影片
更多
2021-11-21
182 瀏覽
灣仔譚臣道開咗一間新派精品中菜館「尚夢.茳煳」,店名挺特別。位置不太顯眼，主打懷舊菜式和功夫菜，而且仲有坊間比較少嘅中菜廚師發板，食物質素頗高。菜館有兩層，樓下有卡座及吧枱，另有大銀幕牆，樓上則有廳房。裝修格局頗時尚高雅，但所用嘅餐具則很精美清優，可謂中西合璧。上星期的一個平日晚上，由於卡座客滿，我們一行四人則被安排坐在一列對街的吧座。初時覺得食中菜坐吧枱似乎怪怪地，但原來感覺似係酒吧一路食嘢一路傾偈嘅feel, 都幾chill幾relax。本以為價錢一定唔平，但原來還比一般連鎖酒樓平添。荔枝凍車厘茄（$58）這道前菜看似簡單，但又出乎地好味。每顆冰涷嘅車厘茄均去了皮，一口一顆，淡淡荔枝清香夾雜酸酸甜甜味道，好能刺激味蕾，而且好醒胃。特色蝦多士（$68）大大件好香口，新鮮炸起熱騰騰，配埋甜酸醬更加正。羊肚菌姬松茸清燉獅子頭（$78）呢個燉湯用料足，羊肚菌和姬松茸嘅菇香味好出，加埋獅子頭嘅肉香，令成個湯非常清香可口，而且好滋潤。湯中還有一朵廚師精心雕割嘅菜頭花做點綴，更有靚靚小火爐㷫住食，咁嘅價錢覺得超值。自家製醬汁紅燒牛臉肉（$98）吾講以為係牛舌，好軟淋，近乎入口即溶，無牛羶味，想必
荔枝凍車厘茄（$58）
這道前菜看似簡單，但又出乎地好味。每顆冰涷嘅車厘茄均去了皮，一口一顆，淡淡荔枝清香夾雜酸酸甜甜味道，好能刺激味蕾，而且好醒胃。
特色蝦多士（$68）
大大件好香口，新鮮炸起熱騰騰，配埋甜酸醬更加正。
羊肚菌姬松茸清燉獅子頭（$78）
呢個燉湯用料足，羊肚菌和姬松茸嘅菇香味好出，加埋獅子頭嘅肉香，令成個湯非常清香可口，而且好滋潤。湯中還有一朵廚師精心雕割嘅菜頭花做點綴，更有靚靚小火爐㷫住食，咁嘅價錢覺得超值。
自家製醬汁紅燒牛臉肉（$98）
吾講以為係牛舌，好軟淋，近乎入口即溶，無牛羶味，想必是長時間熬製。秘製醬汁看似好濃味，但鹹淡適中好好味。
石榴果乾糖醋咕嚕肉（$98）
值得推介的精品菜。無論賣相及選材頗見心思，一點也不馬虎。單看伴碟嘅脆片和伴菜已經好有食慾。咕嚕肉外圍是薄薄的脆漿，再咬落有層油脂，之後就食到豬肉，完全冇骨，好有層次感，而且好甘香美味，一啲都唔覺得肥膩。另一驚喜是用咗又熟又甜嘅番石榴代替傳統用嘅菠蘿，真係好得👍
黃金豆腐層層疊（$88）
剛炸起熱辣辣，要小心啲食。外皮鬆脆內是超滑豆腐。
偉大炒飯（$108）
菜甫、菜莖、杞子，蛋白、內鬆，還有鹹蛋黃就造就咗這個偉大炒飯。飯炒得粒粒分明，菜甫嘅爽口惹味加埋鹹蛋嘅醎香令成個炒飯味道加分不少。
奶黃糯米糍
簡單嘅一道甜品用咗一個精緻嘅器皿托住，當堂變得吾簡單，贏了不少打卡聲！大大嚿甜滋滋的，嗜甜者可以考慮吓呢個甜點。
張貼
