小越廚

營業中

休息中

今日放假專登揸車入荃灣諗住搵好嘢食，叫了一個香茅牛肉河粉，但係冇配料冇配菜，牛肉非常之鞋，亦都冇乜牛肉味，湯底絕對係一碗越南粉嘅成功之道，但係呢度嘅越南粉嘅湯底完全冇驚喜，個湯底完全係令人非常之失望，好似好冇越南味道。係OpenRice見到好似好多好評所以先專登去荃灣食，點知越南河粉冇乜越南味，令到我好失望。。睇嚟要繼續係香港搵正宗嘅越南河粉。服務員服務幾好有笑容。但係應該都唔會做回頭客，唔會再嚟，非常之失望。

<製作用心既越南野 必試蟹膏河粉😍🦀>荃灣站同荃灣西站中間 呢條享和街 越黎越多各式各樣既美食 呢間細鋪小越廚個人覺得係必試食店之一😃細細間鋪 星期五full 哂 細細個煮食位 見到幾個staff勁忙 不停整野食 可見佢地幾有效率😂 餐牌有各式唔同既越南野 河粉 濛粉 春卷 雞翼 法包 咖哩 應有盡有 😍 都唔知點乜好 最後就點左 😌🍴蟹膏河粉 48 蚊🍜呢個湯粉不得鳥 香濃既蕃茄湯底🍅香茅菜 仲有好新鮮juicy 既大蕃茄😍 配蟹膏🦀 d 蟹糕用左蛋一齊煎過 超多又厚蓋過哂 d 河粉 蟹膏勁多膏 同d 蕃茄湯底同爽口闊身既河粉一齊食真係冇得輸😈仲有彈牙既扎肉 🐖爽口豬紅 同埋勁吸味 豆卜 真係好好味 48 蚊 估唔到甘大碗又好味 😍一定要試！🍴越式小食拼盤 88 蚊有春卷 🔥雞翼🐥 扎肉🐖 蝦餅 🦐蝦餅外面香脆 帶d蛋香 入面真係有蝦肉 . 雞翼夠香矛味 外面香脆。入面雞翼比較煙靭同濃味 🐥 扎肉有兩款 一款係彈牙淡味d比較清 另一種就香濃軟腍d帶d胡椒香 唔錯🐖 最後既越南春卷 外表香脆 中間有木耳 粉絲 豬肉 白蘿白絲 好味 , 4 種野點d酸醋汁都好襯同開

之前見呢間的食評唔錯，所以就決定一試。烤豬肉雞翼撈檬，豬肉夠味，魚露雞翼熱辣辣，唔會老，配菜豐富，檬粉有點特別，唔係平時食開個d，似米粉咁，但有點碎，無平時個d咁爽。但整體幾好食。咖哩牛腩飯，咖哩汁較稀，牛腩並不是連肉帶筋，沒有口感，感覺有點老。牛油果奶昔，味道濃稠，我會比較喜歡果昔加椰子水，感覺會無咁膩。

1. 咖喱蟹肉飯（$50）🦀🍚咖喱唔算好辣，但加左辣完全將咖喱昇華🤗啖啖蟹肉配上香濃嘅咖喱真係好啱撈飯食🍚，非常出色！👏🏻彤樂評分：9/102. 蟹膏檬粉（$48）🦀蟹膏有兩大片，除左蟹膏仲有其他配料🦀幾豐富，湯底蕃茄味好濃烈，檬粉嘅感覺好似米粉，大家唔鍾意可以揀河粉😂彤樂評分：8/103. 越式三寶飯(春卷、扎肉、豬頸肉)（$62）🍗🍚春卷並唔係港式春卷，外皮脆，中間煙韌，入面再有餡料👍🏻扎肉有兩款，一款係平時常食到，另一款加左D肥膏，味道又濃D，豬頸肉都唔錯👏🏻跟飯仲有湯送，而且又以好飲😁彤樂評分：8/104. 越式小食拼盤(春卷、雞翼、扎肉、蝦餅)（$88）除左雞翼普通D，其他都幾特別😁春卷、扎肉都係同前者一樣，重點係蝦餅好爽彈牙，如果出面係脆就好啦😂彤樂評分：8/105. 咖喱牛腩法包(大)（$50）法包同咖喱唔係mix埋一齊，係分開上😅依款咖哩外貌似港式咖喱，但唔知加左咩香料，個味道有D奇怪，牛腩份量好多，但有部份韌😣但法包真心好食，外脆內軟，就咁點咖喱係幾好味😋彤樂評分：7/106. 牛油果奶昔（$25）密度超多，比較「傑」身D，如果夠凍會更好飲🙈🙈🙈彤樂評分：7.5/10

