小越廚

營業中

休息中

屋企人話想食越南野，於是係荃灣的我就Openrice到這間小店。小店近荃灣廣場附近！店鋪門口已經擺放了是日精選的餐牌，我覺得挺漂亮！好有心思。餐廳雖然是小店，但十分乾淨整齊！每個位置上都掛著有越南特色的小飾物 ，十分可愛。店員見到我地看左好耐餐牌，於是主動過來介紹我們吃蟹膏湯河，和法包等。最後我們叫了一個泰咖喱蟹肉飯和米紙春卷和店員推介的蟹膏湯河。蟹膏湯河：湯河令人很驚喜，首先個湯底好鮮甜，而且是沒有味精的！！！ 另外湯河的配料也很豐富，有蟹、蟹膏、豬紅和豆ト。豬紅唔醒！豆ト吸收湯的精華，加上有蟹和蟹膏提味，令河粉的味道更豐富值得一試。大大隻的蟹！！蟹肉充滿湯汁的味道。泰咖喱蟹肉飯：咖喱飯不辣應該不吃辣的人都可以食。汁料配合蟹肉和飯一起撈勻後很開胃。食曬係完全無問題。牛油果奶昔：好少餐廳有牛油果奶昔的！奶昔香甜細滑有淡淡的牛油果味！重點係牛油果有降低膽固醇、美容護膚等功效米紙蝦卷：米紙蝦卷内有生菜和香葉感覺十分清新，加上大蝦口感豐富。蝦卷的醬料有別於一般餐廳!醬料有點像日本的麵豉醬加上花生小魚乾等十分特別。整體來說，餐廳係各方面上都花了小心思，價錢親民食物方面都很足料！值得再次光顧。

説到越南美食，大家就會想到河粉跟撈檬，有多少會想到法包呢？越南曾被法國統治過，飲食方面也受法國影響，這樣的風味不是一般連鎖店能媲美。是日精選套餐包一杯飲品，相當吸引！結果點了一份套餐加其他美食。小食拼盤一次滿足你多個願望，有魚露雞翼、春卷、蝦餅、扎肉配以自家製醃菜，相當惹味！咖哩蟹肉海鮮飯，蟹肉是自家生拆的，誠意十足。蝦肉卷河粉，河粉十分滑，加入魚露，份外美味。重頭戲出場，香茅牛肉法包，生菜青瓜夾着多汁鮮美牛肉，加上醃菜，配以脆卜卜的法包，真的是比漢堡清新的首選。牛油果奶昔，滑得來又不肥，最合女士心水。椰青清甜鮮嫩，還超級大個呢！今餐真的十分飽足，小店大發現！

未進餐內，看到門口餐牌已經感覺好有特色餐牌是塊黑板 除有靚靚書寫字 更特別是手繪的背景畫好靚呀！從餐廳中細節及佈置 感覺店主店員都是細心 有心思的人💖💖 令人感覺舒服 簡潔✨果然一入餐廳，店員👩🏻態度親切 溫文有禮 地介紹食品 招待我地 NICE!!!店內圖畫、指示圖都是用人手繪畫好有特色泰式豬手🐖飯$55🍛🍚整個豬手入味又夠𣺉身 好好味 不肥不油膩 豐富骨膠原 食後還有輕微癡嘴感覺 養顏食品最重要豬皮位乾淨無毛，好重要呀！豬手的醬汁偏深及濃味 配飯食剛剛好配有酸蘿蔔 酸酸甜甜 好醒胃 減少油膩食多幾啖飯配上獨有調味汁 加分加分 帶甜帶酸帶微微的辣 (有啲似脆辣雞腿汁嘅) 味道鮮明清新蟹膏湯檬粉$53🍜湯底蟹🦀🦀🦀味十足 湯粉上蟹膏餅份量豐富 啖啖蟹甜香 喜歡食蟹朋友可以一試 頗特別菜式湯底亦鮮甜 豐富蟹香跟餐加$10: 香茅豬肉 帶有濃濃香茅味肉質軟身易入口 熱食更好味 野味跟餐加$10: 蝦肉卷有蝦的清甜味 爽口彈牙 小食佳品越式小食拼盤 $88 (春卷、雞翼、扎肉、蝦餅)份量充足，賣相吸引，雞翼春卷各三件，我最喜歡食春卷香脆 又無油膩感 點醬汁更提鮮👍👍👍跟餐加$25: 牛油果奶

