尚點 小籠包.上海菜館 (悅來坊) (已結業)

黎親悅來坊通常都係幫襯樓下嘅餐廳, 好少留意到原來 2 樓有間食上海菜嘅餐廳｡ 餐廳環境好大, 有大量梳化座位, 由於係閒日晚市, 幫襯嘅人唔多｡ 鮮肉小籠包1 籠 4 件, 小籠包嘅皮都算薄, 未食已經可以睇到入面嘅湯汁, 一夾起好容易就穿  小籠包入面嘅肉好散好細粒｡紅油抄手一碟 6 粒, 雖然可以見到 D 紅油, 但其實一 D 辣味都冇, 如果辣番 D 就好喇 蒜泥白肉有點失望, 蒜蓉唔夠多, 而且 D 醬汁又係冇味嘅, 唯一優點係份量夠大份 雪菜肉絲炒年糕唔好睇佢咁嘅顏色就以為佢好濃味, 但其實都係冇咩味道, 開始懷疑佢用 D 咩醬汁, 點解款款菜都係唔夠味 

蒜泥白肉 $68麻麻地。蒜茸份量好少，醬汁一點都唔香、唔惹味。雖然$68唔係好貴，但有條件做得好D!鮮肉小籠包 $38皮真係好薄。薄到用筷子夾個頂，一夾起下面就穿。試4次，4次都失敗。可能我地2人都唔識用筷子。裏面肉嘅份量應該少於一個手指尾頭。少得可憐。紅油抄手 $36餃子質素就類似超市急凍貨色。醬汁完全唔香。我自己怕辣，但呢個菜式接近無辣味。雪菜肉絲炒年糕 $58年糕切得太薄，口感完全唔Q彈。芡汁幾好，濃度、稠度都適中。服務同環境都好。但食物質素有待改善。

客已不多，員工數量足夠，可惜全不中用，叫加水不應，應而不做，下單不覆，兼漏單，價錢與分量不相乎，還要自己去加水，服務差，還要加一服務費？四小碟冷盤拼盤，份量少得可憐。$79其他食品，未至於差，但一定不是美味可口

星期日一行十人聚餐，以荃灣為首選地區，有提議素菜，潮州菜，火煱，上海菜。最後選擇悅來坊【尚點 小籠包.上海麵館 】，即時以電話訂枱，到達後因時間尚早還沒有太多人，不用等候即安排進入房間大枱，環境尚算清靜舒適。各人商議點選十多款美食（尚點涼拌茄子，雲吞雞，鮮肉小蘢包，上海担担麵，百頁結紅燒肉，咸火腿灼生菜，咸火腿灼芥蘭，咸火腿灼油麥菜，鴨卷，炒飯， 金網生煎鍋貼， 香芋煎餅 ，豆沙鍋餅 ，高力豆沙， 麻蓉湯圓 ）由落單至每款上菜全部新鮮熱辣，不用食下停下時間配合非常適合，味道也適中值得讚賞。尚點涼拌茄子炒飯炒飯火腿灼生菜鴨卷火腿灼芥蘭火腿灼油麥菜上海担担麵百頁結紅燒肉鮮肉小蘢包

放工好攰，但都要食飯。返到屋企附近，就今次決定試下尚點啦燻蛋凍食前菜 幾好食👍🏻 有少少合桃伴碟上湯小白菜我覺得有少少咸，不過都係接受範圍之內既兩個人食依個份量幾好小籠包啲皮唔夠薄，明顯咬得出重粉，不過一分錢一分貨，還可以吧！入面啲湯同肉都夠味幾好上菜時好熱上海排骨粗炒又係有啲咸，好似太多醬油不過好似好多粗炒都係咁樣排骨一般，都唔算難食既高力香蕉豆沙上枱個時係就係好熱，但成舊野好硬，我就覺得唔好食啦

是夜同三個朋友黎食上海菜，6點半左右黎唔洗等位可以馬上入座，無限時用餐時間十分適合慢慢歎，而且上菜迅速。本身預分量唔會好多，點知上菜時候又覺得可以接受。強烈推薦前菜拼盤，79蚊黎講4個選擇的分量都足夠，雞絲粉皮以及鎮江骨夠曬味。唯獨是年糕係湯的關係，似乎已經煮好一段時間，所以已經比較軟不Q。麻醬拌麵，口感比較似芝麻醬多，無麻醬咁滑，不過好飽肚餅配以菠蘿甜汁，不過呢個菠蘿醬並不是純菠蘿肉，似乎加入左其他配料所以味道有D奇怪