星期日同男朋友去完大帽山睇日落，順便係荃灣食Dinner，見小越廚嘅食評唔錯就一於試下啦！夜晚七點鬆啲去到餐廳，剛好有卡位，唔使等，Lucky！我又選擇困難症發作，問職員妹妹有乜推介，佢話蟹膏湯檬同咖哩蟹肉飯好味，我地就叫咗蟹膏湯檬。自從去完峴港，我就對越式法包上曬癮，呢度好多唔同口味嘅法包，第一次就試下最original嘅越式法包啦，$38好抵食！另外我地再叫咗米紙蝦卷同蔗蝦，全部食物加埋唔過二百蚊，好平！蟹膏湯檬最快上檯，一望就知佢好足料，湯底清甜有啲似龍蝦湯嘅味，唔錯啵。越式法包同樣足料，好多餡，法包外脆內軟，味道同係越南食嘅好似，正宗！米紙卷入面包咗好多菜，隻蝦咬落爽口夠新鮮。最遲到嘅蔗蝦更加有驚喜，唔同一般只係好似魚片咁嘅口感，而係保留咗原粒嘅蝦肉，好彈牙，yummy！值得一讚嘅係，除咗食物水準高之外，小越廚整體乾淨企理，坐得舒服，同埋有柔和背景音樂。我地呢完呢餐都覺得好幸福，男朋友仲話可以當呢度係荃灣區飯堂啦！佢地做得好平，應該賺得唔多，大家都多多支持呢間小店啦。

荃灣區都好多好野食但偏人多同貴(o^^o)而呢間位於荃灣廣場附近的小店十分值得推介今次已經係第五次光顧每次都能夠保持水準^o^最值得推介係個蟹膏檬粉足料抵食蛋香 味膿不過蝦餅就貴左dd！！米紙卷扎肉好彈牙^ _ ^吾似其他地方 硬硬實實比較失望係佢地的疏打水吾係象牌～～～～～兩個人食左兩碗檬一碟蝦餅一碟米紙卷兩支青檸青檸梳打水埋單一共$190特別讚下老闆有一次同朋友食飯點知兩仔友都冇禁錢差幾十蚊老闆竟然話就咁算最後都係禁左錢埋單但好欣賞老闆吾計較

街坊越南餐，性價比高荃灣廣場附近有好多街城美食，今次食既係在享和街的越南菜，呢兩條街有好多米線舖，不過越南餐唔多，見到呢間，晚餐開6點未開門，門口已經有人排隊。。。證明有熟客，所以入內一試。今次點左店內推介嘅蟹膏檬粉同春卷， 點解？ 因為蟹膏檬粉同其他檬粉都係同一個價錢$48, 但蟹膏檬粉有蟹膏，札肉，豬紅同豆粕。。。仲有👍🏻👍🏻👍🏻推介，抵到咁點可以唔食呢。另外叫左個小食春卷，呢度每款小食都係30幾蚊，好抵食。 食物黎到，春卷就$35有5件，味道ok。蟹膏檬粉加埋個番茄湯底，好夾又好味，咁多餸都係$48真係好抵食，超值之選，如果黎真係要試下。

