尚鮮日式燒肉漁市場 (已易手) 新餐廳

好像很久沒有吃過日式燒烤放題了, 記得之前在銅鑼灣的尚鮮選擇十分多, 於是這晚再到這兒encore, 滿足一下口腹。喜愛這兒燒肉放題除了坐得舒適, 食物的款式真的幾多。牛肉和豬肉不只是醃料味道不同, 而是有多個部位選擇, 好讓我等食肉獸享受不同肉質口感。用PAD 下單真的很方便, 除了可以看看食物的照片, 減少中伏機會。亦可以查看曾經點過的食品, 避色重覆或是浪費。很快第一round 的燒肉料已上枱, 我們亦急不及待開動, 因為很想回味上次燒腩肉和尚鮮一口牛的那油香四溢的感覺。除了韓式肩胛梅花和西班牙五層肉非常好味, 肉味十足外, 這個原條豬小肥 (豬肥) 也是一吃難忘。燒過後豬腸外脆內軟, 肥油在燒的過程中亦燒掉, 所以吃起來更甘香。當然大大隻的虎蝦和帆立貝亦是回本之選, 我們亦多點了幾隻。帆立貝鮮甜, 蝦肉彈牙, 喜歡海鮮的不能錯過。除了燒肉是放題, 還有不少日式食品選擇。刺身的質素和一般的放題店相若, 雖然沒有上次那麽驚喜, 但亦有一定的水準, 魚生乾淨有光澤。這晚可能真的有點肚餓, 所以也點了幾款壽司。魚材亦不錯, 壽司飯個人覺得醋下多了少許, 但味道還是好吃過超市那些不少的。

尚鮮做緊四人同行一人免費，二人同行一人半價優惠，我聽幾個朋友講呢間放題值得一試，所以同男朋友放學去左食！用平版電腦落order，又有得睇圖，夠方便除左#壽司、刺身、炸物、小食等等，仲有任食海鮮同燒肉，款式好多！飲品都係一般罐裝汽水、茶等等。我地加左馬糞海膽 ($98)，份量足，入口尚算鮮甜。刺身比好多放題質素高，厚切三文魚新鮮肥美，帶子、甜蝦大大隻又鮮甜炸物選擇多，熱到燙口但偏油，有d未聽過嘅炸雙皮奶、炸香蕉丸好得意榴槤控必點榴槤炸彈😍😍外脆內煙韌，軟滑香濃嘅榴槤餡咇晒出黎燒烤類有虎蝦(爽口彈牙)、帆立貝、生蠔等，燒肉整體調味適中，燒完肉質嫩滑肉汁滿滿，怕熱氣可以叫生菜包住黎食。甜品都係任食，有唔同口味嘅大福、布甸、芝士蛋糕等等......每人仲送一盒Movenpick雪糕由食物質素到服務態度真心幾滿意！上菜有效率又冇漏單，呢樣抵讚👍🏻兩小時日式放題價錢：星期一至四：$268加一  星期五六日、公眾假期及前夕：$298加一

朋友好想食網燒放題，見到有埋海鮮甜品，CWB，$268，2小時，點都去試下啦～book 左星期三630, 當晚都8一9成滿，用IPad 落單，第一輪先叫少量剌身，所有牛及豬腩肉試試。剌身都算新鮮，都肉厚，犬其蟹棒最正。壽司可以不食，飯太濕太硬。肉類非常新鮮，色澤鮮紅，厚度適中，雖然從雪櫃取出，其中牛仔骨及一口牛冰硬上碟，卻不會雪到死深紅色，放落爐好快溶雪。部份牛如牛仔骨及一口午是必食，牛味濃郁，沒有任何調味醬料，淨食己經是味蕾享受，冇雪味冇酥味，濃濃牛肉的芬香，少少脂肪油香，肉質嫩香滑，牛仔骨超香，一口牛入口溶。其他不同口味的牛均嫩滑郁香，喜歡牛的朋友簡直係天堂。再落單幾次，冇走單好快到，極易回本。豬腩肉同是好味，有肉本身的鮮甜，能若再加厚切就似韓國豬腩條，完美啦。海鮮叫原隻蠔及海蝦，蝦超長大隻，蝦肉肥厚彈牙多汁鮮甜，蠔也肥大肉厚，無沙鮮甜，仲有鮮元貝，忘記拍照，同是大隻鮮甜。甜品與飲品沒有多少選擇，小丸子有驚喜，不會死甜，細細粒，啱晒。每人一杯名牌雪糕，完美句號。

