尚夢・茳煳 (已結業)

放工後鬆一鬆, 總係喜歡坐好Ｄ又食好Ｄ, 女友和同事去過灣仔 尚夢・茳煳 午餐, 贊口不絕, 於是約我去 尚夢・茳煳晚餐, 吃廚師發辦, 看餐牌, 頗有新鮮感, 餐廳外型不錯, 有兩層, 最特別是地鋪有對街景的座位.餐廳內壁畫又好快意.保溫熱茶,  來得 貼心除了廚師發辦, 餐牌食物好吸引,價錢相當合理.女友點了廚師發辦, 先來個燉湯, 海星花膠燉湯.服務員拿上火具及燉盅湯, 好精緻又暖笠笠.   打開蓋, 香 噴噴.大大塊花膠  好稔.  重有瑤柱, 牛肝菌, 羊肚菌, 瘦肉, 材料實際有益. 有海星, 養生燉湯之寶,  滋肺 化痰,  秋冬飲用最好.懷舊蝦多士盛器金光閃閃, 帶點新潮, 蝦多士面上鋪滿芝麻. 入口甘香,  蝦肉鮮甜有彈性，炸得香脆, 食得爽!醉江南 食材豐富,  有醉鴨舌,  豬手,   雞翼,  雞蛋, 大蝦.  醉味濃.醉雞翼, 好夠味,醉雞蛋, 最仲意仍保留糖心.欖菜欖角上肉排用欖角做醬料好有粵式風味,  排骨肥瘦平均, 外層炸漿很薄, 炸得微脆,  除了欖角味還加了些蜜味, 比咕嚕汁更可口.脆皮炸豆腐炸至黃金色, 炸得香脆內軟, 不厚粉, 確惹味.客家鴛鴦菜

上次嚟食lunch，已經覺得好味，今次再嚟試。上次試咗17號，今次試18號我的最愛 - 荷葉飯！⁣⁣⁣⁣⁣9號蔥油鹽焗雞扒飯 ($108) 同上次一樣，都係有燉湯。雞件都幾多，最開心嘅係旁邊嘅蔥油，撈飯一流呀！雞外脆內軟，好好味⁣18號鮮蝦八寶荷葉飯 ($108)⁣等咗一陣先有，一打開荷葉，熱辣辣！配料夠多，啖啖飯都好多料，鴨肉及豬肉都冇乜肥膏，而且飯嘅份量係非常多，2個人都夠食。今日嘅湯係花膠海星燉湯，同上次一樣，都係有海星、羊肚菌、姬松茸、花膠，燉得好入味，而且最欣賞係湯下面一直有個小火爐暖住啲湯，所以就算食到最尾都仲係熱辣辣㗎Lunch menu上有18個選擇，撇除8樣我唔食，都仲有10樣可以試！食完之後都唔覺得口乾，值得一試

好吃的中菜，不單味道是最重要的，還要有樣，這樣才可突圍而出。先來特色蝦多士，多士夠脆身，而且蟹肉剛剛好不太多不太少，還有油份不太多，值得讚賞。海星花膠燉湯，這個真材實料，有隻小海星十分可愛，花膠沒有腥味，羊肚菌也很鮮美。黃金豆腐層層疊，這個做得不錯，外脆內軟，豆腐的豆味香濃。欖菜欖角上肉排，肉排是連骨的，近骨的肉特別可口，欖菜欖角比例適中味道特別，而且還是甜甜的。咸魚炒米粉，鹹香味出眾，上碟時已經香味四散，米粉炒得鬆散夠鑊氣。味道: 可以一試環境: 吧檯位置也比較大衛生: 整潔服務: 尚可價錢: 食物質素跟價錢成正比