第一次係OpenRice寫評語，因為真係冇大家寫得返好，要寫下我既評語冇諗住寫食評，所以冇影相叫左四樣野：春卷撈檬，香茅牛肉湯河（檬？），香茅豬肉法包，牛油果奶昔春卷撈檬：冇比辣椒醋，返黎睇評語先知有食客都奇怪冇。我冇去過越南，唔知係咪越南人食凍檬唔會落辣椒醋呢。媽媽食完覺得普普通通，同埋芽菜係生的香茅牛肉湯河（檬）：我叫香茅牛肉湯河，但待應寫錯左做檬。已經等左十幾分鐘，我又好餓，就冇改算啦。牛肉冇咩味，而且有d ‘un‘，個湯底都ok, 食越南湯河最重要係個湯同河粉，我缺左河粉評論唔到。個人認為同小巴黎既香茅牛肉湯河差10條街。而且，d檬粉唔係平時食開的檬粉，似係一包包干檬用水發過後既檬粉。我個人鐘意食平時食開透透地既檬粉香茅豬肉法包：同香茅牛肉一樣’un’, 豬肉算係有味（美極味）法包夠脆。牛油果奶昔：媽媽飲的，佢話唔夠凍又冇咩牛油果味我去既時候係星期六晚9點，全場滿坐，但唔使等位，等緊野食黎都有人走左，應該都唔係繁忙時間，廚房有4個人，但上菜算慢。唔敢想像繁忙時間要等幾耐總結：無下次。唯一要贊既係，兩位待應好好禮拜同笑容

睇戱未夠鐘，路過食下，點左蟹膏檬粉同冰咖啡，上台有D驚喜，蟹膏量多混埋雞蛋煎，口感層次多樣，蕃茄吾係用蕃茄膏而係用左半個蕃茄，不過敗筆在蕃茄無切開，女士食相就會難睇少少，扎肉亦係預期水準，豬紅有D乾身，湯頭亦飽滿，有層次，不過少少醎，但吾似味精感覺冰咖啡亦有水準，咖啡味夠，缺點係只用糖水而吾係練奶，如果吾係應該水準以上

幾鐘意荃灣有唔少非連鎖嘅食店，今次就嚟咗呢間小越廚食，舖頭唔算大，大約可以容納二十位客人左右。因為見樓面店員同廚房有個幫手都好年輕，我同朋友覺得好有一個家庭式經營、仔囡落嚟幫手嘅感覺😂😂不過當然呢個係我地亂up講笑㗎啦😂可能佢地只係普通員工嚟嘅😂今次最愛絕對係咖哩牛腩法包！咖哩我覺得係較港式嘅咖哩，入面牛腩份量都幾多，仲有啲薯仔㗎🤤重點係！拎焗熱咗嘅法式麵包，大大力咁！沾咖哩汁食😋因為碗咖哩好大碗，所以我地食完本身份法包之後都仲有半碗咖哩淨低，所以我地又單叫多份法包($15)😙用嚟點咖哩食真係正㗎😋btw咖哩牛腩法包細同大分別係48蚊同50蚊，我同朋友係到諗：只差2蚊，究竟細同大分別有幾多？😂.另外牛油果奶昔都唔錯。由於怕牛油果容易令人太濟，我同朋友係叫一杯share飲，結果真係啱啱好。所以都建議2人share一杯🙆🏻‍♀️.平時我就好鐘意食越式牛肉河，今次就冇叫到，因為見到有好少見嘅蟹膏檬粉(亦可選跟河粉)。食落其實感覺似番茄湯檬粉，蟹膏只係其中一樣配菜。其實呢碗檬粉主要都交咗俾朋友食，因為我本身不愛吃檬粉😛原來檬粉同米粉好似一樣咁㗎🤔呢碗檬粉有點碎，所以我心入面默默咁諗：定係叫河粉會

Found this small Vietnamese restaurant behind the street of Tsuen Wan Plaza. The restaurant was full by 7:15pm and ended up sitting in a large circle table.Crab Paste Rice Noodle Soup $48Tomato soup base with crabs, eggs, pig's blood and bean curd. Soup is rich in tomato and crab flavor, generous portion of crabs. The soup looks sour as the bowl is filled with tomato, instead it is sweet. The soup is delicious! Add$6 and you can order hot spring egg to add to your noodles!Fried Spring Roll $ 35