窮遊香港-超抵食越式小店👍🏻記得follow ig@hkfunfoodrecord⭐️香茅牛肉撈檬 ($48)👍🏻面頭鋪滿滿牛肉 唔係廢廢肥牛👍🏻份量頗多 牛肉算厚身 食落有口感👍🏻檬粉唔碎 軟硬適中 (唔似上一個post果間)👍🏻加埋汁好開胃‼️推介‼️.⭐️泰式咖哩蟹海鮮飯($55)先講講海鮮蟹肉量適中 有蟹軟骨但唔多 可以接受（👍🏻代表新鮮蟹上拆出黎?）仲有蜆肉 魷魚等等👍🏻蟹肉配上咖哩同蛋 味道好夾👍🏻咖哩係甜甜地唔辣果隻 唔食辣都食得🤦🏻‍♀️但當日個飯整得太淋 因為濕加濕食落口感唔太好之後有同老板反映番如果飯都粒粒分明就完美啦👍🏻呢個仲有法包或者撈檬選擇大家可以試試‼️推介.⭐️蝦餅($48)蝦餅食落彈牙有口感，份量合理.⭐️芒果奶昔(跟餐+$25)⭐️牛油果奶昔($32)兩杯飲品極出色 芒果奶昔飲落第一啖有砂冰感覺👍🏻芒果味濃 唔會一味死甜本來飲第一啖芒果奶昔已經有驚喜飲埋牛油果奶昔就更驚艷牛油果近年大熱 大家都知係既健康生果但有賣牛油果奶昔既地方唔多👍🏻牛油果奶昔飲落勁濃牛油果味 唔算甜 感覺好真材實料 鐘意健康既人一定要叫‼️大推‼️#小越廚 #lesaigoncuisinehk地址：荃

好一般的越南餐廳......可能因為我叫的，不是他們的招牌菜。我叫了一個套餐，生牛肉河加檸水，價錢都唔貴的$53。另外加個上湯生菜$18。不過，啲湯完全無越南粉的味，仲要太甜，喜歡飲湯的我都有少少失落。最似越南粉的，就只得那片香草......但落完香草都無味......再講片牛肉，是沒有牛肉味的，而且食得出好老，好”un”身好似咬香口膠咁。越南生牛河最重要的湯底同牛肉都唔太得，唔太建議大家係呢到食。至於好多人叫的蟹粉同小食，就唔知會唔會好食啲。

落荃灣攞之前訂左既野，順便開餐，就係荃灣廣場附近揾食，見到呢間小越廚，食碗越南河暖下胃都好~牛油果沙冰 (跟餐+$25)牛油果味濃郁，好香滑creamy，唔太甜，好飲~自己飲哂成杯超飽足~二人share更好~生牛肉湯河就咁食會覺得個湯頭偏甜，加左辣椒粒提味即係唔同哂，微辣飲落肚好暖和，牛肉份量多~越式拼盤 $88食越南野唔少得拼盤，一碟有齊蝦餅，兩款札肉，魚露雞翼，越南春卷~炸蝦餅最正，軟綿口感中間夾雜爽口蝦肉，雞翼入味嫩滑，春卷夠香脆~咖哩蟹肉法包 $58法包外脆內軟，暖笠笠~咖哩蟹肉份量好多，建議可多點一碗白飯或法包~咖哩味道甜甜的，蟹肉是混和了雞蛋同魷魚增加口感~芒果糕，紅豆糕 $8/1件最後點了兩件糕分享，本來想試試紫米糕可惜賣哂，紅豆糕椰味香，芒果糕酸酸甜甜，口感比前者實一點。

近日多了電影上映，昨天有空便去了荃灣廣場百老匯看電影。但需要吃個晚餐才去看，好久沒有逛享和街了，驚覺這裡另有一片新天地，多了許多餐廳美食。選了其中一間去吃，因為貪其價錢非常實惠。同埋少食越南菜，可以試下新口味。店舖細細，環境佈置得好有越南氣氛，屬年輕人小本經營。我們點了兩份套餐，蟹膏湯撈檬，好多蟹膏，鮮甜帶點咖哩味，鍾意濃郁味道的至啱。生牛肉河粉，生牛肉好厚身，份量十足，湯底很鮮甜。越式法包，配料超多，又大份，絕對抵食。小食拼盤，可以吃不同款式，春卷，外皮脆身，餡料爽口，蝦餅和雞翼都啖啖肉。蔗蝦，熱烘烘的好香口，若份量多些就好，真的不夠吃。來吃越南菜，一定要點杯越南滴滴咖啡，飲第一口時，真的感受到，其獨特的味道，濃郁醇厚，帶些苦澀回甘，又多點甜甜地的味道。最後留意到，店主有出售咖啡粉，一於買包回家玩下試沖。

轉眼又到星期三 又係時候同媽媽周圍搵野食行完吉之島 走過隔離街 見到有間越南小店香味撲鼻 門口又有人等位 一於入去試下食越南野當然要叫生牛肉河啦 湯底一流 好香香料味道 牛肉數量都唔少架重有店員推介嘅咖喱牛腩配法包 咖喱微微嘅辣 配埋香脆微暖嘅法包 一流越式小食少不了 蝦餅 春卷 扎肉 同埋雞翼熱辣辣 春卷脆卜卜 雞翼好juicy 幾好食飲品方面 叫左清甜嘅椰青同埋呢杯勁多人叫嘅牛油果奶昔 第一次飲 味道唔錯喎 入口清甜 飲落有啲似青瓜嘅味道 幾好飲 唔怪得咁多人叫啦

