小時光 (已結業)

朋友話呢度裝修一流, 佈置到好似以前課室 o甘我都覺得呢度整得好有 feel, 好適合影相食物方面, 可能我 o地太晏先去好多 o野都賣哂 兩個飯都普通, 不過賣相都好靚 ge飲品用個 flask 裝住, 好得意 ar味道就一般

同朋友約左去小時光食晚飯 之前我試過一次但唔記得好清楚 只記得晏就好多人 估唔到星期日晚上八點去到 冇咩人 即時入座 侍應安排好座位後會遞上餐牌 自己再出去點餐 我地叫左雞絲伴面 周炸排骨便當 仲有兩係熱飲 埋單$169 講講裡面裝潢 枱係學生枱 周圍好多舊式玩具 漫畫 等等 好似令人感覺回到學生時代等餐時間大幾五分鐘 雞絲面好大份下 醬汁都已經伴好 老公似乎幾喜歡 我就食炸排骨便當 另外仲有醬汁係碟到 （類似滷水） 令到炸排骨再軟身小小如果再揀 我會揀炸雞排 朋友的好大份 可惜我冇映 但似乎佢地餐牌都係個幾樣 無咩轉變 食過幾次後 可能會悶

呢度是快餐自助式, 自己出去點菜, 俾錢+ 拎野食。三杯雞飯: 好多送,但飯好少, 雞肉少少甜少少辣, 幾好味, 雖然是雞胸肉多, 但唔會鞋, 唔錯, 超多薑+ 原粒蒜頭, 多到以為是雞肉, HAHA。另有3款配菜, 都是芽菜, 酸菜果D, 本人不好, 無食「老」水豬耳: 好大碟, D 豬耳都「老」得幾入味, 不過都幾肥幾漏, 但係好食GE, 不過就唔及麻辣豬耳果種做法惹味。BTW, 我以為佢扮學校, 但覺得似台式懷舊多D, 可能近年都好多懷蕭餐廳, 覺得呢間D 裝修唔算好特別, 不過好似好多野都真台灣野。BTW, D STAFF 著校服都得意GE。

星期一難得放假同妹妹一闖觀塘工廈，搵路嘅時候有少少波折，但入到去小時光完全係另一片天地。呢個感覺真係令我想寫返食評讚下！平日佢提供午餐價錢抵食，60蚊左右包一杯飲品自助去落單取菜，方便又流暢，都好多附近嘅OL去食。我地食左滷水拼盤便當有牛 豬耳 豆乾 海帶，調味唔濃好香醇，食完唔會口乾，唔錯唔錯另一個叫咗鹽酥雞便當超級好味 炸得香脆唔油 調味啱啱好 同喺台灣食完全一樣 兩姊妹係咁爭食呀！午餐仲包一杯野飲，有台式奶茶，紅茶，凍飲就加3蚊。美中不足就係冇得加珍珠，硬係差少少...

話說同班老友成個月都無見，今次點都要出黎gathering下。同往日唔同，我地今次無揀快餐店，或者普通cafe歇腳 ; 反之，我地4個走左去偏遠嘅觀塘食lunch。<<小時光>>尼次畀我嘅印象實在太深刻啦！因為我地4個朋友之前一齊去過台北旅行，共同編織左唔少美好回憶，所以今次去番尼間有台灣氣息嘅小店，我地都自不然諗起我地嘅過去......嘻嘻…我地係一張有台灣國中情調嘅木枱木櫈，開心點餐。經過內心嘅一番掙扎(因為我咩都想食)，我order左一份「香酥雞便當」。佢啲炸雞真心好正，好有台式香脆風味，而且成份雞好大碟，真係絕不欺場。之後，我又叫左杯「蜜瓜latte」。成杯野少少甜，岩岩好。唯有美中不足，就係我地要飲得快，因為我地坐低吹左陣水之後，杯野就凍哂，得番啲泡係度，好似好難再入口咁。Anyway, 今次嘅體驗真心唔錯! 我地都好開心，搵番半年前一齊刻劃嘅美好回憶。

