尚點 小籠包.上海菜館 (悅來坊) (已結業)

最近大家好興staycation， 屋企人都喺熊貓酒店訂咗幾晚，所以我哋都係返酒店附近搵餐廳食飯。環境🌟🌟🌟今次呢一間餐廳位於悅來坊商場入面，位置唔係話好難搵，就係即係酒樓嘅隔離，入面位置都唔係真係話好迫，略嫌燈光有少少昏暗。食物🌟🌟🌟先講下擔擔麵，作為擔擔面嘅忠實粉絲，我覺得呢度嘅湯底尚算合格，但係佢嘅面實在太淋，唔係我嘅口味。不過值得一讚嘅係呢一度嘅齋鴨，入面好足料，而且真係即叫即炸，有興趣都可以嚟試吓！你屋企人最欣賞嘅就係佢嘅砂鍋雞煲，不過記得有返四個人以上先至好叫呀，因為真係好大煲！入面非常之足料，雞都好鮮嫩，湯底亦都係好香嘅雞湯味！仲有呢一度嘅上海粗炒，味道唔會太鹹，亦都唔會話好油，而呢一度嘅價錢黎講真係合格有餘！不過如果對於正宗上海菜有要求嘅大家，可能呢度未必係你哋最好嘅選擇啦

老一輩都比較鍾意食中菜，又唔想成日都去飲茶咁悶，所以就揀左呢間食上海菜，一入到去好闊落好多座位，茶位每位收$8，正常價位。自選小菜 $72，價格偏貴，因為每款小菜既份量唔多，四喜烤夫正常味道，一般，開拍青瓜清爽，有啲蝦米，五香牛展薄片，口感唔錯。上海擔擔麵 $58 價格唔貴，佢個湯底都做得算係濃稠，上海麵既份量都夠三個分，雖然佢味道唔算得好出色，但係呢個環境，呢個價位，我覺得都已經係交足功課。干煸四季豆 $58， 賣相好，肉碎同四季豆比例都剛好，呢碟野如果送飯真係一流，佢咸咸地，又惹味，正呀。蔥爆牛肉 $80，有少少貴，但勝在佢牛肉爆得非常淋，火喉掌握好，牛肉幾大片。金網生煎鍋貼 $42，好靚，個賣相係大加分，金黃色，雖然佢既味道唔算得好好，鍋貼既肉比較少，味道淡，口感一般，感覺虛有其表。高力豆沙 $35，上海甜品，一份有三個，做到脹卜卜，外型非常討好，非常可愛，屋企人好鍾意，外皮軟熟，豆沙微香甜，又唔會死甜，雖然我第一次食呢個甜品，但感覺呢間應該做得幾好。午餐黎講，以人均 $135.30，價位偏貴，間唔中食都 OK 。

剛剛遇上大雨，行唔到出去食原本既餐廳，唯有就地試試呢間啦！午市套餐有前菜紅油炒手 雞絲粉皮 涼拌青瓜 質素尚可，紅油唔太辣，雲吞大大隻，青瓜都爽口上海野一定要叫既炸排骨配上海麵，個麵就唔好提喇，淋淋的，個湯好似水咁，不過排骨就炸得唔錯，大大塊，啖啖肉，炸皮略嚴少少厚酸辣湯好耐無飲，都幾足料，有肉斯，冬菇，荀等等配料，酸度合適另外還點了糖醋排骨（無影相）但感覺唔太正宗，好似食緊菠蘿咕嚕肉咁，麻麻啦但送飯幾好整體而言 ，不話不失啦，唔係好唔係差