呢輪天氣凍成日打邊爐或者食烤肉，今日行開荃灣悅來坊商場，想轉下口味，決定食上海菜。而尚點 小籠包.上海麵館，之前食過長沙灣分店，感覺唔錯，今次一於試下荃灣分店先。今日公司好多野做，我連晏晝都只係食左個包咋，所以而家鬼咁肚餓。望下個餐牌見2人餐都幾抵食，就ORDER佢啦。雞絲粉皮可算係上海菜中一個招牌涼拌，呢道菜以雞絲同青瓜配上香滑的花生醬同粉皮，簡單得黎好味又開胃。套餐仲有呢個大人細路都啱飲粟米豆腐羹，天氣咁凍，飲碗熱辣辣嘅湯羹就VERY GOOD啦。看似簡單嘅菜式其實越難煮得好食，好似呢個韭黃蝦仁炒蛋，蛋容易燶、韭黃就易老、蝦容易霉，所以廚師要專心掌握火侯，先可以炒到咁靚咁好食嘅韭黃蝦仁炒蛋如果小籠包一夾即爛啲湯就會漏晒出黎，味道就會大打折扣，但呢度嘅小籠包皮薄餡靚，雖然食嘅時候會比湯淥親，但最緊要係可以食到果份原汁原味吖嘛。年糕勝在夠煙韌又有咬口，配上津白，清清啖啖，唔駛叫飯。另外，散叫左一客糖醋魚塊，無論顏色、氣味都相當吸引，而且食落味道酸酸甜甜，非常醒胃。最後奉上套餐附送嘅桂花糕及椰汁糕，桂花糕清甜爽滑，加入杞子又有滋潤明目功效，好味又有益。最後不得不讚呢度嘅店員，全部都非常有

今次來到尚點小籠包上海麵館。上海菜即時想上小籠包生煎包鱔糊等，食物都十分吸引！餐廳裝修舒適，環境大，座位寬敞。餐牌用食物相片展示比較吸引。餐廳一至四平日晚上晚市有七折優惠，價錢抵食！蟹粉小籠包，包內充滿湯汁加上蟹粉，鮮甜味美。生煎包，外層香脆內裡多汁，較飽的選擇！流心蟹粉皇，流心蛋配上大量蟹粉，配搭十分夾又邪惡，多重口感，配搭一流！炒鱔糊，醬汁香濃，鱔肉多，不錯！滿貫炒飯炒飯配上蟹粉，惹味十足！份量都不少！

作為荃灣人真係好有口福，周圍都有美食。今次去左熊貓酒店悦來坊尚點小籠包上海麵館。上海菜好岩我胃口，特別係蟹黃更為鮮味。店舖佔地大，環境乾淨清潔，座位寬敞。意道有蟹粉套餐二人餐，價錢$388價錢大眾化抵食，食物多。前菜雪菜素雞，為開胃，清清地。松茸燉雞湯，味道濃郁，材料十足，夠火喉。黃金蟹粉小籠包，湯汁足帶有蟹粉鮮味。滿貫炒飯，極級享受，濃濃的蟹黃配上乾身炒飯，鮮味十足，每一啖充滿鮮甜味，大滿足。最後還有紫薯糖水，整個套餐兩人份量十分足。

今日朋友約我食晏晝，方便佢返工，係佢公司附近嘅尚點食上海菜，佢話好多時都會離，貪佢就街，坐得又舒服。食上海嘢小籠包一定會叫，熱辣辣，高湯又多，皮好薄，又吾多肥肉，好食。小食脆鱔，好乾身，又脆口，加埋個黑醋汁，甜甜地，覺得依個小食好啱送酒。跟住我最鍾意嘅花雕醉雞，好重酒味，雞肉好嫩又唔靱，好滋味。酸辣湯，完全對味，又足料，酸辣啱啱好，最重要係夠熱，特別好飲。紅燒獅子頭，兩大位嘅獅子頭，放係煲仔度，遠遠已經聞到好香，肉質唔錯，餸飯一流。上海粗炒，配菜好多，麵質煙煙韌韌，條條麵條都上晒醬油，夠晒味。尚點環境都唔錯，而且仲有窗邊卡位，望出去見到青青綠綠嘅樹，感覺真係好舒服。而且價錢都好抵食，份量又足，係荃灣要食上海菜，依度都係一個幾好選擇。

平時食開長沙灣個間分店，荃灣分店都係第一次食。糖醋魚塊 $72粉唔算厚，整體甜酸度適中。應該係冬季嘅期間限定飲品——紅棗生薑茶 $18杞子杭菊蜜 $18菊花蜜既菊花香甚濃，雖然個名有「蜜」一字，但飲落去唔甜，唔鍾意飲甜野嘅男朋友就好鐘意既，但如果喜歡甜飲既女士就要自行加糖了。至於紅棗生薑茶非常適合如此寒冬既日子飲用。不過呢杯紅棗味略淡，生薑味比較突出；紅棗亦都比較硬。蔥爆牛肉 $74向來都喜歡尚點嘅蔥爆牛肉，牛肉處理得唔錯，唔會炒到過老，加上蔥香都幾送飯吖！花椒肉醬乾拌麵 $50呢度既拌麵冇平時食嘅咁好食，醬汁份量多左，反而味道偏濃同鹹，但花椒嘅麻香味較淡，有點失望。小籠包 $38小籠包尚算唔錯，湯汁份量都多，而且皮夠薄金鍋生煎鍋貼 $36鍋貼嘅賣相頗為討好，可惜煎得唔夠香。最後仲追加左一碗熱嘅香芋紫米露($28)，呢碗甜品幾有驚喜，芋頭口感軟綿，而紫米露既芋香同椰香比例都幾好，甜度適中，加上夠滾燙，飲完個人勁暖，出到去都無咁凍

