步不少...用料不太新鮮呢!刺身吃了回家好像肚子痛,新的菜式不比舊的好,上次食過一碟燒三文魚腩落左好多黑芝麻嗰隻,好普通!都係食番豬扒鍋呀一口牛肉呀等等成名作!其實和民啊和民,不如做番好原本食物嘅qc先啦!如果唔係我真係唔再嚟喇!三十八秒!

本人之前未到過香港和民，只去過日本的和民，見和民在香港一段時間，相信都會不差，於是昨晚到始創中心和民吃晚餐\，了:1. 魚生拼盤- 這魚生令我們非常失望，不新鮮，暖的，全冇鮮味!差!2.盬燒三文魚頭- 簡直更失望，魚腥味極濃，完全不似燒的，沒有任何盬燒出來的香味，看上去亦沒有燒香的痕跡，好像隨便弄熟就上碟，我從未吃過如此差的日本菜!差!3. 炸芝士- 味道一般，份量小得很4. 軟殼蟹沙律- 軟殼蟹OK，但菜上的白色沙律不好吃除食物品質外，上菜耐，沒人添茶，服務態度如5分滿分，我只能給1.5。整體上，香港和民的質素比日本差很多很多，如不改善，相信發展空間會漸漸頹縮！

3/21/2007 7:30pm話說很久無黎, 放工後相約bf到此處晚膳.人多就不用講, 打開餐牌卻不知食咩好, 好似呢一, 兩年都無咩改喎. 點了幾樣野食, 如下:牛油帶子: 鐵板上, 油得可怕, 帶子細細的, 鮮味不足, 好一般炒什菜: 又係鐵板上, 不泛椰菜絲, 蘿蔔絲, 冬菰絲, 又係好油, 食開清淡既我只食左幾條便放棄了.炸蝦壽司卷: 呢個已經係無咁油喇, 但味道普通, 其他地方不難有找代替品.一口豆腐: 呢個真係好唔掂! 明明係鐵板上, 但豆腐一口咬落去居然係微暖, 完全唔夠熱. 好失望~鐵板牛柳: 仍然係鐵板, 仍然係好油, 都唔知佢做乜, d油多得滯用唔晒咩? 唔多好肉既我更加覺得好油膩呀! 同場叫左個劍魚腩刺身, 等左好耐未黎, 想cancel之際就到左, 可惜樣子並不新鮮, 一食落仲覺得好淋好梅咁, 好唔得! 叫個waiter黎問, 又話d魚生係日日新鮮, 喂, 唔好以為我廿多年未食過魚生啦, 最後都係cancel左.成餐飯愈食愈無引, 無晒mood, 真係無唸過佢會退步成咁! 我仲寫左放o係枱面既意見書, 希望佢檢討下!

果日sat去食lunch竟然冇set lunch! 都算啦. 叫咗個炒烏冬, 嘩! 細碟到吖! 得一個即食烏冬咁既份量, 加幾條椰菜咁, 收我30幾蚊!! 有冇搵笨d呀!我已black list咗啦!

行左食日旺角，中午吃了那間油膩膩唔自然既大自然素食，晚上又係去始創解決我既第三餐。六點五，去到無人等，咁早無理由有人等掛...... ，入座唔夠五分鐘在我身邊的廿個位都滿晒...真犀利。由於有人book左位，要我地七點九前賣單，無問題丫~ 個幾鐘都好夠食。叫了牛油焗帶子，不過不失啦，不過d帶子邊好un。加洲卷，好味道，炸雞軟骨，唔掂啦，唔熱架唔知係廚房放左幾耐先拎出來，仲魚目混珠有d係炸雞肉only... 又無醬汁好悶蛋，還是夏雪那些好味多。三文魚火鍋烏冬幾好味，有牛油又滑又香。上加洲卷時，無wasabi，問waiter拎左，又發覺無碟裝豉油，我諗佢地係prefer將豉油放埋入wasabi，咁樣唔得bor~~ wasabi係無味道的，放幾大舊一點辣都無，我已經好怕辣的了... 聽聞lunch幾抵，下次會食lunch。

(7/1/07)黎和民預左等,差唔多八點,等左15分鐘度。其實和民的格局很有空間感,唔會覺得同隔離台食飯。亦因為咁,好多時好難哎侍應。熱柚子蜜一杯給旦旦。加州卷,面頭的蟹籽蟹柳絲沙律好搶味,卷住牛油果、黃瓜粒,細細件,作前菜唔錯。和民沙律,勁好味!燒雞,生菜拌埋麻醬,最出色有pet蛋/吞拿魚沙律,撈晒一起好match。盛岡海鮮豬骨拉麵,好多餸,味道亦唔錯。等左好耐,催過一次無回覆的牛油焗帶子,竟然漏落單!上菜紙上明明有列出,都會漏落單,真係唔知點安排既!?侍應話要等5分鐘,唏!要等既都等左咁耐,仲等!?走人咯。