小時光 (已結業)

睇左網上食評，一直想黎試下，咁啱去完開倉購物，就順路食埋。晚上的餐廳入口真係有D難找，好在都幾多文青來此店，可以跟住行。好多懷舊的玩具放著發現到長頭鹿先係主角。小小的section，仲有漫畫睇。工廠大厦環境好寛敞。點餐和取餐都係去後面，食完自己執返去角位area。台式三杯鷄不錯，食落雞帶有少少米酒的味道，雖然看到有九層塔，但是缺少九層塔的香味，不過配台灣米飯食很道地。配菜有芽菜、菜脯和白菜，如果份量可以多D就好啦！麻油雞麵線是分開上的，雖然雞腿很柴，即係好乾唔夠嫩滑，但係試下飲個湯頭，就知道大廚係有精心烹調過多，非常濃郁的麻油味，有薑、杞子和紅棗，又帶有米酒味，在冬天食真係幾補身。另麵線都好滑，好細心，冇放係個湯度上等佢發脹。綜合滷水拼盤，牛腱的肉和筋一齊食很有嚼勁，蘿蔔、雞蛋和豬耳都滷得好入味，可惜豆干可以再滷耐D。黑糖奶茶在香港很少見，很貼心的附送黑糖啫喱加入去飲，飲起黎就冇咁單調。飲完仲有長頸鹿出現，好得意呀！