小越廚

營業中

休息中

荃灣越式餐廳比較少，同朋友諗緊食咩時見到呢間餐廳就入左去，雖然店舖唔係太大，但都坐得幾舒適，食物有水準，價錢又合理，店員幾nice。牛油果奶昔：牛油果味好香濃，口感順滑，唔會太甜，又唔會太凍，正！😋😋😋越式小食併盤（春卷/雞翼/扎肉/蝦餅）：春卷外層鬆脆，魚露雞翼好香口惹味，醬汁酸酸甜甜，好醒胃！越式法包：法包外層烤脆，餡料有扎肉，生菜，酸羅白，配搭好有特色又開胃咖哩蟹肉包：法包烤到外皮脆卜卜，裡面鬆軟，蟹已拆肉，咖哩汁少少辣，將d 咖哩蟹放在法包上食，好滋味越式蔗蝦：好特別，蝦肉包住甘蔗，一邊咬蝦肉時一邊咬蔗汁，好鮮味，兩者好雙配米紙蝦卷：原隻蝦加埋蔬菜，淨食有d 淡，但配埋特製花生醬，令米紙卷更美味😍烤肉串：平時食烤肉串都比較多脂肪，但呢個比較少，食落唔會太油膩😋泰式豬頸肉飯：勁多豬頸肉，唔係平時果d 薄切，係長條，外皮少少焦脆脆地，飯量都幾多，配埋泰色醬汁👍🏻

今日約咗個朋友去荃灣廣場睇戲，咁就順便喺附近食埋晚飯先。颱風過後見到好多餐廳都開返喇，不過每間都好多人。我哋就揀咗食越南菜。見到呢度都好似多咗好多嘢食揀咁，所以我哋就每人叫咗一個飯再加多一個小食我就揀咗個咖喱牛腩飯，個咖喱醬汁顏色整得好靚，好似炆左好耐咁，牛腩整得好林，夠晒入味，而薯仔都整得好軟熟朋友就揀咗牛肉河粉，除咗牛肉同河粉之外，面頭仲有好多洋蔥同埋香葉，所以有種特別嘅香味。牛肉整得啱啱好，依個湯底亦都好特別，味道濃郁之餘有帶一點辣味而我哋仲叫咗個庶蝦，蝦肉整得好爽口彈牙，而庶又帶點甘甜味，不過略嫌油膩左少少，冇咁油會好啲。

是夜去完醫院探病，同行友人話想食越南野，佢就帶左我去荃灣享和街呢間小店揾食！睇門外既餐牌都估到佢哋幾有心機經營！餐廳雖少，人氣就極大，長期處於滿座狀態！餐廳佈置以簡單為主，不過還是見到落左心機喺度！收銀都要去到廚房處理，可見餐廳係幾咁忙餐牌好有街頭手小食檔，手寫餐牌既風味，選擇多，由粉麵飯，法包都有供應，據說法包是餐廳既招牌出品，不過我哋今晚主打撈檬粉！先送到嚟既係飲品咸檸七，咸檸味道頗重，醃得唔錯！推介芒果奶昔果味濃郁，略甜，帶點奶香，係唔錯既組合！越式小食拼盤，份量唔錯，包括雞翼，春卷蝦，扎肉，每樣有3 件，賣相都唔錯，春卷香脆，雞翼香口，蝦餅同扎肉有咬口，唔錯唔錯！我同朋友都各自叫左碗牛肉撈檬，份量頗大，賣相佳，配料如青瓜，蘿蔔絲，肉鬆等。。滿滿鋪滿檬粉面！牛肉做得幾軟稔入味，牛味佳，檬粉幾彈牙，夾埋d 配料嚟食幾有咬口，加埋少少酸既檬粉汁，係幾開胃，估唔到簡單既檬粉整得幾好食呢碗就係另一碗檬粉！ 份量真係唔少，大食既人一個都未必食得晒

越式米紙蝦卷味道清新，煙刃的米紙包住香翠的生菜、香茅葉，加理大隻隻的蝦，點住有花生碎粒既花生醬，入口味道豐富越式豬扒撈檬，大大碗，檬粉加越式酸味汁，又有其他配料，好好味，檬粉林硬適中，好滑。豬扒好林好香囗，入囗肉質鮮嫩，呢個好岩我口味香茅牛肉撈檬，又係大大碗，牛肉好入味，香茅味道好吸引，牛肉嫩身唔刃，入口好滑小食拼盤內容豐富，有春卷、雞翼、扎肉、蝦餅春卷炸得香脆，入口小小件，剛好一口一件雞翼好入味，雞肉又滑又嫩，好味扎肉好香好有味道，又滑，味道又濃郁蝦餅炸得又香又脆，炸得金黃，蝦味濃郁牛油果奶昔好特別，不太甜，入口滑而清，好少見到牛油果味，飲落好香牛油果味道，好鮮感越南滴滴咖啡又好得意，有個壺滴下滴下，咖啡好香，入囗好濃，加了杯底的花奶，真係好正芒果糯米卷，滑又煙刃的糯米外皮，包住香甜既芒果，甜而香，飯後品一流

