81
80
39
港鐵太子站 B2 出口, 港鐵旺角站 B1 出口, 港鐵旺角東站 C 出口 繼續閱讀
所有分店 (13)
電話號碼
31677426
營業時間
今日營業
11:30 - 23:30
星期一至四
11:30 - 23:30
星期五至六
11:30 - 00:00
星期日
11:30 - 23:30
付款方式
Visa Master AE 現金 銀聯 JCB
座位數目
100
其他資料
網上訂座
酒精飲品
嬰幼兒設施 詳細介紹
賞訂座積分
加一服務費
有關獎賞計劃
食評 (224)
等級8 2018-12-31
161 瀏覽
一個月一次嘅細胞小組活動,今趟輪到小弟負責,我搞親嘅都喺戶外嘢,所以,趁秋涼,一於帶大家行吓山。正所謂糧草先行,出發前就梗喺要食飽飽啦,拉大隊落太子嘅「和民」,貪佢地方大,選擇多,適合一大棚人嚟。呢間店確喺好大,不過,以通花屏風間開晒,所以,睇相唔覺,實際,有好多行用餐區。此外,裝修又幾雅致,一室暖木系,雖然無乜具日式嘅擺設,但感覺好和風。仲有一啲小區域,自成一角,擺到3、4張枱,我哋成十多人,正正安排呢啲用餐區域,一字長形拍晒啲枱,成個空間就好似喺我哋嘅獨立個室咁,又巧妙用全身鏡嚟增加空間感。上文都講過啦,佢哋嘅菜式選擇多,單喺個冬日套餐都睇到你眼花,其實,嚟嚟去去都喺2人或4人套餐,只不過有多種級別定價,每個套餐又有好多種配搭而已。此外,時值冬季,自不然加入季節限定嘅「冬之鍋」特集。由於我哋人多,大家又唔嫌煩,就一於散點,揀啲心水菜式。況且,喺啲媽咪先知佢哋嘅細路口味嘛。影餐牌都有排影,同樣又喺花多眼亂,唔多講,自己睇圖啦。海老牛油果沙律 $58顧名思義,個沙律除咗有沙律菜、燈籠椒、青瓜及車厘茄外,就仲有凍蝦及牛油果,色彩繽紛醒神,而醬汁另上,方便唔同人對醬汁嘅需要,而味道有啲似千島。整體味道幾清爽,啲食材亦頗新鮮,喺一道唔錯嘅開胃沙律。和民健康照燒雞肉沙律 $68相對嚟講,大家就偏愛呢一款沙律,相信一來因為有照燒雞粒,惹味啲,二來淋上日式胡麻醬,令味道濃香咗,可以講喺變得色香味全。加州卷 $58常見嘅加州卷多數都喺將牛油果捲入其中,但依家牛油果成為大熱食物,健康有營,加上吸晴嘅翠綠色,「和民」嘅加州卷索性將佢變成「主角」放上面,裡面就捲住蟹柳、青瓜絲,味道不俗,喺嫌啲飯爛咗少少。鮭魚牛油果卷 $68既然牛油果咁有益,就再下一城點多客有牛油果搭三文魚做主角嘅卷物,同樣裡面都喺捲住蟹柳及青瓜條,面頭就放上牛油果及薄薄嘅三文魚,入口柔香軟滑,若非啲飯差咗少少,呢款卷物肯定俾佢90分。壽司卷盛 $108本應一客卷盛有齊火炙三文、帶子、芒果、三文魚及燒牛肉共10件壽司卷,不過,燒牛肉未有貨,咁就梗喺揀帶子嚟代替啦。色澤鮮艷,不過,啲飯粒切到甩晒,唔齊口,賣相要扣分。整體而言哋,食材嘅味道鮮,尤其啲帶子,厚肉鮮甜。和風煙肉、雜菌批薩 $48咪見佢啲薄餅賣48蚊咁平,其實,直徑大概8吋,仲喺薄批,就算一個人食晒都濕濕碎,但勝在可以試到多啲唔同菜式。個批本身做得唔差,薄身脆口,夾雜啲煙肉同雜菌,加埋啲芝士,鹹香不俗。照燒雞肉批薩 $48而照雞雞肉就相對惹味多啲,配薄餅,一樣唔錯,尤其啲雞肉又無話焗到「嚡霎霎」,啲照燒汁又香濃,夾芝士,掂喎,所以,呢道菜我哋亦有「安哥」。