尚點 小籠包.上海菜館 (悅來坊) (已結業)

今日又同荃灣朋友去食飯，我地去到買完野經過有間上海店裝潢不錯而且價錢吾貴，就和朋友入去試下，裝潢的確不錯而且位置十分舒服，我地二人最後叫了5個食品，每人都係$200都幾抵食。來到上海店點會不吃鮮肉小籠包呢？小籠包黎到好熱又新鮮，要等一陣先可以食到，食落去入面勁多湯而且十分鮮甜，肉口感很好吾好好硬身，配上薑絲同醋味道一流！～想飲湯水又想食其他野，我地就選擇了雲吞雞，來到雞都幾大隻，而待應都好好幫我地拿出來再分雞件，湯底雞味濃又香，雞肉仲保持到嫩滑吾鞋身，雲吞和菜份量十足，二人都差點吃不完添。菜方面我地選了炒四季豆，肉味香配上粗身爽口四季豆，而且仲入晒醬汁味，味道剛剛好吾太咸。飯面都多選擇，最後叫咗中辣的擔擔面，面質吾太淋身份量多，湯底都幾香帶點花生香，但辣味如果再辣點就更好。鐘意食辣的我們見到口水雞當然叫啦，味道就普通吾差，但吾夠辣，但XO醬味好香如果配炒面之類一齊食就更好。