小時光 (已結業)

朋友圈子裏都盛傳這一家裝潢懷舊的觀塘工廈，而且放著各形各色的兒時玩具，尤其是長頸鹿 ( !!! 我的最愛)，所以友人都向我特別推薦。和我同行的是一位中學時代已相識的固友，正好符合懷舊小時光的主題。由於不常活躍於觀塘區，我倆在地圖顯示的工廈範圍轉了兩圈，問道保安人員，乘工廠電梯上到停車場又步行樓梯下樓才找到… 果然是小伙子常迷途遊記啊!招牌是一道部分稍為脫漆的綠藍色木門，門上燈牌是七巧板砌成的一只長頸鹿圖案。正門在側，推開門… 感覺好像通過隨意門去了卡通片裏的小學生飯堂!地面刻意弄得破破舊舊，是小學生不停來來回回奔跑的痕跡吧。店內的服務生也是穿著校服的。店裏擺滿了系列漫畫書，檣上貼滿電影海報，還有一些鐵甲萬能俠公仔和一堆堆長頸鹿!!!好了，經過一輪拍照，來到主食：香蔥雞絲撈麵，也沒有任何特別的說，只是一碗香蔥﹑雞絲﹑撈麵配上一些芝麻醬。反之，飲品挽回不少分數 - 紫薯拿鐵，紫薯香味噗鼻，杯面有一層牛奶泡泡， 還有個拉花的心，很暖胃，很窩心。飯桌就是課室中被亂畫花的書桌，看見紫薯latte旁邊的小豬嗎？ 小時候的你是不是也有畫過這些圖案呢？

本身係觀塘附近返工 今日lunch想食啲特別野所以就嚟咗呢間小時光台式餐廳食飯 一去到已經見到好多人排隊 不過好好彩等左唔係好耐就已經有得入去坐啦 入到去見到環境都唔錯 周圍都擺放着好多特色嘅擺設 睇完餐牌之後想落單 但點知原來要出去排隊買 本身已經要排隊等位 入到黎落單仲要排隊 排到我嘅時候我就落咗一個台式三杯雞便當三杯雞的雞一點也不嫩滑 味道亦怪怪的 飯嘅份量亦好少 一個正常大人應該係唔夠食嘅 性價比非常低 所以唔太推介大家來呢度食

校舍設計理念特別，餐具也較為特別。食物揀選種類待有改進空間。這次我揀選一客海南雞飯，這個餐吃下的口味ok，海南雞的雞肉嫩少骨，但份量略為小。而飯吃下的口感不太油，餐盤也提供其他小菜帶有些特色。整體感覺比其他餐廳的海南雞飯也算可以了。另外，這個套餐不包餐飲的。

工廠區搵食日記！是日收工來到歡塘的小時光。叫左個餃子麵同加左杯檸檬冬瓜茶，加左野飲就好似80幾蚊，唔抵！而且杯野係唔好飲嘅！誠意欠逢。餃子幾好食，都算幾多舊，個麵酸咪咪都幾開胃！不過同事就話唔鐘意陣酸味😂 味道係OK GE，不過怕陣味要小心D！呢個價錢可能食到更好的！

同朋友週末到觀塘食午餐, 到觀塘工廈食原汁原味的台灣野, 呢間叫小時光, 名乎其實, 內裡裝修好有那些年的感覺, 全部枱椅都係都以小學的主題,叫了個台灣紅燒牛肉麵$60, 個湯底好鮮甜牛肉汁味道, 牛肉好淋入味, 還有前菜三小碟, 酥炸排骨湯麵, $58, 好巨的豬扒般, 不過比想像中薄, 湯麵麵條彈牙, 喜愛呢度既環境, 還有某些店員係台灣人, 同你落單時好親切, 令你置於台灣既感覺。另外食物未包飲品, 可再散叫特色台式飲品。下次先試。

咁啱經過觀塘諗住睇下喔區有咩正野食 一search 第一間就係小時光所以就去試下 環境呢 okay la 設計都叫有個主題咁 不過都係for人打卡所以無咩特別服務呢個要講講 入到去先知咩都自助嘅 無所謂 只可以講 請咁多staff係度真係黎裝飾 見顧客有需要但唔幫仲掛住傾計 對比自助 老麥都起碼有時會有人幫下你拎野 呢度真係連牙籤都要自己行去搵😓😓衛生有少少唔得 自助用水果度啲杯有污穢食物正常 入得口咁 唔算難食但就算食物可以 都唔會再黎 完