係荃灣熊貓酒店入面好多食店，今次上3樓食下上海菜！地方大，坐卡位，店員先比花生，都新鮮翠口，又不錯，點了酸麻湯，太耐無吃了，份量都夠3人吃，材料足，但偏酸。但朋友就話夠酸，辣味都夠。木耳，肉絲，所有料都好足，都算不錯👍🏻小籠包，一份4粒，要食唔穿水先拎起尖位，再細細咬開，先飲湯，正。成功。皮都唔厚，真係不錯。推介😋上海粗炒，有椰菜，肉絲及香菇，不算太油，粗麵不錯，咕嚕魚塊，比想像中好吃，酸酸甜甜，魚柳麵不錯，有白飯更一流

跟太太一家人來到大窩口悅來坊的尚點，是太太姐推薦的餐廳老實說，沒什麼期待，亦所以沒什麼失望這家餐廳主打上海菜，很多人也清楚香港的上海菜大部分性價比都極低，這家也不例外，點了兩份六人餐加三個菜就已索價2千港元說回食物，以下是一些小簡介：尚點招牌小碟三款冷盤前菜，合掌瓜及豆腐只屬正常，而魚的味道過點且一點都不新鮮蟹粉小籠包完全沒蟹粉味，味道亦很普通肉碎炒青豆竟是全餐最好味的一道，只是簡單的炒豆薺菜豆腐羹甜甜的湯內但喝得出的味精味金湯百合燴蝦球粉漿太濃，而蝦亦不新鮮糖醋松子魚味道一般，而且太多刺糖醋排骨幾乎沒有肉只有骨，最後是放在一旁樟茶鴨每個人吃完也覺得味道很怪，之後又是半只留下來了紅油抄手酒樓的紅油抄手味道肯定更好，這裡的是有油沒有香味由於是太太姐推薦的且價錢貴，見大家最後勉強清了一半但我們肯定不會重來

家庭聚會，姐姐推薦她家附近，位於悅來坊商場2 樓的尚點，從網上介紹得知是滬菜館，上海小籠包， 糖醋松子魚應屬必食菜式吧。餐廳裝潢簡約舒適，可是客人寥寥可數，到底是什麼原因呢，馬上試菜～套餐款式選擇極少，我家10位，先來一個六人套餐，再另外選了四款菜式。🎯 糖醋松子魚賣相和味道，同樣出色的菜式，選用新鮮鱸魚，魚塊炸得金黃香脆，可口無骨，食用方便，汁醬酸甜味道適中，非常開胃。🎯 響油鱔糊韭菜炒黃鱔， 韭菜合時香嫩， 黃鱔肉質結實，新鮮度足，可惜廚師沒去掉魚骨，入口滿是碎骨，把牙齒也咬壞。🎯 招牌小籠包飽滿的黃色外皮內， 充滿肉汁，一口咬下， 湯汁飛濺，味道尚可。🎯 豆沙鍋餅軟淋，沒半点香脆的外皮，包裹著無什紅豆味的豆餡，經典甜品也能做成如此質素，實應好好改善出品。尚點，上菜速度飛快，店員 服務周到，唯獨是菜品味道，確實過於普通，只要改善好出品的味道和賣相，定能生意紅火， 大展鴻圖的。

廢話唔講太多啦，首先總括地講一句，佢嘅裝修都比得上酒店嘅餐廳，但係食物就比街邊嘅上海店仲要差少少。服務都非常之一般，紙巾又冇、餐巾又冇，啲侍應仲要非常之唔耐煩，黑口黑面。本來阿媽鍾意食上海菜，就專登揀一間近我哋屋企嘅上海餐廳。但係估唔到所有嘢除咗一般之外就係差。金網生煎鍋貼個賣相，係唔錯味道一般鮮肉小籠包四件，係唔錯嘅但係都唔係超水準。花雕醉雞，酒味係幾大，但係啲雞非常之老，一啲都唔滑。熏魚真係好一般，街邊嗰啲差唔多。干扁四季豆幾好。油豆腐粉絲湯，呢個湯我覺得唔錯。上海擔擔麵，好普通，冇咩評價。元貝賽螃蟹，都係太普通啦唔知有咩評價。豆漿冇嘢講酸梅湯，呢個真係過分，好似水溝酸梅湯咁，非常之淡，完全飲唔到酸梅湯味，$200任食嗰啲自助餐嘅酸梅湯都好過佢。