再忙都要陪下媽媽食飯 今晚唔想諗食返好味嘅上海菜 尚點先黎必叫嘅擔擔麵 依舊有水準 好香嘅花生味道加上少少嘅辣同惹味嘅肉碎 麵質彈牙鮮肉小籠包 薄薄嘅皮包住豬肉重有好多濃湯 唔夾穿嘅話就可以盡飲精華今次我地叫左松茸砂鍋雲吞雞 一打開勁香有半隻雞 肉質都算嫩滑 當然唔少另一主角菜肉雲吞啦 不過相對下 雲吞皮就比較厚了但味道都好好嘅 重有松茸 講緊唔係一兩塊喎最後叫埋媽媽最鐘意食嘅高力豆沙就完美了即叫即整 蛋白發得好鬆 食完唔會太頂胃

黎左悅來坊搵食，是晚選了食小籠包，尚點之前食過別的分店覺得還不錯，就試試荃灣店吧。枱上擺放了醋，豆瓣醬，熱茶等，好方便。茶位（$6/ea），沒有小食/醬料費。出左冬天menu喎，有我鍾意嘅牛肉餅喎，即叫啦！鮮肉小籠包（$38）食上海野最鍾意食點心，小籠包是其中一樣啦，皮薄多肉汁，熱辣辣好味。金網生煎鍋貼（$36）一客有五隻，藏在金網底下，煎得香口，但餃子略瘦不夠飽滿呢。自選尚點涼菜（$79）－蒜香四季豆，四喜烤夫，香煎素鵝，五香牛展因為好多款都想試，叫個併盤就可以有四樣了。素鵝即煎的夠熱又香口，千層腐皮有口感，烤夫甜甜地幾入味，牛展略硬了點但份量好多喎，四季豆勁重蒜味正呀。回鍋肉（$72）再點了小菜送飯，有椰菜，豆干，肉片同炒，炒得乾身，回鍋肉辣辣地很惹味，不錯吃。菜飯（$22）菜飯好大碗，點煮到啲菜咁翠綠呢？自己煮啲菜成日黃哂，唔……?香煎牛肉包（$42）等左好耐的牛肉飽，上枱時好香呀，熱辣辣香噴噴。牛肉餡爆汁，調味不錯，好食喎，雖然唔係平時食開個種包，但新款下又幾特別，哈哈。高力豆沙（$32）再點了甜品作結，好大個波哈哈，外層鬆軟軟綿綿的，豆沙微甜，幾好味呀，再多啲豆沙餡就好了。點

今天有新同事加入，大家便一起到附近上海麵館吃Lunch~店內乾淨企理，有寬闊的落地玻璃窗，陽光微微透入，滿舒適的。雞絲粉皮，粉皮爽滑，加入雞絲及青瓜絲味道鹹香鮮美，淋上花生醬鹹中帶甜香， 美味可口。😋唐芹菜水餃麵，水餃美味可口，麵條粗幼適中，質感柔軟，加入高湯及蔥花，清香醇鮮。對中菜有點研究的同事說唐芹菜營養價值高，健康味美。😄上海擔擔麵，湯底加入特製辣醬，濃郁香口，加上甜香辣肉，小辣惹味，必吃之選 👍炸菜肉絲麵，嚐到肉香及蔥花生菜的鮮味，清新帶微辣，不太濃味，原汁原味。鮮肉小籠包，外皮柔韌偏薄，咬下時，温熱香口的湯汁四溢，內餡豬肉肉汁飽滿，鮮味十足! 👍招牌生煎包，外皮略厚，內餡豬肉鹹香肉鮮，底部香脆帶焦香，油而不膩。豆沙鍋餅，外層春卷皮香脆，內容香甜的紅豆蓉。可惜，我夾到角位，豆沙餡僅佔四分一，感覺只在吃鹹香的春卷皮…😥豆漿，暖和，微甜。款款食物鮮香味美，尤其上海麵類🍜更為出色，平時少吃中菜的我也覺不錯，偶爾可以再孖同事們吃~😊

-近排悅來坊多左好多商店行完街緊係要醫肚今次就黎左食小籠包因為比較肚餓見lunch時間都有蟹粉二人餐所以就叫左先黎既係蟹粉小籠包入面真係有蟹粉架 真才實料而且湯汁十分多同濃味太熱記住要慢慢食小食-雪菜素雞第一次食素雞有d似扎肉而且有勁香既麻油味但雪菜就稍嫌咸 要配素雞一齊食蟹粉翡翠苗呢個豆苗十分嫩配上蟹粉 多左一份鮮味推介松茸雞湯D雞即使燉左都好嫩滑松茸味香但個湯有點點油 要先撇油再飲蟹粉炒飯不得不讚呢個炒飯炒得唔乾唔削飯粒仍然粒粒分明配上蟹粉 味道又多左一個層次最後仲有蕃薯糖水有黃蕃薯同紫蕃薯微微辣 岩哂冬天係一餐好滿足既lunch可以一試