尚點 小籠包.上海菜館 (悅來坊) (已結業)

今晚去左一間位於荃灣熊貓酒店既一間上海菜館 由於事前已經bk左位所以7點半去到一攞位就入到,入面大概7成滿 裝修昏昏暗暗有種氣派既感覺, 紅色logo又幾特別, 唔錯我同男朋友2個人食就冇叫到太多既野分別叫佐一個黑松露小籠包, 賽螃蟹, 酸辣湯(位), 乾蔥拌麵, 同埋1個豆腐花做甜品諗番轉頭2個人食都幾多😛😛 先講個小籠包, 1個字, 掂本人非常鍾愛黑松露, 亦中意食小籠包2樣野溝埋一齊好有滿足感多汁又香, 再食多籠都得呀！個酸辣湯正常賽螃蟹就做到好滑, 炒蛋白再適當加上個汁, 香香地幾好味乾蔥拌麵唔錯, 配上粒粒乾蝦, 麵質彈牙香口, 香而不油膩(唔記得影相) 最後食埋個桂花糖豆腐花好特別呀, 平時食豆腐花都食加黃糖或紅糖, 但呢個淋上桂花糖, 令個豆腐花食落帶有陣陣既桂花香, 好中意另外個豆腐花本身都好軟好滑一淋糖上去既時候都滴穿佐個表面, 不得之了

如果想吃美味價錢又大眾化的上海菜就要來這裡了～ 食物水準高，而且晚餐又有套餐可以選擇，真的很抵食！ 安排入座後，店員先送上餐前小吃酸蕎頭，清脆可口，酸酸甜甜很開胃點了兩杯熱黑芝麻豆漿，很濃滑 滬菜的經典冷菜小吃水晶淆肉鮮香的啫哩凝凍很晶瑩剔透，涼涼的很適合夏天享用另一道小吃是我很喜歡的蒜泥白肉～超惹味的說腩肉肥瘦適中，蒜香十足還可以配合底下的青瓜絲一起吃，口感更豐富吃上海菜當然要點一客鮮肉小籠包～ 還在冒煙呢肉餡細緻，裡面的湯汁很多！這客是黃金排骨，外皮炸得酥脆，瀰漫著蛋黃的鹹香很香口！上面還附了粒粒鹹蛋黃最後是超值推介的樟茶鴨，很考功夫的一道菜，現在推廣價 $168 有半隻，份量也不少喔。色澤漂亮的樟茶鴨外皮烤得又酥又脆，吃法有點像在吃片皮鴨，用貝殼造型的包子夾著樟茶鴨、青瓜和京蔥，再點一些醬汁來吃，大小適中可以一口放入嘴巴裡，多種味道層次在口中化開，鴨肉很軟嫩，又帶點獨特的樟木和茶葉的燻香，超好吃的

琴晚出街覓食, 行到熊貓酒店揾野食入到去2樓既尚點發現原來係一間上海野我老豆中意食上海野, 加上見到個裝修幾靚就行左入去 入到去望一望個餐牌, 其實唔貴普遍都係7-80蚊, 好合理我地叫左唔係好多野一行3個人 一個糖醋松子魚, 一個雞肉鮮蝦炒飯, 一個酸辣湯, 最後加多1個甜品, 香蕉高力豆沙後上 條魚價錢會高D, 始終成條上比你但好足料, 整得好靚個糖醋汁都好出色, 酸酸甜甜好開胃炒飯都好好味d飯炒得好乾身粒粒分明有咬牙唔會濕淋淋, 調味亦都做得好香 酸辣湯就正正常常幾好飲一個例我地3個人都爭d飲唔曬 最後個香蕉高力豆沙都有驚喜今次我第1次食香蕉mix 高力豆沙平時食高力豆沙好容易會食到覺得膩。但今次呢個意外地match, 佢放既香蕉唔洗多, 少少就足夠帶起佐個fresh嘅感覺 讚👍