上星期六快閃荃灣買暖水壺，最後都睇唔中，剛巧又到晚飯時間，見好耐無食上海野，同媽，姐就去左尚點。我地都算早入場6點半左右，所以人流唔多，而家呢個時間做緊優惠有85拆，堂食外賣一樣，所以都算抵食。menu有3人套餐2百幾蚊，真係抵，但我地都係喜歡散叫，叫左小籠包、 嫩雞煨面無影相，豆卜粉絲煲，干扁四季豆，小吃併盤，排骨湯面。全部食物差不多同時間一起來，真係都唔知食邊樣先，其實呢間野第二次來食，之前印象一般，但今次感覺有改善，野食除左小吃併盤既烤夫 怪怪地，家姐話雞絲粉皮麻麻地，其他野食都好味，最愛係四季豆，真係好好食😋! 嫩雞煨面係我至愛，清曬個湯🤭，提一提佢地面質地真係唔錯，我地叫排骨湯面，都放左一陣，但面身唔會有淋，有口感👍最讚係水好夠熱😉，野食夠熱，又快，職員有禮貌回應快速。😊所以都會繼續幫襯✌希望香港飲食業盡快向好!香港加油!

中午只有一個小時的飯鐘，實在是分秒必爭，如果是十二時放飯的話，仍有不少平靚正的選擇，但若輪到一時的高峰時份，也只能揀些略貴少許的餐廳，才能肯定有飯食。最近都頗喜歡幫襯<尚點>，雖然價錢比同區其他餐廳略貴，但勝在任何時間前來都會有位，而且坐位十分寬敞舒適，環境亦十分清靜，可以好好放鬆一下。每次來到我都是點一人套餐，已包括前菜，客飯/湯麵和湯羹/飲品，十分豐富。前菜是我最欣賞的部分，我試過多款，有'開洋拍青瓜'，'蒜香四季豆'，'榨菜芽菜'，'涼拌萵苣'和'涼伴茄子'等，款款都醃得十分入味又清涼爽脆，淨食和送飯都非常美味開胃。飲品/湯類亦有多樣選擇，我比較愛點湯羹類，'酸辣湯'絕對值得一試，內裡有很多荀絲和雲耳絲，酸度十足，但只是微辣，我不太吃得辣的也覺得容易入口，雖然飲完都會辣出一頭汗。另外'粟米魚肚羹'也十分足料，啖啖都是鮮甜的粟米和爽脆的魚肚。豆漿也不錯，不太甜，豆味濃郁。主菜方面，我的最愛一定是'嫩雞煨麵'，因為湯內加入大量我最喜愛的小棠菜，湯底非常清甜，雞肉亦煮得鮮嫩可口，麵條的份量也剛好，我能夠吃得完不會太飽。不過有時太悶也會試試其他小菜客飯，其實味道都不錯，不

由於疫情關係，外出用膳都想盡量避免需要搭枱，亦希望可以枱之間保持一個較遠嘅距離，所以今次選擇咗去悅來坊嘅呢間上海野度食嘢。去到門口見到個招牌寫住今個月係感謝月，傳單有八五折，外賣亦可，店內有很多卡位，部份更加係窗口位，感覺上較為開陽，全店當晚只得一兩成乘客，希望呢間小店能夠捱過呢塲疫情。坐低之後店員隨即埋嚟並奉上一大碗熱水俾食客淥下啲碗筷，二點來各方面都感覺十分整潔。當晚叫咗下列菜式1. 素鵝 （熱辣辣很好味，如果餡料再豐富多一點就更好）2. 上海粗炒 （味道很好）3. 擔擔麪 （不過不失，如果有花生碎就更好）4. 小籠包 （能夠做到灌湯小籠包，味道很好，所以再叫多一籠食）如果大家經過開而又想食上海野嘅不妨一試。