小妹同哈子餅，都有份日式放題情意結，因為一來鐘意食日本嘢！二來，可以任食！而普通日式放題已經滿足唔到我們了，而家仲要有埋燒肉食，真係不得了！上兩星期經過銅鑼灣，見價錢唔貴，就試咗呢間 ~~ 睇吓滿唔滿足到愛食肉的哈子餅同愛食海鮮同日本嘢嘅小妹先！由於我哋食6點，所以都仲未有人上嚟，我哋係晚市第一枱客人，之後就開始人多了！用平板電腦點菜，好方便，仲有呢度叫肉類，係一件件咁叫的，幾好，唔駛一次過食同一款太多！可點餐如下：先講講燒嘢，有邊幾樣先啦！有特選燒肉類，啱曬不同肉類愛好者！而燒烤類，就有不同種類嘅丸啊、腸啊、海鮮類同蔬菜類仲有小妹最愛嘅刺身類、手卷及小食類呢！都唔少選擇喎！最後的炸物、沙律類同壽司類，店員們推介，必吃炸物！燒烤，又點少得了要勁飲嘢呢，呢度連飲品都係包埋的，有自助飲品專區，要飲嘢就自己攞。如果想飲啤酒，可以加50蚊任飲麒麟一番搾啤酒食物上枱啦，太多嘢揀，每款只叫了一點點，好吃就再叫，免得浪費食物！佢個拑食物的拑，都幾長，唔駛怕辣親手！其實好多嘢都好好食喎！但小妹揀咗以下幾樣為必食推介：1. 刺身2. 海鮮類：蠔、蝦及帆立背3. 燒肉類：牛肉(牛柳、一口牛)、豬(西班牙五

又找到藉口跟蝦子餅來一頓大餐慶祝，選了窩夫一直很想試的尚鮮日式燒肉漁市場。尚鮮日式燒肉漁市場位於銅鑼灣謝斐道，交通十分方便。坐下來不久，便送來牛坑腩頭盤。職員細心地教導窩夫與蝦子餅怎樣利用平板電腦下單。飲品是自助形式的，種類不少，窩夫吃放題的話通常會選無汽的飲品，這次試了道地蘋果茶和來自韓國的蘆薈飲品，味道都不錯。下單後，秘汁牛雙花轉眼便送來了，上菜效率真快。這盤就像酒樓吃到的點心，牛雙花即金錢肚，煮得夠腍，秘汁十分惹味。放題中的刺身選擇很多，窩夫點了三文魚、北寄貝、鮑片、甜蝦、松葉蟹棒、帶子、榮螺、八爪魚和吞拿魚，另加錢要了一板海膽，全部都新鮮美味。第一輪燒肉有厚切牛舌、韓式肩胛梅花、尚鮮一口牛、燒汁牛柳和牛仔骨，個人特別推介厚切牛舌和牛仔骨。一些未經調味的燒肉，除了可以加常見的燒汁外，可選擇加點玫瑰海鹽和黑椒。第二輪燒肉有第一刀叉燒、西班牙五層肉和南乳雞翼，個人認為南乳雞翼偏鹹，不喜歡太濃味的朋友可考慮其他口味的雞翼。燒海鮮是尚鮮的主打，試試尚鮮燒蠔、尚燒虎蝦和秘製魷魚鬚，可惜沒有原隻帆立貝。上菜時店員提醒要把蠔燒熟才吃。燒蠔很新鮮，虎蝦大大隻爽口彈牙，魷魚鬚也有驚喜，不得不讚蝦子