日前和朋友行經荃灣享和街城都大厦，發現有間小鋪是越式 食肆，"小越厨、"。因為正是晚餐時間，朋友又很久沒有食過越式牛肉河，所以便到''小越㕑"滿足吓食慾。 餐廳内有小 圓枱 和卡位供應， 牆上也掛上 越式的吊飾， 很有 特色 氣氛。我們坐下後朋友叫了 香茅牛肉河$48。 估不到份量一大碗 ， 可以兩個人share分享， 還有很多牛肉， 有芽菜和 香葉配襯特別惹味， 如果再加些辣椒粉 吸引， 牛肉河湯底 鮮味 清甜， 食完粉仲可以 飲埋湯。認真滿足曬 喜歡食越式 牛肉 河粉的食慾。🤤另外我們還 點了一個 咖哩牛腩飯 ，牛腩和飯是分開上的。 自己 可以隨意加咖哩汁 在飯面上， 咖哩汁 味道比 平時食開咖哩 飯的 咖哩汁 味道香濃很有越式味道， 非常開胃。$5O還有 選了個小食， ''魚露雞翼"一份， 雞翼 外皮 金 黃色 ，但肉質嫩滑， 味道可口。飲品方面， 個人最喜愛飲的 椰青 ， 清甜多汁， 裏面仲有好多肉食添$25 認真超值。🤗

這天放工後，我約了朋友在荃灣吃晚飯，我們路過這間餐廳，看到餐牌上的選擇很多，餐廳雖小，但店內的客人是坐滿的，還需要輪候等入座，證明食物的質素應該很不錯，而店內環境清潔衛生，便決定入去試一試，豬頸肉($35)軟彈煙韌的豬頸肉十分新鮮，份量延多，用生菜鋪底，再用蘿蔔絲和青瓜來點綴一下，賣相不錯，非常抵食越式小食拼盤($88)格紋焦痕的炸春卷很爽脆，不經油炸的蝦餅，感覺比較健康，十分創新，香稔軟嫩的雞翼，軟彈煙韌的札肉，用蒜蓉碎鋪面，配上魚露，醋和蘿蔔絲的調味料，十分有越南的風味蟹膏河粉 ($48)蟹膏黏口新鮮，份量很多，餐廳十分細心，預先將蟹膏拆出，而且冇帶任何軟骨，爽彈鮮美的豬紅，軟綿綿的豆卜，軟彈煙韌的札肉，鮮甜的番茄，河粉份量很多，非常非常抵食小越式法包($30)法包十分鬆軟，鬆軟和黏口的肉鬆，新鮮嫩滑的豬肉，軟彈煙韌的札肉，爽口微彈的青瓜，蘿蔔絲味道酸，材料非常豐富，非常抵食魚露雞翼($35)用魚露作調味料，香稔軟嫩，脆口和十分新鮮的雞翼越式蔗蝦($35)新鮮和彈牙的越式蔗蝦，十分抵食蝦餅($35)用新鮮蝦肉打成的蝦餅，軟綿綿，而且𣎴經油炸，比較健康，份量很多牛油果奶昔($25)牛

今日接男友放工之後去咗呢個間小店晚飯。小店嘅餐牌好得意，手畫的，牆上也有相關越南的手畫圖畫、掛有越南風情的小掛飾，好有心思。我地點咗兩個撈檬、一個小食併盤兩杯飲品。越式小食拼盤(有春卷、雞翼、扎肉、蝦餅) - 雞翼偏咸，其他普通啦，勝在樣樣有d。香茅豬肉撈檬 - 足料爆滿，檬粉有少少微温，甜酸汁同粉係分開上嘅，落幾多汁可以隨自己喜好，撈好品嘗，好好味，極推介!牛肉撈檬粉 - 因為男友原本想點咖喱，但由於賣晒，唯有點呢個，賣相、材料同香茅豬肉撈檬相同，只係換咗牛肉。芒果奶昔 - 都幾好味。咸檸檬水 - 普普通通。總括檬粉份量大又好味，仲係50蚊以下有交易，抵食推介，會再嚟食。下次希望試到咖喱啦。