由於屋企人都比較鍾意食上海菜所以今次黎左一間荃灣嘅餐廳等屋企人食下佢哋最鍾意嘅小籠包座位都坐得好舒服因為有老人家所以一個好嘅位置係必須嘅餐廳嘅設計都好中國風唔似一般茶樓我哋可以選擇自己鍾意嘅飲品而且仲有好多元化所以大人小朋友都啱飲雞絲粉皮真係必須要試吓雞絲粉皮雞絲係好滑而且仲會有麻醬依家仲有青瓜粉皮都係好彈啊好滑勁香鮮肉小籠包肉汁好食香甜而且亦都係好多新鮮嘅肉再加上肉質容易入口唔會落咗好多味精雞粉黑松露小籠包超有特色嘅一個小籠包食到濃濃嘅黑松露味再加上有黑松露嘅肉汁生煎包都好香而且唔會煎到好硬好油睇吓入邊嘅材料幾豐富超好食㗎雞火炒飯呢個都係好出名嘅一個炒飯入邊亦都有蝦再加上炒得粒粒都有味而且份量好多蒜泥白肉你係普通嘅蒜泥白肉無咁肥而且份量都好多肉質亦都係好彈牙蒜味都好出唔會偏鹹仲食咗一個蟹黃炒蛋白都係勁好食因為個蛋白炒得好香開頭都怕會冇味但係個蛋快都係有呢個蟹嘅味上湯菜都唔錯幾新鮮而且個湯都係好好

之前已來過一次，座得舒適服務也不錯，重點價錢親民這晚行完街特意又過來，晚餐時間不用等位！金網生煎鍋貼一客有五隻鍋貼外皮厚度恰到好處每口也嚐到實在的軟嫩豬肉餡鮮肉小籠包小籠包皮薄不易破，很容易夾起內裡滿是湯汁上海粗炒份量十足，配料有豐富冬菇絲，肉絲，椰菜等等配上帶嚼勁的麵條，吃時再加點豆辦醬，更惹味極速被我們消滅！！蒜蓉炒時菜吸滿蒜蓉的油麥菜，也平衡整頓飯的膩感不錯！荃灣荃華街3號悅來坊2樓201號舖

濃油赤醬的上海菜當中，也有很多選擇，上海點心、前菜和冷盤就更加叫人難以忍口，樣樣精緻滿有特色，其中上海小籠包和水晶肴肉是我的必然選擇，只要是餐廳有所提供，就是必食之選。自選尚點涼菜三款 $65（尚點涼伴茄子、香煎素鵝、雞絲粉皮）尚點涼伴茄子入口微涼，作為餐前涼菜實在非常適合香煎素鵝外皮酥脆豆味重雞絲粉皮粉皮煙煙韌韌又滑口加上香麻汁令人胃口大開。水晶肴肉 $68水晶肴肉味道鹹鮮，在口中慢慢溶解鮮味無窮，食多多都唔夠。鮮肉小籠包 $40鮮肉小籠包真正能做到皮薄多湯汁，鮮肉香實在難得。招牌生煎包 $40招牌生煎包包底煎得非常香脆，加上包内的肉汁鮮香無比，點小小醋一起食正。蒜泥白肉 $68蒜泥白肉用上秘製醬汁加入蒜泥、香蔥和辣椒絲味道香口，加上白肉爽脆有咬口，實在好食到停唔到口。雪菜蒸小黃魚 $108雪菜蒸小黃魚在黃花魚上，放上雪菜和金華火腿絲，味道鹹鮮還帶有點紹興酒的香味，魚肉細嫩香滑。

尚點今日到荃灣悅來坊逛逛後，想要一處較為寧靜嘅食肆吃一頓晚餐，經過尚點，一直都好鍾意食小籠包、年糕、記得上次喺元洲邨食過，品質不錯，選咗廂坐四人卡位，都有少許私隱度，坐得好舒服，三五知己閒談用餐嘅好去處。三小碟有成十幾款小食任君選擇，總會有你心水，選咗四季豆，鎮江骨和雞絲粉皮; 蒜蓉四季豆，少少辣椒粒伴食，幾好味，鎮江骨凍食就一般，而雞絲粉皮味道剛剛好，整體三款餐前小食令人增加食慾。黑松露小籠包小籠包一籠四個，外表黑卒卒，千祈唔好俾佢外表嚇怕，咬落去，小籠包嘅肉汁充滿黑松露味，好味道。曾經旺角食過一間連鎖小籠包店，有八種味道選擇，只係外皮嘅顏色不同，但係餡料係完全一樣，但係尚點嘅黑松露小籠包，絕不欺場，值得推介。砂鍋雲吞雞整鍋上熱騰騰，雞肉尚算嫩滑，雲吞肉汁鮮甜，小棠菜浸咗濃濃雞湯下齊吃，算是一道唔錯嘅小菜。冷面有雞絲，青瓜絲，火腿絲及溫泉蛋，淋上香濃花生醬汁，洒上芝麻，賣相得體，天氣熱吃這款冷麵最適合不過，清爽宜入口又唔油膩。高力豆沙高力豆沙即叫即製，不過不夠鬆化。豆沙餡，不算太甜。解暑飲品柚子蜜調配得幾好，唔太甜。今期推出幾款套餐都幾抵食，下次約多幾位友人會選擇套餐吃餐飽。