印象中這間餐廳的舊址是一間日本餐廳，原來不經不覺已換上新面孔，名字亦相當有霸氣「尚夢。茳煳」中式餐廳西式裝潢，甚富現代感，相信亦能成功吸引更多年青客人。棟了平日來吃過午餐先試質素。午市套餐套餐奉送涼拌小食、滋補燉湯、甜品、咖啡或茶午餐選擇不少，共18 款滑蛋炒帶子飯$108明顯大廚用油冇平時我哋食到嘅咁多，炒蛋鬆軟，但略欠滑溜感，蛋香和帶子鮮香形成協同效應，令味道更出色，送飯係冇得輸嘅菜式。鮮蝦八寶荷葉飯$108基本上係大荷葉飯嘅縮細版，一打開荷葉，香氣撲鼻，超吸引！用料和大荷葉飯基本上相同，鴨絲，香菇、乾瑤柱、蝦仁，蠔汁滲進每粒飯內，我還吃到小米的口感，軟糯中更添加幾分彈性，每口飯也吃到鮮香、味美！功夫扎實，推薦！滋補燉湯我只能講一句超！鮮！甜！材料乾瑤柱、花膠、海星、舞茸、金華火腿、瘦肉等。奉勸一句唔飲燉湯完全係你嘅損失！午餐仲包咖啡或茶、甜品一份整體中午套餐質素好高，下次約多幾個朋友試吓晚飯。

尚夢・茳糊 (灣仔人氣地帶) 設了摩登中菜館, 有代客泊車服務.館內有二層, 樓上有私人廂房, 樓下有卡座及吧檯位, 擺脫了一般中式酒家格局.  館子提供摩登中式飲食概念, 採取 Omakase 廚師發辦.  大家會吃到精品, 連同餐具也經特別揀選.特式蝦多士 ,  蝦多士夠大件, 共 6 塊,  即叫即炸, 炸得金黃色, 很香脆, 蝦膠上蓋滿滿芝麻, 好靚. 蝦膠飽滿豐富, 入口彈牙, 加點酸甜醬, 更醒胃.海星花膠燉湯  天氣開始涼, 飲燉湯最合時.  侍應送上火具及瓷盅載有花膠, 大大粒海星, 羊肚菌, 瑤柱, 牛肝菌, 瘦肉, 真材實料.花膠帶來骨膠原, 多吃有益.  海星, 羊肚菌好有養生健體價值,  滋肺養顏, 化痰止咳,  火具幫助保溫, 燉湯香濃可口, 大家慢慢飲.必試菜式  醉缸南, 賣相令人醉, 一個瓷器盅帶來芳香花雕酒味, 內滿載滋補食材, 有鴨舌, 海蝦, 雞中翼, 烏雞蛋, 豬手.鮮嫩海蝦肉質優,  浸入花雕酒,  香甜可口.  含酒味的鴨舌, 越食越愛.豬手軟腍, 無得彈.  烏雞蛋也不錯.黃金豆腐層層疊,  一塊塊長方形金磚的造型, 剛炸起, 熱辣辣, 金

灣仔譚臣道開咗一間新派精品中菜館「尚夢.茳煳」,店名挺特別。位置不太顯眼，主打懷舊菜式和功夫菜，而且仲有坊間比較少嘅中菜廚師發板，食物質素頗高。菜館有兩層，樓下有卡座及吧枱，另有大銀幕牆，樓上則有廳房。裝修格局頗時尚高雅，但所用嘅餐具則很精美清優，可謂中西合璧。上星期的一個平日晚上，由於卡座客滿，我們一行四人則被安排坐在一列對街的吧座。初時覺得食中菜坐吧枱似乎怪怪地，但原來感覺似係酒吧一路食嘢一路傾偈嘅feel, 都幾chill幾relax。本以為價錢一定唔平，但原來還比一般連鎖酒樓平添。荔枝凍車厘茄（$58）這道前菜看似簡單，但又出乎地好味。每顆冰涷嘅車厘茄均去了皮，一口一顆，淡淡荔枝清香夾雜酸酸甜甜味道，好能刺激味蕾，而且好醒胃。特色蝦多士（$68）大大件好香口，新鮮炸起熱騰騰，配埋甜酸醬更加正。羊肚菌姬松茸清燉獅子頭（$78）呢個燉湯用料足，羊肚菌和姬松茸嘅菇香味好出，加埋獅子頭嘅肉香，令成個湯非常清香可口，而且好滋潤。湯中還有一朵廚師精心雕割嘅菜頭花做點綴，更有靚靚小火爐㷫住食，咁嘅價錢覺得超值。自家製醬汁紅燒牛臉肉（$98）吾講以為係牛舌，好軟淋，近乎入口即溶，無牛羶味，想必