餐廳位置：觀塘工廈餐廳出晒名方便，由地鐵站行過去5分鐘左右，唔算難搵。電梯上樓，出右轉，店舖門口不難看見，在走廊盡頭位置。門口有些懷舊裝飾。食客需要留意離場方法！！！通常食完離場嗰吓，工廈正門已關上大閘，要離開唔駛坐，行向同層嘅停車場，穿過車場，右轉就出返大街，不難搵，就算覺得難搵都要搵，哈哈！食物：依間餐廳唔係一個貴價地方，都唔係大魚大肉嘅地方，係一份份餐盆份量嘅set。有麵有飯咁啦，sale校園風。食物都係台灣風味嗰d,例如滷水xx, 滷水蛋，肉燥等等。每份餐會送少少前菜小食，有清水自由斟，餐不包飲品但可另點。餐廳特色：一聽個名咁懷舊，當然係走懷舊路線，仲係台灣中學校園風，那些年嗰d feel。侍應著咗台灣校服，不過放心，望埋去無「如花」嗰種感覺。餐具都幾可愛，睇落係筆，實際係筷子，拍個照留念都幾開心。另外，最大嘅好處係「老麥式」唔趕人走，好似學校班房咁，鍾意坐邊就坐邊，想傾計傾耐d 都得。佢哋行自助買餐方式，先買飛，再拎電子板，等個電子板call, 個電子板call 就去拎餐，食完收盆。不過侍應生都好好，見我拎住個盆手震震咁，真係我自己都驚，佢就主動幫我放上收餐車上面，真好。

常常聽說這間小時光是很有特色的店舖，今天終於有幸來一試！門面感覺比較殘舊，不會令人聯想起是與台式餐廳有關。還有這個M&M's，很特別的配搭！是校園風的設計，令人懷念上學時代。還有輔導室，不知會否有訓導處呢是經典的台式料理，但會有星加坡和日式的食品，最令人驚訝的是沒有珍珠奶茶，只有台式奶茶！這裏是全自助的我們要自己點餐，取餐、還餐。很欣賞他們的餐具，非常有心思。台式紅燒牛肉便當很精緻，令人急不及待要跟它拍照！還以為會有一點辣，但是完全沒有。 喜歡牛腩的質感，非常軟身，而且很入味，雖然我不覺得這是用了很多香料煮了兩天，但我覺得整體味道也不錯。唯獨不太喜歡蔬菜料理，由於是前菜，全部都是冷的。台式奶茶這個味道不錯不會太甜，有淡淡的台式奶茶味道，唯一缺憾是沒有珍珠！這類令人有種重返校園的感覺，所有店員都是穿着校服的。

🍴美祿脆脆恐龍🍴餐飲😂令人念念不忘的美祿恐龍👍🏼👍🏼佢地用左粟米脆片加美祿粉 一開始同冰放埋一齊自行淋濃濃既美祿落去☺️等你唔會一路食飯一路淋哂.完美搶哂食物風頭🙆🏻上次介紹過小時光台灣食物👍🏼滷味大大碟好抵食餐廳環境係文青呃like好地方😘懷舊台灣國中課室既裝飾🎒✏️.去過台灣既都知台灣既美食有幾平得幾平 係香港事與願遺 尤其係果d台式大型連鎖餐廳😞呢間 小時光 位於觀塘工業區樓上裝潢走台灣懷舊課室風格 細緻到餐具都好有特色😍-🍴台式魯肉便當🍴 $55牛腱 雞蛋 魯肉 蘿蔔 雞翼! 豐富到食都食唔哂😂 跟餐加$既百香果梳打 唔太甜同人工抵讚既係飯粒Q彈, 好驚D比魯肉浸淋哂既飯😖文青們都值得一去感受下學生時代既飯堂👧🏻👦🏻.幸福指數：8/10餐廳: 小時光Scoool Cafe觀塘興業街18號美興工業大廈A座1樓C室

工廠大廈有食堂，講到咁出名以為係正野，點知又係伏。同小老闆去試下，叫食台式豬扒飯。外表都算係吸引，食落先知衰。豬扒硬到痴筋，咬幾野先咬得斷，認真唔知係咪炸到肉質都變埋。最衰一樣既係，塊豬扒 - 凍。 叫完野食無耐就擺份野出黎，效率仲高過超級快餐店。可想而知。秘制醬汁又酸酸地，同炸豬扒一點都夾不來，究竟想整嘜野味道?去台灣咁多次都冇食過咁既味道。每一口都在破壞味蕾，以食物浪費生命，又失去人生的一個午餐。食堂服務生都堆在一起，談天說地。說著是自助式服務，那要這多服務生在，幹嘛?就是難食，好難食。