今次又去尚鮮日式燒肉放題食野啦 食過幾次尚鮮放題，食物質素的確保持水準，經常都會介紹朋友去食. 不過今次唔係食放題，係食lunch set! 因為宜家做緊$38lunch set 優惠，星期日既精選午市定食係炸餃子配日式叉燒定食. 炸餃子香脆，唔會太油！ 日式叉燒鬆軟 $38 係銅鑼灣都有咁既質素，感覺餐廳非常有誠意。值得推介

任食嘅日式燒肉放題，緊係要食盡佢啦，所以真係食到好飽啊!! 我同朋友就book咗位，不過上到餐廳，其實都唔係好滿座，我地兩個人就被安排坐卡位，我覺得通風系統就差少少，有啲大煙21世紀，落單就緊係高科技啲，用每一枱都有嘅平板電腦黎落單，而飲品同甜品就可以出去拎，我就飲咗冬瓜茶同無糖嘅烏龍茶，感覺比較健康每一枱都包揀一款貴價嘅食品，我地就要咗超爽嘅原板海膽，而海膽就同各款刺身擺埋一齊。海膽味道都唔錯，唔會好腥，但係要儘快食曬佢都有難度，因為驚擺得耐會變壞，另外仲有基本嘅三文魚、油甘魚、八爪魚、北寄貝、希靈魚、帶子、榮螺等等，選擇都幾多，而且三文魚同帶子都唔錯，所以再encore 多兩次~ 跟住就今晚嘅主菜喇，邪惡嘅燒肉啊!! 有各款雞牛豬食，有未醃或者醃咗嘅肉，牛肉都幾好，不過牛肉味可以再重啲；而豬肉好似五花肉呢啲，就有啲較油膩，好彩都幾薄，減輕罪惡感除咗肉類，都有各款海鮮可以燒，呢個香蒜牛油帶子用個錫紙盒裝住，千其唔好好似我朋友咁，將帶子夾出黎放係網到燒啊，其實人地係俾你連埋個盒一齊放落去燒嘅，都幾多牛油下，不過帶子就充滿濃濃嘅牛油香，好好味另外仲嗌咗啲炸物同麵豉湯，不得不提係榴槤炸彈，

朋友介紹這間在CWB新開燒烤店給我,.話這裡十分有水準，我就約了朋友去試下這間燒烤店 ，地點亦不太難找,2個人吃了不少食物，價錢又不貴，平均300元一個人左右，它的牛肋骨十分有牛味,肉質好新鮮，清酒煮蜆又新鮮美味，特級肥牛好有牛味兼肥美可口,這裡燒肉好有質素，抽風做得幾好,服務好細心，下次可以再來

自從去完日本之後，愛上左燒肉，因為我鍾意日式燒肉唔會預先醃好，注重本身塊肉既質素，可以食到原汁原味既味道。最近發現依開日式燒肉店做燒肉放題，所以約左同我一樣都係食肉獸既閨蜜一齊黎試下座位都以卡位形式，坐得闊落舒服，有調味架自行落醬汁落單都以平板電腦落單任點，種類夠哂多，清酒類同單點食物係另外收費，如果想飲啤酒，每位加$50就有得任飲，確實幾抵無酒精飲品同甜品係自行拎取一落單就叫左元貝同生蠔黎燒，大大隻，燒熟食落好鮮甜，帶有少少既海水味，幾好食刺身色澤好靚，入口新鮮肥美，估唔燒肉店都食到唔錯既刺身，火炙壽司都有水準肉類: 牛柳粒、安格斯牛、五花腩肉油脂分佈平均，色澤鮮紅，唔洗燒好耐就食得，肉質軟腍多汁，重牛味，沾少少燒汁食好惹味炸物小食炸得幾香口，菠蘿入口多汁又夠甜另外單點左份馬糞海膽，味道鮮甜，連紫菜食好夾好好味以依個價錢食到高質素既燒肉同海鮮，確實好抵，埋單仲有靚牌雪糕一人一盒，超滿足呀