單憑譚臣道地址係好難搵到想找的地方，因它是分開很多段數；若不熟悉附近環境都幾頭痛，今次我揀選尚梦這間食館更隱藏於横街的一角。 餐廳主打懷舊經典菜和功夫菜，更融合新派精品中菜；亦有廚師發辦設計菜式，大玩fusion 概念。荔枝凍蕃茄  ＄58陣陣荔枝清香加上鲜甜車厘茄，甜甜酸酸非常開胃；食落還很透心凉添。特色蝦多士  ＄68芝麻香口多士鬆脆不肥膩，好好食。羊肚菌姬松茸燉獅子頭燉湯用料珍貴有羊肚菌和姬松茸，味道清甜菇味濃郁。隨湯跟有小火爐熱著，可見其窩心程度。黃金豆腐層層疊  ＄88一磚磚黄金氣派非凡，洒上五味粉非常惹味。自家製醬汁紅燒牛臉肉  ＄98牛臉肉都係新嘗試，肉質淋滑入口卽溶；與東坡肉相似。自家製醬汁稍嫌太濃搶走牛本身味道。石榴果乾糖醋咕嚕肉  ＄98咕嚕肉肉質嫩滑，外脆多汁。以石榴作伴菜係新搞作，味道唔錯。偉大炒飯 ＄108炒飯粒粒乾爽，配料豐富；顏色艷麗，食到都唔知飽。自家製糯米糍（兩件）  ＄76糯米糍皮薄，內裹奶黄餡勝在不太甜最合我心意。

出外食飯多數都大魚大肉，今晚想食下家鄉菜，看過餐牌都幾合適就入去試下啦！<特色蝦多士>最面鋪滿芝麻，芝麻很香，中間包着一層蝦膠，多士炸得香脆。<海星花膠燉湯>湯料很足，有花膠、海星、乾瑤柱和羊肚菌等，由於全盅湯都有個暖爐烘着，由頭到尾湯都好熱。<欖菜欖角上肉排>肉排香脆，肉質頗嫩，外面帶着蜜糖和欖角的香味。<客家鴛鴦菜>有梅菜和白菜，梅菜帶甜味，白菜爽脆，有少少辣。<鹹魚炒米粉>上枱時已傳來濃烈的鹹魚香味，米粉幼身、乾爽沒有散開，鹹魚係馬友，蛋頗滑。今晚選的餸菜較為家鄉，如歌仔咁唱 ‘鹹魚白菜也好好味’。

平時在酒樓用膳，大眾化價錢吃到的都是家常小菜，但原來這些菜餚加些心思，亦可以造出有創意的佳餚。最近去過一間主打新派粵菜的食肆，以大眾化價錢將平平無奇的菜式升格成為有特色的功夫菜。(尚夢 . 茳煳）位於灣仔譚臣道，當晩我們一行四人來到此店，老闆親自介紹多款菜式，吃過後大家都讚不絕口！紅燒牛臉肉 - 此店的招牌菜，由於牛習慣不停的咀嚼，牛臉這部位的肉質就具備筋腱般膠質，所以煮出來別有一番風味，師傅將自製醬汁醃過牛臉肉，用慢火炆三小時，肉質柔軟嫩滑，的確是入口即溶；它的肉質瘦得來沒有渣，筋膠彈牙得來不粘牙，不肥膩，令人回味無窮。石榴果乾糖醋咕嚕肉 - 第一次吃咕嚕肉以石榴果乾做配菜，味道頗有新意，咕嚕肉用薄粉醬炸至金黃，加入糖醋汁，外脆內軟，酸甜味道恰到好處。羊肚菌和姬松茸燉獅子球 - 湯底鮮甜，獅子球大大粒，入口鬆軟，肉味香濃。黃金豆腐層層疊相當搶眼，平平無奇的豆腐都可堆砌成金磚，外面脆口，內裏軟棉棉，充滿豆香，相當滋味。偉大炒飯 - 師傅棄用傳統的蝦肉和叉燒粒，用了杞子、菜脯、芥蘭、蛋白和鹹蛋黃，味道獨樹一幟，不肥膩，味道不太濃烈，非常滋味。頭盤的茘枝凍番茄、蝦多士和最後的糯米糍都做得出

