尚鮮日式燒肉漁市場 (已易手) 新餐廳

同朋友慶祝生日，要開懷大吃，不計脂肪卡路里，揀左銅鑼灣尚鮮食韓日燒，星期一至四每位$278, 任食兩個鐘，在銅鑼灣來說價錢唔算貴了。我們晚上8:30食，出面仲有好多人等位，而裡面都真係人煙鼎盛，因為有燒爐所以實大煙，抽油煙就每枱都有，冷氣亦都好大，所以坐一陣都好凍，一定要開爐係咁燒。店裡採用全電子化落單，用部pad督督下就點左好多，要惜食，唔好浪費食物。四位同行送海鮮拼盤，有帶子4隻，龍蝦1隻，鮑魚2隻(有一隻湯匙咁大，燒的時候仲係生猛的) ，蟹蓋2隻(有鵪鶉蛋黄在上面) ，生蠔4隻，正！烤肉類點左好多，個全名好長只記得大概，錯左別介意，去到睇餐牌會明。有唔同味的雞翼，韓式豬肉條，牛胸腩，五層肉，全部薄切方便燒，一口牛柳粒較厚要燒耐d, 但耐左肉會鞋口，所以最推介五層肉，是豬肉五花腩，超好味，豬肉條都好爽口，要加少少岩鹽仲惹味！推介！比較過牛同豬肉，佢呢度d豬肉好味過牛肉，辣味雞翼都好入味兼惹味，但全部記得要點一兩件試左先加單，除非你同我一樣大胃兼食肉獸，同行朋友女士多，食幾舊肉就飽。仲有小食，熟食，刺身，壽司，天婦羅等，所以留肚試埋其他好野。長條形炸雙皮奶，好好食，微甜不膩，圓形炸芝

懷着高高興興嘅心態，由大埔走去銅鑼灣試呢一間食店，所有嘅牛肉非常OK，唯一好失望嘅就係有啲海鮮係冇咗例如聖子和扇貝，嘢飲種類都好多，三文魚刺身都OK，不過如果下次出嚟食，我希望有蟶子，而且四個人比一個火爐我哋，實在覺得太少喇，希望可以兩個人一個

星期五晚忽然間凍番咁多，當然要搵番D熱野食啦！係銅鑼灣搵到呢間新餐廳，又Sell燒肉海鮮又有刺身，當然要試一試。勁多人，不過油煙就大左少少，但係我地坐角落位，所以唔算好大油煙感海鹽+黑椒，呢個組合加燒汁黎沾野食最正！有高湯同清酒比我地自己加煮野食時加清酒煮蜆呢道菜真係唔少得煮7丶8分鐘左右就開蜆啦！湯汁甜甜咸咸又有DD辣，味道幾豐富。而蜆的肉質都唔錯，冇咩死蜆，味道幾甜送左一盤燒海鮮比我地，有鮑魚丶扇貝丶海蝦丶花蟹同埋燒蠔，重送多個蟹蓋甲羅燒添！鮑魚原隻連殼燒，肉質幾腍，味道清甜。而扇貝大大隻幾好肉，都唔錯海蝦同蟹比較難燒，小心燒燶呀！甲羅燒就味道比較甜，味噌味唔算好重，但係蟹膏香都幾正呀！燒蠔，好多汁，唔錯！刺身款式都唔少，最驚喜既係吞拿魚竟然都幾肥下。估唔到係放題形式的店鋪可以有呢個質素既拖羅部位老老實實，放題D炸物成日都中伏，但呢度我竟然有Encore!!炸雞翼同埋豚肉餃子都唔錯，但最正既係炸鮮奶，外面酥脆，而入面奶漿甜甜地，好食~！燒肉時間到~~~~~~~~叫左牛舌丶牛柳肉丶一口牛丶牛仔骨丶五花腩等部位一次過叫哂，好正！當一口牛同嫩牛柳遇上炭火，油脂滴落炭火發出滋滋聲，再燒到表

日式燒肉放題2小時，聽見都吸引了，盡管本著不大的期望試試，綜合來說，不過不失，食物質素一般，但勝在每枱只要喺面書讚好同分享就會有幾具體頭既海鮮盤奉上，食晒海鮮盤，其實本身都有生蠔同虎蝦任點既，質素都幾好架。落單只需透過電子屏幕自行點菜，簡單易用，仲可以一件/一粒咁落，唔怕浪費，上菜速度迅速，唔洗擔心燒唔切。至於刺身都好新鮮，壽司現做大大件，其他既炸物，小食還可以，不過主力都係燒肉，飲品方面，汽水自取任飲，甜品會係movenpick，呢間餐廳唯獨抽氣麻麻，吃完之後最好到海旁吹吹風吧