第一次幫襯哩間日式燒肉放題，打電話book位嘅時候話要夜晚8點幾先有，太爆啦！入店內燈光其實唔會特別光猛，不過反爾會令客人覺得好warm。因為食嘅係晚市特有嘅放題，所以入座之後就即刻送上日本刺身啦。日本刺身有蝦啦、帶子啦、三文魚同螺肉等等，味道都好唔錯嘎食材新鮮得嚟又大份，兩個人啱啱好夠...另外送上橡果級嘅伊比利亞黑豚，果然品質不一般！！肉味香濃之餘仲帶有脂香，而且因為肉質真係好厚，越食落去就會覺得肉嘅味道越濃郁...最後加左一隻龍蝦，128蚊就可以食到啦，龍蝦切開兩邊嚟燒，放少少自己鍾意嘅醬汁同蒜蓉再燒，醬汁嘅味道滲曬入龍蝦肉入面，好正

都有好長時間無食日式燒肉啦，得知有間最近人氣幾高嘅燒肉店，睇咗下個菜單，上面食物款式多多之餘，賣相都好唔錯，所以決定同吖蛋就嚟哩間。行入店內，發現間店原嚟幾大下，所以啲位置都相對比較寬鬆，可以好relax咁坐低食嘢。我覺得入面最interesting嘅就係有個吧檯，仲設有一排烤爐，好special。食海鮮放題之餘，我地仲一人額外叫咗6只朝燒蠔，不過要另外加錢嘎，68蚊6隻超抵啦！！新鮮之餘又夠多汁，燒嘅時候有淡淡清香，睇見都流曬口水…食燒肉食得太多嘅話，可以食番啲枝豆緩解一下，啲豆豆好軟熟，稍為用力小小啲豆豆就出嚟啦~炸物，樣樣味道都好香口，好鐘情於佢脆脆嘅口感，榴蓮波波真係好卡哇伊，好似兩個蛋蛋咁，咬一啖，口入面有好香嘅榴蓮香味！！雖然已經9月底啦，不過天氣都仲系好熱，食個MOVENPICK雪糕就滿足曬啦，清涼解熱，士多啤梨味我摯愛~~一個唔夠吖！！！

出名有黑洞肚嘅M佬，最鐘意食自助餐，你見住佢食極都唔飽，又唔肥，你真係覺得好有無搞錯! 今次佢又話食放題啦! 老實講，我A姐就唔係太好放題，總係覺得素質麻麻。佢叫到，就捨命陪君子啦!今次嚟到銅鑼灣尚鮮日式燒肉漁市場，120分鐘燒肉海鮮刺身任飲任食放題。食放題就梗係睇價錢先啦!!! 星期一至四: 成人$268/位，小童/長者$168/位。星期五、六、日及公眾假期前夕: $298/位，小童/長者$168/位。另收加一服務費。價錢正路，唔算太貴。用紙落單咁Out? 尚鮮用平板電腦落單，好環保! 而且數量係每件計，唔洗驚一嚟就一大碟，食唔晒。燒肉無得即叫即食，咁肚餓當然係食住啲前菜先啦! 放題就梗係食魚生啦，唔通仲食壽司，驚死自己食唔飽呀! 呢到魚生嘅選擇都okay多，有甜蝦，三文魚，帆立貝，劍魚腩等，都好肥美! 值得一提嘅係呢度有帆立貝，都算厚身!燒烤梗係食海鮮先啦! 最正呢度有蠔，隻隻都好肥美，好厚肉。燒完好juicy，仲有嗰陣海水味。另外燒虎蝦就梗係唔少得，燒嗰陣落埋呢到嘅玫瑰海鹽同黑椒，真係Perfect!! M佬一個人食咗一打12隻囉....... 仲有九州原條鯖魚，八爪魚同墨魚仔。