今次黎到觀塘工廠區既小時光 搵番台灣既味道三個餐既賣相都唔錯，有台式既感覺，而且每個餐都附送3款小食，食到好飽！另外店舖入面既台式佈置好懷舊 好適合文青朋友順順影影相

今日 Happy Friday Lunch，同一班同事浩浩蕩蕩走去小時光食午飯，呢間餐廳裝修同擺設都係打正台灣校園風，最啱一啲懷念校園時的大人，即係我。大門的把手係隻長頸鹿，好得意。樓上個層有大量漫畫任睇，可以消磨一日時間，亦都好啱情侶黎hea，如果有埋wi-fi 就perfect。樓上仲有一個 area 賣一啲得意的杯碟、布袋、裝飾品。睇中呢隻貓碗，但無標價錢，我又唔想問喎，唯有影左當買左。餐廳有兩層，地方闊落，但係需要自己去櫃枱落Order 跟住會獲派一部提示器。當食物準備好時，部機就會震動提示，你就可以去櫃枱自行攞食物了。 仲有，餐廳規矩需要客人自己將食完的餐盤搬去收拾區，好似以前大學飯堂咁。Set Lunch 有好多選擇 ，有飯有麵，最平＄55 就有交易。我揀左香酥雞便當($58) ，跟餐飯品就揀左蔓越梅紅茶。由於我地坐樓上，攞餐要落樓下攞再行返上去，條樓梯都幾斜而且每一級都好細，拎住盤野食行上去好驚會差錯腳。食物賣相好滿意，筷子好似顏色筆咁，好有心意，我試過係油唔出顏色的。先試舊雞，炸粉太厚，雞肉完全無味，前菜味道都係普通，但會白飯軟硬適中，又有飯香。同事點的滷肉便當味道都係

去開觀塘梗係要試下啲工廈餐廳啦😋一直都聽好多人推介小時光話啲野幾好食同環境幾好，就同朋友去試下啦位置都幾偏遠，有少少難搵。不過好在等位都係等一陣，坐樓上就有啲唔方便，點餐拎野食要行上行落。我同朋友一人叫咗一樣share食，分別係魯肉飯同雞絲拌麵（辣）魯肉飯會跟滷水小食拼盤，入面有豬耳，豆腐，蛋等。不過本身魯肉飯份量就飯多，肉太少，啲肉好快食晒。味道方面，同普通台式便當差不多，滷耐啲會更入味！另外雞絲拌麵份量都好多，食落有少少麻麻地辣辣地！雞絲幾入味，不過食耐咗覺得有啲咸，整體而言都ok🙈

食物質素：80分食物賣相：90分環境氣氛：95分一入到門口就有人招呼，安排座位比我們！自助形式，在收銀處落單比完錢之後，有一個呼叫器給我，食物預備好就可到取餐處拿！由7:15分食到8:30，一路都有客人進入！全餐廳都滿座！

平日很少去觀塘上網search見到有台灣菜 環境好靚就黎食一去到係以課室作主題我同朋友叫咗魯肉飯（$55）同麻油雞湯麪（$65）魯肉飯份量不少 仲有附送小菜味道很好 餸菜都很多煮法都很正宗 不像某些台式餐廳是港式煮法😂😂😂奶茶都好好飲最後仲叫咗起司炸薯條美中不足起司粉有d少 但整體都唔錯係一個可以同朋友傾下計 休息下嘅餐廳要注意所有野都係自助同埋位置有d偏僻