女朋友話想試下呢間，諗住呢間野係工廠大廈，都唔方好野，估唔到有意外驚喜喎。原來係食台式野既，環境特別，好似反左去小學時代咁。桌呀椅呀餐具呀，全部都好特別，又精心設計過。自助形式既點菜，即係快餐店啦，哈。叫左2樣野，夜市香酥雞便當＋台灣滷肉便當夜市香酥雞便當呢個香酥雞係OK既唔太差，D雞肉都算滑既，係合格既香酥雞。台灣滷肉便當呢個滷肉就真係要讚下，同其他方唔同，唔會太粒狀，有D咬口，而且佢D滷肉唔算太咸，可以送得飯黎又易入口。講真，黎呢度都係食環境同埋食漫畫，可以懷緬一下細個時既快樂，整體不錯既CAFE。

係公司OT完同同事係公司附近食飯本來對小時光都有點失望之前來食都係lunch time 都已經覺得一次比一次差今次同事話吾想食甘飽 又吾想行甘遠於是我地再比多一次機會佢我地一行五人 8pm左右到達等左大約十五分鐘左右就入得去啦我地每人揀好餐之後就搵人出去買到拎餐時發現收銀員打錯單同返佢講 佢仲堅持係無打錯難道我地自己叫左咩會吾知嗎糾纏左一陣 終於明白錯咩話幫我地改返但最後我同事係叫左雞扒麵變左做雞扒飯都費事再叫佢改…我叫左紅燒牛肉麵加凍的芭樂紅茶但湯味道好啖 但麵口感又麻麻唯一Ok係啲牛肉都算多 同幾「林」不過整體來說真係失望睇來吾會再有下次

之前睇電視介紹過，今日係附近做完野特登黎試，去到美興大廈有條樓梯仔 一上就係 去到正門 佈置得幾靚 仲有隻M&M 公仔係度 店鋪內分左幾個區，輔導室內位置較有私隱度及舒適， 適合情侶談心， 桌椅和其他佈置都很用心待應清一色是女生 而且穿著台灣校服 ，唯需多加注意儀容。食物方面屬中規中矩叫左一個排骨便當HK 58豬扒同飯只是微暖 感覺不太新鮮 肉質有點乾 如果配菜可以多一點及加15元有餐飲會好d

中伏加失望！之前一直都想去食，今日難得同朋友黎觀塘所以特意去小時光食午飯。餐廳位置都方便唔難搵，之後有個男侍應叫我地隨便搵位坐比埋餐牌我地，午餐有附送飲品，其中可以附送蘋果綠茶，其後我見到蜂蜜綠茶同蘋果綠茶價錢一樣，但我唔知可唔可咁樣轉，之後我行去收銀處到落單，我叫左個R1滷肉飯$58，之後問佢蘋果綠茶可唔可以轉峰蜜綠茶，個女侍應竟冷笑，然後同另一個職員講：「哼，又係依個問題。」當時我聽到唔知比咩反應好，我在諗其實係咪我有問題呢？唔應該問d愚蠢問題！之後佢話：「餐牌指定左係蘋果綠茶架啦冇得轉。」之後我坐番位等部感應器響。野食到，點知飯係凍的，d肉又"鞋"，而且冇味，我問我朋友，佢d飯都係凍，只能說真的中伏！我唔會再去依間食野，d人冇禮貌都算，食物都咁參差，$58完全唔值，如果只食個環境我覺得更加唔值！我只影了一張相

上網見有介紹呢間，價錢又唔貴，所以試下。佢係自助形式，要自己行去買野同攞餐~環境幾特別，連餐具都唔同D本人好鍾意食魯肉飯，自從去完台灣食完之後，就好掛住魯肉飯既味道。成日都想係香港搵返嗰種味道所以叫左黎試，點知好失望~只係好普通餐廳食到既味道。另外，叫左香酥雞，唔夠入味，好似差咁D sauce或者調味料咁不過份量都唔小香酥雞配既湯麵，唔錯湯底夠味，清清地幾好飲。麵又唔會太淋