在新開將時跟朋友來過，感覺食材新鮮衛生，而且款式選擇都多，聽朋友說部分食物款式轉換了，還加入燒海鮮，喜歡海鮮的我就是吃貨的好時機。據說8PM後人超多，又要等位，我們放工後6PM多即趕到，不用等位，so happy~~職員千叮萬囑選好食材後，要按「送單」廚房才會收到單，落單後店員超快就送上食材，讚！浜燒海鮮盛每位享用晚市放題都會獲贈的尚鮮浜燒海鮮拼盤，蟹蟹預先切件方便燒烤。想再點再吃的話，部分海鮮以包括在放題餐單，部分需要額外收費。鮑魚放到烤爐時還不停地蠕動著， 好殘忍不過真的好新鮮就是。第一次吃甲羅燒，蟹蓋內有著蟹膏、蟹肉、蟹籽及鵪𪂹蛋。原來燒製時要把所有材料拌勻，看到冒出泡泡就食得，入口有蟹膏香，但略嫌其他食材蓋過了蟹肉香。另外的蠔、扇貝都肥厚肉嫩。燒烤類燒烤類的選擇超多，牛肉類、豚肉、雞肉、丸類。本身不太喜歡薄切的肉，每次燒完都會太乾，因此最喜歡就是尚鮮一口牛，大大粒厚切的一口牛保留肉汁和脂香。挺欣賞就是有圖示牛豬各部位的名，看圖識字。另外，挺值得食的是咖哩牛肚、蒜香金菇，加熱的過程用錫紙密封，濕潤D冇燒肉咁乾。自問不是食肉獸，因此都點了些菇、瓜、菜，去除油膩感，不會飽飽滯滯。還吃

今晚, 我和一位朋友到了這間放題餐廳吃晚飯。我很滿意他們的食物供應種類, 種類非常多, 包括刺身、壽司、肉類、燒物、小食等等。 另外, 還有很多款海鮮供客人選擇。由於我們兩個不是太肚餓, 所以點的款式和數量也不是太多, 主要是點菜和肉類。我很喜歡他們點食物數量的方式， 是每件計的。例如若你只想吃一粒蕃茄, 只要你在平板電腦菜單上的番茄欄寫上一 , 店員便會給你一粒蕃茄, 這樣才不會浪費食物。我們二人叫了個浜燒海鮮x日式燒肉放題組合~ 個人推介牛舌、刺身和粟米。 刺身很鮮甜, 牛舌爽口彈牙。另外, 2月份有優惠, 晚市放題每位送「尚鮮浜燒」海鮮拼盤一份！ 甜品還有movenpick雪糕, 非常抵吃呢!

之前有問過自己，又浜燒又放題， 真的能夠吃到那麼多嗎？今次來到尚鮮就找到答案了﹗ 一個價錢，包放題 及海鮮浜燒，4位同行更加送 生猛波士頓龍蝦，太吸引了吧﹗這晚就來個放肆大吃。小朋友要量度身高， 90-120cm作小童收費。餐廳坐位很多， 抽油煙系統很好，沒有煙霧濔漫。電子下單，方便快捷。想知道豬牛各部位的肉類名稱，看看這幅圖就明白了。先點些小食， 炸雙皮奶、芝士年糕、榴槤炸彈、松葉蟹棒天婦羅， 即叫即製， 可口美味！ 榴槤炸彈味道十足， 裡面那榴槤蓉好吸引；松葉蟹棒天婦羅炸漿薄脆， 喜歡咬下去時，蟹棒還保留那絲絲蟹肉的口感。這個就是每位享用晚市放題，所獲贈的尚鮮浜燒海鮮拼盤，額外加送生猛波士頓龍蝦，亦預先切件方便燒烤。這些海鮮在餐單裡屬單點美食，均要額外收費的啊～每款海鮮都好新鮮，鮑魚在網燒時還不停地蠕動著， 罪過罪過！ 驚喜的還有甲羅燒， 燒烤前，先把蟹蓋內的材料拌勻， 不消一會，已聞到那蟹香， 可以配白飯同吃啊！蠔隻鮮甜，蠔味不太重， 幸而我們燒得仍滑嫩；超喜歡扇貝， 肥厚肉嫩，同樣鮮甜！刺身類別多選擇， 不好魚類的如我，依然可以點點蝦、榮螺、八爪魚、帶子等， 帶子肉厚帶點黏黏的

