小越廚

營業中

休息中

上星期同朋友去了荃灣 廣場 shopping ，到了晚飯時間，我們找了附近一間越式餐廳食晚餐， 因為朋友喜歡食越菜，所以我們找了附近一間小越廚 ，進食晚餐。 餐廳內環境 清潔整齊， 我們先order咗一 個套餐 ，蟹膏湯檬粉$55， 份量相當大多， 有蕃茄， 豆卜， 扎肉 ，和大大嚿蟹膏 ，香葉等，湯底鮮 惹味 味， 檬粉 幼細嫩滑， 賣相吸引。 如果跟套餐叫飲品可加25蚊特飲， 我選了 一杯牛油果奶昔， 牛油果 香味龍澳， 但就不夠冰凍 可以有改善空間。朋友選了一個豬手撈檬$52， 份量也很 滿足 ， 但如果猪手可多幾嚿 就最理想， 豬手味道烹煮得很入味， 味道濃沃 ，豬手也 很淋甜 ，很有咬口。 最後還 食埋 餐廳的小食， 凍食小點 紫米糕， 紫米糕味道和口是飯後的最佳甜品 .

雖然成日經過荃灣，但呢間喺荃灣廣場附近既越南菜就真係第一次食～鋪面唔算大，小店形式，但勝在多款式又幾大碗，都幾抵食👍🏻.撈檬個人認為撈檬做得幾出色，配料多麵底多，最特別係蟹膏撈檬，蟹膏包住哂每條檬粉好重蟹味🦀但又唔會太咸，估唔到咁夾🙂.越式法包麵包烘過好香脆，內層夾住扎肉、酸蘿蔔絲、芫茜等等，個餡超豐富仲好juicy，夾埋塊包食完全唔會乾真真👍🏻食完一個已經想encore🤘🏻.米紙蝦卷前後叫左兩碟😂最加分係個秘製花生醬，入面有花生粒、炸蒜片，聞落都香～同米紙一濃一淡，食一啖就想點一下醬🌯.越式拼盤有雞翼、春卷、扎肉 、炸蝦卷，所有都炸得唔厚粉，而且好入味，最鍾意係佢個扎肉同蝦卷！🥰

在荃灣去完南豐沙廠之後, 便到了這間越式小店吃晚餐。餐牌上的食物款式有很多, 有正宗越南小吃、主菜 (檬粉、湯麵類)、越式甜品。飲品方面, 連冰滴咖啡也有。越式拼盆有春卷、扎肉、蝦餅、雞翼。春卷炸得夠香脆。香茅牛肉法包 - 烘烤過的法包咬落好香脆, 裏面夾着青瓜、醃蘿蔔絲、牛肉。牛肉帶點香茅味, 很惹味。咖喱牛腩飯 - 牛腩炆得夠腍嫩。有咖哩汁, 一定要配白飯。咖喱和白飯是一個很好的配搭, 白飯大大碗的。咖喱蟹肉飯 - 咖哩汁不會太油。牛油果奶昔 - 奶昔好香滑, 質感好creamy, 牛油果甜甜的, 飲落有香濃的奶味, 但牛奶味搶過了牛油果的味。泰式豬頸肉 - 不乾身，不太肥膩。

Very good taste, especially the crispy and juicy chicken wings! Thanks for the great food! Keep it up!

近期成日食日本野，好想轉下口味食下越南菜！喺荃灣廣場附近有一間越南小店，係我家人好鍾意去食嘅一間平靚正之選。今次約咗兩個friend去晚餐。自己果然冇令大家失望。好好味，食到飽飽，仲好抵食添！我哋先叫咗椰青及小食拼盤，再慢慢叫嘢食。小食拼盤有齊晒越式春卷、蝦餅、雞翼、扎肉等美食。正！跟住叫咗我最鍾意食嘅烤牛肉撈檬。烤牛肉好香口嫩滑，撈檬嘅香料香葉特別多。最正嘅係咖喱牛腩配法包，法包熱辣辣好香脆，點咖喱汁一流！再叫咗個米紙卷，再encore左份蝦餅及春卷，仲叫咗串燒！最後梗係要食下佢啲甜品，馬豆糕同紅豆糕都好味！

星期一blue Monday 平時好少約人出街食飯，因為遲三個字放工之餘，要等成四日先可以有假放。但係我朋友因為要出ward 既緣故就只有星期一得，咁無辦法啦唯有都係去啲近近嘅地方食。揀咗荃灣貪隔離就係西鐵站可以直接返屋企，近荃灣西個站有一間食越南野，越南菜又係我平時成日鐘意食既野。首先叫咗一個烤肉串作為前菜，一客有三條仲配埋泰式辣醬，佢好meaty 唔乾，一定要點埋個醬食先夠正。我地仲想食多啲小食，就叫左一個越式小食拼盤。入面有齊春卷、蝦餅、扎肉同雞翼，自己覺得蝦餅特別出色，夠晒彈牙之餘蝦味夠重，睇得出佢打個蝦膠好高質，勁想叫一碟食哂佢。Main dish 一人叫左一個share，越式豬扒撈檬一碗夠哂吸引，勁鍾意上面有好多炸洋蔥同花生，而佢個汁少少酸偏甜，撈埋一齊食夠晒開胃。豬扒有兩大塊夠哂誠意，咬落去幾juicy唔硬。重點來了，今餐最令我驚喜嘅係個咖喱蟹肉法包，呢個咖哩份量已經係細既份量，唔知大既係咪會滿瀉😂咖喱啖啖蟹肉，蟹肉唔係霉架！少少辣辣地好爽，同法包食好夾唔鹹唔膩，唔多越式餐廳可以食到咖哩蟹肉法包，好有新鮮感。