灣仔譚臣道最近開了間主打新派中菜的食府，開業數月，口碑相當好，美食當前，怎可錯過，今晚約了幾位好友一同來到這間名為「尚夢.茳煳」，一嚐師傅的廚藝。此店地方不想大，但佈置優雅，擺設精緻，令人眼前一亮。頭盤先來用茘枝汁醃過的去皮車厘茄，有創意之餘，味道好兼相當醒胃。隨之而來的是蝦多士，炸得不過火，蝦膠彈牙，多士脆口。姬松茸燉獅子球 - 姬松茸是一種夏秋生長的菌類，藥食兩用，具豐富營養價值，用來燉鮮獅子球，火侯足，湯鮮甜，獅子球軟滑味美。牛臉肉是牛肉最嫩滑的部分，脂肪含量低，含有極高膠原蛋白，絕對是美顏嫩膚的食物，此店選用安格斯牛臉肉，師傅用猛火將煎過的牛臉肉加入柱侯醬和沙嗲醬再以慢火炆燉三小時，上枱時肉香四溢，入口嫩滑不鬆散。 咕嚕肉通常用菠蘿做配菜，今次用鮮石榴，更能襯托酸酸甜甜的咕嚕肉。黃金豆腐外脆內軟，豆腐豆香味濃，在碟上排列整齊，相當別緻。偉大炒飯 - 賣相美觀，每粒飯都清昕可見，不油膩也不太濕，師傅的炒功確有一手。最後還有奶黃糯米糍以得意趣怪的托盤奉上。今次能夠吃到美味的菜餚，全憑師傅有創意的巧手廚藝！

食物ok好味，價錢還算可以，但每度菜都唔夠熱，裝修似日本菜多過中菜。服務不達標，待應對菜式不熟悉。酒牌選擇少但開瓶費收足$150一支！問題在於他們根本沒有好酒提供選擇。超過4位無枱，要在壽司吧，好奇怪，不去也罷！無損失！

早前吃了一間非常驚艷及值得欣賞的中菜館，擁有一個浪漫又豪邁的名字尚夢・茳煳，做的是家傳戶曉菜式但又非常破格，真的很想推介給喜歡吃中菜的朋友。尚夢・茳煳內有有卡座、文青位、VIP房及Omakase位，大家沒看錯這兒真的有Omakase吃不過是中式的廚師發辦概念非常大膽又創新。而這天來不吃Omakase我們先嚐嚐傑師傅的撚手菜式。先來一盅養生滋潤海星花膠燉湯＄88，以小火爐盛載著濃郁的燉湯，保證喝到最後也會熱騰騰的好窩心。週這盅養生滋潤燉湯內有海星、花膠、牛肝菌及瑤柱非常足料，海星有清痰火散結解毒、滋養脾胃之功效很有益處，呷上一口香甜熱湯身心俱暖好舒服。然後來一客醉缸南＄108內裏包括有雞中翼、滋補烏雞蛋、鴨舌、爽口豬手及鮮嫩大蝦等，放於精緻的器皿中賣相很優雅。醉酒汁調得醇香可口相當吸引，其中入味的鴨舌最為誘人令我跟它纏綿了多遍呢！接下來是食友點的自家製醬汁紅燒牛臉肉＄98，沒吃的我不能評味道如何！但見那軟淋不散的質地加上食友非快清碟便知道質素之高。而我就最期待這個尚夢三式芝士龍蝦茳煳伊麵，配波士頓龍蝦＄388、澳洲龍蝦＄488 (12-14両重)，我們當然選澳洲龍蝦來炮製這菜式啦！黃澄澄