6人套餐我地9人食，可另加單點菜。因為大家太肚餓，都未影得切就俾人食左 🤣 所以唔係碟碟有影。套餐都冇咩特別，自己可睇相，味道較清淡，但有D特色，例如小籠包同高力奶皇。特別好食: 招牌小碟(D前菜雪到好凍好正😂)、糖醋炸魚(炸透晒好脆口)、貴妃雞(多肉入味嫩滑)、有comment: 人地高力豆沙佢就變左奶皇，都OK既不過唔太食得慣，即刻變左酒樓奶皇包咁降左格...野食講左少少，主要講埋個套票，其實都OK抵，買500送500，現金券可一次用晒，仲有送美食券，每次只可用一張，詳情可向店員查詢。

今次又來到熊貓酒店2樓的尚點，之前食過不錯，所以專登來吃鮮肉小籠包，保持到水準多湯汁但皮比較易爛，肉味道都岩岩好，好味道推介。主食方面就叫了二個餸，回鍋肉，味道都唔錯但比較油少少，肉口感不錯又夠薄，豆腐乾比較少。糖醋魚塊，魚的口感都可以，不會太梅，味道微酸吾太咸都可以，魚邊位有脆口，還有少少菠蘿都幾好吃主菜。小食就叫了紅油抄手不好食，是菜餃幾大隻足料味道淡少少但都可以，但醬汁堅不好吃，得個咸字完全不辣，似豉油雲吞更為合適。最後麵食選擇了上海粗炒，味道可以都幾油，而且餸不多只可講普通。

今晚，是第二次來呢度食飯！而且，今晚，還有十分抵食的套餐！首先，選左生煎包，皮脆，有面粉香，豬肉料十分足夠，而且有肉汁！上海粗炒就要另加15元！不過，意外的是今次的粗炒不是肉條，而是一塊塊的條狀豬排！十分有驚喜！賽螃蟹更加是充滿十分鮮味的蛋白香，食多幾啖都不會膩！油豆腐粉絲煲更加是最近新推出，粉絲的質感就好像食緊新竹米粉咁，十分爽口彈牙，而且個煲的料是好多海鮮，例如魷魚，蝦米，十分惹味！豆沙鍋餅更加是甜而不膩，一點都不油！最後，用優惠券選左個小龍包，不過，個皮實在太薄，好容易挾爛！要小心翼翼呵護！

星期六荃灣搵地方飲茶真係有啲困難，最後選擇了大窩口悅來坊，而且上海菜始終比中式飲茶容易搵位。雞絲粉皮個醬汁味道唔錯，只係粉皮有啲粗有啲厚。花雕醉雞都幾入味，啲雞都算滑。糖醋排骨同港式咕嚕肉一模一樣，個汁似酸甜汁多個糖醋，但味道都可以接受，最好個菜名改一改佢。紅油抄手個餃子差啲，辣汁都唔錯。上海排骨麵分量足夠，炸排骨都炸得唔錯。鮮肉小籠包薄多汁，熱到足夠。我最欣賞佢嘅上菜速度，點完菜差唔多5分鐘左右就已經陸續上，差啲仲以為來佐快餐店添。之後再叫高力豆沙，就等左差唔多10幾分鐘先至到，味道中上。泊車嘅朋友注意啦，如果用優惠券或者買佢嘅套票比錢，係唔可以用張單來做免費泊車，我都以為買優惠券有着數，最後都比多幾十蚊泊車錢！

是日同一班好友到悅來坊尚點 小籠包.上海菜館 食晚飯睇完都係散叫算生煎包就一般啦,肉汁唔夠,比較乾了一點炒鱔糊都OK好味道的菜個份量少左一點回鍋肉太肥膩了同個味都好一般一般啦味道賽螃蟹都唔錯,蟹肉少左D,不過味道都OK