之前都有喺長沙灣試過尚點•小籠包，好有印象係一次開心嘅經歷，而今日去荃灣悅來坊探熊貓，經過呢間分店，見到呢個$388嘅4人套餐，對唔住，我揀到今晚食上海菜啦，點解？2款自選前菜+1個湯+3個小菜+1個飯/麵食+1款甜品係咪好掋先我唔客氣啦酸辣湯，平時我對酸辣湯唔太感興趣，但呢個唔會有股"叔叔"嘅酸味，酸辣味適中，湯料多，意想外嘅豬紅絲都有。不可不點小籠包，我唔講都可以見到滿滿嘅肉湯，外皮薄薄，係上海菜必點嘅美食。鎮江排骨，肉質偏乾，但味道也算不錯。京葱爆牛肉，鑊氣十足牛肉被葱香包住，好送飯。糖醋魚塊，這是女皇要求點的，因為上次喺長沙灣食過好好味，但佢話呢度魚塊外層脆粉略有不同，所以未能完全回味反這度餸。黃金排骨，最近都興食咸蛋金沙食法，這個也做得不錯，唯獨個人可加重肉嘅醃味，令排骨同外層金沙互相配合就更好。韭黃肉絲炒麵，韭黃香口，麵又唔會過油，為我尚未滿足嘅味蕾，推上更佳嘅層次。最後就係高力豆沙，外層鬆鬆嘅蛋白，就好似棉花糖咁包圍嘅甜甜嘅豆沙，唔知可唔可以稱為中式梳呼里

沙田尚點就成日食Lunch因為近公司，但放工約左朋友他竟然話荃灣Panda酒店也開左尚點，所以轉左陣去荃灣區順便行埋悅來坊添！ 七點半就囉位因為無預訂，好彩還有位而且地方大坐得舒服無壓迫感！ 安排卡位坐下更適合傾計，紅menu放枱面都好sharp好搶眼❣麻醬三絲冷麵 $48夏日超值推介好鐘意係炎熱夏天食點開胃凍嘅食物，冷麵加上香濃麻醬雞絲火腿絲同青瓜絲，每樣食材各有口感，最鐘意半隻流心熏蛋！自選尚點涼菜三款涼拌茄子~涼嘅茄子配他們自家製醬汁好好味。雞絲粉皮~涼拌菜首選粉皮軟滑雞絲麻醬惹味。四喜烤夫~上海菜代表，我每次都會叫這道，而烤夫似海綿會吸收晒調味，再配毛豆同木耳做嘅涼拌小食非常喜愛！ 黃金排骨鹹蛋黃裹著一條條肉條，豬柳多過似排骨完全無骨架不過肉質就較實，而且香口惹味，送飯或佐酒最啱。當然就咁食也可，食幾舊已經好漏。小籠包無得輸皮薄餡料足，咬落爆汁食時要小心！砂窩雲吞雞 $138有好味又抵食，湯頭濃無乜味精，菜肉雲吞半隻雞都可以食晒，雞肉保留肉質唔會霉，小塘菜吸收湯鮮味。

今日同朋友去左荃灣尚點小籠包醫肚，叫左鮮肉小籠包、醉雞、三小碟、津白湯年糕及酸辣湯，甜品有高力豆沙同酒釀小丸子。鮮肉小籠包皮薄餡靚，熱辣辣，配埋薑絲醋，肉汁爆滿溢出，原汁原味，味道不錯。醉雞酒味香濃，份量適中，冷盤啱晒炎熱夏天開胃醒胃，好在食左無醉倒!三小碟包括: 芥蘭豆干粒、拍青瓜同糖醋排骨，拍青瓜清甜爽脆，十分鮮甜，芥蘭豆干粒味道OK，可以一試。糖醋排骨甜甜酸酸，十分開胃。津白湯年糕湯底清甜，年糕煙煙韌韌有咬口，津白爽甜，湯年糕比炒年糕無咁油膩，清清地，不錯之選。酸辣湯刺激味蕾，酸辣度剛剛好，不會太辣。甜品有高力豆沙同酒釀小丸子，食左咁多咸野，當然要叫番甜點平衡下，高力豆沙一客三粒，脹卜卜，紅豆蓉甜甜的，好滿足，加上酒釀小丸子，滋味十足。