久聞小時光呢間位於觀塘工業區Cafe的大名，今日終於有機會親臨到訪。一到埗，已經被擺放喺門口的朱古力模型深深吸引，真係好有趣呀☺️。推門入去之後，左右兩邊放左唔同主題的舊玩具，有長頸鹿，超人等等，亦都有擺放漫畫書的書櫃。而枱櫈的設計，係以學校背景為主，見到一行行排列整齊的木枱木櫈，真係有返到小學時代的感覺。真係好佩服店主的心思，將一間餐廳由頭到尾佈置成咁有舊時代feel。約埋一班小學或者中學同學黎呢度聚下舊，gathering都係一個唔錯的選擇。講完裝修，就講下食物，我地點左兩個set lunch，分別係台式紅燒牛肉便當及酥炸排骨湯麵。坦白講，野食就比不上裝修擺設咁有驚喜，只係屬於不過不失，如果同其他做台式料理的餐廳比較，仍然有一段的距離。希望可以改善下食物的味道，咁呢間cafe真係無得輸了。

小時光-係一間香港回憶集既食店，很欣賞老板有這份心思，為香港人留下一點點可追尋的回憶。食店有兩層，佈置簡樸，有點似大型老冰室，這店是採用快餐店點餐服務形式落單的，顧客用餐後需要自己收拾好餐具，放在指定的地方。這樣的老香港格調，以台灣菜式招呼，感覺也不錯噃。我們點了雞件和豬扒麵，食物水準好一般，價錢亦頗貴，不過份量適中，也可一試。

原來打算到區內另一間食店但竟然星期日不店唯有另覓餐廳最後決定到另一區外人氣食店小～時～光～台灣文青食店在香港曾捲起一陣熱潮其中小時光算是始祖之一能夠到現在仍能屹立不倒一定是有她可取之處星期日晚餐時段一樓已經滿座二樓仍有許多空位～店內裝潢充斥著台灣中學青澀的校園味道家俱與佈置都頗為用心餐廳採用自助形式先排隊付款點餐之後回座位餐點準備好 取餐器會亮燈以及震動可以到取餐處取餐了！小妹點的夜市香酥雞便當$55另加配熱黑糖奶茶$35香酥皮略嫌炸得比較油和厚身而配菜頗配合我胃口奶茶味夠香 奶味重味道尚算不錯炸花枝丸和滷水併盤花枝丸炸得鬆脆 香口滷水併盤完全比比下去朋友點的星加坡海南雞飯套餐$58另配凍荔枝梳打$35朋友說味道還好小妹覺得食店食物質素不錯 但價錢較高總結性價比較低不會專登再來一次～

睇左網上食評，一直想黎試下，咁啱去完開倉購物，就順路食埋。晚上的餐廳入口真係有D難找，好在都幾多文青來此店，可以跟住行。好多懷舊的玩具放著發現到長頭鹿先係主角。小小的section，仲有漫畫睇。工廠大厦環境好寛敞。點餐和取餐都係去後面，食完自己執返去角位area。台式三杯鷄不錯，食落雞帶有少少米酒的味道，雖然看到有九層塔，但是缺少九層塔的香味，不過配台灣米飯食很道地。配菜有芽菜、菜脯和白菜，如果份量可以多D就好啦！麻油雞麵線是分開上的，雖然雞腿很柴，即係好乾唔夠嫩滑，但係試下飲個湯頭，就知道大廚係有精心烹調過多，非常濃郁的麻油味，有薑、杞子和紅棗，又帶有米酒味，在冬天食真係幾補身。另麵線都好滑，好細心，冇放係個湯度上等佢發脹。綜合滷水拼盤，牛腱的肉和筋一齊食很有嚼勁，蘿蔔、雞蛋和豬耳都滷得好入味，可惜豆干可以再滷耐D。黑糖奶茶在香港很少見，很貼心的附送黑糖啫喱加入去飲，飲起黎就冇咁單調。飲完仲有長頸鹿出現，好得意呀！

同朋友都係被環境吸引先 決定黎呢間餐廳試下 餐廳開係工業區 唔熟路朋友可能有d難搵 入到餐廳環境確實幾特別 自助形式 自己排隊點菜 攞餐具 我地點左個招牌牛系列既飯再點左個三式餃子 不過味道其實真的挺一般 餐廳感覺就挺仲舒服