我同朋友圈講起係荃灣，沒有食越南菜的好地方，其中一位朋友話係荃灣享和路有一間，味道同價錢都好好。當我去到小越厨，佢舖位須然細細地，但環境唔差，幾好，坐位唔迫，坐得好舒服，食物價錢好抵食，我同朋友叫咗幾款食品，我地最喜歡係佢個蝦餅，咬落非常鬆軟，又有口感，同食落有鮮味，而且唔油膩，個越式法包好得意，法包內有扎肉、菜絲、羅勒，好香，好有層次感，而蟹膏湯檬，蟹膏好香，撈開後個湯濃度啱啱好，好夠味，檬粉夠細滑，個米紙蝦卷賣相好清新，食落好爽口，因啲蝦夠新鮮，羅勒香，蔬菜爽，飲品我揀咗牛油果奶昔，因越南菜比較少有，牛油果奶昔味道較清甜，同好滑，攪到我好想飲多一杯，不過我換咗飲芒果奶昔，夠芒果味，但一樣咁甜同滑，非常好！

蟹膏湯檬、香茅豬肉撈檬、米紙蝦卷係主打菜，可惜米紙蝦卷係晚巿限定，食晏就試咗春卷先啦。春卷熱辣辣兼香脆，零油膩，饀料多素少肉。醬汁帶點魚露的鹹，微辣，夠特別，令春卷更美味。香茅豬肉撈檬大大碗，肉量多，香茅味淺。檬粉有啲似米線，但比米線幼同爽口，唔會越食越滯，撈埋香葉、生菜、蘿蔔、青瓜同花生等配料一齊食，口感豐富。碗內已放咗撈檬汁，不妨先撈勻一轉試吓味，再決定要唔要加汁。估唔到蟹膏湯檬的份量比豬檬更大。湯，充滿蝦蟹的鮮美，番茄的清香，唔會越飲越口渴，略嫌個湯唔夠熱。香葉下面嘅蒸蛋，據網友講，蟹膏就喺蒸蛋入面。幾款餸之中，最喜歡依次係扎肉（同喺河內買返嚟的一樣味道）、豆卜（吸晒湯的精華）、豬紅（夠入味冇怪味）、蒸蛋同番茄。呢碗粉，適合兩三個人些牙食，咁先有更多胃空間試其他菜。芒果奶昔香濃得嚟唔死甜，椰青夠大隻、多水兼夠凍，刮埋椰青肉嚟食，多三分好味。食得開心的一餐，會再嚟試其他菜。不過呢，希望下次唔會再望到牆身有小昆蟲陪食。佢哋雖然冇飛埋嚟，依然好出眾喔。

話說今晚要去教會活動去前當然會係附近餐廳食野我地揀了越南菜貪佢夠快夠平又唔會好heavy坐低左我叫了碗扎肉撈檬好平$45咋仲要份量唔少扎肉勁好味檬粉又有口感面頭落左我最愛的花生粒令成碗粉味道升級如果D檬汁加多D檸檬再酸D就perfect了朋友叫左碗香茅牛肉河粉賣相唔錯我都忍不住飲左淡湯試下個湯底真係唔錯唔會好咸好味精正! 份量都唔少之後我地仲叫左個紙米卷超推介因為好好味最後我叫左杯店內十分推介的牛油果奶昔$25好大杯因為本身都love 牛油果所以完全合我口味好fresh!!! $153兩個人食到好開心好滿足超值價錢同味道一定會再幫襯

位於荃灣享和街的小越廚，街坊價錢，高質素。好多選擇呢！街坊裝修，但給人一種親民感覺蕃茄蟹膏湯檬 $48清新的番茄湯底配上蟹膏，最適合炎夏之選小食拼盤 $88春捲，雞翼，扎肉，蝦餅最美味是春捲， 炸得脆脆雞翼較細隻咖哩牛腩法包 $48法包鬆化，咖喱汁底濃， 牛腩入軟凍越南咖啡 $25有時飲越南咖啡， 最怕苦呢杯底部有練奶，可以因自已的喜好而調教可能係我喺香港飲過最好味的越南咖啡牛油果奶昔 $25食或飲牛油果最怕太juicy.呢杯調教得非常好，有牛油果味，無冰， 易入口食到捧住個大肚腩走都係二百幾蚊。