北海道名物!十勝豚肉盒子飯 $78個名講到咁明,重點就梗喺啲豚肉啦,難得有好多豚肉鋪晒晌飯面,真喺無欺場,而且,啲豚肉有啲質素喎,軟腍有肉香,咬落去唔會唔知自己食緊咩肉。滑蛋豬柳盒子飯 $68個豚肉飯做得唔失禮,咁個豬柳丼又點呢?大大塊吉列豬柳,算得上鬆化,不過,滑蛋就變咗熟蛋,而飯底嘅珍珠米俾起做壽司卷嘅飯底好好多。石鍋黑椒牛肉飯 $58最後,再追加多一客飯、一客拉麵。啲牛肉喺生牛肉,以石鍋嘅熱力逼熟,所以,啲牛肉頗為嫩滑,再將啲飯撈勻,底下有些微飯焦,又幾好食喎。豚骨醬油拉麵 $78以豬骨湯加入醬油為賣點,估唔到又唔太差啫,湯頭嘅豬骨味幾濃郁,而麵條唔喺話好爽,叉燒亦偏肥,最正應該喺隻溏心蛋嘞!咪睇我哋唔喺點好多嘢,其實,分段點,有啲好食嘅翻兜再點,似乎最開心喺啲細路仔。「和民」啲嘢唔算好高班,亦唔算差,仲偶有意外收獲添,而且勝在花款多,定價又唔算貴,可以一次過試到多啲嘢食,食飽飽,喺時候出發起行喇! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-29
631 瀏覽
星期日約左個中學同學聚舊,佢話好耐無食過和民,我地見又唔洗等位,所以就入左去 懷緬下舊時午市原來有set,又幾好咁啵我個日就揀左個蕎麥冷麵配三色卷物既定食$108卷物既質素就普普通通啦,略厭啲飯比較硬,醋味亦都好薄弱反而蕎麥麵既味道幾好,清清地,食落冰冰涼涼咁,幾岩夏天食跟餐要左杯凍檸茶解解渴最後食埋定食配有既紅豆白色就岩岩好不过以呢個價位黎講,可以有更好既選擇------------------------------食物質素:🤤🤤🤤(5🤤最優)價格水平:💰💰💰💰(5💰最貴)環境裝修:✨✨✨(5✨最好)服務態度:🌟🌟(5🌟最佳)整體評分:❤❤❤❤❤❤(10❤滿分)是次評論及分數視乎進餐當天的品質而訂,亦同為個人觀感:)------------------------------ 繼續閱讀
(以上食評乃用戶個人意見 , 並不代表OpenRice之觀點。)
很久沒有與舊同事吃飯了,想坐得舒適點,沒有用餐時間限制,又可以吃到美味的,和民應該算是最好的選擇。放工時間來到,食客如常的多,幸好這家分店的佔地夠大,而且這天我早到了,所以不用等位就可以入座。細看下才知道和民於夏季推出了新餐牌,當中以夏の特撰的鰻魚系列最吸引。香炸北海道水牛芝士這款小食是新推出的,當中的水牛芝士選料自北海道牛奶製成的芝士再炸和,入口時口感酥脆,內裏就包著細滑而味道濃郁的水牛芝士。鮭魚牛油果卷卷物的賣相精緻,三文魚片上加了蟹籽及牛油果片,而內裏則是加州卷,牛油果與三文魚簡直就是perfect match,兩款食物都能令味道變得豐富油潤,加上脆卜卜的蟹子,以及蟹柳,鮮甜及層次感都大大提升。夏天是吃饅魚的好季節,我們當然不會錯過,點了特上鰻魚盒子飯及鰻魚牛肉盒子飯來吃。特上鰻魚盒子飯說實,平日吃和民,大概都知道食物以精緻小份見稱,不過,這個盒子飯的份量挺足,飯面上放了差多原條的鰻飯,賣相吸引,鰻魚肥美嫩滑,帶有濃郁的炭燒香味,配上甜甜的日式鰻魚醬汁,非常美味。鰻魚牛肉盒子飯相比之下,鰻魚牛肉盒子飯內的鰻魚比較細條及薄身,不過,賣相依然討好,牛肉口感軟滑,肥瘦適中,吃後不會有肥膩的感覺。 珍珠奶茶珍珠奶茶非常大杯,以HK$26來說,非常超值,不過,味道有點偏甜,喝後充滿罪惡感。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-06