呢間越南野係荃灣黎講都算少少偏僻，而且鋪頭都唔算多位坐底望到餐牌，竟然見到有蟹食都有幾多款野食揀一黎就叫左幾款炸物小食，由於鋪頭係小店，人手都唔太多，樣樣野都係即叫即整，所以都要耐心等候，魚露雞翼$35，春卷$35，越式庶蝦$35，蝦餅$35，價錢大眾化，但食物質素高，庶蝦蝦彈牙，庶就清甜，蝦餅打到起哂膠，外面脆入面好彈牙，雞翼就好香魚露味，春卷餡就全素，炸得香口，CP值好高由於雞翼太好味，所以再叫多個魚露雞翼飯$50，呢個餐就跟多左個湯香茅牛肉河湯$48有好濃既牛肉味，另外我都加多左隻流心蛋到今晚既主角，蟹膏河粉$48，香濃既蕃茄湯，仲有好多豆腐索湯，札肉都有唔少，最正係舊蟹膏，一大舊，雖然好邪惡，但真係食唔停口咖哩蟹肉法包$50都係好有驚喜，香濃既咖喱，啖啖既蟹肉配以鬆脆既法包，簡直冇得彈，所以最後叫左兩碟飲品都好抵，椰青同芒果奶昔都只需要25蚊杯，咁抵既價錢仲可以係邊度搵到

好耐無食越南美食,今曰去左位於荃灣既小越廚,門面不算起眼,位於内街,但今曰門口有好多人等位,因為價錢平,食物質數又無得彈,好多食客,食完都會返轉頭,我就係一個例子…小店內掛着好多手造越南風味擺設,加添更多越南風味而且價錢相當超値,每樣小食三十多元,麵食四十多蟹膏粉,湯底鮮味無比,加上紥肉和其他越南新鮮香料必食魚露雞亦,好入味,炸得好脆口,肉串又好香口再有牛肉粉,牛肉岩岩熟,加上洋葱絲,味道真係好出色,湯底味濃又鮮味,一定要食飲品都好實惠,25元就有一個椰青,清甜

放工去接女朋友收工，女朋友今日話想食越南野，我就諗返之前同狗仔出來睇醫生果時經過嘅越南餐廳，放是就帶左女朋友同埋佢D 同事過來啦。一坐低，我已經急不及待要叫一杯芒果奶昔，因為實在太口渴啦。芒果奶昔 --- 飲落口有少少似食緊芒果PANCAKE 咁，幾好味椰青大大個，入面有好多水，隨後我地再叫多2個椰青，因為$25 一個實在係太抵啦。我地分別點左魚露雞翼飯、香茅牛肉河(加溫泉蛋)、蕃茄蟹膏湯河、蟹膏湯檬。另外再叫左D 小食，就係蝦餅、春卷、蔗蝦同埋咖哩蟹肉法包。香茅牛肉河 --- 似生牛河多D，唔太食得出有香茅味，材料用嘅係肥牛。溫泉蛋 --- 半熟嘅溫泉蛋，$6 抵加蕃茄蟹膏湯河 --- 湯底蕃茄味好濃，配合埋其他材料超正蝦餅大大塊好彈牙蕃茄蟹膏湯濛 --- 同蕃茄蟹膏湯河一樣，只不過轉左做濛粉，不過濛粉食落同睇落都比較似米粉。魚露雞翼飯 --- 雞翼好入味而且係岩岩炸起魚露雞翼 --- 同魚露雞翼飯只係相差白飯蔗蝦X2春卷 --- 入面係蔬菜黎，岩晒食素嘅朋友。咖哩蟹肉法包 --- 蟹肉好多好足料，配合埋法包，食到飽到頂住個胃呀(如果法包可以再脆少少就好啦)最後埋單平均每人$150

今天妹妹介紹了我到荃灣的 “小越廚” 吃了一個美味晚餐。餐廳地方不大，但簡單裝飾精緻，我們坐的卡位非常舒服。香茅牛肉可＋溫泉蛋濃郁獨特香茅味道，秘製越式風味湯底，浸泡嫩滑牛肉，充滿牛味，加上溫泉蛋，蛋黃甘香，使整碗香茅牛肉可味道更多層次，口感更加豐富。米紙蝦卷白色半透明的外皮，清楚看到內包着原隻開邊海蝦，鮮蝦爽口彈牙，更有各種蔬菜等豐富配料，再加入餐廳自製醬汁拌吃，好味好開胃。牛油果沙冰清甜可口，好滑好香！魚露雞翼金黃色的雞翼脆皮，內裏依然充滿肉汁，香內嫩滑，調味恰到好處，難以抵擋的美味和吸引。荃灣區找到這越式美食，真的感謝妹妹好介紹