今天到荃灣廣場購物 ，大約六點鐘便去附近搵食。 亂打亂撞下入了一間吃越南東西的餐館  。一看餐牌 發覺價錢很便宜， 所以我們一行四人便盡情吃喝 。叫了一個泰咖喱海鮮法包 ，法包配上咖哩汁，非常美味 。另外 食越南嘢當然不少得越式撈檬 和小食拼盤， 兩者都沒有令我失望。 吃完一輪後 ，我們意猶未盡 再點了一客春卷、烤肉串和米紙蝦卷 ，三樣東西中，米紙蝦卷最為特別 ，內有蔬菜加蝦 ，不過朋友不喜歡吃菜 ，所以我一人吃了三件 ，但一點也不膩 ，覺得非常好吃，很清新呢 !總括來說 ，街坊價錢吃到特色的越南菜 ，性價比非常高哦 !大家不妨一試。

蟹膏湯檬粉- 湯底清徹，碗邊有一層橙色的蝦蟹油，鹹香撲鼻- 湯如水般輕盈，但蟹味濃郁，配以蕃茄的酸甜，乾蔥的甘香，層次豐富- 金不換不太新鮮，不出味，即使原片咀嚼，香味亦不強- 連皮蕃茄偏酸，開胃- 生菜新鮮爽脆，沾上閃亮的橙色蝦蟹油，油潤香口- 蟹肉蛋餅口感fluffy，吸湯力高，蛋味香濃，蟹肉鮮味，乾蔥添香甜味- 檬粉滑溜吸湯，每一撮散發馥郁鹹香- 札肉片肉質偏煙韌，肉味甘香，肉中夾雜軟骨，煙韌爽脆共冶一片- 豆卜外皮偏韌，豆味淡，但吸湯力佳- 豬紅爽滑，微黏牙，血味偏淡

跟朋友談起旅遊，他說去得多日本，韓國，台灣這些地方，下年想去其他東南亞地方，席間有位朋友大力推介越南，說空氣好，天氣怡人，價廉物美，大家說著說著，話題便跑到飲食上了。說起來很久也沒有吃越南菜了，上星期工作比較輕鬆，跟同事說起越南菜，她也有點興趣，便相約一起吃越式晚餐，同事想起荃灣有間小小的越南菜餐廳，小店也不錯啊，感覺比較地道。店鋪面積不大，裝潢簡單舒適，有卡位也有圓檯，人多人少都無問題。當晚我地一行四人，女士們都比較細食，所以當晚主打吃小食。魚露雞翼 ($39)炸得夠熱夠脆，魚露味不會很濃，炸後肉質仍保持嫩滑，讚春卷 ($39) 春卷炸到金黄色，餡料爽口，用生菜包住黎食，外爽內軟，層次十足，好食!烤肉串 ($39) 一客3件烤肉串，應該係豬肉，, 味道有點像甜甜地的臘腸蝦餅 ($44) 炸蝦餅好彈牙，而且外層香脆，沾上泰式辣醬非常惹味。庶蝦 ($44)  一碟3件，幼身甘蔗被蝦膠包住，啖啖肉， 爽口鮮味，而且唔油膩，點埋甜酸醬，滋味無窮咖哩蟹肉法包 ($58) 咖哩蟹肉可以配飯，撈檬及法包，我地一致揀法包。咖哩蟹肉份量好多，好足料。法包新鮮熱辣，外皮脆卜卜,  醮上咖哩蟹肉一齊食

今日同朋友兩個人去咗食越南菜。我就叫咗個咖喱蟹肉法包，而佢就叫咗個生牛肉河粉。呢個就係咖喱蟹肉法包，真係有成個包喺度，份量都幾多。蟹肉整得好香，味道好鮮味。如果包熱辣辣咁整得好脆，成個一齊嚟食，味道好夾。而呢個就係生牛肉河粉，河粉最注重嘅就係湯底，味道濃淡適中，牛肉仲好嫩。我地叫咗杯牛油果奶昔同芒果奶昔，我本身唔食牛油果嘅，但見到佢話對身體好好，味道比我想像中容易接受，甜甜地咁。而芒果奶昔就味道好香甜，有好香嘅芒果味。