384 瀏覽
星期日晚同爸爸去了太子始創買野,買完之後打算搵間餐廳食埋個晚餐才回家。我們到了位於最低層的和民居酒屋,貪呢間咩野日式野食都有,選擇多今期推廣好多日本直送食材,睇見都流曬口水呢款pizza size不大,但批底十分香脆且薄,咬起來脆卜卜,而且上面鋪了芝士跟菇類,味道都很不錯仲有試了呢款是北海道直送的水牛芝士,經過炸之後,外皮金黃香脆,中間有大量芝士,濃味而仲做到拉絲架唔錯呀一啖一粒,如果想冇咁膩,可點上茄汁來吃,會帶點微酸,清新點食日式野點可以唔食壽喜燒鍋物呢呢度既鍋物有分small 或large size,因為我跟爸爸一齊share來食,所以點了一份大size鍋內放了不少雜菜、豆腐,菇、菜、仲有大量又薄又香既豚肉豚肉十分薄身,快熟,滋味而且數量都不少,可以配上烏冬、拉麵一同食用我們加配了一份拉麵,一份烏冬,各35元當烏冬或拉麵放到鍋內一同煮,麵會吸入了湯味,更為滋味而且我們都很喜歡這個湯底,担担麵風味,帶點點辣,十分惹味打埋隻蛋落鍋食完正餐後,點了一客甜品呢款都係日本直送既食材,有機蕃薯蕃薯切成粒狀,而且經過炸,外面仲淋上了蜜糖,仲有一球雲尼拿雪糕甜甜的蕃薯,外脆內軟,中間蕃薯又很甜我最喜歡配上雪糕來一同食用,因為口感更滋味,外凍內熱,冰冰又帶有雪糕甜香,真是絕配餐廳環境不錯,食物種類不少而且價錢合理 繼續閱讀
(以上食評乃用戶個人意見 , 並不代表OpenRice之觀點。)
等級1 2018-12-31
50 瀏覽
聽好多朋友講話和民無以前咁好食, 呵~原來係真。 激到我真心要寫食評!今日2018年12月31日同家姐黎食🎄🎊,8:15pm入座,一坐低就點野食因爲等左她耐坐,要食咩都諗好哂,服務員黎左落order,家姐話;我地想點個「橫浜風味味噌牛鍋」🐄服務員態度勁差咁答:無哂啦。咁問:仲有咩野係有既?佢反哂白眼咁話:🙄不如你地諗好食咩先咁我黎點菜好無?我仲有好多野做,要去執台! 我真心嬲左出黎 我問:點解吾可以依家點?我都簡好哂啦,個樣無我米點其他囉🙄你識反眼我吾識?聖誕忙我明,但大佬你幫人落order吾洗咁串姐?家姐問我要野菜定什菌你就吾耐煩?🤔係米想趕客走早d收工先?————————————————————好彩野食上左黎,味道都吾算差我地點左個大鍋「牛肉喜壽燒」追加烏冬同野菜,再點左個軟殼蟹roll🤗講番個鍋先:份量吾大,二人份其實都吾夠飽...牛肉吾係重點,因為無咩特別,重點係野菜,d菜吸哂d湯,食落去好甜好好食,烏冬都好正,最後都係要一直追加肉😂因爲真心份量好少。至於個roll,好遺憾地落左單一個鐘後先黎同得地講話無哂蟹籽,所以得飯同隻蟹..成件事好kai,所以最後cancel左今晚結論係:食物吾太出色,要點咩就無咩.....服務態度一個字差!環境..好蟹兩個人都坐四人台 所以出面排哂長龍扮人多,味道尚可,有進步空間,我唯一點讚既係菜🥰Happy new year🎊希望新一年會好食d🤪 繼續閱讀
(以上食評乃用戶個人意見 , 並不代表OpenRice之觀點。)