爸媽都是上了年紀的人，所以比較喜歡吃中式菜。在網上看到這間菜館，見到餐牌上有很多不同的菜式，十分吸引，作為為食豬🐷的我，決定專程來試一試。訂枱的方法很方便，除了可以直接打電話訂枱之外，也可以用WhatsApp訂枱，員工回覆也很快。今晚由於媽媽不是太肚餓，所以只是點了一些簡單的餸菜：杏汁白肺湯、藥膳花雕醉鮑魚、特色蝦多士、大良炸鮮奶、蒜蓉炒白菜仔、欖菜欖角上肉排、雀巢海中寶、迷你四川擔擔麵和自家製合桃露。各樣菜式上枱時都是熱辣辣的，伴碟很精美，餐具也很精緻！服務細心又專業👍🏻！今晚本來想試食花膠扒，但員工提示煮食需時，為了達到最佳效果，可以下次訂枱時先預訂。評分時間：（五星為最高分）服務：⭐️⭐️⭐️⭐️⭐️菜式選擇：⭐️⭐️⭐️⭐️⭐️菜式味道：⭐️⭐️⭐️⭐️餐廳環境：⭐️⭐️⭐️⭐️價錢：⭐️⭐️⭐️⭐️⭐️回頭率：⭐️⭐️⭐️⭐️⭐️最後要提一提，餐廳的茶是用原片茶葉冲的，也有蠟燭保溫座保持溫度。

行過見到換了新餐廳，見佢門面精緻，又話中式omakase，馬上訂位捉十三少來試一試，先來個總評： • 食物質素很不錯，但無新意花巧不足（都是給寵壞了的客人）• 價錢出奇的大衆化，可能如果做到精品級就不會有這樣正常價錢了• 服務員態度很好• 裝修一邊精緻一邊失語，廁所位有如舊式餐廳後冷般濕立立，頗為不雅 同他們所推廣的“中式omakase" “精品中餐“有點距離，請不要誤會不是指他們食物質素低，事實上菜餚質素相當不錯，例如個梅菜扣肉，入口溶化配上熱辣辣的荷葉包，又不會太鹹味道剛剛好，正！但真的非期望之物，俾咗個錯誤期望十三少，俾佢彈到呢。。。。 所謂omakase 只不過是一個一人餐，睇完都無興趣試。我個人建議可以參考西餐的tasting menu，減份量，增款式，加別緻的裝飾，甚至唔講有咩食，只揀主題，例如蟹，菌，雞，素。 一入餐廳的吧枱位置裝修不俗，加上牆壁頭影畫頗有有誠意，但內室卡位竟與職員儲物櫃連接，大剎風景呢～ 這是餐前小吃：荔枝蕃茄，有些荔枝肉末，酸酸甜甜幾開胃 由於八號風球剛落波的晚上，好多餸菜都未能準備。叫了酸辣湯，杰得來不會漿口，酸辣也只是淡淡的那一種，有小火爐暖住這是

灣仔莊士敦道譚臣道（福臨門後面）間靚餐廳終於裝修好，好有創意的食物餐單終出關了，好靚既 #吧頭Omakase位 、#舒適卡位 及開心相聚的 #VIP房👍創新型格對街 #發呆文青位🤣座位多選擇👍 初時望落靚高檔裝修，特式武俠小說feel，新派精品中菜多功夫菜，以為會好貴。同事見到都話要開單/爆數才去🤣🤭🙈其實再望清楚餐牌，lunch set主要都係$108，有埋燉湯飲算抵食。散叫可豐儉由人，食完其實覺得係物超所值👍😋 呢度裝修及餐具都好有心機及靚😍晚市時有靚茶及靚茶具，只收茶位$12，抵飲🍵 🥣杏汁白肺湯🥣 $78 呢個湯好巧功夫，不多餐廳可飲到，飲完潤肺👍🍤特色蝦多士 🍤$68 芝麻好香，蝦多士薄軟身香口，不會燶及硬。有6塊，吃了一塊就停不了口😋好快清晒🙈 🥩石榴果乾糖醋咕嚕肉 🥩$98 第一次食石榴果煮餸，味道都幾特別有驚喜👍 咕嚕肉個肉質嫩好味，不會很多粉，美中不足是外皮不是脆口，好處是無甘熱氣。 🌮荷葉包🌮 $25 由於不想食白飯，見到荷葉包好特別，就覺得同咕嚕肉一齊食好夾。服務員都特別安排一齊起👍 🍜迷你四川擔擔麵🍜 $38 好香，不會好多花生醬偏甜或好辣，面質幼身有彈性，有驚