小越廚

營業中

休息中

話咁快4日嘅復活節假期已經到了最後一天，想好好咁享受下一個寧靜的下午。😌搭西鐵去左荃灣，諗住睇下有無小店可以坐低，食下壽司，點知小店都係近地鐵站戈邊（我真係太唔熟悉荃灣喇）。大商場啲食肆得啲大牌子，又多人，悶悶地，咁我就試下行出街，睇下有咩好食。點知就喺一條好似得五金店同車房嘅街入面，發現左間越南餐廳。開頭見到無人係入面都有啲驚，但男朋黎到就入去試下啦。店內裝修好家庭式，坐低就聞到有陣好似魚露嘅味，開頭有啲唔慣，坐低之後好啲。叫左牛油果奶昔，貪佢夠特別，唔係到到都有得飲（飲咗兩啖先記得影相😅）男朋友叫咗杯熱嘅越南咖啡，都幾特別，清新醒神之後，叫左個越式法包，個皮好脆，入面有扎肉、莞茜、青瓜、醃蘿蔔絲等等。我本身麻麻地莞茜，但佢同其他餡料好夾，所以都ok。叫左個蟹膏越南粉，有蟹膏餅、扎肉、豬紅、豆卜、蕃茄、菜等等。係清清嘅蕃茄湯底，成碗粉有好濃嘅蟹味，豬紅比一般深色，味度亦多了香草味，一試有驚喜。總括嚟講，價錢比較實惠，菜色有驚喜，應該會再去😋

一直好喜歡到小店覓食，今次餐廳位於荃灣廣場附近，店內食物價錢合理，味道獨特，難怪平日依然滿座。 <香茅豬肉檬粉 $48> 可挑選湯檬或撈檬，我就要左湯檬湯底咸咸甜甜，湯底唔肥膩，食完唔會有口渴感，豬肉好入味，香茅味好突出，呢個檬粉的質地同一般食到的與別不同，麵質入口好滑，總點質地好掛湯，越式粉湯底是相當重要，是靈魂之一。 <椰青 $25>朋友飲完覺得好清甜，椰水飽滿，下次黎都會再叫黎飲。 甜品方面，仲可以起到食埋，分別有椰汁馬豆糕 / 椰汁紫米糕/ 椰汁紅豆糕/ 芒果糕等 (各$6件)，我最推介椰汁紫米糕，紫米味香濃，每一啖食可以食到粒粒紫米，好香！

小越廚較早前喺社交媒體見到呢一間小店嘅介紹，小店嘅魚露標榜係每日鮮製，將青檸汁，魚露、白醋等等調校好，再慢慢拌勻，實在非常有誠意。這間平民小店是標榜南越的味道，味道較為清新，味道平衡，不會太酸或太鹹。牛油果奶昔＄25牛油果奶昔，真係好足料，牛油果同牛奶拌勻之後，非常creamy。牛油果飲品之中，最喜愛是牛油果奶昔，對比起較早前在其他食店飲過牛油果咖啡，更加喜歡牛油果奶昔呢。又香濃，又能喝出牛油果的味道。越南滴滴咖啡＄25個人唔鍾意飲咖啡，因為覺得好苦，不過越南咖啡就例外，因為越南咖啡配上煉奶底，咖啡好香濃，不過一啲都唔苦澀，都幾容易入口。當越南咖啡，店員仲好細心提我地先將熱嘅滴漏咖啡攪拌，然後到進冰杯，便立即成為一杯冰凍有香濃嘅越南咖啡。蟹膏河粉（番茄湯底配蟹膏、扎肉、豬紅、豆粕） ＄48呢碗河粉，性價比非常之高，起初以為好細碗，原來份量都好大，上檯嘅時候非常吸引，上面鋪滿蟹膏，呷一啖湯，湯底好濃郁嘅蕃茄和蟹味，味道亦鮮甜，原來湯底用了番茄、三點蟹、豬骨、海蝦、蝦米熬煮了兩小時，再加上魚露調味，難怪鮮甜濃郁。由於我同朋友都唔太鍾意食豬紅和豆卜，餐廳非常貼心，還可以加錢追加溫泉蛋、香茅豬

今日約咗好朋友去荃灣行街，大家突然間好想食越南嘢，經過享和街9號覺得呢間餐廳都幾地道9號我決定 試下。一嚟到，即刻叫咗杯越南迪迪咖啡，真係好懷念係越南飲多果杯咖啡，真係有香濃又好味，同埋好鍾意越南咖啡係放咗煉奶落去好香滑。特別想賺呢度嘅性價比非常之高，分量又大、味道嚟講都唔錯，性價比高， 喺荃灣呢一個區嚟講，都算係比較少越南食店。除咗粉麵之外，亦都可以選擇越南法包，差唔多有七至8款咁多，真係選擇都算幾多。