天下着大雨令我有機會品嚐到如此價亷物美的越南美食、這天在荃灣廣場購完物本來要去巴士站乘車回家的、突然下起大雨來.站在街上避一避、無意中發現身旁的人原來不是避雨而是等着這間食店開舖的!再睇舖'前的手寫Menu推介很吸引文字、圖畫富藝術性 !一行二人於是决定内進一試 !裡面是小店一間、普通茶餐廳裝修.…門一開舜間已坐满7.8成食客了!手寫的Menu上小食、湯粉、捞粉、甜品、飲品都不貴! 食客看來多是熟客、旁邊有個自助小水吧、先點了個椰青 25/個清甜椰肉嫩口 !滑滑牛油果奶昔 / 25元口感清新!咖哩解肉法包 / 50元 (大 )蟹肉混和了蛋一起、有蟹的香味、咖哩味濃淡適中不會辣、正合我口味 !這個法包很好吃!外鬆内軟 ! 點上蟹肉咖哩汁更是錦上添花 !小食拼盆 / 88元蝦餅香口、扎肉爽、炸鷄翼夠嫩滑、春卷外脆饀料軟糯、好味!蟹糕河粉 / 48味道鲜美湯底很有解糕的香味.蟹糕也是用蛋煮成、口感特別!我很喜歡的味道 !今天真是食神駕到! 遇上了小越廚、吃上一頓合口味的滋味晚餐 !最後加上两件甜品 ~馬荳糕、红豆椰汁糕 6元/ 件大满足 ! 小越廚 ! 加油 !

香茅雞扒湯檬- 湯底清甜，夾雜白胡椒辛香。洋蔥及蔥白皆清新微辛，青蔥爽口但香氣欠奉。九層塔的味道沒滲入湯中，但咬下去香味即在口中爆發- 檬粉爽滑有嚼頭- 香茅雞扒以件上，香口但不算鬆脆，散發淡淡香茅味，雞肉嫰滑*提供魚露、檸檬汁、乾辣椒碎

荃灣太多餐廳，花多眼亂，最鍾意就係係咁多連鎖餐廳雲集既地方搵間小店黎食，最後就係享和街揀左呢間小越廚。我地叫左幾樣食，越式三寶 - (春卷，扎肉，豬頸肉飯) 、 咖哩牛腩法包、咖哩蟹肉飯、越式小食拼盤同埋牛油果沙冰。咖哩蟹肉飯，呢個撈飯真係一流，非常好食，有D漏，但係同白飯一齊食真係一種享受!越式三寶 - (春卷，扎肉，豬頸肉飯) ，呢個食落有D乾，如果加埋個蟹肉落去一定更加好食。佢有兩款扎肉，好似係一個有D膏係到，一個係正正常常一塊扎肉。豬頸肉韌度適中，整體個飯都好食既。咖哩牛腩法包，通常我食包最鍾意就係點汁黎食，呢個法包就岩哂我啦! 不過D牛腩有D好硬，好難咬開，有D就會淋身D，會比較好食。建議可以試下叫其他法包，可能感覺會好D。越式小食拼盤，拼盤其實同越式三寶飯D野差唔多，所以唔多講我本身鍾意食牛油果，所以叫左呢個牛油果沙冰，呢個沙冰的確好飲，唯獨爭一樣野就係唔夠凍，如果可以再凍D，相信我會飲得更爽，更有口感!第日經過都可能買返杯外賣飲

約左朋友係荃灣廣場睇戲，但由於只有一個鐘多d既時間食野，所以就係附近搵餐廳，而今次就黎到一間有唔少人推介話抵食既泰式小店。六點零鐘黎到，已經有幾枱食客，去到7點零更加坐滿要等位! 我地兩個人點左一個粉、一個法包同一個小食。粉就揀左呢度人氣推介既蕃茄蟹膏湯河，呢個都幾期待，因為之前係深水埗一間越店食過，覺得唔錯；法包就點左越式法包，乜都有d；咖哩蟹肉法包就作為小食。蕃茄蟹膏湯河 ($48)大大碗，碗口超過一隻手掌size，而且d料都裝得幾滿。全碗既靈魂--蟹膏更有一隻湯匙滿，雖然加左蛋花增加體積，但都仍然食得出少少鹹香。不過第一啖都仲好，之後越食就越覺得個味好怪，有d似燶左既味….個湯底係無蕃茄味，比較多越式香料味，我地就唔多中意個味；豆卜未煮到入味，啖”某某”；河粉唔滑，有d碎，而且痴到一舊舊；札肉正常；全碗最差係個豬紅!! 個味超奇怪，放左入口都吐番出黎…🤢🤢咖哩蟹肉法包(大) ($50)蟹肉係用蟹身既肉，都係加左蛋花，所以食落無乜蟹味，蟹肉少，而且仲有唔少蟹軟殼碎添，但我理解蟹身難拆肉，所以有殼同少肉都可以接受。最好食既係法包，呢度既法包內層比平時既較為軟熟、外層烘到更乾脆(唔係硬