同友人行銅鑼灣，行到不知已是晚飯時候，剛好行過一楝大廈門外，被一位派傳單的姐姐截住，就這樣，是夜晚餐就決定在這裡吃。很久沒吃過燒烤了，還是任食，即時餓鬼上身，隨便想吃就點。每枱都有部平版電腦作點菜用，就好似去了日本食烤肉的格局模式。一入座，店員會先端上一份刺身拼盤及一份燒肉拼盤，之後想吃什麼就要在平版電腦裡落單。上菜的速都很快，刺身及燒烤海鮮類很新鮮、肉類質素都很好，還有可以燒蠔燒鮑魚仔，以這個任食價錢，覺得很抵食！雖是任食，但食材及調味絶不馬虎，每枱亦提供海鹽及黑胡椒，可自行手磨。MENU上的款式很多，除了刺身、燒烤類，還有炸物，試了幾款，還是覺得刺身和燒肉最有質素。

QT自己就好鍾意食日式燒烤嘅，不過好多都偏貴～平價個d又真係麻麻地～ 之前見「X八」轉做放題試過唔差～ 但唔知係米Groupon 效應，再去光顧見到服務員個個火屎上身態度其差，就算食品質素好都食到背隻骨落😖 最近又試左間！價錢合理食物質素仲俾到驚喜我！$ 268位任食2小時（閒日8:30）～ 餐廳係我見過第三間以ipad自行落單嘅～成個過程好似去左「海底撈」甘～想食乜飲乜都於ipad上一目了然～ 點下想要嘅數量按送單就好快送上！相比起之前食過嘅類似餐廳，依間食物種類比較多， 肉類、BBQ 類、海鮮類都選擇超多～ 食物一送上我就見到係好新鮮～ 生蠔同帶子都可以任點嫁😍 仲隻隻肥do do嫁！但我個人好比較欣賞佢地嘅肉類～ 調味上岩岩好！仲冇過油！必點肉類要點五花豬肉片！南乳雞翼！牛柳片！牛舌！其實好多樣都好食😂👍🏻 蔬果蔬菜用黎伴肉食仲可以清除油感～甘就食幾多都冇甘快覺飽啦😂！另外有兩款燒烤丸係真心好食！ 爆醬芝士海膽丸&爆醬龍蝦沙律丸！包大家一試難忘！燒好外表脆脆～ 一咬就爆出香濃嘅醬汁😍一向大胃口嘅我真係食到停唔到手😅雖然飲品選擇唔算多，但都大路好飲嘅！而且全部飲品都係好岩伴燒烤飲！

返啅指數既然有95分, 咁就返啅佢啦!上次無講, 今次講返, 平板電腦落單確係好方便, 食物黎到唔會漏單, 唔錯呀! 好過剔紙啦!日式燒肉, 點樣可以唔教大家燒肉方法呢?調味料有黑胡椒 同玫瑰海鹽. 大家記得要一路燒一路落, 咁樣會入味D. 另外燒的時候個人建議先燒豬肉出下油先, 再燒牛肉雞肉.燒牛肉要大火, 快燒. 咁樣食就夠juicy. 唔係慢慢燒就變牛肉乾! 燒雞肉可以放旁邊慢慢燒, 因為太快會好易燶.豬肉正常燒就無問題.當然小弟識燒, 燒完d肉都夠juicy, 就好好食喇! d牛燒好味, 夠野味! 塊豬五花腩就腌得夠入味! 燒緊個陣好香! 你知, 香氣都影響到食物的感覺咖啦!海鮮方面, 試左燒蠔, 帶子. 上台時個人覺得夠新鮮, 唔差~ 帶子都夠大隻試完出黎生蠔好夠juicy~口感一流~帶子肉爽夠彈牙!