👁‍🗨 米紙蝦卷（7/10）💲35呢個米紙皮薄薄的，帶點腍身同埋煙韌既口感，入面包住蝦🦐滿滿既菜，雞肉同埋米粉，不過就咁食可能會比較單調，所以一定要點帶有花生既麻醬👁‍🗨 咖喱蟹肉飯（7.5/10）💲50平時吾係好食得辣既，都食倒呢個咖喱蟹肉飯，就知佢既咖喱真係唔係好辣啦🤗啖啖蟹肉配上香口既咖喱，一齊撈飯食，夠哂惹味，而且飯既份量都多，絕對夠飽😎只係略嫌間唔中食倒有蟹殼係入面😳👁‍🗨 蕃茄蟹膏河粉（7/10）💲48呢個蟹膏加左蛋，都幾香口，入面仲有扎肉，豬紅同豆卜，河粉又唔會太碎🤗個湯底係酸酸地咁，不過蕃茄味唔特別明顯，同埋有少少鹹鹹地，類似蝦膏既味道，我係接受到既，但估計未必個個鍾意呢個湯底🤔👁‍🗨 牛油果奶昔（7/10）💲25最近愛上左牛油果，難得地有少見既牛油果奶昔，就當然叫番杯啦😇成杯🥑奶昔都幾濃牛油果味😍口感係較為洁身，所以會飽濟少少，兩個人分一杯會好啲🔛 整體評分（7/10）

上星期，我突然很想吃越南河粉，所以就和妹妹兩人一起去了小越廚吃東西。我們各自叫了一款越南河粉，我叫的是香茅牛肉河粉，而妹妹叫的是魚露雞翼河粉。這個是香茅牛肉河粉, 我還加了溫泉蛋呢! 牛肉很嫩滑，湯底鮮甜，河粉爽滑彈牙，很美味呢！溫泉蛋，充滿蛋味，蛋黃甘香。這是魚露雞翼河粉，雞翼炸得很香脆，雞肉很嫩，很香口。我還在餐牌上看見椰青，所以就點了一個椰青。還真的是整個椰青上的，椰靑水分外清甜解渴，真的生津止渴

專誠黎飲牛油果奶昔，果然無失望，順便食番碗越南撈檬！本身叫左米紙蝦卷，但咁啱賣哂，老闆俾左個扎肉卷我地。米紙好薄，餡料好多菜同蘿蔔，好清新，再點埋大大碟嘅芝麻醬，味道好夾！同朋友一人一碗撈檬，啲餸全部share食，有露雞翼、香茅豬肉、春卷，覺得最好味都係雞翼，好香，雞皮最正，雞肉又嫩滑，香茅豬肉都好入味！到今餐重頭戲，牛油果奶昔，今日黎都係為左佢（朋友又跟我飲）！超級清新，好足料，牛油果味好濃郁，係原個牛油果呀！好味到想再飲多杯！之後再試左個芒果糕，味道不錯！

星期二，我同屋企人行左去屋企附近間小越廚食嘢。今次想叫上次冇叫到嘅咖喱蟹肉飯，同埋一啲小食終於嚟到喇個咖喱蟹肉飯，賣相都好吸引，仲有棵香葉喺面頭。味道有少少辣，好開胃，好香咖喱味，蟹肉都好甜，仲有埋啲洋蔥好爽口仲叫咗個炸蝦餅，咁大份，都係賣$35，好抵食。炸得好香，好爽口，夠晒嘢味。仲叫咗兩份魚露炸雞翼，炸得好甘香，脆bob bob咁，好好食仲叫咗杯芒果奶昔，好香芒果味，我最鍾意就係咁甜㗎啦，仲好重奶味。

今日黎到荃灣西呢邊, 順便食埋飯先, 係荃灣廣場一出有間食越南粉, 哈哈….好耐無食la, 去食下先, 叫左個魚露雞翼湯河$48, 有4隻雞翼, 炸得香口, 個湯底仲好香蘿白味, 好清甜. 跟住仲叫左2款小食, 有豬肉串$35, 有3條, 熱辣辣, 肉汁juicy, 仲有少少香草味, 好開胃. 另一款係米紙蝦卷$35, 黎到食越南野點少得呀, 每1條都有2隻蝦架, 最鍾意點呢個自家制既醬汁, 帶有花生&香蒜味道. 仲有飲品都係離不開咸檸7, 清新又解渴.