係銅鑼灣返工成日諗lunch食咩諗到頭都大，但有次經過有個傳單呀姐好落力sale尚鮮，見到晏晝都有得燒肉，所以就試試。食過2次lunch set都幾好，$98有海鮮又雞牛豬，多到食唔晒～見佢依家晚市有任食蠔，個d fd又黎試下！4個人有波士頓龍蝦同海鮮拼盆送，帶子、蜆同蠔超級好食，仲有陣海水味係度，之後都不轉叫多幾轉蠔，每人食左5-6隻。除左海鮮仲食左牛同雞，肩胛肉最軟，而BBQ雞翼都好入味～另外仲有叫左蔬菜類，原來翠肉瓜燒完都仲有水份唔會乾到柴皮。最估唔到係個炸榴槤，如果同枱有人唔仲意就唔好叫，因為真係好香～就算臨尾飽到頂住喉嚨都要食多粒，真心推介！如果要講改善既地方，應該係個地下油左d，之前lunch time唔覺油，可能晚市多人？總括黎講係抵食既，仲要夠新鮮！

食燒肉放題大多分為日式或韓式兩個類別，韓式大多設有大量前菜及加入少量日式元素；而日式燒肉則變化較多，除了會加入大量日式料理刺身外，尚鮮還推出了浜燒海鮮，喜歡海鮮的就不要錯過了！店方貼心地在每張桌子上加設了4個usb插頭，除了其中一個是供店內的平版電腦使用外，顧客可使用其餘三個插口作充電用途。而枱面上的平版電腦，是用作點單之用。選好想要吃的食物款式及數量後，就可即時點單，隨後店員就會為你送上食品，先進非常食品共分為十個類別，有特選燒肉類、燒烤類、尚鮮刺身、壽司、卷物、小食、嚴選炸物、冷盤熟食、酒類及單點食品浜燒海鮮盛合［分數：8.5/10］為浜燒海鮮而來，當然要先介紹一下這裡的海鮮盛合，盛會的份量按人數，而海鮮款式就由店方而定。我們六人份量就有龍蝦x1、甲羅燒x3、鮑魚x3、青口x3、扇貝x4、生蠔x6及生蝦x6等，六人份的盛合直接原盆送上，壯觀非常浜燒海鮮盛合［分數：8.5/10］最欣賞的是大大只的活飽魚，放到烤爐時還在蠕動，由於只有3隻，所以燒過後再自行剪成片狀，味道新鮮之餘亦當口感。而最有特色的就是甲羅燒，蟹蓋內有著蟹膏、蟹肉、蟹籽及鵪𪂹蛋。燒製時需自行將材料拌勻，入口帶蟹膏香，但

位於銅鑼灣黃金地段既尚鮮燒肉放題。店內氣氛舒服，人流多，亦代表食材去得快。價錢星期一至四每位$278，星期五六日同埋公眾假期就每位$298，價錢合理。店內有小食，燒肉，壽司，刺身，比起唔少放題店，無得自己燒係有啲差距，呢到就可以燒埋。一埋枱，店員好快就提供韓國珍寶燒蠔，蟹肉，珍寶帆立貝，巨型虎蝦，新鮮活鮑魚同埋蟹噌甲羅燒既海鮮拼盤。只要係晚市放題，就即刻送，味道，同新鮮度比得上香港唔少貴價浜燒店，由其鮑魚非常出色，放上鐵板上，仲識生龍活虎咁郁黎郁去，入口嫩滑。蟹噌甲羅燒亦係另一主打，係不少浜燒店，甲羅燒一個價錢都7-80蚊，呢到免費食到，質素亦不俗。，蟹肉都非常鮮甜除左海鮮之外，仲有炸物，例如榴槤炸彈，芝士球，種類都幾多。當中榴槤炸彈極度推介，夠creamy，榴槤味亦香亦都有壽司提供，因為foodki不太鍾意食刺身，所以就無叫，不過聽過唔少朋友都話刺身非常唔錯，應該係得益人流多，就越新鮮既道理。肉類係尚鮮既主打，肉種類好多，包括牛，豬，雞。又例如一口牛肉粒，安格斯牛，牛脷，牛仔骨，雞中翼，豬五花等。當中一口牛肉粒最推介，夠嫩滑。位於黃金地段，價錢確實合理。