二人同行的好選擇-小越廚二個人👫又想試多些食物，可以選擇小越廚。貪佢價錢平，小小份，二或三人就可以ko一份小食，岩曬想試多幾款小食既朋友。話說我個日二個人，唔想每人食碗麵就打飽個肚，就去左小越廚食飯，叫左1碗麵，3個小食，2杯飲料，仲叫埋甜品，食完岩岩好飽曬，都係2百幾蚊👍🏼。食越式野，當然叫番碗牛肉湯河，都幾大碗，個湯幾香，河粉好滑，加埋香草🌿，夠曬味道。小食當然唔少得我最愛之一魚露雞翼，同場加映烤肉串和蔗蝦。雞翼外脆內嫩，有少少咸味；烤肉串唔係平時食開一塊塊肉個款，外表似腸仔，味道唔錯架；蔗蝦我最推介🥰，好味，食個陣記得咬埋支蔗，啜埋d蔗汁。飲料就揀左牛油果奶昔和青檸七喜，估唔到牛油果奶昔甘好飲，好清新，無淨係牛油果甘膩，這個搭配很不錯🥳。青檸七喜夠保險，唔會出錯。飲飽食醉，但肚仔仲有位，咪食埋2件糕，就岩岩好飽曬啦。揀左芒果糕和馬豆糕，實材實料，多芒果和馬豆，完美句號😚。PS 每枱都有個小香包，好貼心😍

荃灣大把食肆，好多都試過，要咩有咩，但係越南菜好唔多覺，今次嚟到荃灣就試吓比較少見嘅越南菜啦！座位方面有點像茶餐廳，想像不到是越南菜館，但一看到枱面的醬料兜，又有返啲越南味道喎，因為酸汁同辣粉一定會出現在越南菜。同屋企人一行3人叫咗個檬粉，越式拼盤，上湯生菜同埋米紙卷試吓，味道方面較迎合香港人口味，沒有太濃香料，和太花巧嘅材料，醬汁方面要一讚就係點米紙卷個醬，係撈咗好多配料好香嘅花生醬，配上淡淡米紙卷，好味。另外，拼盤嘅蝦餅同雞翼都好入味，好食。誤打誤撞試到呢間小小越南菜館，算唔錯啦

今日搵朋友食飯路經荃灣，朋友話呢間越南菜做街坊生意，咁就入去試試。主打都係做矇、粉、飯同法包。沒有小炒，沒有小菜。選擇貴精不貴多，今次叫了烤肉串，越式豬扒撈矇，咖哩蟹膏法包。先說烤肉串，我以為類肉沙嗲串，原來不是，係沾酸甜醬，食完好醒胃，豬扒撈矇個汁都好得，加埋啲酸蘿蔔配菜，好食。咖哩蟹膏不是全蟹膏，應該加了雞蛋，但味道又出奇地夾法包幾味，食哂又唔會好漏。另外超勁推介~牛油果奶昔，朋友一個人飲咗2杯，好勁。街坊越南菜可以一試。

適逢一田大減價，行過荃灣廣場附近搵食，避開人潮，行後兩條街，搵到呢間叫小越廚嘅餐廳。行過門口比色彩繽紛嘅手寫餐牌吸引住😍，見價錢唔貴，50幾蚊仲連飲品，決定入去試吓。我呢間小店確係好有心思💖，每張餐枱上邊都有一個越南裝飾，牆壁亦都有好多掛畫叫咗一個推介嘅蟹膏湯檬🦀（蕃茄湯底），個檬粉好滑，個湯底亦都有好濃郁嘅蟹味，蟹膏有一大塊，配上兩粒豬紅，同埋索都入晒味嘅豆卜。叫咗個椰青飲🌰，一句講晒，雪得夠凍，好清涼好解渴。另外叫咗碗生牛肉湯檬，牛肉嫩滑，上枱時仲係粉紅色，唔會死實實，洋蔥同其他香蔥配料令湯底更清香。行街行到好肚餓，決定叫多個小食拼盤，個蝦餅絕對係焦點，咬落非常彈牙，有好濃烈嘅蝦味，夠厚，有咬口門口有個雪櫃擺甜品，見到有四款糕點，分別係馬豆糕，芒果榚，紫米糕，同埋紅豆糕， $8件，叫咗每樣一件。今次嘅焦點輪到馬豆榚啦，豆味濃，椰汁亦香，食到細細個媽咪整嘅嗰種味道☺️。其次芒果榚，有一大粒芒果喺裏面，可以叫做啖啖果肉兩個人食咗好多嘢，埋單先二百幾蚊

昨天朋友說很想去吃越南食物。他提議到越棧吃晚飯，但是我突然靈機一觸想到了小越廚，他說不妨去試試。這裏的餐廳會不停變的，所以每次來也有新鮮感。這次我就見到有新的泰式豬手飯，所以當然要試試了。這個就是泰式豬手飯。飯和豬手是分開的。豬手十分入味，而且很容易咬開，不過比起泰式風味，味道更像是滷水汁的，而且還有雞蛋，也十分入味。我在牆上看見了有烤肉串，是在餐牌看不到的。烤肉串烤得很香，是豬肉來的。有點像腸仔般的烤肉串，不過也充滿肉汁。