去完愉景新城工作，便🚙找地方醫肚，行行下轉左去內街，見到有一間越南餐廳，反正又好耐冇食過越南菜，便去試一試支持一下小店入到店，鋪面積不大，晚市時份都有九成入座率，坐下後，望一望餐牌，價錢大眾化💰選擇不是太多，所以望了一會，就好快拍板，一個越式法包(小)，生牛肉湯檬，咖喱蟹肉撈檬，米紙蝦卷，鹹檸梳打✖️2️⃣，再加甜品馬豆糕紅豆糕各一。越式法包(小)，口感和餡料出奇地豐富，有生菜，芫荽，醃製紅白蘿蔔，扎肉，豬肉，肉鬆等材料😋意想不到所有材料加埋一齊，出奇地夾😋米紙蝦卷，米紙內裡，有滿滿的生菜和檬粉，青瓜絲，當然唔少得🦐，食時，再點上酸酸的醬汁咖喱蟹肉撈檬，第一次食，勁多🦀肉，好足料，配上香濃的咖哩汁，非常好食🤩🤩，正👍🏻👍🏻生牛肉湯檬，一碗麵食，湯底是重點，幸好這湯底夠清甜，配合香葉和洋蔥絲，完美的襯托牛肉肥膏小之又小👍🏻，檬粉分量，一個人剛剛好。日後如果有機會再經過附近，定必會再次到訪

🍛咖哩蟹肉法包(大)$58🍛越式法包外脆內軟，口感唔係傳統硬身個隻~如果可以再烘脆硬啲啲會更好🙈而個咖哩係走甜辣風，唔食得辣既朋友仔都可以輕鬆駕馭😌蟹肉已經拆哂出黎，幾方便😆份量都ok，食落幾惹味~用法包沾住食，成個包都索哂汁🤪.🥘咖哩牛腩飯$58🥘朋友點的，試了一小口，咖哩味會重少少同辣少少😛☕️凍越南咖啡$30☕️幾香濃❤️唔錯✅.食物質素: 🌕🌕🌕🌑🌑食物顏值: 🌕🌕🌕🌑🌑性價比: 🌕🌕🌕🌑🌑回頭率: 🌕🌕🌕🌑🌑

日前朋友介紹荃灣廣場對面 ，在享和街， 都城大廈地舖 有間(小越廚) 餐廳， 交通非常方便，在港鐵荃灣西站E2出口。店舖內環境雖小， 但是光線充足， 我們坐下後， 朋友柯打了 越式 蟹膏河粉$48， 河粉 粉質幼滑 ，吸入湯底 味道更佳。蟹膏清晰可見，份量也很適中。 我們還加多一碟魚露雞翼， 雞翼肉質嫩滑， 用魚露泡製， 更突出 魚露鮮味 ，不會太鹹。 還order咗一杯特飲， 就是大大個椰王，冰凍鮮甜 ，認真解渴。特別一提就係要記得食埋椰王的果肉，因很鮮甜，令人開胃。

好耐無食越南菜，經過荃灣發現呢間其他食評都唔差，所以決定一試!餐廳內很迫，坐得唔係咁舒服，我地被安排坐一張圓枱！食物美味，食左小食拼盤法包等，結果沒有失望而且食到好飽哩！

自從去完越南旅行返黎，一直念念不忘除了是生牛肉河之外，就是香茅豬扒凍檬。今次來到荃灣，見到有間叫「小越廚」食越南野。凍檬的外形與米線相似，越南人習慣當成用涼拌來吃，酸酸甜甜令人吃到很開胃。🔸越南豬扒撈檬🇻🇳 $50豬扒熱辣辣，味道醃得剛剛好，很香的香茅味，凍檬再加上生菜，花生碎，魚露，香草，洋蔥⋯用料非常豐富，最後配上撈檬獨有的醬汁。食物質數係幾好，可惜招呼就⋯⋯入店後店員完全無黎招呼，佢淨係望一望我地，之後繼續玩電話，頭頭入去以為佢地山左門。之後自己坐低，店員繼續玩電話，直到我地叫佢落單先行過黎，招呼勁差，明明得2枱，出完野食重要提佢未有野飲

一向喜歡食越南嘢， 見咁多評語都讚呢間店 ， 呢日到來光顧。環境 ok，價錢亦不貴， 地理位置在荃灣享和街， 實在是太方便。但可惜一個簡單嘅香茅牛肉撈檬， 味道淡而無味，牛肉 韌到趙唔到， 而另一個好出名嘅咩蟹膏， 個人覺得很腥。只可以講句百貨養百客

我突然很想吃越南菜，所以就到了荃灣廣場附近的小越南吃東西。看了看餐牌，發現這裏的東西及菜式也增加了一些，令我感到興趣。我們叫了一個小食拼盤，有越式春卷，炸雞翼，扎肉及蝦餅等等...這個平盤有齊很多不同的小食，很豐富呢！雞翼炸得很香脆，我特別欣賞是越式炸春卷，入面還有很多蔬菜及冬菇絲，口感很豐富呢！而我叫了一個豬頸肉河粉，還加了溫泉蛋。豬頸肉炸得很香脆，味道爽口還很甘香呢！溫泉蛋略嫌凍了一些，如果熱一點會更加好。湯底味道清甜，而且不會令人感到口渴。