今日獨個兒食飯, 落街周圍睇下有咩食, 哈哈….見到呢間越式粉麵突然好想食, 有禮既店員安排我座位後, 睇下有咩食先, 叫左個咖哩牛腩米, 嘩….一上枱就聞到香濃既咖哩味, 牛腩炆得夠哂味夠哂淋, 仲好香牛味TIM, 份量都唔少架, 正, 除左牛腩仲有薯仔, 口感夠哂粉. 跟住再叫左個越式庶蝦, 口感夠哂彈牙, 可以點埋呢個帶有酸酸甜甜既汁.飲品方面點少得椰青呀, 哈哈…夠哂鮮甜, 都好多椰水架, 飲椰青必定要食埋D肉GA LA, 哈哈…咁先夠正!!

早2日同阿媽去荃灣廣場shopping ,發現附近開咗間越南野，當日勁潮濕又熱，食越南野就最啱店內裝潢簡單舒服，地方不算太大。而且仲有一個甜品糕點櫃放上好多糕點給客人選擇。餐牌選擇不算太多，我們決定擇選幾款不同食物share 一齊食春卷-新鮮即叫即炸，入口香脆，好好味呀！魚露雞翼-雞翼外皮炸到金黃酥脆，內裏充滿肉汁，調味恰到好處，唔太咸，好惹味。油菜可以揀放湯，用上牛骨清湯浸生菜，牛湯清甜濃郁，更能帶出生菜的清甜味。香茅豬肉撈檬豬肉香茅味突出，肉質軟嫩入味，碗底有好多蔬菜，加入醬汁拌勻同吃，酸味味好開胃。蟹膏河粉番茄湯底清甜鮮美，蟹膏加蛋煎成嘅蟹餅味道濃郁，令人食不停口，而且其他配料又多又入味，必食推介

小人於荃灣區辦事之後，試了一間越南菜，都挺不錯。蕃茄蟹膏湯河十分大碗，合晒朕意。未吃河粉前的指定動作，必先喝一匙湯：嘩，一喝不得了……湯是夾雜著蕃茄加蟹的鮮味，蟹湯是一流的，未入正題吃河粉已令人神往！湯河的內容有蕃茄、蟹肉、扎肉、豆卜、豬紅，非常豐富。蟹肉蟹膏是多，無奈蟹肉太細碎，一弄散便很難試到蟹肉的真章。 魚露雞翼炸得通透，突顯出魚露香，雞翼嫩滑，好食到飛起！荃灣區的美味越菜，此店可推，CP值超標！

🥗#tagnshare荃灣篇……………………《抵食越南小店》🤤最鍾意幫襯良心小店，係荃灣既越南小店，性價比🆙🆙 ，食到攬住個肚走🤩🍅番茄蟹膏河粉 $48蟹膏成磚咁足料，湯底酸酸maymay好開胃！豆卜索哂啲湯好正！ .🦐蝦餅 $35脆卜卜，蝦膠好彈牙，好味！.🍗魚露雞翼 $35/4隻就要浸一浸魚露，略乾左一點點！.🍛咖喱蟹肉飯 $50啖啖咖喱蟹肉，配上白飯真係可以清哂！.🥒米紙蝦卷 $35配上特式醬汁（花生醬+炸蒜等等）都幾配！.🍖蔗蝦 $35/3件雖然佢樣子不太美，但其實係脹卜卜真係有蔗味！十分推介！..……………………🙋🏻高妹小編

兩隻貪心的小狗叫了一個蟹膏撈檬、魚露雞翼撈檬、香茅豬肉法包、春卷和烤肉串。兩碗撈檬的配料都十分豐富，尤其是蟹膏，舖滿面的！雞翼則有4大隻，只是吃不到魚露的味道？很喜歡法包。平時吃都會被硬硬的法包刮到個口損晒，難得這裡的法包雖小，但仍是外脆內軟，還加上香茅豬肉的汁，好滿足！春卷和肉串都不錯，春卷味道偏淡，肉串則較濃，兩款各有特色吧。最後的驚喜是不收加一的啊！只是位置不算很近地鐵站，但也是易找的。會再來試試其他的！

我同朋友睇完戲，就順便去附近搵吓嘢食，聽聞呢度附近開咗好多新餐廳，我哋見到呢間小越廚，就入去食d嘢。朋友叫咗個咖喱牛腩飯，賣相都唔錯。咖哩有d辣辣地，牛腩整得好林，好入味，用嚟送飯一流我哋仲叫咗個炸蝦餅同蔗蝦，呢度食物啲份量都幾大份。炸蝦餅切開咗五條，入面仲有粒粒蝦仁嘅感覺，好爽口。蔗蝦都炸得好脆，入面d蔗都有甜味。我仲叫咗個椰青水，係成個椰青嚟嘅，味道好清甜，可以解渴消暑咁呢度地方都好方便，坐得都舒服，最重要係平又好味