今日去荃灣接朋友仔收工，朋友仔話佢公司附近有間不錯的上海菜＂尚點＂可以試試。入到餐廳播着柔和五六十年代的上海經典歌，感覺置身在上海😎鮮肉小籠包 $40皮薄湯多，識食小籠包的人都知道要夾喺頂部的定就不會穿👍🏻黑松露小籠包 $58用新派的口味融合在小籠包，味道也不錯😋尚點涼拌茄子，香煎素鵝，雞絲粉皮涼拌茄子甜甜鹹鹹味道不錯，香煎素鵝外層酥脆鬆化，粉皮夠QQ口水雞每次見到餐牌有口水雞也忍不住會點來試試，這裏的口水雞微微辣，蒜味十足雞肉彈牙嫩滑👍🏻清炒河蝦仁河蝦仁比較大粒的，蝦仁爽口彈牙雪菜蒸黃花魚 $108這條黃花魚蒸的時間剛好，正宗上海口味，加了少許紹興酒蒸令鮮味更加提升，魚肉柔嫩細緻，無得頂👏🏻

今日又同荃灣朋友去食飯，我地去到買完野經過有間上海店裝潢不錯而且價錢吾貴，就和朋友入去試下，裝潢的確不錯而且位置十分舒服，我地二人最後叫了5個食品，每人都係$200都幾抵食。來到上海店點會不吃鮮肉小籠包呢？小籠包黎到好熱又新鮮，要等一陣先可以食到，食落去入面勁多湯而且十分鮮甜，肉口感很好吾好好硬身，配上薑絲同醋味道一流！～想飲湯水又想食其他野，我地就選擇了雲吞雞，來到雞都幾大隻，而待應都好好幫我地拿出來再分雞件，湯底雞味濃又香，雞肉仲保持到嫩滑吾鞋身，雲吞和菜份量十足，二人都差點吃不完添。菜方面我地選了炒四季豆，肉味香配上粗身爽口四季豆，而且仲入晒醬汁味，味道剛剛好吾太咸。飯面都多選擇，最後叫咗中辣的擔擔面，面質吾太淋身份量多，湯底都幾香帶點花生香，但辣味如果再辣點就更好。鐘意食辣的我們見到口水雞當然叫啦，味道就普通吾差，但吾夠辣，但XO醬味好香如果配炒面之類一齊食就更好。

每當係荃灣諗唔到食咩嘅時候 就會同媽媽去尚點至少食左咁多次 水準依然保持到今晚見餓餓地 叫左個二人餐 都幾多野食小食㨂左雞絲粉皮 麻醬好香 配上嫩滑嘅雞絲重有薄薄嘅粉皮同青瓜絲 不錯嘅醒胃菜一人一碗粟米豆腐湯 熱辣辣小籠包 薄薄嘅皮裡面裝滿濃湯同豬肉個人黎講 覺得唔點醋都已經好好食好濃味嘅回鍋肉 豬肉口感唔會太肥膩椰菜炒得十分爽口 重有豆乾 好食重有津白肉絲炒年糕 可以平衡返回鍋肉嘅濃味年糕煙煙靱靱 口感一流最後跟餐重有桂花糕同椰汁糕送

今日經過見到個二人餐好似幾抵食，咁就入咗去，點知入到去發現個餐牌勁啱口味，係咁同自己講好彩入咗嚟咋。最後我哋係冇叫二人餐，反而就單點左五樣食物。首先前菜就有花雕醉雞，雞肉嫩滑。 （我無醉～我無醉)之後嗌咗籠鮮肉小籠包，一籠有四粒。嘩！好多汁漏出尼呀，好熱好熱，要食得好小心。個元貝賽螃蟹同上海粗炒都好好味，份量亦好適合。(又係咁同自己講: 好彩入咗嚟)最後就叫咗高力豆沙，一碟有三舊。如果多啲紅豆蓉就perfect啦！

跟男友來了悅來坊這一家上海食店，裡面環境不錯，而且坐得舒適。店員服務態度也不錯，可是發現勺子有點髒，就趕緊洗洗。二人套餐是比較划算，可是我們胃口不大好，就單點吧。叫了小籠包，三鮮冷麵和金華火腿津白。小籠包味道不錯，肉汁鮮嫩，而且湯味濃郁，不是太咸，皮薄肉嫩。男友電的冷麵賣相一般，可是吃下去濃濃的麻醬味不錯。如果配菜份量可以多一點就好。最喜歡的是金華火腿津白，金華火腿不會太咸，津白也非常甜，喜歡清淡的朋友不要錯過喔。這家食店價錢便宜，食物還可以，可以一試。