同同事約食飯晚飯本身諗住食盛八但有人提議食尚鮮見係放題 有比較多食物種類選擇 食評又唔錯 咁就試吓啦點知一嚟到就見到成間餐廳煙霧離瀰漫大煙到唔係講笑然後我哋七個人佢就俾咗張六人枱我哋夾硬坐真係有少少迫一坐低就梗係迫不及待要點野食啦睇啲食評話漏單情況不嚴重但係我哋今次嘅經驗就係漏單情況都幾嚴重因為有兩轉嘅食物都要我不停地吹同埋有啲都等左成半個鐘先上不過好處係因為佢用平板點單所以可以即刻check得到叫左的咩 跟住再即刻攞返俾你 唔使你再自己係嗰啲手寫單度慢慢寫食物質素方面我就真係覺得一啲都唔好呢個價錢你可以任食海鮮都會知道佢都唔會好新鮮架啦所有海鮮上嚟都係有舊冰係上面禁制（相睇唔出）味道上就冇乜特別囉燒肉類就好少少我會建議大家如果真係想黎試嘅話就主攻燒肉啦安格斯牛胸腹 豬腩肉係我唯一比較推薦嘅燒肉其他就真係好普通我哋仲叫咗啲壽司不過我就冇影相啲壽司上嚟係暖架！食左一舊就唔敢食囉不過好在佢啲侍應生態度算係唔錯如果唔係我會淨係比2分咋

來到二月，呢排天氣真係好凍，真係手痕想食下燒烤。 今次咁岩同3位朋友仔食開年飯，於是就揀左今銅鑼灣<<尚鮮日式燒肉漁市場>>。 餐廳位於大廈三樓，一出電梯就見到個好醒目既招牌。 我地揀左八點半時段，真係比6點時段多好多人排隊等緊位(呢張係臨走時影的)。 坐低侍應會細心咁教我地操作平板電腦來落單，十分環保及方便。除了右一食物及右二的酒精飲品兩個種類，基本上是全部任點的。而每點一個數量代表一塊，大家要記住呀。 今期餐廳做緊優惠，只要晚飯時段有四個人去食，就會送個四人份量的「尚鮮浜燒」海鮮燒烤拼盤，真係好抵呀。有波士頓龍蝦，大海蝦，大扇貝，生蠔等，見到都好壯觀。 先燒生蠔及扇貝，可以加一點清酒，調一下味道及水份。生蠔及扇貝入口都非常JUICY及新鮮。 龍蝦餐廳已經幫你切到一舊舊，方便我地燒同食。 入口多肉，肉質有層次。 海蝦都唔錯，我個人喜愛燒耐一點，因為入口會比較香口及好吃。 等緊燒野食既同時，當然就是食刺身。種類都好多選擇，鮑片，三文魚，八爪魚，帶子，希靈魚，甜蝦及松葉蟹棒等，我最愛就是帶子，八爪魚及松葉蟹棒，全部都好新鮮

第一次寫食評，因為真心好欣賞！未遇過咁好嘅服務，食物都一流，絕無漏單。最後重有粒粒雪糕同movenpick!!!!好感動唯一係時間有點太短，燒野比較耐，需時較長。

We have booked the table for four at this restaurant three days in advance. However, on our arrival we found that no table reservation have been made for us. How come! A specially if people came from Tuen Mun to try out this restaurant!Very disappointed after all.

系某一日，朋友們的一個電話：幾時去聚會吃餐飯？我就掃一掃Facebook，突然見到尚鮮日式燒肉放題舉行二人同行，一人半價，見到呢個優惠就即刻打電話去booking啦！去到之後，就即刻吃限量每人得一碟的頭盤鹿兒島和牛，不過得個四塊，而且份量都好少。。。😫(吃完之後先知系鹿兒島和牛😬)不過他地用iPad比個人點單系非常值得一贊的，因為呢個方法大大減低點漏單呢個情況出現，而且食物款式都比較多，質素都好好😋，，刺身，燒肉，壽司都好正，而生蠔真系好好吃，所以點左超級多。總評今次日式放題非常滿足，餐廳格局同食物質素都好好，不過價錢其實都五系便宜，雖然兩人同行一人半價，其實除返都系要每人二百幾蚊，一個人原價仲差五多二百七十蚊。。。😓